مكتوب علينا الفراق

[nermos1982]

فاتت سنة
عدت سنتين
ولسه حبك جوة قلبى
هاتفوت تلاتة
وتعدى اربعة
وهايفضل حبك ساكن فى قلبى
انا ليك وانت ليا مهما الزمان بعدنا
انا ليك وانت ليا مهما القدر مننا حرمنا
بعدت عنى يا عمرى وقلبى لسه بيناديك
نويت على الترحال وقلبك موجوع من الفراق
قلت لا بايدك ولا بايديا نكون بعيد عن بعض
لا بايدك ولا بايديا نتغرب ونضيع من بعض
ليه يا زمان فرقتنا
ليه يا زمان حرمت قلبين
حرمت روحين من بعض
لا مش روحين
دى روح واحدة
روح بتحس بحبيبها لما يكون فرحان
روح تحس بحبيبها مهما كان تعبان
تجرى عليه وتقوله
مالك حبيبى ؟
الفراق صعب؟
الغربة صعبة؟
لو كان بايدينا كنا عشنا العمر كله منفارقش بعض
لو كان بايدينا مكنتش قلت لحبيبى ارجع
قلبى مشتاقلك
لو كان بايدينا مكنتش يا عمرى تقولى نفسى ارجعلك
حبيبى
كلمة نفسى اقولها وانا جنبك
فى حضن قلبك
حبيبى
الفراق مش بايدينا
هو ده نصيبنا
مكتوب عليننا الفراق
هو ده قدرنا
مكتوب علينا الاشتياق

[Team Work®]

شكرا ليك على الكلمات ويا رب تمارس الكتابة الجميلة بس لو حطينا عنصر ربنا وحبنا لربنا هايكون له مذاق تانى وربنا يباركك

[nermos1982]

ميرسى هيما على ردك.

حب الفادى لينا مفيش زيه.ده رضى انه يتهان علشانا. رضى بالالم والعذاب علشان يفدينا.

ليس حب اعظم من هذا

[ssweetgirlhana]

ايه المواضيع الجميله ديه
ربنا يبارك حياتك

[nermos1982]

ميرسى اوى ssweetgirlhana على ردك الجميل ده.ربنا يباركك

[miso]

حبيبى
الفراق مش بايدينا
هو ده نصيبنا
مكتوب عليننا الفراق
هو ده قدرنا
مكتوب علينا الاشتياق
جميلة يا نرمووووووووو اوى بجد

[nermos1982]

حبيبى
الفراق مش بايدينا
هو ده نصيبنا
مكتوب عليننا الفراق
هو ده قدرنا
مكتوب علينا الاشتياق
جميلة يا نرمووووووووو اوى بجد


ميرسى يا سكر على ردك الجميل ده.ربنا يباركك ويكون معاكى