نفسي أفهم، يا ريت حد يفهمني حقيقي

[aymonded]

نفسي افهم حاجة واحدة بس:
ليه بيطلع على الفضائيات المسيحية اللي جابت لي الضغط والناس تقول لكل من تعدى علينا ولمصر والسعودية وكل البلاد العربية : [ هاتشوفوا أيام سودا أسود من شعر رؤوسكم لأنكم اعتديتوا على أبناء الملك أبناء يسوع، لأن ربنا يسوع قال مبارك شعبي مصر وهايوريكم ] !!!!
هما نسوا محبة الله ، نسوا ان الله محبة والرب المسيح اللي بيقولوا هايوريكم أنه قال : أحبوا أعداءكم باركوا لاعنيكم إحسنوا إلى مبغضيكم وصلوا لأجل الذين يسيئون إليكم ويطردونكم (مت: 44)، أحبوا أعداءكم واحسنوا واقرضوا وأنتم لا ترجون شيئاً فيكون أجركم عظيماً وتكونوا بني العلي فأنه منعم على غير الشاكرين والأشرار (لو6: 35)

نسوا أبينا الذي يُشرق شمسه على الأشرار والأبرار، أبينا الذي يرحمنا ويغفر خطايانا الكثيرة !!!
فأن كنا نرى الناس كلها أخطأت فمن منا بلا خطية ولم يُخطأ لله وفي حق الإنجيل لأنه لم يعيشه فليرمهم أولاً بحجر !!!
رسالتنا ليست رسالة تهديد ووعيد، لأن كل من نطق بهذا الكلام لم يعرف المسيح ولا ابصره في قلبه، لأنه لم يعرف المسيح ولا يفهم صليبه، لأن صليبه صليب المصالحة ورفع العداوة ، صليبة رحمة ومحبة العالم كله الأشرار قبل الصالحين والفجار قبل الطاهرين، فاستفيقوا يا من دُعيَّ عليهم اسم المسيح !!!!
فعوض أن نقول أن ربنا هيوريكم فلنصلي علشان ربنا لا يُقيم لهم هذه الخطية ، نسيتوا كلام الرب لصالبيه، ونسيتوا كلام القديس استفانوس أول الشمامسة وأول الشهداء لما قال كما قال الرب نفسه : [ أغفر لهم لأنهم لا يفهمون ماذا يفعلون ]يا إخوتي باركوا ولا تلعنوا، اظهروا محبة المسيح لا انتقامه ، فالرب أن كان يدافع عنا، فهو يدافع عنا بالبرّ وإعلان محبته ليكون شهادة حيه لجيل فاسق شرير لا يطلب الله ولا يعرفه، فلنعلن الحق والمحبة ونعلم أن للرب الأرض وملؤها وهو الذي يحكم في القلوب والضمائر ولسنا نحن لأننا لا نُجازي أحد عن شر بشر، ولا نهدد أحد ولا نرهب إنسان ولا نقول أن الرب ينتقم من أحد بل نعلن المحبة ونترك للرب الحكم وحده ولا نتكلم عن حكم ولا دينونة، لأننا لسنا من دينونة ولكننا نحمل ناموس روح الحياة في المسيح يسوع الذي أنقذنا من ناموس الخطية والموت، ولنترك الدينونة للرب وحده فقط لأنه هو الذي يُدين، وتذكروا كلمات القديس بولس الرسول: [ من أنت الذي تُدين عبد غيرك هو لمولاه يثبت أو يسقط ولكنه سيثبت لأن الله قادر أن يُثبته ] (رو14: 4)
فارجوكم يا إخوتي : [ إبغضوا الشر وأحبوا الخير وثبتوا الحق في الباب لعل الرب إله الجنود يتراءف على بقية يوسف ] (عاموس5: 15)، [ اكرموا الجميع أحبوا الإخوة خافوا الله ] (1بط2: 17)

[aymonded]

أحب بس أوريلكم عينه من كلام الناس لما كلمتهم من الإنجيل قالوا الآتي:
[ سيبك بقى من كلام الإنجيل والروحيات دية لأننا في زمن لازم كل واحد ياخد فيه حقه بايده، إنجيل ايه اللي بتتكلم عنه ده دلوقتي ، ده مش وقته خالص، واحب اقول لك أنا خادم وشماس كمان وحافظ كلام أكتر منك ، ولكن لازم تعرف أن الأرض ارضنا ومن حقنا، ولازم ناخد حقنا بنفسنا بلاش كلام إنشا وتقول الرب يدافع عنكم وأنتم صامتون ده كلام بقى مش له معنى، لأن معنى كده أننا نسكت ، بلاش شغل مدارس الأحد ده اللي كلنا حفظناه وخبنا بسببه ، واحنا لازم نوري العالم كله أننا اقباط وصوتنا عالي ولازم نصرخ ونتكلم والناس كلها تسمع وبلاش تقولي إنجيل وصلاة وكلام من ده، كفاية بقى ضلال للشعب ووعظ مش منه فايده، وخليلك انت الصوم والصلاه خليها تنفعك، وخلي لنا أحنا الثورة لأننا رجاله مش شوية عيال ]

!!! ولا تعليــــــــــق !!!

[aymonded]

صحيح واحب أسأل هو احنا هاندافع عن المسيح بإيدينا كما قيل من أحدى التعليقات على الفضائيات المسيحية !!!!
هل المسيح الرب قال دافعوا عني بأيديكم وادفعوا الشر بقوتكم !!! وأن كل واحد آخر يختلف عن ديني يبقى ابن شيطان ومرفوض من الله
وهل نحن أخذنا توكيل من الله بالحكم في ضمائر الناس ونعرف ما في النيات !!!
وعجبي وألف عجب على كل مسيحي لا يعرف المسيح ويندفع بمشاعر ليست من روح الله لتبغض الآخر وتنطق بإنجيل آخر غير إنجيل المسيح !!!

[الناى الحزين]

الناس بتقول كدا من غولبهم يا استاذنا
من القهر اللى عايشين فيه وشايفينه
ده مش مبرر لكن ده احساسى الشخصى
لكن لى سؤال محيرنى هو ليه الناس اللى بتقول كدا وبتقول اكتر من كدا
لما يشتد عليها الضيق قوى ويحسو انهم ضعاف جدا
يرجعوا يقولو ربنا موجود وهو هيتصرف وهو اللى هيجيبلنا حقنا
طب ما كان من الاول
!!!!!!!!!!!!!!!!!!!!!!

[aymonded]

الناس بتقول كدا من غولبهم يا استاذنا
من القهر اللى عايشين فيه وشايفينه
ده مش مبرر لكن ده احساسى الشخصى
لكن لى سؤال محيرنى هو ليه الناس اللى بتقول كدا وبتقول اكتر من كدا
لما يشتد عليها الضيق قوى ويحسو انهم ضعاف جدا
يرجعوا يقولو ربنا موجود وهو هيتصرف وهو اللى هيجيبلنا حقنا
طب ما كان من الاول
!!!!!!!!!!!!!!!!!!!!!!



مهو ده الغريب الكل عارف ومتأكد أن من غير الله مش فينا حد نافع ولا هايساوي حاجة، ولكن بيعاندوا لأن الإيمان بقى = 0 للأسف، وعدم اللالتصاق بالرب جعل الناس تفقد كل حكمة واصبحوا يصيحون بقدراتهم الشخصية ليدافعوا عن المسيح والكنيسة وكأن الله لا يقدر وضعيف، ولأن الكل تخلى عن ذكره في قلبه ومخدعه، فترك الرب الشعب للمحنه ليستفيق ويعود إليه...
وعموماً المشاكل كلها تتلخص في نسيان الناس كلهم كلام المسيح الرب بسبب عدم التعليم وتمسك بعض الكهنة بالسياسة والتصاق الخدام ومعلمي الكنيسة بالعالم ولم ينطقوا بتعليم الرب وتركوا الشعب يتردى في عدم المعرفة لذلك يهلكون، وقد نسوا كلهم خداماً ومخدومين معلمين ومتعلمين قول الرب وكلامه وتحذيره : [ أفلا ينصف الله مختاريه الصارخين إليه نهاراً و ليلاً وهو متمهل عليهم. أقول لكم أنه ينصفهم سريعاً ولكن متى جاء ابن الانسان ألعله يجد الإيمان على الأرض ] (لوقا18: 7 - 8)
وأوقات الفرج لن تأتي لشعب لا يُريد أن يتسفيق ويرجع للرب لأن هذا هو الحل لفك الضيق وإعلان مجد الله وسط مختاريه الذين يحبونه : [ فتوبوا وارجعوا لتمحى خطاياكم لكي تأتي أوقات الفرج من وجه الرب ] (أعمال3: 19)
هذه الأيام الصعبة لامتحان الإيمان والرجوع للرب بكل القلب لأنه مكتوب: + كانوا لامتحان إسرائيل بهم لكي يعلم هل يسمعون وصايا الرب التي أوصى بها آباءهم عن يد موسى (قضاة3: 4)
+ وأدخل الثلث في النار وأُمحصهم كمحص الفضة وامتحنهم امتحان الذهب هو يدعو باسمي وأنا أُجيبه أقول هو شعبي وهو يقول الرب إلهي (زكريا13: 9)
+ أيها الأحباء لا تستغربوا البلوى المحرقة التي بينكم حادثة لأجل امتحانكم كأنه أصابكم أمرٌ غريب (1بطرس4: 12)
+ عالمين ان امتحان إيمانكم يُنشئ صبراً (يعقوب1: 3)

فلنتب ونهتم بوصية الله وننتبه إليها ونطلب قوة تجديد وتغير في القلب من الله ولنعلم أنه مكتوب : [ وأما غاية الوصية فهي المحبة من قلب طاهر وضمير صالح وإيمان بلا رياء ] (1تيموثاوس1: 5)

النعمة معك يا أجمل أخ حلو، ولنصلي بعضنا لأجل بعض آمين

[emmmy]

الناس اللي ع الفضائيات دي ناس بتتكلم بالطريقه دي٠
وع فكره ده رأئي شخصي
بتتكلم بدافع كبت ومشاعر بغضه مش بدافع انتشار كلمه ربنا أو تعاليمه لأن دي مش تعاليم ربنا خالص
بدليل إن أغلبيتم عرب لحأؤا للإختباء وراء ستار القنوات دي بحجه إنها فيها حريه وإحترام الرأي
مع إن اللي بيشهد للمسيح وبيتكلم عنه المفروض ميخافشي من أي شي لأن كلام المسيح مفهوش حاجه تخوف أو يسبب مشكله مع أحد

بحييك يا إستاذ أيمن ع الموضوع الأكثر من رائع ده وع اللفته المهمه دي
الرب يباركك ‏‎ ‎

[emmmy]

الناس اللي ع الفضائيات دي ناس بتتكلم بالطريقه دي٠
وع فكره ده رأئي شخصي
بتتكلم بدافع كبت ومشاعر بغضه لاسباب معينه في حياتهم خاصه بيهم مش بدافع انتشار كلمه ربنا أو تعاليمه لأن دي مش تعاليم ربنا خالص
بدليل إن أغلبيتم عرب لحأؤا للإختباء وراء ستار القنوات دي بحجه إنها فيها حريه وإحترام الرأي
مع إن اللي بيشهد للمسيح وبيتكلم عنه المفروض ميخافشي من أي شي لأن كلام المسيح مفهوش حاجه تخوف أو يسبب مشكله مع أحد

بحييك يا إستاذ أيمن ع الموضوع الأكثر من رائع ده وع اللفته المهمه دي
الرب يباركك ‏‎ ‎

[aymonded]

ربنا يسامح كل من زور الحق ويكرز بإنجيل آخر وضيع وراه نفوس لا تعرف شمالها من يمينها، مشجعاً كل من لم يعرف وصية الله وطرحها عنه لكي يزيد على خطيئته خطية ويزداد شراً وبعداً عن الله الحي، ربنا يسامح كل من في قناوت مسيحية غريبة عن روح المسيح وتنطق بالإنجيل تحرفه عن تعليم المسيح وتزرع تعاليم شياطين وفرقة وخصومة لتعلن الباطل محولة كل تعليم لصالح فكرهم وجمع أموال وكرامة ذواتهم وجلوسهم على كراسي الزعماء فاسدي الزهن محولين الناس عن المسيح وطرح وصية الله، ويُسامح أمثالهم ممن لا يعرفون الرب ويكرزون بإنجيل آخر، وليس لي إلا أن أقول ما قاله النبي الرائي إرميا حبيب الله الذي أعلن حزنه على شعبه قائلاً :
[ الكهنة لم يقولوا أين هو الرب، وأهل الشريعة لم يعرفوني والرعاة عصوا عليَّ والأنبياء تنبأوا ببعل وذهبوا وراء ما لا ينفع. لذلك أُخاصمكم بعد يقول الرب و بني بنيكم أخاصم. فاعبروا جزائر كتيم وانظروا وارسلوا إلى قيدار و انتبهوا جداً وانظروا هل صار مثل هذا. هل بدلت أمة إلهة وهي ليست إلهة أما شعبي فقد بدل مجده بما لا ينفع. أبهتي أيتها السماوات من هذا واقشعري و تحيري جداً يقول الرب. لأن شعبي عمل شرين تركوني أنا ينبوع المياه الحية لينقروا لأنفسهم آباراً آباراً مشققة لا تضبط ماء ... لماذا تخاصمونني كلكم عصيتموني يقول الرب ] (إرميا2: 8 - 13، 29)
[ حدتم عن فرائضي ولم تحفظوها ارجعوا إلي أرجع إليكم قال رب الجنود فقلتم بماذا نرجع ] (ملاخي3: 7)
[ هكذا قال رب الجنود ارجعوا إلي يقول رب الجنود فارجع إليكم يقول رب الجنود ] (زكريا1: 3)

يا اله الجنود ارجعن اطلع من السماء وانظر وتعهد هذه الكرمة.
والغرس الذي غرسته يمينك والابن الذي اخترته لنفسك.
هي محروقة بنار مقطوعة من انتهار وجهك يبيدون.
لتكن يدك على رجل يمينك وعلى ابن آدم الذي اخترته لنفسك.
فلا نرتد عنك احينا فندعو باسمك.
يا رب إله الجنود ارجعنا أنر بوجهك فنخلص - (مزمور80: 14 - 19)

لنُصلي كلنا معاً ليعود الرب يرحمنا ويهدي قلوبنا ويرجعنا إليه ويجعلنا كلنا نستفيق لأن وعده قريب، الرب قريب آمين

[كيرو رافت]

انا معاااااااااااااك فى كل ما تقوله واكيد فيه كتير هايختلف معانا وعندهم حق
من وجهه نظر بشريه محدوده
وانا بجد عجبنى جدا احدى السيدات التى جائت فى احدى القنوات وهى احدى اخوات احد الشهداء وشكرت السيد المشير على كل مافعله الجيش
لانه قرب هولاء الشباب الى فاديهم ونالوا شرف الشهاده
وانا بشكره من كل قلبى لانه بيؤكد على صدق وكلام الانجيل من ناحيه مواجهه الضيقات والصعوبات
وما الجيش او المشير الا اداه لتحقيق كل ما وعد به الله
والمفروض لنا ان نقترب اكثر من فادينا لان الاوقات صعبه جدا
ونطلب من الله ان يغفر لهم وينير لهم الطريق
وبجد انا موش بكرههم ولا بحتفظ باى ضغينه لاعدائنا لان كل شئ مكتوب وقد اخبرنا به سابقا
فلماذا اكره ولماذا احقد

ده رائي الشخصى

[aymonded]

عموماً يا جميل الرب هو اللي قال أننا نحب أعدائنا ونبارك لاعنينا، وكمان نبهنا اننا نكون حكماء كالحيات بسطاء كالحمام ونتعلم منه الوداعة وتواضع القلب، ونزرع السلام، ولم يأمرنا بثورة ولم يوصي الكهنة أن يكونوا زعماء حزب يخرجوا أولاد الكنيسة ليموتوا وهم على علم اليقين أن هذا سيحدث كما سبق وحدث، فلماذا فقدنا الحكمة وبتهور واندفاع القليلي الحكمة فكرنا أننا نصنع شهادء قضية وليس شهداء المسيح الرب رأس الكنيسة الحقيقي والمدافع الوحيد عنها فقط لا غير، لأن لم يطلبنا أحد للشهادة بل هي ثورة أناس ليس لديهم حكمة الله، ساروا على غرار ثورة وطن ونطقوا بنفس كلمات الثورة وتعلموا وشابهوا العالم على نفس ذات الشكل والصورة، مع أن كُتب على المسيح الرب أنه لا يصيح ولا يسمع أحد في الشوارع صوته، ولم تنادي الكنيسة قط في يوم من الأيام بمقولة تكسف وتفضح قلة التعليم الإلهي في القلوب حسب الإنجيل: [ بالروح والدم نفديك يا صليب ] هل هذا تعبير مسيحي أصيل وحسب التعليم إلهي وناس خارجة تشهد للمسيح!!! روح إيه ودم إيه اللي هانفدي به الصليب اللي هو أساس فدائنا لأنه سُفك عليه دم ابن الله الحي لكي يفدينا ويطهر أعماق قلوبنا، فهل نحن سنفدي صليب المسيح !!!

ايه التعليم الغريب ده واللي مش في حد من معلمي الكنيسة صحح التعليم وانتبه لخطأ فادح يكاد يعصف بشعب المسيح كله بنشر تعليم خطأ بحجة ثورة وتصحيح وضع اجتماعي، ولا يقل ده مجرد تعبير ولو انه خطأ ولكن معلشي نسيبهم مش وقت توضيح (هذا عذر أقبح من ذنب )، طب الشعب جاهل ومعزور لأن معلميه مش فاضيين يعلموا تعليم المسيح وراهم مشغوليات تانية نعذرهم معلش، ونسيب الشعب في حالة فلس روحي من تعليم الحياة الذي أوصاه الرب لتلاميذه ولكل معلم بقى له دور آخر في هذا الزمان المنحل ونسي وصية الرب : [ وعلموهم أن يحفظوا جميع ما أوصيتكم به وها أنا معكم كل الأيام إلى انقضاء الدهر آمين ] (متى28: 20)...
يا معلمي الشعب المؤتمنين على تعليم الرب ووصاياه هل علمتم الشعب أن يحفظوا جميع ما أوصاكم به، هل رسختوا إيمانهم ان الرب معهم أن تمسكوا بيده لأن الذين في يده لا يستطيع أحد ان يخطفهم منه، والذين تركوا يده وبحثوا عن آخر يدافع عن الكنيسة ويحرسها، ماذا يفعلون !!! ألا تعلمون أيها الذين تركوا واجبهم وعملهم ان الرب سيظهر ويدين المسكونة بالعدل: [ أقول لكم أن كل من له يُعطى ومن ليس له فالذي عنده يؤخذ منه ] (انظر لوقا19: 12 - 26)

أليس واجب المعلمين أن يصححوا الوضع الإيماني والروحي قبل أي شيء آخر، ياخسارة المعلمين وكهنة المسيح الذين تركوا التعليم وتزعموا الشعب ليقلبوا الكنيسة لحزب سياسي ليس فيه روح الله ولا حكمة القديسين !!!
وربنا قادر ان يتوب الجميع لأنه قريب وسيأتي حسب وعده لعله يجد الإيمان على الأرض: [ فلنخف أنه مع بقاء وعد بالدخول إلى راحته يرى أحد منكم أنه قد خاب منه ] (عبرانيين4: 1)؛ أقبل مني كل حب وتقدير؛ النعمة معك كل حين آمين

[elphilasouf]

كلامك هو روح الإنجيل والمسيحي الحقيقي
ياريت الروح دي عند كل المسيحيين
للأسف الضيق أعمي عيون الضعفاء وجعلهم وهم قليلي الحيله يفعلون عكس روح الإنجيل

[aymonded]

كلامك هو روح الإنجيل والمسيحي الحقيقي
ياريت الروح دي عند كل المسيحيين
للأسف الضيق أعمي عيون الضعفاء وجعلهم وهم قليلي الحيله يفعلون عكس روح الإنجيل



بصراحة يا صديقي الحلو أنت جبت المفيد من الآخر اللي مش في حد عايز يعترف بيه ولكن المشكلة كلها لا ترتكز على الضعفاء، لأنه مكتوب : [ فيجب علينا نحن الأقوياء أن نحتمل أضعاف الضعفاء ] (رو15: 1)
فالمسكلة كلها ترتكز على المعلمين الذين تركوا الشعب في هذه الحالة، ولكن عجبني ابونا مكاري لأنه تكلم بما يتفق مع روح الله ونبه الشعب لكل افعالهم الخاطئة وركز على أن هذه المظاهرات ليست من روح المسيح وتكلم عن مقولة بالروح والدم نفديك يا صليب وغلطها جداً وشرح المعنى الصحيح والسليم ولم يترك الشعب يتخبط في ظلام عدم المعرفة التي أهلكت كثيرين، ودور المعلمين الحقيقي هو ما أوصاه الرب لهم : [ فاذهبوا وتلمذوا جميع الأمم وعمدوهم باسم الاب والابن والروح القدس. وعلموهم أن يحفظوا جميع ما أوصيتكم به وها أنا معكم كل الأيام إلى انقضاء الدهر آمين ] (متى28: 19 - 20)

أشكرك على تعليقك الحلو كعادتك يا أجمل أخ حلو
النعمة معك كل حين

[abanoub55]

انا راي بسيط جداً وهو ان الناس اللي بتطلع في بعض الفضائيات المسيحيه وليست كل الفضائيات هي ناس عاوزه قبل اي شيء تزود نسبة المشاهده و بتحقق ده عن طريق انها بتقول كلام نفس الناس تسمعه وهو ان ربنا هينتقم والكلام اللي يسير اعصاب الناس ومتنسوش ان في بعض البرامج بتتهم المسلمين في ديانتهم انا عاوز اي حد يتكلم يط نفسه الاول مكان الاخ المسلم اللي بيتهزا قدامه دينه هتعمل ايه اكيد هتثور ....ممكن تقول لا مش هثور...طيب تخيل انك سمعت في برنامج حد بيشتم مسيحك نعمل ايه؟؟؟مش هتسب وتعلن فيه
والاخ الشماس هقولك حاججتين بس ربنا قال: في الالم سيكون لكم ضيق.وكمان في العهد القديم ساعت طرد اسماعيل ربنا قال لابراهيم ساجعله امه عظيمه واجعل يده على قفا اخوه....يعني الكلام كله من قلب الانجيل ياخادم يافاهم..خلي الناس تحترمك من تعاملك معاهم وبعد كده قلهم دي تعاليم دينك واسف اني طولت

[aymonded]

انا راي بسيط جداً وهو ان الناس اللي بتطلع في بعض الفضائيات المسيحيه وليست كل الفضائيات هي ناس عاوزه قبل اي شيء تزود نسبة المشاهده و بتحقق ده عن طريق انها بتقول كلام نفس الناس تسمعه وهو ان ربنا هينتقم والكلام اللي يسير اعصاب الناس ومتنسوش ان في بعض البرامج بتتهم المسلمين في ديانتهم انا عاوز اي حد يتكلم يط نفسه الاول مكان الاخ المسلم اللي بيتهزا قدامه دينه هتعمل ايه اكيد هتثور ....ممكن تقول لا مش هثور...طيب تخيل انك سمعت في برنامج حد بيشتم مسيحك نعمل ايه؟؟؟مش هتسب وتعلن فيه
والاخ الشماس هقولك حاججتين بس ربنا قال: في الالم سيكون لكم ضيق.وكمان في العهد القديم ساعت طرد اسماعيل ربنا قال لابراهيم ساجعله امه عظيمه واجعل يده على قفا اخوه....يعني الكلام كله من قلب الانجيل ياخادم يافاهم..خلي الناس تحترمك من تعاملك معاهم وبعد كده قلهم دي تعاليم دينك واسف اني طولت

بصراحة تعليقك واقعي جداً ومهم للغاية واشكرك صدقاً عليه، لك مني تحية محبة لشخصك الجميل، النعمة تملأ قلبك سلام ومسرة آمين

[folla]

الشئ الوحيد اللي بيجمع الناس دي هي إنهم خارج مصر وأتحدى أي واحد فيهم إنه يقدر يقول الكلام ده لو كانوا ف مصر. الناس دي هم السبب اللي فضلوا يشجعوا السذج من شعبنا قبل مذبحة ماسبيرو بأيام على الخروج للمسيرة بدافع حرية التعبير عن الرأي وإستغلوا حالتهم النفسية وأثروا عليهم بدافع إن ده واجب ديني وأن المسيح بيبارك العمل ده وإستطاعوا أن يسوقوهم كالغنم في الشوارع للذبح مع العلم بأن أغلب الذين خرجوا للتظاهر لم يعرفوا حتى أن يميزوا صوت الروح القدس وللأسف إحنا اللي دفعنا الثمن حتى لو كان هناك شهداء للمسيح لكن المرار زاد والألم ساد والحزن إكتمل وللأسف إلى اليوم لم يفهم أحد ولايرد أحد أن يفهم أن الرب لا يحتاج لمظاهرة عشان مبنى . أرجوكم يا شعب المسيح إحتملوني في كلامي وفهموني لو كنت بتكلم غلط. الرب مش محتاج ثورة من أجل مبنى . الرب عاوز ثورة للقلوب تتغير فيها وترجع له بتوبه حقيقية وتعرفه إن هو الرب وحده . هو الأب . وقتها بس مش هنحس باليتم ولا العوز حتى وسط الألم لأننا هنكون فيه وهو فينا وهنعرف وقتها نميز صوته وهنصليله ببساطة وهيسمعنا وهيشفي أرضنا مهما كانت حالتها كما قال (إذا تواضع شعبي الذين دعي أسمي عليهم وصولوا وطلبوا وجهي ورجعوا عن طرقهم الردية فإني أسمع من السماء وأغفر خطيتهم وأبرئ أرضهم ) هو ده الحل الوحيد . مذكرش هنا مقاومة ولا مظاهرة ولا إنتفاضة . وعشان إيه ؟؟ عشان مبنى ؟؟ هي الكنيسة أصبحت مبنى ؟ ده في إيدينا كل واحد فينا يكون كنيسة لوحده (ملكوت الله داخلكم) و الكنيسة هي جماعة المؤمنين مش المبنى .
يا فرحة المسيح وإحنا بنصرخ عشان مبنى وكراسي ووظائف كنسية ومفيش مرة صرخنا كلنا بقيادة الكنيسة من أجل خروف ضال أو مطرود .

[aymonded]

الشئ الوحيد اللي بيجمع الناس دي هي إنهم خارج مصر وأتحدى أي واحد فيهم إنه يقدر يقول الكلام ده لو كانوا ف مصر. الناس دي هم السبب اللي فضلوا يشجعوا السذج من شعبنا قبل مذبحة ماسبيرو بأيام على الخروج للمسيرة بدافع حرية التعبير عن الرأي وإستغلوا حالتهم النفسية وأثروا عليهم بدافع إن ده واجب ديني وأن المسيح بيبارك العمل ده وإستطاعوا أن يسوقوهم كالغنم في الشوارع للذبح مع العلم بأن أغلب الذين خرجوا للتظاهر لم يعرفوا حتى أن يميزوا صوت الروح القدس وللأسف إحنا اللي دفعنا الثمن حتى لو كان هناك شهداء للمسيح لكن المرار زاد والألم ساد والحزن إكتمل وللأسف إلى اليوم لم يفهم أحد ولايرد أحد أن يفهم أن الرب لا يحتاج لمظاهرة عشان مبنى . أرجوكم يا شعب المسيح إحتملوني في كلامي وفهموني لو كنت بتكلم غلط. الرب مش محتاج ثورة من أجل مبنى . الرب عاوز ثورة للقلوب تتغير فيها وترجع له بتوبه حقيقية وتعرفه إن هو الرب وحده . هو الأب . وقتها بس مش هنحس باليتم ولا العوز حتى وسط الألم لأننا هنكون فيه وهو فينا وهنعرف وقتها نميز صوته وهنصليله ببساطة وهيسمعنا وهيشفي أرضنا مهما كانت حالتها كما قال (إذا تواضع شعبي الذين دعي أسمي عليهم وصولوا وطلبوا وجهي ورجعوا عن طرقهم الردية فإني أسمع من السماء وأغفر خطيتهم وأبرئ أرضهم ) هو ده الحل الوحيد . مذكرش هنا مقاومة ولا مظاهرة ولا إنتفاضة . وعشان إيه ؟؟ عشان مبنى ؟؟ هي الكنيسة أصبحت مبنى ؟ ده في إيدينا كل واحد فينا يكون كنيسة لوحده (ملكوت الله داخلكم) و الكنيسة هي جماعة المؤمنين مش المبنى .
يا فرحة المسيح وإحنا بنصرخ عشان مبنى وكراسي ووظائف كنسية ومفيش مرة صرخنا كلنا بقيادة الكنيسة من أجل خروف ضال أو مطرود .

يا لروعة تدقيقك وشعورك الصادق بكلمة الله النابضة بالحياة، وأؤيدك بكل كلمة قلتيها يا أجمل أخت حلوة واعية لملكوت الله وعمل المسيح الرب إلهنا القدوس، ولنُصلي لله الحي لكي يعين ضعفاتنا ويسند شعبه ويفتح عينيه ليرى ويُبصر خلاص الله الحي، واشكرك عن صدق لأجل جمال كلمة الحق الخارجة من فمك، أقبلي مني كل الاحترام والتقدير لشخصك المستنير؛ النعمة معك

[رويس]

في واحد نصاب بيظهر كل شوية مرة بلبس واحد كاهن ومرة بلس راهب، وده اساسا مشلوح.
وهو اللي شتم على محافظ اسوان والمشير في الفيديو اللي قبل ماسبيرو وبسببة تم التوجية بعض التهم للاباء الكهنة بالتحريض، ياريت ننشر صورة في كل المنتديات ونحذر منه.
بخصوص بعض الهتافات اللي بتعبر عن وعي الناس زي "بالروح بالدم نفديك يا صليب"، فأنا اتذكر جيدا اول مرة ظهر هذا الهتاف كتب عنه ابونا يوحنا نصيف في حاجة كده اسمها شذرات روحية (مش متذكر بتالحديد) بتصدر عن الكنيسة المرقسية في الاسكندرية وقال "مين اللي يفدي مين؟ احنا نفدي الصليب وبالدم؟ ولا الصليب هو اللي فدانا وبدم المسيح؟".
حاجة تانية ودي مضايقاني من فترة كبيرة بس محدش يستغرب "موضوع التصفيق اللي بيعمله الناس في عظة البابا" لو البابا حك كحة الناس تصقف!!! مش فاهم في ايه؟ احنا في مسرح وبصقف عن بعض المشاهد ولا احنا جايين نسمع كلمة ربنا؟ واتحولت العظة بتاعة البابا شنودة اللي كانت بتقعد 3 ساعات زمان الي يدوب 10 دقايق بالظبط (بعد حذف الزغاريد والتصفيق والهتافات) .. وده كان باين اوي ان في الاحتفال الاخير بتاعة جلوس البابا بالذات الأب الكاهن اللي كان جاي من فرنسا وقال قصيدة باللغة العربية وجه في الاخر قال حاجة بالفرنساوي راحت الناس صقف وصفرت وهتفت!!!! يمكن انا الوحيد اللي مش بعرف فرنساوي (واللي كان احتفال بصراحة كسفنا قدام العالم، اربع بطاركة مرة واحدة عندنا ومش عارفين نجيب فريق يعمل تنظيم للحفل، لا في طرابيزة الباباوات يقعدوا عليها، مفيش مايكروفونات مثبته لكل واحد، مفيش مترجم للغه الانجليزية، مفيش حد للصم والبكم بلغة الاشارات، كورال الترانيم مفيش قدامهم مايكات، واللي بيشغل الموسيقى لازم ام الاله الموسيقية في أم الميكروفون ومش سامعين كلمات اللي بترنم، غير ان مفيش ازايز مياة قدام الباباوات خاصة ان في واحد كان تعبان ومش قادر يقف وانا اتخيل ان هذا البابا يتعاطي علاج او حتى بدون علاج على الاقل لطول الاحتفال كان يجب ان يكون هناك زجاجات مياة، دا غير ان المفروض عند كل متكلم المفروض اول ما يبتدي الكلام ينزل على شاشة التيليفزيون اسمه ورتبته ولكن كان واضح يااما التعصب او عدم الوعي ان مفيش غير اسم البابا شنودة هو اللي بيظهر فقط وعلي وكأن الناس دي موجوده والترانيم والهتافات والتقديمات اللي بتتكلم عن البابا فقط وكأن مفيش حد قاعد جنبه!!!... دا غير تعليقات وكلمات من تحت للتحت في بعض كلمات وتقديم بعض الباباوات بانهم البابا الاعظم للكذا في العالم كله و ... إلخ إلخ) المهم اني لما ابص على بعض حفالات ام كلثوم ونجاة الصغيرة وفايروز الاقي الناس عارفه بالظبط امتي بتصقف وامتى بتسكت علشان تسمع - مع الفارق - بقيت وعظة يوم الأربعاء ما هو الا ماراثون بين من هو اكثر هتافا واعلى صوتا واقوي تصفيقا وتصفيراً!

[aymonded]

ههههههههههههه انت كده هاتخلي الناس تضربنا، بس انت عدك حق في كل اللي قلته يا جميل، بس مين بقى اللي يوعي الشعب اللي مش عايز يتعلم وبيتعصب ويتشدد مع أن البطاركة دول معنا واحد في نفس الإيمان ونفس الكنيسة والنفس ذات العقيدة وهما مساويين بالظبط للبابا شنودة بلا اي فرق أو تفريق، وعجبي...

المسيح يسوع يعطينا كلنا استنارة ويقودنا في نور معرفتة حسب الحق المُعلن في الإنجيل، ولنُصلي بعضنا لأجل بعض ولأجل كل إخوتنا، كن معافاً باسم الرب وفي روح وداعة يسوع آمين

[عماد حسنى]

الشئ الوحيد اللي بيجمع الناس دي هي إنهم خارج مصر وأتحدى أي واحد فيهم إنه يقدر يقول الكلام ده لو كانوا ف مصر. الناس دي هم السبب اللي فضلوا يشجعوا السذج من شعبنا قبل مذبحة ماسبيرو بأيام على الخروج للمسيرة بدافع حرية التعبير عن الرأي وإستغلوا حالتهم النفسية وأثروا عليهم بدافع إن ده واجب ديني وأن المسيح بيبارك العمل ده وإستطاعوا أن يسوقوهم كالغنم في الشوارع للذبح مع العلم بأن أغلب الذين خرجوا للتظاهر لم يعرفوا حتى أن يميزوا صوت الروح القدس وللأسف إحنا اللي دفعنا الثمن حتى لو كان هناك شهداء للمسيح لكن المرار زاد والألم ساد والحزن إكتمل وللأسف إلى اليوم لم يفهم أحد ولايرد أحد أن يفهم أن الرب لا يحتاج لمظاهرة عشان مبنى . أرجوكم يا شعب المسيح إحتملوني في كلامي وفهموني لو كنت بتكلم غلط. الرب مش محتاج ثورة من أجل مبنى . الرب عاوز ثورة للقلوب تتغير فيها وترجع له بتوبه حقيقية وتعرفه إن هو الرب وحده . هو الأب . وقتها بس مش هنحس باليتم ولا العوز حتى وسط الألم لأننا هنكون فيه وهو فينا وهنعرف وقتها نميز صوته وهنصليله ببساطة وهيسمعنا وهيشفي أرضنا مهما كانت حالتها كما قال (إذا تواضع شعبي الذين دعي أسمي عليهم وصولوا وطلبوا وجهي ورجعوا عن طرقهم الردية فإني أسمع من السماء وأغفر خطيتهم وأبرئ أرضهم ) هو ده الحل الوحيد . مذكرش هنا مقاومة ولا مظاهرة ولا إنتفاضة . وعشان إيه ؟؟ عشان مبنى ؟؟ هي الكنيسة أصبحت مبنى ؟ ده في إيدينا كل واحد فينا يكون كنيسة لوحده (ملكوت الله داخلكم) و الكنيسة هي جماعة المؤمنين مش المبنى .
يا فرحة المسيح وإحنا بنصرخ عشان مبنى وكراسي ووظائف كنسية ومفيش مرة صرخنا كلنا بقيادة الكنيسة من أجل خروف ضال أو مطرود .

ياريت الكل يفهم ويعمل ويعيش بكدا
من اقوى الردود فى موضوعك يا استاذ ايمن
ومؤيد جدا جدا جدا لنفس الرأى
ربنا بحكمته وسلطانه وقوته يغيير ويقوى الضعاف والاقوياء ..
لان الكل تحت التجربه والكل بدون قوه الله لا شىء

شكرا جدا جدا لمناقشتك وموضوعك المهم

[aymonded]

عندك حق يا أجمل عمده بس مين اللي يسمع
ومين الي يحمل في قلبه الإنجيل معاشاً
ملتمساً المعونة من رب المعونة والمجد
لنُصلي بعضنا لأجل بعض
النعمة معك

[emmmy]

هو إيه ده أنا مش فاهمه حاجه من المناقشه الأخيره دي
هو إنت حضرت الإحتفال يارويس ولا كل كلامك ده بناءآ علي مشاهده فيديوهات وتلفزيون؟؟
مأظنش يعني إن كنيستا هتأثر مع الضيوف بالشكل ده
هو بصراحه طبيعي إن الأنوار كلها تبقي مركزه علي سيدنا البابا شنوده عادي يعني
هو مين ده اللي في نفس مكانه البابا يا إستاذ أيمن وزيهم زيه؟؟
موضوع التصقيف انا معاك فعلآ زاد عن حده وبقي دمه تقيل جدآ سيدنا رافضه ودايمآ بيسكتهم قد ما بيقدر
بس إحنا اللي شعب عاطفي متخلف للأسف رافض حتي يفهم

[aymonded]

هههههههههههههه يا محبوبة الله كل اللي حاضرين من هؤلاء البطاركة مساويين للبابا شنودة في نفس المكانة والرتبة، لأننا واحد في نفس الإيمان والعقيدة، كنيسة واحدة على نفس ذات المستوى أرثوذكس لا خلقودونيين، وهما بطاركة للكنائس مساويين للبابا شنودة في كل شيء في نفس ذات المكانة، انتي اول مرة تسمعي عنهم والا ايه !!!

[aymonded]

الكنائس المتفقة معنا والتي تتبعنا في نفس ذات الإيمان والآباء والعقيدة تماماً والرتب أيضاً هي : الكنيسة الأرمنية الأرثوذكسية؛ والكنيسة الإثيوبية الأرثوذكسية؛ والكنيسة الإريترية الأرثوذكسية، والكنيسة السرياينة الأرثوذكسية طبعاً، وبطاركة هؤلاء الكنائس كانوا موجودين وحاضرين مع البابا شنودة في الاحتفال، وهما جميعاً متساويين في نفس ذات الرتبة والكراسي الرسولية ...

الكنيسة الرسولية الأرمنية، باللغة الأرمنية Հայաստանեայց Առաքելական Եկեղեցի (وتعرف أحياناً بالكنيسة الأرمنية الأرثوذكسية) هي من الكنائس الأرثوذكسية الشرقية التي لم تقبل مع كنائس شرقية أخرى عام 451 مقررات مجمع خلقدونية. وهي واحدة من بين أقدم كنائس العالم, وكانت أرمينيا هي أول بلد في العالم تعتبر الديانة المسيحية هي الدين الرسمى عام 301 م وذلك قبل منشور الامبراطور قسطنطين, وتشترك الكنيسة الارمنية مع كنائس الاقباط الأرثوذكس (الكرسي السكندري الرسولي)، السريان الأرثوذكس، الأحباش الأرثوذكس في العقيدة. ورأس الكنيسة الرسولية الأرمنية يدعى كاثوليكوس، ولا يجب الخلط بين ذلك والكنيسة الكاثوليكية.

كنيسة التوحيد الأرثوذكسية الإثيوبية وهي من الكنائس الأرثوذكسية المشرقية انفصلت عن الكنيسة القبطية الأرثوذكسية عام 1959م حين منح البابا كيرلس السادس رأسها لقب بطريرك، وبحسب مصادر الكنيسة فإن عدد أتباعها يبلغ 40 مليون شخص، وهي بذلك أكبر كنيسة شرقية. ومقرها مدينة أكسوم بإثيوبيا، وهي تتساوى مع الكنيسة الرسولية الأرمنية والكنيسة القبطية الأرثوذكسية.


كنيسة التوحيد الأرثوذكسية الإيرترية هي كنيسة أرثوذكسية مشرقية، كانت في البدء جزء من كنيسة التوحيد الأرثوذكسية الإثيوبية، واعترف البطريرك الإثيوبي باستقلالها عقب استقلال إريتريا عن إثيوبيا عام 1993، عموماً باختصار، قد طالبت الحكومة الإريترية أيضا الكنيسة القبطية الأرثوذكسية أن تمنح أسقفية إريتريا وضع بطريركية، وعلى الرغم من التوترات الشديدة للإريتريين الأرثوذكس مع قيادة الكنيسة الإثيوبية، إلا أنهم حافظوا على الوحدة الكنسية العقائدية بينهما ومع بقية الكنائس الأرثوذكسية المشرقية. وفي عام 1993 نالت كنيسة التوحيد الأرثوذكسية الإريترية استقلالها الذاتي، وبطريركها الحالي هو الأنبا أنطونيوس منذ 5 آذار/مارس 2004 ومقره في العاصمة أسمرة. يبلغ تعداد أتباع هذه الكنيسة قرابة 1.700.000 فرد موزعين في إريتريا وفي بلدان المهجر. والكنيسة عضو في مجلس الكنائس العالمي منذ 2003.


لمحة سريعة عن الكنيسة الأثيوبية والإيرترية: وموضوع التصاق اسمها بكلمة التوحيد

إن تبني الكنيستين لكلمة التوحيد باسمها الرسمي، هو للدلالة على إيمانها بالطبيعة الواحدة للمسيح أي طبيعة الكلمة المتجسد، على غرار بقية الكنائس اللاخلقيدونية والتي تتشارك معها بالإيمان وهي الكنيسة القبطية الأرثوذكسية الكنيسة السريانية الأرثوذكسية والكنيسة الأرمنية الأرثوذكسية وكنيسة التوحيد الأرثوذكسية الإثيوبية وكنيسة ملنكارا الأرثوذكسية في الهند.
تًرجِع الكنيسة الأثيوبية بوادر دخول الديانة المسيحية إلى البلاد إلى القرن الأول الميلادي، حيث يروي الكتاب المقدس في سفر أعمال الرسل الفصل الثامن قصة تبشير وعماد أحد الموظفين الكبار في مملكة الحبشة على يد الشماس فيليبس.[ ثُمَّ إِنَّ مَلاَكَ الرَّبِّ كَلَّمَ فِيلُبُّسَ قِائلاً : قُمْ وَإذْهَبْ نَحْوَ الْجَنُوبِ عَلَى الطَّرِيقِ الْمُنْحَدِرَةِ مِنْ أُورُشَلِيمَ إِلَى غَزَّةَ الَّتِي هِيَ بَرِّيَّةٌ . فَقَامَ وَذَهَبَ. وَإِذَا رَجُلٌ حَبَشِيٌّ خَصِيٌّ وَزِيرٌ لِكَنْدَاكَةَ مَلِكَةِ الْحَبَشَةِ كَانَ عَلَى جَمِيعِ خَزَائِنِهَا. فَهَذَا كَانَ قَدْ جَاءَ إِلَى أُورُشَلِيمَ لِيَسْجُدَ ] (أعمال8: 26 - 27)، وبعد ذلك يتابع نص الكتاب المقدس عن كيفية شرح الشماس القديس فيلبس لذلك الخصي الحبشي عن نبوات النبي إشعياء التي تممها الرب يسوع المسيح، فآمن الرجل بالمسيح وطلب من القديس فيلبس أن يعمده فلبى طلبه وعمده في مياه صادفوها على الطريق، وكانت ملكة الحبشة في ذلك الزمان هي الملكة السابعة جيرساموت هنديكه { لاحظ قرب الاسم كنداكة الوارد في الكتاب المقدس باسم الملكة التاريخي هنديكه } وقد حكمت في الفترة ما بين 42 م إلى 52 م.
وفي القرن الرابع أصبحت الديانة المسيحية الديانة الرسمية لمملكة أكسوميت الأثيوبية في أيام الملك إيزانا، وذلك بفضل جهودالتبشيرية لفرومينتيوس السرياني الأصل والمعرف بإثيوبيا بـ Abba Selama, Kesaté Birhan أي أبو السلام وكاشف النور، وفي حداثته كان لفرومينتيوس هذا قد نجا مع شقيقه ايديسيوس من حادث غرق سفينة قبالة السواحل الإريتيرية، وبعد أن عثر عليهم السكان المحليون بيعوا كعبيد للقصر الملكي وكان يعتلي العرش آنذاك الملك أكسوم، وبعد مدة حظا الشقيقان بنعمة من الملك برفعهما إلى منزلة الثقة حيث قاما بتبشيره بالمسيحية، على إثر ذلك أرسل لفرومينتيوس إلى الإسكندرية من قبل الملك أكسوم للقاء البطريرك أثناسيوس الرسولي حاملاً إليه طلب الملك بتنصيب أسقف للمملكة، قبل القديس أثناسيوس طلب الملك وقام برسامة لفرومينتيوس نفسه كأول أسقف على أثيوبيا، ومنذ ذلك الوقت وحتى عام 1959 م كان بطريرك الأسكندرية للأقباط الأرثوذكس يلقب برئيس أساقفة الكنيسة الأثيوبيا، إلى أن تم رسامة بطرك رسمي عليها بيد البابا كيرلس السادس مع باقي آباء المجمع المقدس للكنيسة القبطية الأرثوذكسية، كما ذكرنا سابقاً...

هذه لمحة سريعة علشان اللي مش عارف هذه الكنائس يعرفها .... النعمة معك آمين

[aymonded]

الكنيسة السريانية الأرثوذكسية بالسريانية: ܥܕܬܐ ܣܘܪܝܝܬܐ ܬܪܝܨܬ ܫܘܒܚܐ عيتو سُريَيتو تريشُث شُبحو، هي كنيسة أنطاكية أرثوذكسية مشرقية، ومقرها دمشق تتمركز في منطقة الشرق الأوسط وينتشر أفرادها في مختلف بقاع العالم، وهي كنيسة مستقلة. مرتبطة بباقي الكنائس الأرثوذكسية بوحدة الإيمان والأسرار والتقليد الكنسي.

وتمتد ولاية البطريركية الأنطاكية إلى سوريا ولبنان والعراق والكويت وتركيا والهند وإيران والجزيرة العربية وأوروبا وأمريكا الشمالية وأمريكا الجنوبية والوسطى وأستراليا ونيوزيلندا. ويطلق على هذه الكنيسة تسميات أخرى كالمونوفيزية واليعقوبية نسبة ليعقوب البرادعي، ولكن الكنيسة السريانية اليوم ترفض تلك التسميات على الإطلاق.
ولغة الكنيسة الرسمية هي السريانية وتستخدم الكتابة السريانية في مخطوطاتها الدينية. وتتشارك هذه الكنيسة عقيدتها مع كل من الكنيسة القبطية الأرثوذكسية والكنيسة الأرمنية الأرثوذكسية والكنيسة الإثيوبية والكنيسة الإريترية. وترجع جذور هذه الكنيسة إلى بدايات المسيحية وتعتبر الكنيسة نفسها إحدى أقدم الكنائس وإن تسمية أو مصطلح مسيحي أطلقت لأول مرة على تلاميذ المسيح في هذه الكنيسة في أنطاكية/ سورية.
ولأسباب وتطورات سياسية نتجت عن انقسام الإمبراطورية الرومانية إلى الإمبراطورية الرومانية الشرقية والإمبراطورية الرومانية الغربية انقسمت الكنيسة المسيحية بدورها إلى كنيسة شرقية وغربية وتمركزت الغربية في روما وحدثت انشقاقات فيها لاحقا بظهور البروتستانتية بينما تمحورت الكنيسة الشرقية حول الإمبراطورية البيزنطية الشرقية وعاصمتها القسطنطينية، وإنقسمت الكنيسة الشرقية بدورها إلى العديد من الكنائس منها:


أرثوذكسية مشرقية مثل الكنيسة القبطية الأرثوذكسية وكنيسة أنطاكية (الكنيسة السريانية الأرثوذكسية) والكنيسة الأرمنية والكنيسة الأثيوبية
وأرثوذكسية شرقية مثل كنيسة اليونان وقبرص وكنيسة روسيا ومعظم كنائس أوروبا الشرقية وكنيسة سيناء وغيرها.
كنيسة المشرق (سموا كذلك بالنسطورية وهم أصحاب مصطلح الطبيعة المنفصلة للمسيح ويتبعون الفكر النسطوري) وعرفت لاحقا بكنيسة المشرق الآشورية أو السريان المشارقة والتي منها انشقت الكنيسة الكلدانية الكاثوليكية.وغيرها.

اضطر بطاركة الكنيسة نتيجة اضطرابات وعنف حدثت أثناء تلك الفترة التاريخية إلى الخروج من مركزهم في أنطاكية في عام 518 واستقروا في دير الزعفران شمال الجزيرة السورية الواقعة في ماردين بتركيا وفي فترة الحرب العالمية الأولى انتقلت الكنيسة إلى حمص في سوريا وأخيراً إلى دمشق في عام 1957 وهو مقرها الدائم. تفرع عن السريان الأرثوذكس في أواسط القرن 17 السريان الكاثوليك وبهذه تصبح الكنيسة السريانية اليوم بنظر السريان تشمل على سبع كنائس وهي: السريانية الأرثوذكسية اللاخلقودونية والتي تتبعنا في نفس ذات الإيمان والوحدة، وكنيسة المشرق الآشورية، والكلدان (الذين يتبعون الفكر النسطوري)، والروم الأرثوذكس، والموارنة، والروم الكاثوليك، والسريان الكاثوليك.

[emmmy]

يا لهوتينى كل دة ؟؟
طيب بالراحة طيب انا مش قدك
ولما هما بالمكانة اللى انت بتوصفها دى
ازاى تم التعامل معاهم بالطريقة اللى وصفها رويس دى؟

[aymonded]

يا لهوتينى كل دة ؟؟
طيب بالراحة طيب انا مش قدك
ولما هما بالمكانة اللى انت بتوصفها دى
ازاى تم التعامل معاهم بالطريقة اللى وصفها رويس دى؟

قلة دراية وعدم وعي من المنظمين الحفلة، بس البابا والأساقفة مش بيعاملوهم زي ما ظهر في الحفلة، المشكلة في المنظمين الحفل مش أكتر طبعاً...

[emmmy]

قصدك قلة ادب بامانة قلة ادب
وتخلف وتعصب مننا كمان

[aymonded]

قصدك قلة ادب بامانة قلة ادب
وتخلف وتعصب مننا كمان


هو يمكن تعصب فعلاً من الناس لأنها مش فاهمه، لأن عم المعرفة والوعي بيعمل اكتر من كده، فمش حد فاهم في اللي نظم الحفل هذا الحدث الجليل، وهو اجتماع بطاركة الكنيسة الرسولية
فمش حد فيهم كان على مستوى هذا الحدث : حضور بطاركة الكنيسة الأرثوذكمسية مع بعض، فالموضوع أكبر من مجرد احتفال بعيد جلوس، ده المفروض يكون هناك طقس استقبال خاص اغفله القائمين على الحفل، واعتقد لولا أن البابا تعبان غير الأحداث اللي بتمر بيها البلد غير انه مش بيحب يحرج المنظمين للحفل، كان أعتقد هايكون هناك كلام تاني، لأن الموضوع مش سهل وعادي كده، وانا مش عارف ازاي ولا واحد من المنظمين للحفل مش منتبه لحاجة زي كده خالص وعدت عادي جداً.... وعجبي بجد

[emmmy]

تمام صححح
دة تشوية لينا كأقباط ارثوذكس
لان دة حفل اكيد شافة ناس كتيرة جدا جدا
ومعتقدتش هتعدى عليهم الملحوظات اللى شافها رويس دى
الارثوذكسية مش كدة خالص - تعاليمنا تاهت يا خسارة


ده المفروض يكون هناك طقس استقبال خاص اغفله القائمين على الحفل،

وفعلا دة انا ناسية استقبال البطاركة لية طقس معين واستقبال معين
فعلا دة حقيقى

[aymonded]

اهو بقى يا أجمل أخت ده اللي حصل هانقول ايه يعني، فعدم المعرفة أدى لمشكلة كبيرة ومش اعتقد انها عدت على اي حد وبخاصة، لأن الحضور كان لرؤساء الكنائس اللي معنا في نفس ذات الإيمان، فبكل تأكيد شاف هذا الاحتفال وتم إذاعته لكل هذه الكنائس، وشافوا انه لم يتم استقبال البطاركة كما يليق بيهم كما تعودوا من روح الكنيسة الشرقية، لأن اجتماع البطاركة بمثابة عيد في الكنيسة، وبخاصة أن اجتماعهم لا يحدث كل وقت من كل عام، فهذا حدث جلل جدير بالاحتفال وحده وينبغي ان يكون له اهتمام خاص ...
فتخيلي 5 بطاركة حاضرين معاً في محبة وتآلف والموضوع عادي جداً بالنسبة للناس، يعني 5 بطاركة حاضرين مع اساقفة وكهنة في اجتماع لا يحدث إلا مرة كل 10 سنين والا حاجة ، وعدى عادي كده عبور الكرام، أنا بصراحة مش متخيل، ده ولا حتى استقبال البطاركة الطقسي تم حتى ولو باختصار شديد وكروته حتى، وعجبي بجد
ده لما أسقف بيدخل الكنيسة بيتم استقباله باللحن الشهير لاستقبال أسقف، فما بالك بقى ب 5 بطاركة حاضرين معاً لكنائس وكراسي رسولية !!!!
وهل لو الاجتماع ده حدث في اي بلد أخرى هايكون بهذا المنظر وعدم الاهتمام بالبابا شنوده مثلاً، ده عمره ما حصل ولا اعتقد أنه هايحصل ابدا لأن الكنائس ديه عند خدمها وعي اكثر مما لدينا نحن للأسف الشديد والشديد جدااااااااااااا