رسالة حقيقي عجبتني جداً من أب ، أتمنى أنكم تتنازلوا وتدخلوا تقروها

[aymonded]

السلام لكم يا أغلى أحباء
كم أشتاق أن أرى الجميع في هذا القسم الذي يكاد أن يكون مهملاً جداً والدخول فيه نادر جداً ولا أعلم ما السبب وراء ذلك ، عموماً أنا جايب رسالة رائعة جدا وأنا قد أعجبت بها وهي قد أتت لي على الميل كرد على موضوع شخص كان بينتقد الآخرين ...

أترككم مع الرسالة :

[ لا اعتقد إن معتقدات الأخر تهمني أبداً
أنا أحب كل البشر
الحقيقة مش من اللائق تجريح الأجرين
إذ املك ما هو أعظم وهو تقديم محبة المسيح
إننا لابد وندرك إن الحقيقة والحق في الفداء
ماذا نستفيد أن نعلن إفلاس الآخرين
وكأننا أصبحنا فعلا مسيحيين
المؤسف كل الرسائل اللي بتوصلني 90% منها بلغيها قبل ما إقرائها
نكت سخيفة وهزار وانتقاد ؛ فين روح المسيح فينا !!!
كنت فاكر يهمك ازاى تبنى البيت المسيحي من الداخل
خليك شجاع ممكن
أرجوك كون صريح مره مع نفسك
لما بتروح الكنيسة شايف إيه من الناس
حد بيصلي من قلبه
إيه أخبار الشباب
مين واقف على باب الكنيسة
فين يسوع من حياتي وحياتك
المسيحي الحقيقي بيحب يسوع
والي يحب يسوع يفكر في حاجات كتير غير انه يدرس غيره
تعالى نفكر في المصيبة اللي أحنا فيها
عايزين نهضة
عايزين نعرف إننا ضعنا أحنا محتاجين جدا للسجود والصلاة
عايزين نبعد عن تيار الدنيا الغريب
غيرى صح والا لاء ؛ بلا نيله على اللي إحنا فيه
تعرف أحنا عاملين حاجات وحشه قوى ربنا سلمنا لأذهان مرفوضة
خدنا القضاء وجلسنا نحكم على البشر
بلا نيله على اللي إحنا فيه
شباب من الجنسين على باب الكنيسة ............ ........
والمصيبة أتعمينا
سامحني يابني أنا أكثر خطيه منكم كلكم
أنا ندمان
أنا بفكر كل يوم ازاى أرمى نفسي في حضن يسوع نفسي يسامحني
نفسي يابنى اسمع صوته
معجزاته ملاحقانى من يوم ليوم
قول اللي أنت عايزه على الناس إنما أنا نفسي اسمع عنه هو أنا بحبه قوى
سلام يابنى صلى لي علشان ربنا يغفر لي خطاياي
أرجوك صلى لي
سلام ]

أنتهت الرسالة ولا تعليق
طالباً من الله أن يجعلنا نستنير ونستفيق من غفلتنا
النعمة معكم

[جاسيكا]

طالباً من الله أن يجعلنا نستنير ونستفيق من غفلتنا
امين يارب

إن كنا أولاد الله ، إن كنا قد بدأنا أن نكون هياكله ،
إن كنا نتقبل روحه القدوس ، يلزمنا أن نحيا بالقداسة والروحانية ..... القديس كبريانوس
ميرسى كتير استاذ ايمن على الرسالة الجميلة
ربنا يساعدنا اننا نفوق من الغفلة اللى احنا فيها
ونحكم على نفسنا قبل منحكم على غيرنا
ربنا يبارك حياتك يا استاذى
صليلى

[M@@@NOOOO]

شكررررررررا ليك يا استاااااذ ايمن
وربنا ينير قلوبنا ويرشدها الى الطريق الصحيح
واذكرنى فى صلاتك

[aymonded]

السلام والنعمة لكما يا أحباء يسوع
طالباً من الله أن يجعلنا نحكم على أنفسنا قبل أن يُحكم علينا
أقبلوا مني كل تقدير بمحبة يا أحباء ربنا يسوع والقديسين
النعمة معكم كل حين ، ولنصلي بعضنا من أجل بعض

[اس اسامة عوض]

اشكر يارب واشكرك يا ايمن على الموضوع الجميل علشان اتعلمت منة انى اكون وانا فى دخل الكنيسة فى حالى ومش ليا دعوة با الاخرين يارب سامحنى

[minabobos]

اشكرك جدا جدا يا استاذ ايمن
الرب يسوع يبارك تعبك

[aymonded]

السلام لنفوسكم يا احباء قلبي الغاليين جداً وأروع إخوة أحبهم بكل قلبي
اشكركم على تعليقاتكم الحلوة وردودكم الجميلة حقيقي

وازاي مش لينا دعوة بحد لما ندخل الكنيسة يا صديقي اسامه
لازم يبقى لينا دعوة بكل أخوتنا ونرى الخطأ ونصلي من أجل أن الله يرفع كل خطأ عن أولاده
لا ندين أحد بالحكم عليه إنما نرى الخطأ وندين الخطأ نفسه لا المخطئ نفسه
لأن الله يبغض الخطية وليس الخاطي
ولكننا نحن تعلمنا أن نُصلي من أجل كل من هو تحت سلطان خطية أو عادة لا تليق
حتى يعطية الله تبكيت في قلبه فيستفيق من غفلته ويتوب ونربح إخوتنا للحياة الأبدية

فلنصلي بعضنا من أجل بعض ومن أجل عيب كل واحد فينا حتى نستفيق ونحيا بالقداسة والتقوى
النعمة معكم جميعاً آمين

[نبيل نصيف جرجس]

كلام حضرتك كلة نعمة وجمال وحاسس انة بيدخل قلوبنا ونفوسنا ربنا يخليك لينا ويخليك للمنتدى وربنا يرحمنا وينور قلوبنا وافكارنا واجسادنا لكى نكون مستحقين لحلول روحة القدوس فينا ربنا يحافظ على المنتدى وعلى كل رعيتة ويبارككم كلكم يا رب امين.

[aymonded]

ويبارك فيك يا أغلى من كل غالي حبيب مخلصنا وراعينا العظيم يسوع
أقبل مني كل تقدير بمحبة
النعمة معك

[kamel]

أرجوك كون صريح مره مع نفسك
رسالة ذهبية للجميع
الرب يبارك حياتك ويكون معك

[naderwagih]

اكتر جزء أثـــّـــر فيّ هو إن احنا محتاجين للسجود والصلاة
لأن فى اغلب كنايسنا حتى الناس اللى بتدخل تصلي لسه فيهم اللى بيحاول لكن لسه مش بيصلى

أعتقد المشكلة ان احنا بنيجي الكنيسة عشان بنحاول نبقى كويسين.. مش عشان ربنا اللى بنحبه
ياريت بدل مانحاول نبقى كويسين نبقى نحاول نعطي لأنفسنا فرصة اننا نتعرف على ربنا ونتكلم معاه وندوق حبه لينا.... بدل ما نقول احنا صلينا ولا لأه نقول فيه حاجة ناقصانا والنهاردة طعمه مش حلو زى كل يوم

يارب ساعدنا نعرفك... اكشف لينا عن نفسك.. شيل القشور اللى على عنينا عشان نعرف نشوفك كويس
ساعتها هنتمتع بيك... مش بس مش هايهمــّـنا الناس وننشغل بيهم عنك وننشغل بشكليات العبادة... ساعتها هنكون متمتعين بيك انت وساعتها ممكن الناس تشوف نورك فينا والعطش للراحة يحركهم عشان يسألونا انتم متمتعين ازاى؟؟ ونرد ونقول: الراحة فيك يا رب وعندك... واللى يبعد عنك هو اللى هيخسر متعته بحبك

[aymonded]

كلماتك لخصت كل كلام يا أحلى نادر محبوب ربنا يسوع
أحييك تحبة خاصة على صدق كلماتك واحتياجنا الفعلي الحقيقي
أقبل مني كل احترام وتقدير لشخصك الغالي
النعمة معك

[muflih]

لا تدن الفاسق ايها الضعيف لءلا تصير متله مخالفا للناموس .لان الدي قال لاتزن , قال ايضا لا تدن , و الرسول يعقوب يقول ’ ان من حفض الناموس كله , وزل في واحدة منه , صار مطالبا بالجميع...
بستان الرهبان

[aymonded]

أشكرك على الكلمات الحلوة
والتعليق الرائع
النعمة معك

[rossaa]

كلام بجد احنا فى اشد الحاجه اليه بس محتاجين مساعده ربنا

[aymonded]

أكيد يا احلى أخت حلوة محبوبة ربنا يسوع
أقبلي مني كل تقدير بمحبة
النعمة معك

[feko]

دى مقولة لابونا اندرواس الصموئيلى عن اهل العالم
حذوها تلاهى شفوها ملاهى فاتوها كما هى
انا موش متأكد بالظبط من المقولة بس دة معنا ان الناس لما بنينشغلو فى العالم العالم بيلهيم بمشاغلة ولما بيسلمو نظرهم لية بيحليها فى عنيهم زى الملاهى ولما بيتركو العالم بيكونو هما الى اتغيرو لاكن العلم كما هوا

[aymonded]

أشكرك حقيقي على التعليق الجميل
رغم من أني أول مرة اسمع المقولة دية
بس معناها جميل
النعمة معك

[Michael_Sabry]

لا تعليق بجد كلام صحيح 100 100
شكرا على الموضوع

[mandooo]

شكرا ليك كتير ياستاز ايمن وربنا يعوض تعب محبتك

[aymonded]

ويفرح قلوبكم ويعوضكم نعمة وسلام
صلوا من أجلي