غرفه تعذيب المشرفين

[حياة الروح]

اللعبة عبارة عن خمسين سؤال لكل مشرف
قوانين اللعبة
1- يحق للعضو او المشرف سؤال خمس اسئلة فقط لا غير .. السؤال السادس لن يجاب عليه
2- يحق فقط لــ10 أعضاء أو مشرفين السؤال لنفس المشرف
يعني 7 أعضاء أو مشـرفين يسال كل واحد منهم 5 اسئلة يبقي مجموع الاسئلة للمشرف 35 وبعد كده ننتقل لمشرف أخر
3- المشرف التالي هيختاره المشرف اللي كان بيتسال .
4- لا يحق السؤال طالما توجد اسئلة لم يجاوب عليها المشرف
5- لا تحتوي الاسئلة علي اسئلة تسبب احراج او تدخل عميق بالشئون الشخصية الا أذا وافق المشرف عليها.
6- لا تحتوي الاسئلة علي أكتر من سؤال في سؤال واحد
7- لكل مشرف مده أسبوع واحد فقط داخل الغرفة((فى حالة أذا سأله اقل من 10 اعضاء او مشرفين او تأخر فى الــرد لأى سبب من الاسباب )) وسيدخل مشرف أخر فى اليوم الثامن

خلاص كده خلصت شروط الغرفة


اول مشـــــــرف أختــــــاره هو ( ميكى )

:em19:أبــــدا الاسئلة:em19:














1- قول مكونات البطاقة الشخصية كاملة ولو مفيش بطاقة يبقي شهادة الميلاد .
2- ايه اكتر حاجة ممكن تنرفزك باعتبارك راجل ؟
3- ايه هو الحب بالنسبة لك ؟
4- لو بصيت لقيت صاحبك ( الانتيم ) بيحاول يخطف منك اللي انت بتحبها تتصرف ازاي .
5- هحطك في موقف واختار ايه هيكون الحل اللي هتعمله ...
( وانت في الكلية وحصل موقف بينك وبين الدكتور في المحاضرة انه وقفك وقالك انت بتاخد Course وقالك اطلع بره المحاضرة ومعدتش تدخلي محاضرات تانية وهسقطك طول مدة وجودك في الكلية وانت اصلا ولا بتاخد كورس ولا حتي اسبرينه ... وفي الاخر انت اخدت ورد وهدية صغننة كده وروحت للدكتور المكتب عشان تفهم الموضوع لقيته بيقولك اعتذرلي قدام الدفعة بالكامل ... هتعمل ايه
هل هتعتذرله قدام الدفعة كلها وتتخلي عن كرامتك عشان انت معملتش حاجة اصلا
او هتخليه يسقطك وينتهي بيك الحوار انك أعوذ بالله ( سقيط في الكلية )
ومتقولش انت هتمشي وتسيب الكلية


انا كده خلصت اسئلة وممنوع ان حد يسأل المشرف اي اسئلة تانية لحد ما يجاوب علي ال5 اسئلة المطروحة

[minabobos]

شكرا ليكى ع الاسئله الغريب ده
ومستنى رد ميكى الجميل
وبجد اشمعنا المشرفين يعنى ههههههههههههههه
ربنا معاكم

[iyiy]

ميرسى ليكى على الموضوع الهايل دة

[rose]

واااااااااااااااااااااااا ااااااااء
اشمعنى المشرفيييين باه

[nrmo]

هههههههههههههه
موضوع حلو اوى بس فعلا اشمعنا المشرفين ومنتظرين اجابات ميكى

[MICKEY]

بقي كده يادودي
اكون انا كبش الفدا بتاعك
اهئ اهئ
ماشي هجاوب وأمري لله


1- قول مكونات البطاقة الشخصية كاملة ولو مفيش بطاقة يبقي شهادة الميلاد .
مكتوب فيها مايكل فلان الفلان الفلان
العنوان الجيزة
تاريخ الميلاد 30/9/1984
الوظيفة مكتوب فيها طالب لأني كنت لسه في الكلية
وبعد كده مكتوووب
ذكر مسيحي اعزب
يارب تتشال اعزب وتتكتب متزووووج بقي صلولي نياهاهاهاها
2- ايه اكتر حاجة ممكن تنرفزك باعتبارك راجل ؟
مين قال اني راجل ... ده انا ميكي
نياهاهاهاهاهاهاها
اكتر حاجه بتضايقني لما حد يظلمني واكون علي حق
بيصعب عليا اوي اوي3- ايه هو الحب بالنسبة لك ؟
جيتي علي الجرح
ياجماعه بجد الحب بالنسبالي انسانه احبها وتحبني
لما اكون تعبان او مهموم اجري عليها واحكيلها وتحاول تخفف عني
ابكي وتمسحلي دموع عينيا بأيديها
تبقي كل حاجه ليا بجد
يكون احساسنا صادق
انا وهي نكلم بعض علي الموبايل في نفس الوقت
انا اكلمها يديني مشغووول وهي تكلمني يديها مشغووول
والسبب طبعا اننا عشان صدق احساسنا بنطلب بعض في نفس الوقت
بجد دي الانسانه اللي بحبم بيها وهو ده الحب بالنسبالي
4- لو بصيت لقيت صاحبك ( الانتيم ) بيحاول يخطف منك اللي انت بتحبها تتصرف ازاي .
صدقيني هي حصلت في مرة ومكنش مجرد صاحبي لا ده كان كل حاجه ليا
ولقيته بيصارحني بحب البنت اللي كنت ناوي اصارحه بحبي ليها
لكن مش قدرت اصارحه بحبي ليها
وحاولت اساعده لحد مايوصلها وفعلا قربتهم لبعض وكنت بحلهم كل مشاكلهم عشان يقربوا من بعض اكتر
انا منكرش اني كنت بتعزب لكن كان بيهون لما بلاقي الفرحه في عنيهم

5-
هحطك في موقف واختار ايه هيكون الحل اللي هتعمله ...
( وانت في الكلية وحصل موقف بينك وبين الدكتور في المحاضرة انه وقفك وقالك انت بتاخد Course وقالك اطلع بره المحاضرة ومعدتش تدخلي محاضرات تانية وهسقطك طول مدة وجودك في الكلية وانت اصلا ولا بتاخد كورس ولا حتي اسبرينه ... وفي الاخر انت اخدت ورد وهدية صغننة كده وروحت للدكتور المكتب عشان تفهم الموضوع لقيته بيقولك اعتذرلي قدام الدفعة بالكامل ... هتعمل ايه
هل هتعتذرله قدام الدفعة كلها وتتخلي عن كرامتك عشان انت معملتش حاجة اصلا
او هتخليه يسقطك وينتهي بيك الحوار انك أعوذ بالله ( سقيط في الكلية )
ومتقولش انت هتمشي وتسيب الكلية
انا هجاوبك بكل صراحه
انا هعتزره قدام كل النااااس
انا عارف ممكن بعضكم يغلطني
بس بجد انا واثق في كلامي
ربنا يسامحه
بس انا كنت متوفق في دراستي
ومش كنت اقبل اني انزل سنة واحده رغم اي ظروووووف
انا كنت هعتزرله
شكرا ليكي يادودي بجد علي الاسئلة الجميلة المرهقة المتعبة دي
وكفااااااااااااااااااايه لحسن تعبت
نياهاهاهاهاهاهاه
يارب اكون قدرت اوصل حاجه ليكم ومكنش طولت عليكم

ربنا مع الجميع


ميكي

[حياة الروح]

ميرسي ياميكى عالردود
وبجد انت انسان رائع
ربنا يفرح قلبك
يالى ياجماعه اللى بعدى يسال ميكى 5 اساله
5 بس
ولما يجاوب عليهم
اللى بعده يساله 5 تانى
يلا بسرررررررعه

[Narmar]

هههههههههههه لعبة حلوة
بس ياريت يكونوا مشرفين قسم الالعاب بس

[جوسى]

هههههههههههههههههههه

حلوة موووووووووووووووت

[حياة الروح]

اشمعنى قسم الالعاب بس يعنى

وبعدين فين الاسئله
حد يسال ميكى
خمس اسئله

[عماد حسنى]

موضوعك جميل جدا جدا يا حياه الروح
وانا هسأل ميكى الخمس اسئله دول

1 ايه اولى اهتمامتك فى الحياه

2 من تكون انت لمن حولك

3 ما هو اكتر شىء يسعدك

4 ماذا يعنى لك (الفكاهه - الشعر - الصمت )

5 عرف منتدى ارثوزكس من وجه نظرك فى كلمتين فقط

ميكى صديقى وصديقنا الغالى مستنين الاجابات
ويارب تكون اسئلتى خفيفه عليك

[MICKEY]

ايه اولى اهتمامتك فى الحياه

اولي اهتماماتي في الحياة هي وبصراحه حياتي العاطفية والرومانسية
مش هكدب واقول حياتي الدينيه

انا للأسف مقصر فيها شوية

صلولي بجد

ويارب صراحتي مش تضايقكم

2 من تكون انت لمن حولك

انا دايما بيقولوا عليا فاكهة القاعده
يمكن عشان بحب اضحك كتير
وفي كتير من الناس بيعتبروني كاتم اسرارهم وبياخدوا رأي في حاجات كتير
والحمد لله بقدر افيدهم بنعمة المسيح

3 ما هو اكتر شىء يسعدك

اكتر شئ يسعدني لما الاقي واحد قدامي طاير من الفرح
بجد ببقي فرحان حتي لو كنت زعلان


4 ماذا يعنى لك (الفكاهه - الشعر - الصمت )

الفكاهة : هي كل حاجه في حياتي وهي دي الطريق اللي قربني لكل الناس
والحمد لله انا خدت في كنيستنا لقب اظرف شخصية لعام 2007

الشعر : انا مش شاعر ولا حاجه ياجماعه
وبجد انا مش عارف انتوا ازاي بتردوا علي اشعاري
انا الشعر التجأت ليه في اول قصيدة ليا الذنب ذنبي مش ذنبها
ودي اول قصيدة ليا ونزلتها علي المنتدي
ودي انا كاتبها بدموع عيوني
كانت صاعبة عليا اوي

الصمت : انا مش بحب الصمت خالص بصراحه
انا مش شخصية هادية قدام الناس
لا بحب التهريج والضحك واللعب
وهتشوفوا ده في الكاتدرائية لما نتقابل يوم 5/3/2008
لكن بيني وبين نفسي
بتحول 180 درجة
بكون انسان هادي خالص
وببكي بيني وبين نفسي علي حاجات كتير
ورغم اني ليا اكتر من الاف الاصدقااااء في كمل مكااااان

الا مش لليا شخص اشكيله همي
وهمي بشكيه دايما لنفسي

وعارف ان ده غلط وبيأثر علي نفسية الواحد
5 عرف منتدى ارثوزكس من وجه نظرك فى كلمتين فقط

قلبي التاني


بشكر حياة الروح تاني علي اللعبة الجميه

وبشكر بجد عماد حسني علي اسئلته الرائعه وروحه الحلوة

علي فكرة ياجماعه عماد صديق شخصي ليا وشاب زي العسل

[حياة الروح]

ميرسي ليك جدا يا عماد اسئلتك بجد تحفه
وميرسي ليك ياميكىى اللعبه جميله عشان انت اول واحد يتعذب فيها
وميرسي على ردودك
ويلا بقي حد يسال ميكى كمان 5 اسئله
فضلك 40 سؤال بس ياميكىى

[جاسيكا]

اسألوووو انااااااااااا
وسعوووووووووووووو
ههههههههههههههههه
1-ايه ارخم و اكتر المواقف احراج و رخامة في حياتك ( عارفة الاجابة انى بسألك نياهاهاهاها)
2-ياترى انت ايه هدفك فى الحياة ولا عايش كدة وخلاص؟
3-قول اكتر الاعضاء اللى بيفرسوك مين ؟ واكتر الاعضاء اللى بتحبهم مين؟ ومين اللى شايفهم لذاذ؟

4-لو قدامك انك تسافر تختار اى بلد وليه؟
5-اكتر اسم بتحبه من اسماء البنات واكتر اسم بتحبه فى الاولاد؟







كفاية كدة
لحسن هيغتلونى
ههههههههههههه
ميرسى حياة

[جاسيكا]

مجاوبتش لية يا ميكى

[MICKEY]

اسف بجد ياجميل اني اتأخرت عليكي في الرد
بس اعزوريني المواصلات كانت زحمة
ونبدأ الاجابة

ايه ارخم و اكتر المواقف احراج و رخامة في حياتك

اكتر موقف احرجني في حياتي وانا صغير وفي محل ملابس وكان البروفه زحمة
فبابا قالي اقلع البنطلون قدام النماس عادي والبس ده
وانا كنت صغير بس اتكسفت
فلبست الاتنين فوق بعض من غير ماياخد باله
ولما شافني راح زعقلي
وشدلي البنطلوووووون
لكن للأسف الاتنين نزلوا مع بعض
وكنت محرج جدا جدا في المحل كله

ياترى انت ايه هدفك فى الحياة ولا عايش كدة وخلاص؟

بصراحه انا اهم حاجه عندي اشتغل الشغلانه اللي بحلم بيها واحب الانسانه اللي تستاهل حبي
ده كل هدفي مش اكتر

قول اكتر الاعضاء اللى بيفرسوك مين ؟ واكتر الاعضاء اللى بتحبهم مين؟ ومين اللى شايفهم لذاذ؟

سؤال محرج واخاف انسي حد ويارب يسامحوني لو نسيت
الاعضاء اللي بيفرسوووني قمر 14 و روووووز وسوزي
الاعضاء اللي بحبهم حياة الروح وعماد حسني وايمن وغاده وبولا
الاعضاء اللزاز ظريف باشا وفرح ومارينا وبيرلا وامير وبوبوس


لو قدامك انك تسافر تختار اى بلد وليه ؟

اختار مصر لأن اللي اعرفه احسن من اللي ماعرفوووووش

اكتر اسم بتحبه من اسماء البنات واكتر اسم بتحبه فى الاولاد ؟
بحب من البنات اسم عدلات والولاد اسم برعي
الحمد لله اخيرا خلصت
هههههههههههه
شكرا جاسيكا علي الاسئلة وشكرا لحياة الروح علي اللعبة الجميلة لتالت مرة

[جاسيكا]

هههههههههههه
ميرسى كتير على الاجابات الجميلة من مشرف جميل
واخ اجمل ومعلش لو كانت اسألتى رخمة شويتين

[جاسيكا]

عارف يا ميكى بالرغم من انى مضايقة بجد
بس ضحكت موت من اخبارك اللى عاملها فى التوقيع بتاعك بجد ضحكتنى

[MICKEY]

هههههههههههههههه

طب كويس ياجميل انك ضحكتي بجد

انا مبسوووط اني قدرت اضحكك

واسئلتك جميلة مش رخمة ولا حاجه


ربنا يفرحك بأستمرار

وسلميلي علي نيرمين

اخوكي ميكي

[ghada2000]

bgad mawdo3 7lw awy ya7yat elro7
thanx leky
miky 3yzak trfa3 rasy fe el2gbat

[MICKEY]

تمـــــــــــــــام يافنـــــــــــــــــدم

[حياة الروح]

ميرسي جاسيكا بجد اسئلتك لذيذه جدا
وميرسي ليكم كلكم
ويلا بقي
حد يسال ميكى كمان 5 اسئله
خلاص ياميكى هانت
كلها 35 سؤال
نورتوا موضوعى بـجــــــــــــــــــــــ ـــــد

[جاسيكا]

اسألة تانى
ههههههههههههه

[MICKEY]

انا بقترح اننا نكتفي يهذا القدر عشان ندي لغيري فرصة يتسأل ويجاوب
لأن خمسين سؤال ده كتير جدا جدا
وكفاية 15 سؤال

ويارب متزعليش من اقتراحي واللي تشوفيه

[حياة الروح]

ماشي ياجميل انت تؤمر
ياريت حد يختار احد المشرفين
ويساله 5 اساله
مستنين الاسئله ياقماميرررررررررررررر