انا محتاج رد بسرعه ساعدونى

[bonegx]

بسم الاب والابن والروح القدس الاله الواحد امين
فى البدايه احب اشكر اصحاب المنتدى على هذا المجهود الخرافى الذى بزل حتى يظهر المنتدى بهذا الشكل الرائع اخوتى واخواتى انا مشكلتى تتلخص فى الاتى انا طالب ثانويه عامه 3 ثانوى كنت جايب 93.5% السنه الى فاتت يعنى محتاج اشد حيلى شويه المهم بدون مقدمات انا كنت مضيع السنادى بس مش اوى انا سمعت من جماعه صحابى ان الترامدول بيخليك زى الحصان وممكن تطبق 24 ساعه على الكتاب من غير مت تتعب ولا تزهق المهم انا جربت من اول امتحان الفزيائ وفعلا حسيت بالفرق انا باخد كل يوم ربع انا مش عاوز اعرف اضراره على شان انا حفظهوكمان انا مش بخده مخدر ولا دلع انا بخده على شان المذكره ومش بحس انى مسطول خالص تفتكرر ده حرام انا خايف ربنا يزعل منى اعمل ايه

[elphilasouf]

هو اللي اعرفه إن البرشام ده بيحفذ الخلايا عشان تديك أقصي طاقه ليها و في وقت معين بعد كده بتريح كلها تاني فأكيد بتحس إنك عاوز تنام لمده اكبر بعد مفعول البرشامه دي


عموما الحكم علي اي شئ بيكون في 3 فلاتر

إن يكون هيبنيك - يليق - يبني

انت بتقول إن الترمادول ليه أضرار صحيه .. !
طيب وليه بقي
ذاكر وشوف قدراتك وربنا يديك قوه ويعينك

[ماروجيرافك]

سلام الرب معاك يا غالي
شوف يا غالي الترامدول له اثار صحيه غير ضارة جدا وخاصتنا علي خلايا المخ كما ذكر فليسوف
مثله مثل اي علاج يأخذ في غير محله
وخاصتنا العلاج الخاص والمسمي بالجدول الاول في الصحة وهذا معنا انه لا يوخذ الا للضرروره القسوي للمرضي لما يحتوي العلاج علي اعراض صحيه ضارة ما بالك لو اخذه الغير مرضي
اما من جهه انه بيخليك نشيط ومركز ده في اول الامر وانت بتقول انك بتاخد ربع قرص
بس بعد فترة صغير هتلاقي خلايا مخك محتاجة كمية اكبر وهتلاقي نفسك مش مركز الي لما تاخد نص قرص وبعد فترة هتكون خلايا المخ اتعودت علي الماده الموجوده في الترامدول ومش هتستغني عنه وهتوصل لقرصى واتنين في اليوم
عشان كده سمي ادمان مخك مش هيعرف يكز ولا هتفكر الي بأخذ الادمان
فرجاء محبه انت كده بضيع نفسك مش عشان يومين في الثانويه تضيع مستقبلك كله
وممكن تدخل بنفسك وتعمل بحث عن الترامدول علي النت واحكم بنفسك
الرب يوفقك

[emmmy]

انت متأكد انك فى ثانوية عامة ؟؟
انا اشك بجد مش ممكن !! طالب فى ثانوية عامة مش عارف اذا كان الترامدول صح ولا غلط ؟؟
مش عارف ان دة نوع من انواع المخدرات وانة مع استخدامة هيدمر خلايا المخ وهيصبح ادمان
لايمكن الاستغناء عنة
عزيزى صاحب السؤال زى ما قال ماريو الربع قرص بعد شوية هيبقى نصف قرص وبعد شوية كمان هيبقى ثلاث تربع القرص وفى الاخر هنخلص القرص كلة بس طبعا ساعتها مش هيكون برافوا ليك خالص
ساعتها هتكون عبد للقرص وهتعمل المستحيل علشان تحصل علية والثانوية العامة اللى عملت كدة علشانها مش هتنفع ساعتها
فوق وبلاش تغالط نفسك ارجوك من فضلك انا بجد خايفة عليك حقيقى لانى عارفة الترامدول دة كويس
انت طالب ثانوية عامة يعنى نجم من نجوم المستقبل ذاكر واعمل اللى عليك بشكل طبيعى وربنا هيكمل وهيقف معاك لما يشوف جهدك وتعبك وامانتك هيديك اد تعبك وزيادة وهيفرحك
الترامدول مش هو الحل ابدا الترامدول هو التدمير بعينة
حاسب على نفسك يا عزيزى

[la tristeza y el dolor]

انت عاوز حل عملى اووى , جرب يوم و متاخدهوش ,و شوف اذا كنت مبسوط وانت شايف نفسك موش قادر تعيش من غيره ولا لا .........
دا بغض النظر انه عبوديه و ادمان و فلوس بتترمى و سلوك فى الضلمه ........

[ماروجيرافك]

موضوع ذات صله بموقع ارثوذكس: انا محتاج رد بسرعه ساعدونى - †† ارثوذكس †† (http://www.orsozox.com/forums/showthread.php?p=850462#post850462#ixzz1z6vazwcq) http://www.orsozox.com/forums/showthread.php?p=850462#post850462#ixzz1z6vazwcq


نت متأكد انك فى ثانوية عامة ؟؟
انا اشك بجد مش ممكن !! طالب فى ثانوية عامة مش عارف اذا كان الترامدول صح ولا غلط ؟؟


هو طبعا اكيد في الثانوية العامة وده شئ طبيعي
هتقوليلي طبيعي اذاي هقولك لان دي من ضمن مجالات التجارة في المخدرات
يعني مثلا لو سألنا اخونا العالي صاحب الموضوع انت بتجيب الترامدول منين اعتقد ان الاجابه هتكون من احد الاصدقاء مثلا
اقولك علي حاجة روح كده اي صيدلية بس تكون محترمه مش مشبوهه وقولي لو سمحت عاوز ترامدول هيطلب منك الروشته الخاصه بيك وتكون ممضيه من دكتور متخصص وكمان تكون حديثه التاريخ
اعتقد كلامي واضح بانه ممنوع
فاذاي يا غالي يكون ممنوع وفي نفس الوقت مفيد
لو كان الترامدول او اي نوع اخر من المخدرات غير ضار كان هيكون عادي انك تشتري من اي صيدلية واي مكان حتي لو بقال زي الاسبرين وغيره
حاول انك تتخلص منه بأي طريقة

[elphilasouf]

يا جماعه انتوا مكبيرين الحكايه ليه
قوام بقت مخدرات و إدمان
عادي مجتش علي ربع قرص
توتر الإمتحانات بيعمل أكتر من كده
كفايا مهو معملش جريمه كبيره

بس خلاص ميخدش حاجه تاني وكله هيكون تمام

[emmmy]

يا جماعه انتوا مكبيرين الحكايه ليه
قوام بقت مخدرات و إدمان
عادي مجتش علي ربع قرص
توتر الإمتحانات بيعمل أكتر من كده
كفايا مهو معملش جريمه كبيره

بس خلاص ميخدش حاجه تاني وكله هيكون تمام



احنا مش مكبرين الموضوع ولا حاجة بس مش عاوزين نستنى لحد ما يبقى كبير فعلا
الامور لما بتكون واضحة فى اولها بتكون احسن وبنقدر نأخد بالنا من الاخطار
معلش يا صاحب السؤال انا اسفة مقصدتش اخوفك او اهول من الموضوع خالص صدقنى انا بس خايفة عليك بجد وحبيت احط قدام الحقيقة
حاول تتخلص من اى شئ انت حاسس انة ممكن يستعبدك بعد كدة لو تماديت فية
وجرب كلام الاخ ماريو وشوف كدة رد الفعل ؟؟
او جرب تسأل دكتور محترم رائية اية فى الموضوع دة حتى لو كان مجرد سؤال مش لازم يعرف انك بتأخدة
وانا اعتقد انك تحت تأثير متاعب الثانوية العامة دة غير مشورة الاصدقاء فعلا ممكن يكون ليها دور كبير جدا فى حياتك ربنا يحميك ويحافظ عليك

[emmmy]

كلمة اخيرة لجورج معلش ...
على فكرة يا جورج الترامدول فعلا مخدر
افتح صفحة جوجل واكتب فيها الترامدول وشوف النتيجة

[elphilasouf]

يابنتي انا عارف إن الترمادول مخدر ونيله و بينيل الدنيا
لكن انا بلتمس ليه العذر ، كلنا مجربين وقت الإمتحانات ده بنكون تحت ضغك إزاي و بينتوتر بشكل مبالغ فيه جدا
و ده يخلينا نعمل حاجه غريبه وعجيبه
فمكبرش الموضوع عشان ضعف مره

[mr.marco]

كل اللي عايز أقوله : كل الاشياء تحل لي لكن لا يتسلط علي شيئ .. يعني ما توصلش الامر لحد مش مستحب يعني مش كل شيئ فيه حبة مجهود تستخدمله العقار دا و كمان جسمك بعد كدا هيحتاج جرعة أكبر ممكن الامر يوصلك للإدمان ما هو الادمان مش عقاقير و لا مخدرات بس لكن أي شيئ تفكر تعمله كتير حتى لو ما عملتهوش ممكن يكون إدمان ( بمجرد تكرار التفكير فيه )