عالم الجن؟؟؟؟؟

[لونجينوس]

من الأخطاء الشائعة المنتشرة بين بعض الناس هو الاعتقاد بوجود ما يسمى "الجن" وأيضاً ما يسمى
بـ " تزاوج الجن مع البشر " فهم يقولون مثلاً " فلان متزوج بجنيِّة ، و فلانة متزوجة بجني " ، ونحن هنا لسنا بصدد ما يقال عن " العفاريت والأشباح " فسوف يأتي الكلام عنها لاحقاً .

أولاً : هل يوجد جن ؟‍!إن القائلين بوجود "الجان" يميزونهم عن الشياطين ، فهم يقولون أن الجان كائنات أخرى غير الشياطين ، وهنا نجد الكتاب المقدس ذكر لنا خلقة الإنسان في اليوم السادس[تك26:1-31] و خلقة الملائكة في اليوم الأول"وقال الله ليكن نور فكان نور"[تك3:1]، وكانت الملائكة جزء من النور حسبما وُصف الملاك بأنه "ملاك نور"[2كو14:11] وله طبيعة نورانية ، وسقط منهم الشيطان الذي أصله ملاك ومعه ملائكته [إش13:14-15]
وهنا نلاحظ أنه لم يأت ذكر خلقة الله لكائنات اسمها "الجان" . فمن أين أتت فكرة وجود تسمى "الجان" ؟
لقد كانت الشعوب الوثنية تظن أن "الجان" هي أرواح تلبي دعوة صاحبها،وكانت الاستعانة بالجان عادة منتشرة عندهم ، ولذلك حذر الله شعبه من الإلتفات إليها والاستعانة بها كما تفعل الشعوب الوثنية [لا31:19 ،6:20،27]، ولقد لجأ الملك شاول إلى امرأة صاحبة جان ، وكان هذا الكلام ضد كلام الله "فمات شاول بخيانته التي بها خان الرب من أجل كلام الرب الذي لم يحفظه وأيضاً لأجل طلبه إلى الجان للسؤال "[1أي13:10].
وربما يعترض البعض ويقول لقد ذكر الكتاب المقدس "الجان"، إذن هم موجودون ، فلماذا يحذرنا الله عن شئ غير موجود ؟!
وللرد نقول: أن الله كثيراً كان يحذر الإنسان مما يعتقدوه أنه موجود لئلا ينحرف وراء عادات الشعوب الوثنية ويفعل مثلها ، فعندما يقول الله "لا يكن لك ألهه أخرى أمامي"[خر3:20] فهل هذا يعني أنه توجد ألهه أخرى غير الله ولذلك يحذرهم من عبادتها ؟! كلا وإنما يحذرهم لئلا يصدقوا أنه توجد ألهه أخرى وينقادوا وراء جهل الوثنيين .

ثانياً : تزاوج الجن مع البشر
كيف يقولون أنه يوجد تزاوج بين ما يسمى بـ"الجان" وبين البشر ؟! مع أنهم يقولون أن الجان أرواح ونحن نعلم أن الإنسان (جسد وروح) فكيف يتم التزاوج بينهم؟! مع العلم أن الأرواح لا تتزاوج .
في النهاية نريد أن نوضح أن ما يسمى بـ"الجن أو الجان" ليس له وجود في الديانة المسيحية ، ولا يقر به الكتاب المقدس ولا تعاليم الآباء
لونجينوس

[Team Work®]

سوف يتم المراجعة والرد من قبل اخوتى واشوف رايهم اية

[Narmar]

شكرا على الموضوع لونجينوس بس هو الشياطين هى اللى موجوده بدليل ان المسيح كان بيخرجها لكن الجن والتزاوج والفشر ده لا
بس حتى ولو موجود فاذذا كان الله معنا فمن علينا :) شكرا يا جميل :) باااااااى :)

[rafat2006]

عالم الجن كلام فاضى والمسيحى محصن بالروح القدس

[nana222]

شكرا ليك لونجينوس على الكلام المفيد ده
فعلا مفيش حاجه اسمها الجن لكن فى حاجه اسمها شياطين

[@ حبيب مار جرجس @]

سلام الرب يسوع المسيح له المجد يكون مع الكل .
شكرا ليك يا غالي علي الموضوع الجميل ده بس
في ناس جاهله كتير بيصدقو الكلام ده ومنهم اخوتنا
التنين وللأسف في من اخوتنا المسحين بيعتقدو في
الموضوع ده انا عن نفسي مش بعتقد بي الجان ولا
السحر ولا الأعمال ولا الكلام الفاضي بتاع الدجالين
لان الرب معنا فمن علينا .
شكرا ليك وربنا يبارك حياتك

[IO-Mena]

شكرا لو انجيلوس على الموضوع المهم ده

اذا كان الرب معنا فمن علينا

[maged]

شكرا ليك يا لونجينوس على الموضوع وعلى الشرح
فعلا مفيش حاجه اسمها جن
لان فى ناس بتقول ده فيه جن احمر وجن اصفر وحتى الجن لونوه
وديه طبعا خرافات بيعملوها الدجالين معتمدين على الجهل وقلة التعليم
وطبعا كل ده نصب عشان ياخذوا فلوس والمستفيد الوحيد هو
الشيطان
لانه بالاعمال ديه بيدخل بيوت الناس
ويبعدهم عن ربنا ويفقدهم الثقة فى قدرة ربنا على حل المشاكل
وانا بكتب اسم الشيطان بخط صغير لانه ما يستحقش اسمه يبقى متكبر
وشكرا ليك حبيبى لونجينوس ربنا يباركك

[aymonded]

شكراً على الموضوع
لعله يبقى موضوع لتعليم الناس للخروج من معتقدات صارت مع الإنسان على مدى طريق طويل من ايام الوثنية بل وصار اعتقاد راسخ عند كثيرين للأسف الشديد !!!

واصبح يؤثر في الناس بسبب إيمانهم به ويجعلهم فريسة سهله لكل دجال وفكر غريب يبعدهم عن شخص الكلمة وعمل الروح القدس ودراسة الكتاب المقدس وقراءة كلمة الله !!!

ولأني لمتعجب أن يصير للموضوع أهمية قصوى وبنادي به بعض الناس وللأسف بعض الخدام - القليلين جداً طبعاً - وذلك كلة بسبب الجهل المتفشي والتربية الغير سليمة والتي لم تكن قائمة على علم سليم ومسلم فيها الإيمان الحي ومعرفة الكتاب المقدس حسب مقاصد الله وروح التوبة والتقوى ...

اقبل منا جميعاً كل تقدير واحترام لشخصك الحلو
النعمة معك كل حين ومع كل من في المنتدى آمين

[وفاء_1989]

اولا احب اشكرك على الموضوع ده
ثانيا احب اقولك راييى
بص اولا الشيطان ده موجود و ده شىء لا مجال للنقاش فيه
و ثانيا يوجد كبيرهم ابليس اللى مكتوب عنه فى الانجيل ان اسمه بعليزبول
ثالثا يوجد بسم الصليب بعيد عننا الارواح الشريره(ما نسميهم بالعفاريت)
و هى عباره عن ارواح الموتى القتلى
و دى غير الارواح العاديه بتاعه الموتى العاديين
عشان كده لازم بنجيب ابونا يصلى بعد موت اى انسان
عشان يصرف روحه لان روحه بتكون موجوده فلو روح طيبه
هتحس بوجودها معاك لكن مش هتاذيك و لكن بعد الشر لو روح لمقتول
دى بتبقا مؤذيه و الكلام اللى بقوله ده اكيد و مش جيباه من كتب
اما بالنسبه للجن\
فاعتقد ان دى رتبه من رتب الشياطين تحت الارض
و فعلا فى ناس كتير متجوزين من تحت الارض و مخاوين و الجان بيساعدوهم فى كشف المستقبل
و قراءه الفنجان فيها استدعاء للجان لانك بهذا تطلب مساعدته فى كشف المستقبل لك
و لكن فى سحره حقيقين و لكن سيبكم من الدجالين و الهبل ده لان دول مبيفهموش فى السحر اصلا
لكن السحر معترف به فى كل مكان و من قديم الازل
و من اكبر السحره قديما كان كبريانوس اللى بقا قديس
و كان فى اب كاهن فى قريه ريفيه من كام سنه كنت بروحله انا و اسرتى
كان بيخرج الشياطين و كان بيجيله فى اليوم الواحد اشخاص كتير
و كان منهم ساحر كبير اخده عنده 3 ايام عشان يخرجله حوالى 2 مليون شيطان كانوا فى خدمته
و كل ده كان قدام عنينا و صوت الشيطان (بسم الصليب )خارج منه بدون ما يتكلم
و مره جاتله شابه فضل يصليلها و هو عارف ان جواها شيطان
اما صلالها فضل صوت شيطان يصرخ بجبروت
(انت مش عارف انا مين \ انا الجن الاحمر \ مهما عملت مش هتقدر تخرجنى )
و الكلام كله عباره عن كده و الكلام ده حقيقى قدام عيونا كل الموجودين و انا من ضمنهم
و صلالها و لفوها بستر مارجرجس و الحمدلله خرج من البنت

لكن الدجالين كذبه
و لكن السحره موجودين و يعلمون جيدا (بعلم السحر) و ده حقيقى و له كتب كبيره
و الشيطان موجود و الارواح و الجن

و لكن ربنا موجود و هو اللى بيحمينا بس المهم ان احنا نبعد عن اى حاجه من دول

[margo]

شكرا يا لونجينوس على المعلومات دى
فعلا مش فى حاجة اسمها جن
ربنا معانا ومعاك
صلى علشانى

[Cheeeva]

طيب انا معمولي عمل ومدفون تحت دوفر دبانة طايرة حد عنده حل

[وفاء_1989]

انتوا واخدين الموضوع تهريج عشان مشوفتوش بعنيكوا
عالعموم ربنا يستر معانا و معاكوا و يبعدهم عننا
اشتاتا اشتوت ههههههههههه

[polaalfons]

يا جماعة الاعمال والحاجات فعلا لهاتأثير بس على اللى بعيد عن ربنا

[IO-Mena]

انت عندك وجهة نظر ومظبوطة .. وعلى ما اعتقد انها بتكون اعمال من الشيطان والناس اللى بتتبعه وزى مقولت بتاثر على اللى بعيد عن ربنا ....لكن مش حاجة اسمها جن او الكلام ده

[منى ارسانيوس]

شكرا على الكلام دا و فعلا مفيش حاجه اسمها جن و حتى لو اخترعوهم فمين هيقدر علينا و احنا معانا ربنا