مشاهدة النسخة كاملة : صلوا من أجل " سما " مريضة بالسرطان عمرها 3 سنوات
جورج أنور جورجي
03-16-2008, 05:48 PM
سامحونى إنى غبت عنكم فترة طويلة لكن ظروف مرض إبنتى الملاك الصغير " سما " الذى قارب على عام وشهر تقريبا قد سبب ألم شديد لنا، قلوبنا تعتصر ألماً وخاصة بعد كلام الأطباء بعدم جدوة العلاج الكيميائى
وحاليا ننتظر الحنان الأعظم الذى لا يعسر عليه شئ، الذى يأتى فى الهزيع الرابع، يأتى إتياناً ولا يتأخر الباب الذى لا يغلق أبدا عندما تسد جميع الأبواب، الذى تحنن وأقام إبن الأرملة الذى بكى وأقام لعازر
وبشفاعة أمنا الحنونة العذراء مريم وأبينا المحبوب وشفيع حالتنا البابا كيرلس الذى رأته إبنتى بكامل هيئتة وضربها بالصليب على رأسها فى سبت النور عام 2007 وقالتله "اشفينى يابابا كيرلس" وهذا هو رجاءنا إن يسوع تحنن علينا بهذه الرسالة الإلهية على يد البابا كيرلس
ورجائى من كل الأعضاء الصلاة الحارة من أجل إبنتى ومن أجل كل مريض بهذا المرض
والرب يعوض تعب محبتكم
مجدى حشمت
03-17-2008, 09:26 AM
كن مطمئناً جداً جداً و لا تفكر في الأمركثيراً. بل دع الأمر لمن بيده الأمر. البابا كيرلس السادس
اللة يرعانى
03-17-2008, 06:35 PM
ربنا باذن اللة يشفيها وتشفها عروسة جميلة ببركة جميع قدسين
minabobos
03-17-2008, 07:21 PM
ربنا موجود
الرب يسوع يشفها ببركه جميع القديسين
karim
03-17-2008, 08:24 PM
مادام شافت البابا كيرلس - يبقي أكيد هو و مارمينا ح يعملو لها العملية و تبقي زي الفل بأزن المسيح -
يا ابونا الحنون - مد ايد شفاء لأبنتك سما - أمين أمين - أمين - بأسم المسيح يسوع فليتمجد اسم الرب
جورج أنور جورجي
03-17-2008, 09:17 PM
شكرا لمحبتكم العظيمة ومروركم وإهتمامكم " سما " حالتها بتدهور وإحنا معذبين جدا جدا فوق الطاقة صلوا أن ربنا يرفع عنها وعننا الألم المميت ده ويترآف ويتحنن علينا ويغفر خطايانا ، وهننتظره لآخر رمق بس يدينا قوة لتحمل التجربة وهو "لا يخزى منتظروه"
أنا علمت " سما " آية جميلة فى مزمور 118 يارب تحكيها للناس كلها بعد ما تخف
" لا أموت بل أحيا وأحدث بأعمال الرب "
جورج أنور جورجي
03-17-2008, 09:22 PM
صورة سما هى اللى شايلها المسيح على ايده فى عنوانى على اليمين مركبها على الفوتوشوب
kamer14
03-17-2008, 09:26 PM
ياحبيبتى ربنا اكيد هيمد ايده ويشفيها دى بنته متخفش عليها وحلو اوى المزمور ايلى معلمهولها ربنا معاكم
MeRooBe@r
03-17-2008, 09:57 PM
يربنا يشفيها وانشاء الله ربنا هايقومهالكم بالسلامة
صلاات جميع القيديسين تكون معانا جميعا
Team Work®
03-18-2008, 02:22 AM
مفيش رد يتقال غير ان ربنا معاك ويصبرك والبابا كيرلس معاكم امين
انت معاك بركة وملاك فى البيت ربنا يحميكم امين
kamel
03-18-2008, 02:40 AM
يا إلهى الصالح الحنون
مد يدك يارب لعبدتك ولا تتركها
ببركة وشفاعة جميع قديسيك الذين أرضوك منذ البدء
وتم لها الشفاء أمين
olivya
03-18-2008, 02:51 PM
ان شاء الله ربنا هيتمجد ويشفيها بشفاعه البابا كيرلس اطمئن مادام البابا كيرلس ضربها على راسها يبقى هتخف
p_ayek
03-18-2008, 03:07 PM
لا تخف آمن فقط (مرقس 26:5)
خلي إيمانك بيسوع كبير كتير و قول : يايسوع إني أثق بك لكن لا مشيئتي بل مشيئتك
و يسوع و العذراء معكم
جورج أنور جورجي
03-18-2008, 08:42 PM
شكرا لصلاتكم وإهتمامكم الذى أثرنى كتير كل عضو بإسمه ربنا يعطيكم نعمة وسلام فى حياتكم نثق ونصدق كلام ربنا إنه حقيقى وحى إلى الأبد
kamel
03-22-2008, 02:55 AM
حبيبى الغالى داوم على أطمأناننا على الأمورة سما
أخبارها أأأأأية
وليتمجد أسم الرب فيها بالشفاء أمين
الرب يكون معكم
اس اسامة عوض
03-22-2008, 03:56 AM
امل يارب اذنك واستمعنى لانى مسكين وبائس انا احفظ نفسى لانى بار ياالهى خلص عبدك المتكل عليك ارحمنى يارب لانى اليك اصرخ اليوم كلة فرح نفس عبدك لانى اليك يارب ؤفعت نفسى لانك انت صالح ووديع ورحمتك كثيرة لكافة المستغثين بك انصيت يارب الى صلاتى واضع الى صةت تضرعى فى يوم شدتى اليك صرخت فاجبنتنى فليس لك شبية فى الا لهة يارب ولا من يصنع كاعمالك http://www.orsozox.com/forums/images/icons/cross03.gif .............
mazloom afandy
03-22-2008, 05:34 AM
انا انسان خاطلى بس هاقولك حاجه انا مجربها
لما هموم القلب تزيد والتفكير البشرى بيكتر
ولما الحمل بيبقى كتير وكل ما بنشيله بنتعثر
سلم كل الامر لايد
رب المجد وهو يدبر
جورج أنور جورجي
03-24-2008, 10:59 PM
شكرا شكرا ربنا يبارك فى حياتكم لإهتمامك بالصلاة لسما .. سما لحد تاريخ 24/3/08 لسه الأمور حرجة يمكن فى تحسن طفيف جدا لكن ده علاج مسكنات وننتظر يد الله التى تعطى شفاء كامل لكل ألم داخلها وهننتظر الفتات الساقط من المائدة ونقوله ارحمنا
مرموره
03-24-2008, 11:16 PM
البابا كيرلس معاك هو مارجرجس و العذراء مريم ط وبأذن يسوع هتخف و هتبقى زى الفل
بركة صلوات العدرا والبابا كيرلس ومارمينا تكون معاها
rossaa
03-25-2008, 12:38 PM
ربنا معاها ويشفيها ويحنن قلبه عليها ببركت البابا كيرلس وتماف ايرينى وجميع القدسين
وانشاء الله نسمع اخبار حلوه وتقولنا ان ربنا مد ايده معاها
جورج أنور جورجي
03-25-2008, 08:09 PM
شكرا يا مرمورة لصلاتك الجميلة وشكرا يا nrmo لصلاتك الحلوة ربنا يبارككم ، إلنهاردة عملنالها أشعة مقطعية على المخ ظهر إن فى رشح حول الأورام وربنا يتدخل بإيده الحلوة من غير عمليات مش يشيل الرشح وبس يشيل الأورام كلها بشفاعة العدراء مريم وتظهر إيديها الحلوة وتباركنا زى ما ظهرت من 40 سنة فى الزيتون زى اليومين دول وبركة حبيبنا البابا كيرلس تكون معاها شكرا ليكم من قلبى
جورج أنور جورجي
03-25-2008, 08:23 PM
شكرا Rossaa لصلاتك وإن شاء الله يجى يوم وأقولك إن سما شفيت وربنا مد ايده بس أذكريها فى صلاتك دايما وأنا بحب تماف ايرينى جدا ورحنا دير أبو سيفين كتير واتشفعنا بيها ويارب تطلب عنا عند رب المجد هى وشفيعنا البابا كيرلس
karim
03-26-2008, 08:18 PM
السلام ليك يا جورج - موضوع سما شغل بالي أوي - و أنا بازكرها في صلواتي - أنهاردة انا كنت في كنيسة العزراء مريم و الملاك ميخائيل في ميت بشار - الزقازيق - القس راعي الكنيسة "ابونا جرجس" انا اعرفة شخصياً و كلمتة علي موضوع سما و هو حيحط اسمها علي المدبح بكرة و قال لي أنة عاوزك تزورة في الكنيسة انت و سما لو ممكن - بس أنا مش عارف انت منين ؟ فلو عايز تروحلة قلي و نتصل ببعض او اديك رقم موبايل ابونا و حتي نروحلة سوا - و ربنا يمد ايد شفاء العدرا و الملاك ميخائيل يشتغلوا . هللويا
جورج أنور جورجي
03-26-2008, 11:36 PM
شكرا كتير يا كريم.. ده إهتمام أكثر مما كنت أتوقع ربنا يبارك حياتك .. أنا من أسيوط ومستعد أسافر أى مكان، إحنا سافرنا أديرة مصر وإسكندرية ومستعد أسافر الزقازيق بس حالة سما متسمحش بالسفر حاليا فياريت أخد نمرة أبونا جرجس وناخد بركة صلاته وياريت يكون أبونا من المشهود لهم وياريت تدينى فكرة عنه لو ممكن تدينى نمرتك على الإيميل بتاعى أكلمك ونتفق وشكرا يا كريم جدا جدا لمشاعرك الجميلة
[email protected]
karim
03-27-2008, 10:46 PM
سلام يا جورج أنا بعت لك نمرتي و نمرة ابونا علي الميل - ياريت تطمني انة وصلك
elphilasouf
03-27-2008, 10:56 PM
هاهاهاهاهاهاهاهاها
أه بضحك عرف ليه عشان البابا كيرلش زرها
خلاص يا عم أنت خايف من ايه بقى
متشلش هم
ashraf ss
03-28-2008, 12:07 PM
رب المجد مش راح يسيبها وكما قال السيد المسيح دعوا الاطفال يأتون إليا لأن لهم ملكوت السموات بشفاعة أم النور
وكل القديسين تكون معها أمين
http://img151.imageshack.us/img151/6879/11onlineai1.jpg
عماد حسنى
03-28-2008, 01:59 PM
كن مطمئناً جداً جداً و لا تفكر في الأمركثيراً. بل دع الأمر لمن بيده الأمر.
البابا كيرلس السادس
ربنا موجود
وحنين على اولاده
جورج أنور جورجي
03-28-2008, 08:42 PM
شكرا للفيلسوف ول أشرف وعماد لصلاتكم وإحنا فى إنتظار ربنا إن يمد إيده بس ألم "سما" هو اللى تاعبنا جداً وبنصلى إن ربنا يرفع عنها وعننا الألم الشديد ده
Michael_Sabry
03-29-2008, 12:18 AM
يعلم ربن انا حزنت جدا لما سمعت الخبر دى وانشاء الله ربنا يتمجد و يشفيها
وسيب كل حملك على ربنا و صلى وانصحك تواديها الطاحونه بتاعت البابا كيرلس
وربنا معاها بجد انشاء الله ربنا يتمجد ويشفيها
جورج أنور جورجي
03-29-2008, 01:27 PM
شكرا يا مايكل ربنا موجود ومنتظرينه وهو لا يخزى منتظروه
جورج أنور جورجي
03-29-2008, 01:32 PM
سما اتحسنت حالتها شوية والإرتشاح اللى فى المخ خف شوية ويارب يكمل بالشفاء الكامل بشفاعة العذراء مريم ومارجرجس والملاك ميخائيل والبابا كيرلس .. أرجو الإستمرار فى الصلاة من الأعضاء لأن الصلاة هى القوة التى تزيل الجبال والآكام
rossaa
03-29-2008, 02:45 PM
غبر المستطاع عند الناس مستطاع عند الله
ربنا يكمل الشفاء
ونصيحه منى ياستاذ جورج انا واحد قريبى كان عنده نفس المرض وحصلتله معجزه على يد القديس ابونا يسى اللى كنا بنعمله
كانت كل عائلتنا بتتجمع عنده بنقول مدايح لكل القديسين لحد ما شمينا ريحت بخور كانت حاجه جميله قوى حسينا ان ربنا سمع لصلاتنا وربنا شفاها وربنا انشاء الله هيشفي سما
بس داوم على المدائح لكل القديسين
جورج أنور جورجي
03-30-2008, 02:40 PM
شكرا يا rossaa أنا هاعمل بالنصيحة ، شجعتينى كتير بالمعجزة دى لأننا لما بنكون فى حالة ضعف الشيطان بيلعب بأفكارنا كتير وبيقول إنتوا عايشين فى وهم ومفيش حاجة اسمها معجزة ولما ببص للواقع أتعب جدا لأن الواقع مؤلم جدا وسما بتتعذب كتير من الألم صلوا إن ربنا يستجيب بسرعة علشان تعبنا جدا فوق الطاقة
karim
03-30-2008, 06:27 PM
أمين يا جورج - ربنا يتمجد و يكمل الشفاء التام بشفاعة جميع القديسين و باسم يسوع المسيــــــــــــــــــــ ـــــــــــــــــــــــــ ـــــــــــــــــــــــــ ــــح
مجداً للرب
انا ضفت كام صورة في منتدي الصور لكنيسة العدرا و الملاك ميخائيل بميت بشار - لو عندق وقت ابقي بص عليها
عبدة حبيب المسيح
03-30-2008, 09:47 PM
بصلوات العدرا ورئيس الملائكة
جورج أنور جورجي
03-31-2008, 01:15 PM
شكرا يا عبده وأهلا بيك فى المنتدى .. أذكر سما فى صلواتك
kamel
04-02-2008, 02:49 AM
يا إلهى القدوس تمم لبنتك سما الشفاء
وعين أبويها وأرحمهم من هذا العذاب
يا مخلص النفوس
أمين
جورج أنور جورجي
04-04-2008, 04:51 PM
سما لسه تعبانة ومعذبة وإحنا معذبين جدا .. رجاء الصلاة من أجلها لأن ربنا حاجب وجهه عننا أكيد علشان خطيتنا كبيرة فرجاء كل من يقرأ الرسالة دى يصليلها جامد بشفاعة العذراء والملاك ميخائيل ومارجرجس والبابا كيرلس .. ليغفر ربنا خطايانا
4/4/2008
kamel
04-06-2008, 03:40 AM
تشدد يا محبوب المسيح
فكم لاقى جميع القديسين من تجارب
تمجد يارب بشفاء سما يارب كن مع جميع أهلها
ولا تتركهم للتجارب
خلصهم ياقدوس من العزاب بشفاء سما
أقبل منى كل سجود يليق بأسمك القدوس
ولتكن مشيئتك يارب
scrpion_9
04-06-2008, 06:28 PM
يارب اشفيها بشفاعة العدرا ام النور والبابا كيرلس ومارجرجس يكونوا معاها ويشفوها امين
جورج أنور جورجي
04-08-2008, 03:01 PM
شكرا يا كامل صلاتك حلوة .. رجاء اذكرها دايما فى صلاتك
جورج أنور جورجي
04-08-2008, 03:02 PM
شكرا يا scrpion_9 (http://www.orsozox.com/forums/members/5137.html) ربنا يباركك وشكرا لإهتمامك
جورج أنور جورجي
04-08-2008, 03:06 PM
سما تعبانة جدا ومعذبة جدا ودخلت العناية المركزة صلوا إن ربنا يرحمنا من العذاب ده مش قادرين نتحمله .. إحنا بنتعذب ومش شايفين ربنا لضعف ايماننا صلولنا كتير
rossaa
04-08-2008, 04:21 PM
ربى والهى ومخلصى يسوع المسيح ارحم عبدتك سما واشفيها يالهى مد يدك واعطيها
الشفاء لكى تسبحك على شفائك لها طوال ايام عمرها ارجوك يالهى ارسل لها القديس
العظيم ابونا بيشوى كامل الذى زاق نفس الالام لكى يعطيها الشفاء الكامل ويفرح
اسرتها انعم يالهى عليها بالشفاء كما انعمت على اولادك المرض الكثيرين بنفس المرض
ارجوك يالهى استجيب
جورج أنور جورجي
04-08-2008, 08:01 PM
كان نفسى تشوفى دموعى يا rossaa (http://www.orsozox.com/forums/members/12226.html) لما قريت صلاتك
اشرف ابراهيم
04-08-2008, 09:58 PM
يا رب يسوع المسيح مد يمينك القويه الشافيه الى ابنتك سما وانعم عليها بالشفاء وفرح قلب والديها لانك يارب شفاء لنفوسنا وامراضنا لك المجد الى الابد
اس اسامة عوض
04-09-2008, 12:37 AM
امل يارب اذنك واستمعنى لانى مسكين وبائس انا احفظ يارب نفسى لانى بار يالهى خلص عبدك المتكل عليك ارحمنى يارب لانى اليك اصرخ اليوم كلة فرح نفس عبدك لانى اليك يارب رفعت نفسى لانك انت يارب صالح ووديع ورحمتك كثيرة لكافة المستغثين بك انصت يارب الى صلاتى واضع الى صوت تضرعى فى يوم الشدتى اليك اصرخت فا جبتنى فليس للك شبية فى الالهة يارب ولا من يصنع كاعمالك كل الامم الذين خلقتهم ياتون ويسجدون امامك يارب ويمجدون اسمك لانك انت عظيم وصانع العجائب انت وحدك الالة العظيم
جورج أنور جورجي
04-09-2008, 01:25 PM
يارب إن كنت تحجب وجهك عنى فاستجب لصلوات أخوتى المملوئين بركة وكلماتهم معزية
شكرا يا أشرف وإسحق
جورج أنور جورجي
04-09-2008, 01:40 PM
سما حطولها لزقة على صدرها وده " مورفين " ودى أقوى طرق المسكنات .. هل تتخيلوا ألمها.
يا إلهى .. السفينة معذبة والريح شديدة والبحر هائج ونحن معذبون ..
يا سيدى أعلم إنك لست نائما بل تدرى بكل شئ . لكن ارحم نفس عبدك واسكِت الريح وأثق أنه سيكون هدوء عظيم وسوف تتغير حياتنا " الأشياء العتيقة قد مضت هوذا الكل قد صار جديدا " وأثق إنك ستمسح كل دمعة من عيوننا وسوف نقول " عظم الرب الصنيع معنا فصرنا فرحين "
جورج أنور جورجي
04-09-2008, 01:42 PM
فيا إلهي لا تبطئ
9 /4 / 2008
اشرف ابراهيم
04-10-2008, 01:36 PM
http://i165.photobucket.com/albums/u43/CHICO2007EG/The20Healer.jpg
اشرف ابراهيم
04-10-2008, 01:40 PM
يارب إن كنت تحجب وجهك عنى فاستجب لصلوات أخوتى المملوئين بركة وكلماتهم معزية
شكرا يا أشرف وإسحق
http://i165.photobucket.com/albums/u43/CHICO2007EG/The20Healer.jpg
جورج أنور جورجي
04-11-2008, 12:17 PM
شكرا يا أشرف على الصورة والآية ربنا يعوض تعبك واهتمامك
اشرف ابراهيم
04-12-2008, 03:18 PM
يا ريت تطمنا على حال سما ويا رب تكون بخير
جورج أنور جورجي
04-14-2008, 08:48 PM
حالة سما سيئة جداً الأورام اللى فى المخ زادت فضغطت على العصب البصرى والحركى ومراكز التنفس فى المخ مما أثر على نظرها وحاليا فقدت 90 % من البصر ايضا 90 % من الحركة فى الإيدين والرجلين ونحن فى حالة يأس شديد وربنا إتأخر جامد علينا صلولنا إننا لا نفقد الرجاء والإيمان لأن الحرب شديدة جدا علينا ونحن فى إعياء شديد - أكتب هذه الكلمات أيضا وأنا فى إعياء شديد --
يا إلهى لا تدعنى أخور فى الطريق
اشرف ابراهيم
04-14-2008, 10:04 PM
انا مش عارف اقولك ايه انت احزنتى كثيرا لكن لا تفقد الثقه فى الله واحتمل التجربه الصعبه دى وربنا يشفيها انا ابكى من اجلها يا رب اسرع واعنها
karim
04-14-2008, 11:13 PM
سلام و نعمة يا جورج.
قد يسمح الله لك يأن تمر بظروف معينة تراها تدعو للقلق والتوتر !!!.. وإذ تري كل شئ أمامك قاتم اللون والظلام يخيم حولك وقد تشعر أن ليس هناك أمل في حل سريع ..لكن في ذلك الوقت لا تنس أن الله دعاك أن تسلك بالإيمان فثق في الله
ثق أنه بلمسة بسيطة من يده سيغير كل شئ وسيجعلك سعيداً حتي وانت في وسط العاصفة
اجعل ثقتك أعظم من كل الشكوك ...ارتفع فوق المحن لا تنحني امام الظروف الصعبة ...لا تستسلم أبداً لضعفك أو فشلك ...بل حاول دائماً من جديد
إن هناك دائماً شمس مشرقة ترسل أشعتها خلف الغيوم ...وهناك شعاع من نور الأمل وسط ظلام الألم وهناك ورود وسط الاشواك
إننا كثيراً ما ننظر الي الشوك ولا ننظر الي الورد الذي يكلل الشوك ...ننظر الي الشوك فنقول :(( أعطيت شوكة في الجسد ))2كو7:12
ولا ننظر إلي الورد الذي في الشوك وهو قول الرب (( تكفيك نعمتي ))2كو9:12
ننظر إلي المرض ولا ننظر الي نعمة الله التي تشملنا في هذا المرض
-------------------------------------------------------------------
ربي يسوع اجعل رجلي كالإيل فأستطيع القفز فوق أشواك هذا العالم الشائكة
karim
04-15-2008, 12:06 AM
V لا يوجد شئ تحت السماء يكدرنى او يزعجنى لأنى محتمى فى ذلك الحصن الحصين داخل الملجأ الأمين مطمئن فى أحضان المراحم حائز على ينبوع من التعزية
من أقوال البابا كيرلس السادس بركاتة تكون معنا جميعاً و بشفاعتة يمد المسيح يد الشفاء لأبنتة لسما
MICKEY
04-15-2008, 01:34 PM
لو عندك مشكلة متقوش يارب انا عندي مشكلة قول يامشكلة انا عندي رب
انا قريت الموضووع كامل وقريت المشاركات كامله
انا عيوني مليئة بالدموع ودي شهاده اتحاسب عنها قدام ربنا
انا بصليلك والدموع في عيوني
واكيد ربنا ممكن يسمع لواحد خاطي عمره مصلي
واول صلاة ليه بالدموع تكون من اجل ملاك برئ
يارب ارجوك اشفي بنتك سما
هي ملاك علي الارض معمتلش حاجه عشان تتعذب وتحس بالالم الشديد ده
انت رحوم علينا نحن الخطاه
فأكيد هترحم بنتك المسكينة دي
يارب عشان خاطري اشفيها
يابابا كيرلس اسمع مني انت شفيعي وعمرك مارفضتلي طلب
انا واثق انك هتشفيها بس بتجرب واليدها كما جربت ايوب
ربنا كبير
جورج أنور جورجي
04-15-2008, 01:34 PM
شكرا لمشاعرك الرقيقة يا أشرف ربنا يباركك
وشكرا يا كريم واحشنى جدا بكلامك المعزى ده ربنا يحافظ عليك .. طمنى على شغلك
اسامة ثروت
04-15-2008, 01:37 PM
ربنا يشفيها وتفرح بيها استاذ جورج وصلوات العدراء والقديسين تكون معك ومعها الى الابد امين
تعالو اليا ياجميع المتعبين وثاقلين الاحمال وانا اريحكم
ربنا معاك اطلبو وهتلقية جمبك
bolalover
04-15-2008, 01:54 PM
ياااااااااااااااه بجد مش عارف ارد اقول ايه
ربنا يكون معاها بجد
و صدقني ربنا كبير
و البابا كيرلس عمره ما بينساه ولاده
و دايما جنبهم و بيفتكرهم
سيب حمولك علي ربنا
و الي ربنعه رايده هو اكيد الي هيكون افضل و احسن في جميع الحلات
و صدقني دي بتبقا تجارب و احنا علشان ولاد ربنا و هو بيحبنا و اكيد دي تجربة و هتعدي
و انا بجد هصلي من كل قلبي لسما و بامانة هحط اسمها علي مذبح كنيسة الانبا بشاي و الانبا بطرس
و ربنا كبير
مينا101
04-15-2008, 03:14 PM
الرب قادر الرب قادر الرب قادر
نعم الرب قادر عندما نقف نحن عير مستطعين فعل شى وتضيق بنا الدنيا
تظهر يد اله.....
الرب قريب لمد يدعوه.............البابا كيرلس السادس
M!SS N@NO
04-15-2008, 03:54 PM
يسوع مش هيسيبها وهيشفيها أكيد وخليك واثق من كده يا أستاذ جورج
دى بنته قبل ماتكون بنتك دا هو اللى دفع تمنها من دمه وخلصها بألمه
وهو اللى قال
أنا هو الرب شافيك
سيبها على ربنا وقوله يا رب دى بنتك
وثق أنه مش هيتخلى عنها
ربنا يشفيها ويقومها بالسلامه
ببركة صلوات وعظمة شفاعة
أمنا العذراء مريم
والبطل مار جرجس
وحبيبى وشفيعى أبونا يسى ميخائيل
وأبونا يسطس الأنطونى
وأبونا عبد المسيح المناهرى
وابقى طمنا عليها
ربنا معاكم ويرعاكم
أمين
اسامة ثروت
04-15-2008, 04:19 PM
معلش استاذ جورج لكن اققل ما يمكننى تقديمة هى مجموعة من الكلمات شعرت بانها رسالة من اللة فاسمح لى بذلك
يابنى احتمل تجربى .................... لكى تنتصر بعد معى
احتمالت من اجلك الالام .............. وبعد الالام اعطيك سلام
لاتخشى ابنى شياء ..................... فانا معك طول الايام
هوذا الاتون غدا يعبر وتصير.............. كالذهب الصافى بعد ان يجتاز النيران
يابنى ها وعدى طول الايام .................. ان بعد الضيقة يعرف قلبك السلام
ذاك وعدى فانتظر ........................... فغدا ياتى حاملا لك اصعب الاحلام
فانا بدخل كفى حملتك ....................... وفى نن عينى نقاشتك
فا لاتخف بعد التجارب ...................... فانت بى بعد غالب
تمسك يابنى بالوعود ......................... فغدا ياتى اليوم الموعود
ويتاكد فيك وعد اللة
كيرو رافت
04-15-2008, 05:23 PM
استاذ جورج انا موش عارف اقول لك ايه مفيش اى كلام اقدر اقوله الا ان بنتك تحت رعايه الراعى الاعظم اللى قلبه مليان بالحنان اللى قال ان لذته فى بنى ادم انا متاكد انه هايتحنن عليها وهايشفيها وربنا ها يتمجد لان دى ملاك موش هاقول انها ما تستاهلش العزاب اللى هى فيه لكن هاقول ان ربنا رحمته واسعة جدا جدا ،، ما ابعد احكامه عن الفحص وطرقه عن الاستقصاء ،، الق على الرب همك وانا كلى ثقة فى ان ربنا هايمد ايديه ويشفى الملاك الجميل ده بشفاعه كليه الطهر والبابا المعظم الانبا كيرلس
ربنا معاك وبجد المسيح مش هيسبها وهيقف معاها وهتعدى المحنة دى
دى تجربة من المسيح
وبركة العدراء والبابا كيرلس والقديسة مهرائيل وجميع القديسين يكونو معها ااامين
كن مطمئناً جداً جداً و لا تفكر في الأمركثيراً بل دع الأمر لمن بيده الأمر
جورج أنور جورجي
04-15-2008, 07:15 PM
سامحونى أنا عاجز إنى أرد لأن كلمات الشكر عاجزة عن تعبير مشاعرى
ربنا موجود
اشرف ابراهيم
04-15-2008, 07:27 PM
سامحونى أنا عاجز إنى أرد لأن كلمات الشكر عاجزة عن تعبير مشاعرى
ربنا موجود
اخى العزيز لاداعى للشكر فنحن اعضاء جسد واحد واحنا كلنا بنتالم عشانك وننتظر عمل الرب
جورج أنور جورجي
04-15-2008, 07:33 PM
إضافة سما لتوقيعكم يا أشرف ويا ميكى كتير علىَّ
IO-Mena
04-15-2008, 08:43 PM
الرب يسوع المسيح الحى مفيش حاجة صعبة عليه وهو الى سامح بالتجربة
ومدام سيدنا البابا كيرلس السادس القديس العظيم والقوى ضربها على دماغها يبقى تق انى الرب يعولك ولا يتركك ومع عظمة التجربة يعظم الشفاء وتمجيد اسم الرب
تقو الرب يعولك
سلام المسيح معاكم وببركة الام الحنونة القديسة الطاهرة امنا العذراء مريم وسيدنا القديس البابا كيرلس السادس والشهيد القديس العظيم مارمينا العجايبى ورئيس جند الرب الملاك ميخائيل والشهيد العظيم مارجرجس ومصاف القديسين ربنا يشفيها امين
IO-Mena
04-15-2008, 08:45 PM
http://i165.photobucket.com/albums/u43/CHICO2007EG/The20Healer.jpg
جاسيكا
04-15-2008, 11:33 PM
ياربى يسوع المسيح اقف مع بنتك واشفيها من هذا المرض
قومها بالسلامة لأسرتها واشفيها من هذا المرض
وعدى بيهم التجربة اللى هما بيمرو بيها دى ياربى يسوع
دى بنتك اشفيها وعدى بيها لسلام وامان وشفاء من الالام
يارب يقومها باالسلامة
وبركة البابا كيرلس فى سبت النور السنادى يشفيها بالسلامة
ويبعد عنا المرض وتقوم بالسلامة
امين
imported_نيرو
04-16-2008, 08:10 AM
ربنا ان شاءالله هيتمجد ويشفيها ربنا معاها
مراحمه لا تزول فهى جديده كل صباح
كن مضمئنا جداجدا ولا تفكر ف الامر كثيرا بل دع الامر لمن بيده الامر
bentelmalek
04-16-2008, 05:56 PM
ربنااااا هيشفيهاااا بمشيئة المسيح وببركة جميع القديسين والبابا كيرلس عمرة ما ينسى حد التجىء الية خليكى واثقة فى كدة ربنااا هيتمجد وهتبقى زى الفل بمشيئة المسيح ربنا معاااااهاااااا
اشرف ابراهيم
04-16-2008, 06:32 PM
انتظر الرب. ليتشدد وليتشجع قلبك وانتظر الرب
جورج أنور جورجي
04-16-2008, 08:22 PM
شكرا يا مينا على صلاتك واذكرها دايما فى صلاتك
شكرا جاسيكا لصلاتك الحلوة وأنا فعلا دايما بفكر وبأترجى ربنا إن فى سبت النور ربنا يتمجد فيها لتكت مشيئته إحنا بنترجى .. لكن مواعيده ده فى سلطانه وحده
ربنا يخليكم يا " نيرو" "وبنت الملك" لإستخدامكم كلمات كلها إيمان ورجاء وهى الثقة بما يرجى
يمكن أنا ضعفت شوية لكن بأتشجع لما بلاقى الإيمان فى كلمات أخواتى الأعضاء
حبيبى الغالى أشرف متابعتك لسما بتغمرنى بمحبتك وانا دايما بصليلك ربنا معاك
جورج أنور جورجي
04-16-2008, 08:29 PM
رجاء من bentelmalek (http://www.orsozox.com/forums/members/25075.html) لو بتروحى ميت بشار فى الزقازيق صليلنا هناك وأبونا جرجس عنده خبر بحالة سما ياريت تذكريه بسما إنه يصليلها وشكرا ليكى
جورج أنور جورجي
04-16-2008, 08:34 PM
سما دخلت فى تشنجات جامدة فى جسمها كله وكان منظر مؤلم جدا النهارده 16/4/08 ورحنا معهد الأورام وقلت إن الأمور.. خــــــــلاص .. وهاتدخل العناية لكن ربنا وقف معانا برضه ، قعدنا ساعتين وروحنا البيت
صلولنا ربنا يشملنا برحمته ويرفع عننا هذه الالام أو يرفعنا فوق الآلام
اللة يرعانى
04-16-2008, 08:37 PM
ربنا يشفهالك ياربببركة الصيام وصلوات القدسين وام النورربنا يشفهالك ويفرحك بيها وياريت تتطمنا علها على طول
جورج أنور جورجي
04-16-2008, 08:54 PM
شكرا يامريم ربنا يخليكى لمتابعتك لسما الموضوع مؤلم يا مريم ومن كتر الألم اللى كل ساعة مش باقدر أتابعكم بس بحاول لما تبقى فى حاجة كويسة بتابعكم
نفسى فى اليوم اللى أقول فيه سما شفيت يا جماعة
وربنا إتمجد فيها حاسس إن ربنا هيستخدمنى فقط إن أحكى قصة سما طول عمرى وأحكى عن توبتنا وتغيير حياتنا
ameerko
04-16-2008, 09:11 PM
تأكد ان ربنا راح يشفيها
lawyer
04-16-2008, 09:11 PM
ربنا يتمجد و يرفع عنها لكن صلي واشكر ربنا على كل شئ و كن واثق ان الغير مستطاع عند الناس مستطاع عند اللة و لما ربنا يتمجد قولنا
بنت المسيح
04-16-2008, 09:45 PM
ربنا معاك ويشفيها بشفاعه ابونا يسطس والبابا كيرلس وابونا عبد المسيح
جورج أنور جورجي
04-16-2008, 10:46 PM
ربنا معاك ameerko (http://www.orsozox.com/forums/members/22710.html) أنا منتظر ربنا وهو لا يخزى منتظروه
شكرا ليك يا بيشو أكيد لما ربنا يتمجد هاعلن عن مجده
شكرا بنت المسيح لصلاتك وأول مرة أتشفع بأبونا يسطس ربنا يتمجد بشفاعات قديسيه
karim
04-16-2008, 10:52 PM
لكل نعمة تتقدمها ضيق.
يا حبيبي يا جورج - المسيح يقويك و يقوي ايمانك و يتمجد -
يا يسوع المسيح - انت قلت أطلبوا تجدوا -- و ها نحن نطلب منك ان تتحنن علي بنتك سما و ترفع عنها الألم و ترفع عن عيليتها التجربة الصعبة دي.
حكيم انت في كل افعالك . ارحم عبيدك الخطاة
MICKEY
04-17-2008, 01:21 PM
استاذ جورج حبيبي
كلامك انا حاسه جدا وهو بمثابة شوكه حاسس بيها معاك
لا تفقد الامل في الله
ربنا مراحمه واسعه وبلا حدود
انا منتظر المشاركه اللي هتكتب فيها بالبونت العريض
سما خفت بنعمة المسيح
وبجد حاسس انك هتكتبها قريب جدا
ربنا موجود
جورج أنور جورجي
04-17-2008, 03:16 PM
شوفو سما قبل المرض
http://img524.imageshack.us/img524/8774/img2902copyyd7.jpghttp://img187.imageshack.us/img187/6503/copyef9.jpg
http://img293.imageshack.us/img293/9554/img2537ls0.jpg
http://img329.imageshack.us/img329/9431/img2527cz3.jpg
http://img187.imageshack.us/img187/5056/img5397jo0.jpg
http://img165.imageshack.us/img165/9651/img3018xz0.jpg
http://img501.imageshack.us/img501/225/img5476mx8.jpg
http://img411.imageshack.us/img411/1631/img5475lx4.jpg
شوفو سما بعد المرض
http://img294.imageshack.us/img294/3603/img6491da9.jpg
http://img136.imageshack.us/img136/8818/img6504xr0.jpg
http://img262.imageshack.us/img262/4892/img6530ek2.jpg
http://img168.imageshack.us/img168/1552/img6488yv4.jpg
http://img165.imageshack.us/img165/5531/img6582bj0.jpg
http://img186.imageshack.us/img186/7587/img6579zt5.jpg
اما الكنيسة فكانت تصير منها صلاة بلجاجة الى الله من اجله (اع 12 : 5)
في كل ضيقهم تضايق و ملاك حضرته خلصهم بمحبته و رافته هو فكهم و رفعهم و حملهم كل الايام القديمة (اش 63 : 9)
صلاة الايمان تشفي المريض و الرب يقيمه (يع 5 : 15)
لا يتباطا الرب عن وعده كما يحسب قوم التباطؤ لكنه يتانى علينا (2بط 3 : 9)
اما منتظروا الرب فيجددون قوة يرفعون اجنحة كالنسور يركضون و لا يتعبون يمشون و لا يعيون (اش 40 : 31)
جورج أنور جورجي
04-17-2008, 03:21 PM
حبيبى قلبى ميكى كلامك طالع من قلبك ووصل قلبى على طول
ربنا سامعك وسامعنى وهايتمجد ونعلن مجده بالفونت العريض
وهاصلي مهما حصلي
M@@@NOOOO
04-17-2008, 03:31 PM
يااااااااااااارب انشالله تخف وتبقى زى الفل
ماتشغلش بالك
والقى على الرب همك
صلوات القديسين تكون معاك
ameerko
04-17-2008, 03:32 PM
موضوهايل ربنا يباركك يا سما ويشفيكى يا رب يسوع المسيح بشفاعة البابا كيرلي وأبونا عبد المسيح وأم النور
MICKEY
04-17-2008, 03:33 PM
جورج : يارب انا بجد تعبان اوي بنتي بتتألم ومش عارف اعملها ايه
المسيح : ياحبيبي بنتك دي بنتي قبل ماتكون بنتك
جورج : يارب الامها بيتعبني
المسيح : انت مش هتخاف عليها قدي ياجورج
جورج : يارب انا عارف بس انا من جوايا بتوجع معاها ومش عارف اعمل ايه
المسيح : انا جمبيها .. نايم جمبيها وحوليها الملايكه بيلعبوا معاها ... انت لو عندك ايمان قوي هتشوفني
سما : ايوه يابابا ربنا واقف جمبي وبيكلمني .. انا شايفاه والملايكه حلوين خالص بيلعبوا معايا ..
ومتخفش يابابا انا هخف وهكبر وهتجوز الواد اللي هحبه واللي هختاره مش اللي انت هتختارهولي
جورج : هصلي مهما حصلي وانا واثق كتير فيك يارب
المسيح : وانا مش عاوز منك اكتر من كده .. الأيمان والصلاة .. وكمان مش انا بعتلك كيرلس ضربها بالصليب
جورج : ايوه يارب حصل
المسيح : طيب عاوز ايه تاني ... مراحمي واسعه يابني بس انت صلي ..
M!SS N@NO
04-17-2008, 03:44 PM
ربنا معاكم يا أستاذ جورج ويطمنك ويطمنا على سما الاموره
وربنا يسمع لصلوات كل اللى بيصلولها
ويسمع لصلاتى أنا الخاطية ويشفى هذا الملاك البرئ
وبأذن المسيح نسمع منك قريب أحلى خبر وهو ان سما خفت وبقت تمام
ربنا يشفهالك ويباركلك فيها
وتشوفها عروسه حلوه باذن يسوع
ربنا يتمجد ويشفى سما الحمل الوديع
بشفاعة البابا كيرلس وجميع القديسين
والشهداء والأبرار وأنقياء القلب
آمين
جورج أنور جورجي
04-17-2008, 04:07 PM
مش عارف أرد .. يارب نعمة وسلام لكل اللى صلى لبنتى
إقبل صلاة من خاطى عايز يتوب
جورج أنور جورجي
04-17-2008, 04:08 PM
مش عارف أقولك ايه يا ميكى ربنا يفتح بصيرتى زى ما هو فاتح بصيرتك
جورج أنور جورجي
04-17-2008, 04:09 PM
شكرا يا أستاذ ظريف لصلاتك الغالية
جورج أنور جورجي
04-17-2008, 04:12 PM
شكرا يا مانو وحنان واميركو ربنا يغمركم بفيض غناه فى المجد
الناى الحزين
04-18-2008, 06:42 PM
يا عدرا اتشفعى عند ابنك الحبيب المخلص لشفاء سما
زى ما تشفعتى عنده لشفاء الام ايرينى
ويا بابا كيرلس زى ما ضربتها بالصليب
خفف عنها الم الصليب
ربنا يتمجد فى قديسيه ويشفيها يارب
مينا 332211
04-18-2008, 07:18 PM
يارب اشفع فى بنتك سما هواشفيها
مينا 332211
04-18-2008, 07:18 PM
طول اليوم هنصليلها ربنا معاكى
جورج أنور جورجي
04-18-2008, 09:50 PM
شكرا للناى الحزين صلاتك عزتنى كتير ربنا يباركك
شكرا يا مينا على صلاتك وإنك هاتصليلها طول اليوم ربنا هيسمع منك
ربنا معاكم
مينا موحد القطرين
04-19-2008, 08:02 AM
لقد تالمت كثيرا عندما قرات هذا عن سما ولكن اعلم مدى شعورك بالالم والحزن على ابنتك ارجوك تذكر وعد الرب لك عندما قال لا تخف لانى انا معك لااتركك ولا اهملك تشدد وتشجع ودائما اعرفك ان الذى يحبة اللة يضعة فى تجارب لكى يتمجد اسمة معة ساضع اسمها على مذبح كل كنيسة ازورها وسوف اذكرها فى كل الصلوات والقداسات شفاعة كل القديسين تكون معها امين
متقلقش ربنا موجود وشايف وكمان سما بنتك هتكون سبب بركة كبيرة عشان خلت ناس كتيرة تطلب ربنا لمجرد طلب الشفاة ليها واحنا كلنا مستنين موضوع جديد تكتب فيه تم شفاء سما ببركة وصلوات جميع القديسين وبالاخص البابا كيرلس ......
MICKEY
04-19-2008, 10:52 AM
طمني يااستاذ جورج
الحالة عمله ايه الوقتي ؟؟؟
جورج أنور جورجي
04-19-2008, 01:09 PM
نعمة وسلام من رب المجد يا مينا وشكرا لصلاتك الجميلة
شكرا يا بير ويارب نعلن مجد ربنا ونميت ذواتنا
ربنا يبارككم
جورج أنور جورجي
04-19-2008, 01:49 PM
واحشنى يا ميكى .. الحالة ليها يومين مفيش جديد مستقرة نوعا ما .. شكوى بسيطة فى الرأس والبطن
لكن لسة مش بتشوف ومابتقدرش تقف على رجليها لأن عضلات الرجلين ضعفت جدا من الشهر اللى فات اللى نايماه على السرير لكن فى إضطرابات فى المخ يعنى تاكل كتير وتتكلم كتير يمكن الأكل الكتير من الكورتيزون اللى بتاخده
إحنا مرينا بظروف أصعب من دى فى آخر شهر ديسمبر .. فقدت فيه النظر والحركة والكلام ودخلت فى غيبوبة 12 يوم فى العناية المركزة والدكاترة شافوا حدقة العين وعرفوا إن المخ وقف وقالولنا إنتو عملتو اللى عليكم هى قدامها ساعات .. قلنالهم "إلهنا حى" بنفس الكلمة .. تانى يوم سما إبتدت تفوق وفى ثلاثة أيام كانت سما بتجرى فى الشقة زى القردة .. وشهدوا عليها الدكاترة الغير مسيحين قبل المسيحين إن دى حاجة مش طبيعية لدرجة الدكتور رئيسة القسم وزعت حاجة صاقعة على اصطف التمريض وقالت أن أول مرة أبكى على طفلة فى حياتى لأننا بنشوف الموت كل يوم وما بنتأثرش لأنها بتحب سما خالص وبيلاقوا نعمة فى عينيها لأنها ابكتهم كلهم فى مرة لما كانت بتتألم من الشكشكة والكنيولات والمحاليل ورفعت ايديها للسما وقالت يارب اشفينى أنا تعبت أنا تعبانة خالص من الشكشكة والكانيولاخلت كل الدكاترة والممرضات وأنا وأمها وعمها كلنا نبكى
لكن المرة دى مفيش علاج بشرى لسما .. فمنتظرين رب المجد الشافى الأعظم
المرة اللى فاتت الناس قالولنا استبشرنا الميلاد بميلاد سما لأن سما اتولدت من جديد وعيدت العيد وكانت سليمة 100 %
المرة دى نفسنا نشوف قيامة سما مع قيامة المسيح اللى غلب الموت
شكرا يا ميكى لإهتمامك بحالة سما
جورج أنور جورجي
04-19-2008, 02:06 PM
دى صورة سما لما فاقت من غيبوبة 12 يوم فى العناية المركزة والدكاترة قالولنا قدامها ساعات
http://img522.imageshack.us/img522/8364/img6491nn1.jpg
اللة يرعانى
04-19-2008, 08:43 PM
ربنا يخليهالك ويشفيهاوتفرح بشفها ويخليهالكربنا قادر ان يشفيها ببركة ام نور
بنت الراعي
04-19-2008, 08:52 PM
غير المستطاع عند الناس مستطاع عند الله
قادر ربنا يتمجد ويشفيها
ارجوك يالهي وحبيبي يسوع اقبل صلاتي انا عبدتك الخاطيه واشفيها
مش لاجل صلاح نفسي يارب لكن لاجل دم ابنك الغالي الثمين اللي سفك علي عود الصليب يارب انت قلت اسالواتعطوااطلبواتجدوااقر عوا يفتح لكم واحنا جاين النهارده يارب بنخبط علي باب رحمتك وبنسالك من عطياك وبنطلب الشفاء لاجل سما الملاك البرئ يارب احنا عارفين انك حنين عليها وعارفين كمان ان وعدك صادق وامين ومش ممكن هاتتخلي عن سما وعيلتها في محنه زي دي لك كل المجد والشكر يالهي بركة صلوات الطاهره ام النور وابونا بيشوي كامل والبابا كيرلس ومارمينا والانبا كاراس والانبا بلامون وكل الشهداء والقديسين والملايكه تكون معاه ومع عيلتها امين
صدقني ماتخفش سما هاتخف وهاتبقي زي الفل ان شاء الله
فاليريا
04-20-2008, 04:27 AM
كن مطمئناً جداً جداً و لا تفكر في الأمركثيراً.
بل دع الأمر لمن بيده الأمر.
البابا كيرلس السادس
مادام شافت البابا كيرلس - يبقي أكيد هو و مارمينا ح يعملو لها العملية و تبقي زي الفل بأزن المسيح -
بنت الراعي
04-20-2008, 02:37 PM
سلام المسيح استاذ جورج كل سنه وحضرتك طيب انا روحت دير الانبا باخوميوس الاقصر (الشايب) وكتبت اسم وقصة سما في ورقه وحطيتها في صندوق الطلبات وكمان اديت اسمها لاتنين من الاباء الكهنه اللي مشهود لهم بالقداسه في الدير فامتخافش ربنا هايتمجد ويشفيها بشفاعة الشهداء والقديسين وارجوك تبقي تطمنا عليها وتقولنا اخبارها وربنا معاكم ارجوك اطمئن
جورج أنور جورجي
04-20-2008, 03:08 PM
شكرا يا فاليريا (http://www.orsozox.com/forums/members/17891.html) لإهتمامك وصلاتك إحنا منتظرين ربنا .. الشيطان بيحارب بشراسة الأيام دى وعايز يشككنا فى كل حاجة .. أرجوكى الصلاة كتير من أجلنا
جورج أنور جورجي
04-20-2008, 03:15 PM
سلام المسيح يا بنت الراعى ربنا يعوض تعبك واهتمامك دى بركة كبيرة اللى عملتيه معانا وربنا هيستجيب بصلواتكم واهتمامكم بحالة سما
رغم الحالة سيئة جدا لكن هانتمسك بالفتات الساقط من المائدة ونقوله إرحمنا كعظيم رحمتك كما رحمت المرأة الكنعانية
جورج أنور جورجي
04-20-2008, 03:23 PM
كلامك اللى كله ايمان والنعمة اللى عاطيهالك ربنا إنك تطمنينا بترفعنا كتير وإحنا فى حالة ضعف فى الفترة دى ، ومحتاجين اللى يسندنا بكلمات إيمان زى كده ومتكونش مجاملة ربنا يباركك " بنت الراعى "
بنت الراعي
04-20-2008, 05:34 PM
صدقني استاذ جورج دي مش مجامله بس فعلا انا اطمئنيت بعد ما حكيت مع ابونا عن سما
وصدقني الاباء الرهبان في الدير عندنا فعلا قديسين ربنا يبعد عنهم عدو الخير وابونا هايصلي لها وهايذكرها في القدسات
وعايزه اقول لحضرتك حاجه مهما كانت الحاله صعبه اكيد ربنا يقدر يشفيها لانه هو اللي خالقها وان كان ربنا سمح ان الحاله تسوء فده مش معناه اننا نفقد الامل لانه وان تاني يستجيب لازم نتحلي بالايمان والثقه في عمل ربنا شوف حضرتك ربنا رغم انه كان عارف ان لعازر تعبان لكن ماشفاهوش ليه علشان كان عايز يقيمه من الموت علشان يتمجد اكتر يمكن لو ربنا شفي سما من الاول كان عدد قليل عرف القصه لكن هو سابها تتعب زياده لمجد اسمه اكتر صدقني ربنا اللي شفي المخلع والمفلوج والمولود اعمي هايشفي سما دي بس تجربه علشان نتعلم الصبر والايمان وعلشان نقرب اكتر من ربنا لكن ثق تمام الثقه ان ربنا هايدخل في الوقت المناسب ومش ممكن ابدا يسيبكم لان ربنا بتاع المعجزات ايام التلاميذ والرسل هو هو بتاع النهارده مابيتغيرش
ارجوك صلي لها كتير وتحلي بالايمان والثقه في عمل ربنا وصدقني انا حاسه كويس اوي بحضرتك ومامة سما بس مش في ايدي انا الضعيفه الخاطيه غير الصلاه لاجل سما
علي فكره كنت عايزه اشكر حضرتك لانك عطيتني فرصه اني اصلي واتقرب من ربنا اكتر في الفتره المقدسه دي اسفه طولت عليك ربنا معاكم ويساندكم ويعدي بيكم لبر الامان
جورج أنور جورجي
04-21-2008, 01:36 PM
شكرا بنت الراعى لمساندتك لينا وصلاتك وإيمانك، كلامك حلو جدا .. ربنا يكافئك ويعوضك بخير وسلام ونعمة
انا ببقى سعيد جدا لما ناس تقولى إن سما خلت ناس كتير تصلى وتتقرب من ربنا .. ودى رسالة حلوة ربنا إداها للطفلة الملاك دى
انا مش هقول اكتر من اللى الناس قالتله بس اللى اقدر اقولهولك ان اول لما شوفت الموضوع روحت ذكرت اسمها عند الاجساد فى الكنيسة ودعتلها ان ربنا يشيل عنها ويخلهلكم ساعات بنر بتجارب وبتطول يمكن عشان ربنا عايز يقيس ايمانا وكمان عشان عايز يسمع صوتنا فى الصلاة متخليش الشيطان ييأسك ابدا ده كفاية ظهور البابا كيرلس ليها
ربنا يشفيها يارب ويخلهلكم وتفرحو بيها
جورج أنور جورجي
04-21-2008, 03:27 PM
شكرا Miso ربنا يباركك أذكرها دايما فى صلواتك وأهلا بيك فى المنتدى
REMOO08
04-21-2008, 05:22 PM
ربنا يشفيها ...
ان شاء الله تقوم بالسلامة ...
توتا توتا
04-22-2008, 12:26 AM
ربنا مع سما والبابا كيرلس يكون معها وقولنا عمله اى وباذن الله هتخف
يارب تحنن على بنتك سما واشفيها ياربى مد ايدك ياربى واشفيها محدش غيرك هيقدر ان يفرحها ويفرح بابها ومامتها
ببركة وشفاعة العدرا مريم والبابا كيرلس
جورج أنور جورجي
04-22-2008, 12:47 PM
شكرا توتا توتا (http://www.orsozox.com/forums/members/24993.html) لصلاتك وشكرا إن أول مشاركاتك لسما يارب يسمع منك وهى حالتها حرجة جدا فى هذه الأيام ومعذبة جدا
22/4/08
جورج أنور جورجي
04-22-2008, 01:01 PM
مفيش غيرك يارب هايقدر السفينة ومعذبة جدا وبدأ اليأس يتغلغل جوانا إرحم ضعف بشريتنا وإعن ضعف إيماننا أنت لم تترك توما فى الشك ولم تعاقب بطرس على إنكاره لك
رحمتك يا رب أعوم سريرى كل يوم،
لماذا تختفى فى أزمنة الضيق ؟؟؟؟؟؟؟؟؟؟
صبحى كرم
04-22-2008, 01:38 PM
ربى والهى ومخلصى يسوع المسيح يامن شفيت الاعمى والابرص واخرجت لعازر من القر بعد الممات اضع يدك التى بلا عيب ولا دنس على الطفل سما واشفيها بركة صليبك المحى
MICKEY
04-22-2008, 01:43 PM
وبدأ اليأس يتغلغل جوانا
حبيبي جورج
مهما حصلك من الام وتجارب وضيقات ارجوك اوعي تيأس
تذكر ايوب واد ايه ربنا جربه ومع ذلك كان بيشكر ربنا
تفائل والشفاء قريب
رب المجد سوف يأخذ مرضها معه اثناء القيامه
ويقيمها من المرض
انتظر الرب
وطمني علي حالتها
انا بدخل القسم مخصوص لمتابعه حالة سما
بنت الراعي
04-22-2008, 03:38 PM
فعلا استاذ جورج ميكي عنده حق
احنا عايزينك قوي ومتماسك ومتفائل خير وواثق في عمل ربنا
ارجوك اوعي تيئث من رحمة ربنا
صدقني يا ميكي كلنا بندخل علشان سما ربنا يخليها لنا ويشفيها
صدقني هانسمع عنها اخبار كويسه قريب
اشكرك يالهي وحبيبي وربي يسوع المسيح لانك سمحت لنا اننا نشاركك الامك( ولو ان الامنا مش جاي نقطه في بحر من الامك يا حبيبي يسوع) علشان نتمجد ونرتفع معك في القيامه كلنا بشفاء سما امين
جورج أنور جورجي
04-22-2008, 03:39 PM
شكرا صبحى لصلاتك ومرورك الكريم ربنا يستجيب ويرفع الألم والمرض عن كل الذين يعانوا من أمراض مستعصية
جورج أنور جورجي
04-22-2008, 03:43 PM
مش هاقدر أقول غير عزيتمونى كتير كتير .. معلش أنا بتطلع منى ألفاظ فى وقت الألم لكن غصب عنى لو حد قعد ربع ساعة مع سما فى حالتها دى من غير ما يبكى يبقى بطل وإحنا معاها 24 ساعة فى اليوم بنعد نفسـها اللى طالع واللى داخل وألمها المتواصل رغم أقوى المسكنات ولما تشوف بنتك مش بتشوف ومش بتتحرك وتقولك يا بابا شيل الواوا اللى فى راسى وإنت واقف عاجز مش قادر تعمل حاجة ولا حتى الأطباء عارفين يعملوا .. ده صعب جدا جدا جدا .. وتيجى تكلم ربنا تلاقيه بيختفى عنك تبقى الأمور أصعب من مرض بنتى .. أكيد ربنا عامل إنه نايم فى السفينة وهى معذبة ومش سايبنا لكن ده آخر إحتمالى وآخر قدرتى على التحمل وهو لايعطى تجربة فوق ما نحتمل
الهى إرفع غضبك عننا وأغفر خطايانا أنت فى مثل هذه الأيام رفعت عن العالم ثقل الخطية وحملت أوجاعنا وأمراضنا .. أعن ضعف إيمانى وسامحنى
مش عارف أقولك ايه ياميكى ومش عارف أقولك ايه بنت الراعى صاحب السلام والفرح والطمأنينة يعطيكم ويعطينى من عنده غمر سلام وطمأنينة .. من كل قلبى ربنا يبارككم
كيرو رافت
04-22-2008, 04:12 PM
اليمتن هو الثقه بما يرجى والايقان بامور لا ترى
هى دى ديانتنا اللى اتربينا وكبرنا على تعاليمها الوقت اللى الشيطان بيبدا يدخل الى نفوسنا تبدا الثقة تقل وده اللى عايزة الشيطان مننا عايز ا كل اولاد الله معدومى الثقه لكن هل يا ترى الله سيتركنا حزانا لا لا لا لا لا
موش ممكن ربنا يسيبنا لكن هاييجى الوقت اللى هو محدده وسوف يمسح الله كل دمعه من عيوننا انا صدقنى واثق ان ربنا هايتمجد علشان الملاك الصغير ده هو قلب ربنا اللى بيشع بالحنان والعطف واكيد هذا الملاك كان وسيله ان احنا كلنا نقرب لربنا ونطلب منه بايمان وثقه وكلنا افكارنا تتوحد وقلوبنا تتوحد من اجل سماء تلك المخلوقه الصغيرة التى استطاعت ان تفعل ما لا يستطيع ان يفعله الكثيرين
استاذى الحبيب جورج اوعى تخلى الثقه تهرب منك والياس يتسرب الى قلبك لان لكل شئ تحت السماء وقت
صدقنى ربنا هايتمجد مع سما بس اوعى تفقد رجاؤك
بنت الراعي
04-22-2008, 04:42 PM
صدقني استاذ جورج احنا كلنا حاسين بيك اوي
ومقدرين مشاعرك وعذرينك جدا ارجوك ارجوك بلاش تكون حسا كده اوي
صدقني ربنا هايتمجد وهاتخف ربنا قوي جدا وحنين جدا وبيحبها اكتر من حضرتك ومن والدتها
وزي مابيحبها بيحبكم انتوا برده فمش ممكن هايحرمكم منها ولا يمكن يسبها تتعذب كده صدقني سما هاتخف وهاتكتب لنا قريب تقول انها خفت وتنقل لنا مشاعر الفرحه اللي جواك ربنا معاكم ويساندكم ويوصل بيكم لبر الامان
susanabashaa
04-22-2008, 04:54 PM
سلام المسيح يكون معاك يا استاذ جورج
انا مش هعرف اقول 1% من اللى اتقال من الناس الحلوة دى بس هقولك على حاجه
انت بتقول ارفع يارب عنى غضبك ده مش غضب ولا زعل ولا اى حاجه من ربنا وانما ده صليب ربنا اعطاهولك لتمسكك به اكتر وعارف اد ايه الشياطين بيحربك وهيحربك وتحاول تقلل ايمانك وهتقلك ان ربنا مش سمعك ولا موجود بس الكلام ده كله غلط ربنا موجود وسامح باللى بيحصل لسما برضاه وعلمه بس ده تعزيه ليك وتثبيت ايمانك لا تتززع ولا تمل بل صلى اكتر وربنا اكيييييييييد هيتمجد .
انا كنت اعرف طفله من سن سما تقريبا وعندها المرض ده بس هى نفسها كانت بتصلى بدموع مع اسرتها وربنا اتمجد بشفاعه البابا كيرلس . فا مفيش حاجه بعيده عن ربنا متقلقش اسفه انى طولت عليك ربنا يقويك ويشفيها ويحافظ عليكم امين؟
جيجى روته
04-22-2008, 11:22 PM
هناك خلف الغيوم .... هناك يوجد صفـــاء
+ هناك خلف الألم .... هناك يوجد شفـــاء
+ هناك خلف الضيقات .... توجد راحة ووسع وهناء
+ هناك خلف الصليب .... نبصر قيامة الحبيب
+ ومع الليل الطويل .... بكل مافيه من أنين
نرى المسيح الحمـــل
بالحب يحنو وللنفس يميل
يزرع أمل ... يعمل عمل
يفتح الباب .... بدون عتاب .... لكل من رجع وتاب
يعطى رجاء ....فيه شفاء ....لكل داء
فهناك خلف العذاب .... أكاليل معده وتيجان
جورج أنور جورجي
04-23-2008, 12:28 AM
كل الشكر لـ كيرو ، بنت الراعى ، susanabashaa (http://www.orsozox.com/forums/members/13987.html) ، جيجى
إلهى .. أعطى هذا الكلمات أن تدخل إلى قلبى وقلب زوجتى وأهالينا وأرفع الألم عن إبنتى التى تعانى الآن وأنا أكتب هذه الكلمات بوادر الدخول فى غيبوبة مرة أخرى ومتاهات لاحصر لها أنت قادر يارب أن تعطى لهذه الكلمات تعزية فى نفوسنا المتعبة جدا وأعطيها أن تغلب الواقع المرير الذى نعانيه الآن .
23/4/08
اشرف ابراهيم
04-23-2008, 02:36 AM
اخى العزيز الله معك وتحمل لان فرجه عن قريب
هيرودت
04-23-2008, 03:33 AM
ربنا باذن اللة يشفيها وتشفها عروسة جميلة ببركة جميع قدسين
ده أختبار سمح بيه ربنا لتجربة قوة إيمانكم
إنشاء الله تخف و تبقى عروسه جميلة تفرح قلوبكم
أخى العزيز / جورج ( أبو سما )
صدقنى يا أخى أعضاء المنتدى يتألمون
من أجل مرض إبنتك سما وحاسين بيك جدا
بس كل اللى بنرجوا منك أن تقول فقط
لتكن إرادتك يارب
وصدقنى ربنا مش بيحمل حد صليب
أكثر من قدرته لأن ربنا بيحبنا جدا
ودايما بيختار لنا الصالح 0 بس للأسف
نحن دائما بنقلق من رحمته وده دور الشيطان
اللى عاوزنا نغضب ربنا 0 أرجوك يا أخى جورج
تماسك أكثر من ذلك وصدقنى 0 ربنا كبير
MICKEY
04-23-2008, 11:33 AM
حبيبي وصديقي الغاللي جورج
صدقني انا حاسس بكل كلمة بتقولها
وعارف ان الموضوووع صعب علي اي شخص انه يتخيله
ولكن ربنا اعطل لكل انسان صليب لكي يتحمله
وعمر ماربنا اده صليب لشخص فوق استطاعته
ده صليبك .. ولكل شخص صليب
هقولك علي حاجه صغيرة ويارب مطولش عليك واصدعك
ولكن استحملني معلش
في احدي الايام اصيبة امرأة تعرف المسيح جيدا ومؤمنه
بالمرض الخطير ( كانسر )
اللي تطلق عليه الكنيسة مرض الفردوس
وفي احدي الأيام اشتد عليها الألم لدرجة وقفت امام صورة رب المجد يسوع المسيح تنادية بحرقة من اعماق قلبها
ربي والهي اشفيني وخفف عني صليبي ... صليبي تقيل اوي ومش قادرة عليه
خفف مرضي مش عشاني انا عشان اولادي الصغيرين
مين هيرعاهم ويربيهم
وهي نايمة يااخوتي الأحباء
جاء اليها المسيح في الحلم وقال لها
انتي مالك زعلانه ليه يابنتي
بتقولي صليبك تقيل
طب تعالي معايا انا هوديكي حته كويسة خالص
وراح وداها غرفة واسعه جدا والغرفة دي كانت مليانه صلبان كتير اوي
وقالها اختاري الصليب اللي انتي عاوزاه وخديه وسيبي ياستي صليبك التقيل اللي انتي بتقولي عليه
الست قالتله اشكرك يارب وفرحت اوي
وفعلا بدأت تتمشي في الغرفة تبحث عن صليب تحمله بدلا من صليبها الثقيل وهو المرض
شالت اول واحد لقته تقيل
قالتله يارب ده تقيل اوي اوي
قالها خلاص طالما ده تقيل سيبيه واختاري واحد تاني
اختارت واحد تاني وشالته
لقته تقيل برضه
قالتله يارب ده برضه تقيل
قالها خلاص سبيه واختاري اللي انتي عاوزاه
لقت صليب جميل وشكله حلو ومليان جواهر .. المهم شالته لقته خفيف
قالتله يارب هو ده اللي انا عاوزاه
ارجوك اديهوني وخد صليبي التقيل
قالها طب اقلبيه وشوفي اسم مين اللي مكتوب عليه
مسكت الصليب وشافت الاسم المكتوب عليه من ورا لقت اسمها هو اللي مكتوب
فقالتله يارب ده اسمي اللي مكتوب عليه
قالها طب يابنتي ماهو ده صليبك اللي انا مديهولك من البداية واسمك اهو اللي مكتوب عليه
امال تقيل ازاي ؟؟؟
ومن هنا صحيت من النوم
وقالت اشكرك يارب وهي بتبكي بحرقة
اشكرك يارب علي صليبي هذا بدلا من الصلبات التقيلة التانية
بالرغم من انه مرض الموت وهو ( السرطان ) لكن شكرت ربنا
اخوتي الأحباء
الله لا يعطي انسان حمل اكثر من طاقته
ولكل واحد الصليب اللي يقدر عليه ويقدر يشيله
بعد كل اللي عملته وكل الصلبان اللي شالتها
لقت ان صليبها اخف صليب وهي قادرة عليه
ربي يسوع المسيح اعطيني صليبي الذي تختارله لي
وانا موافق علي اي شئ لأنك انت الهي واحن عليا من باقي البشر
فهمت انا عاوز اقول ايه يااستاذ جورج
احنا بنشكر ربنا علي كل حال
ولكن ننتظر يد المعونه منه في نفس الوقت
وبأمانه شديدة انا حاسس بيك جدا
وعارف اد ايه صعب علي الانسان لما اغلي حاجه في حياته تتألم ومش عارف يعمل ايه
ربنا كبير ويتمجد ويشفيها
اخوك مايكل
بنت الراعي
04-23-2008, 11:50 AM
تصدق يا ميكي كلامك ده عزاني اما جدا
وياريت يعزي استاذ جورج ويخفف عنه شويه
ميرسي يا ميكي وربنا معاك استاذ جورج متخفش ارجوك خليك قوي ومتماسك
وربنا هايساعدك ويقويك
marina morad
04-23-2008, 08:00 PM
ربنا يشفيهالك يارب ببركة صلوات رب المجد يسوع المسيح وسيدتنا وملكتنا كلنا وفخر جنسنا السيدة العذراء مريم والبابا كيرلس ومارمينا مارجرجس وجميع مصاف القديسين الاطهار
كيرو رافت
04-23-2008, 08:21 PM
انا عارف يا استاذ جورج انك ساعات بتقول ان اللى ايده فى الميه موش زى اللى ايده فى النار انا معاك وبوافقك على الراى ده لكن صدقنى من كتر الانسان ما شاف قدامه حالات مشابهة وقد ايه كانت صعبه وازاى ان الرب اتدخل ومد ايديه وقد ايه ثقتنا فى رب المجد وانه هو اللى قال الغير مستطاع عن الناس مستطاع لدى الله وانه زى ما قال اخى الحبيب ميكى ان ربنا دايما بيعطى التجربة على قدر الاحتمال ،
سألت نفسى السؤال ده كتير يا ترى انا لو مكانك هاعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
جاء لى الرد سريعا قائلا ؛؛ فى كل ضيقهم تضايق وملاك حضرته نجاهم ؛؛
الله يشعر بكل ما نشعر به ويعطى الحلول فى اوقاتها
ثق فيه دائما يا اخى الحبيب استاذ جورج
وطمنى على الملاك الصغير عامله ايه دلوقتى
جورج أنور جورجي
04-24-2008, 03:26 PM
أخوتى الأحباء جدا إلى قلبى
أيوب قال : "وهو كان بار جدا"
بسمع الاذن قد سمعت عنك و الان راتك عيني
فماذا أقول أنا الخاطي عندما أكون فى ظلمة الآلام وفى حالة ضعف شديد أسمع فقط ولا أرى
وربنا سايبنا فى حالة تخلى وترك
وطفلة يفترسها المرض بتوحش
ممكن تقولولى ربنا عمره ما يسيبنا أبدا وهذا حقيقة
لا.. ربنا ممكن يتخلى عننا "لحيظة" زى ما الكتاب بيقول "لحيظة تركتك" لإختبار الإيمان
بدليل السيد المسيح فى قمة الألم قال " ايلى ايلى لماذا تركتني " هذا من شدة الألم
اللى عايز أقوله اللى بيحصل حالياً شئ صعب جدا وبعبر ببساطة عن حالتى بدون تجمل
فتقبلوا ضعفى بالصلاة وإنى لا أعثركم فى شئ "أنا أنتظر أنصاف الآيات المفرحة" لأنى لا أرى الآن إلا أنصاف الآيات المؤلمة فسامحونى جدا جدا على حالة الضعف اللى أنا فيها كلماتكم حاسسها لكنى أنتظرها مجسمة بشغف شديد
ربى وإلهى .. تقبل حالتى هذه وغير واصنع ما يحسن فى عينيك لكن لا تتركنى فى يد عدو الخير وأنظر إلى ضعفى وذلي وأنظر للطفلة الملاك الصغير التى تمررت كثيرا وهى الآن فى معهد الأورام تتعذب كثيرا وتناولت اليوم فى خميس العهد ، وغدا صلبوتك وبعد غد سبت النور والأحد فجر قيامتك
فأقيمها يا إلهى معك أرجوك
صدقونى أكتب هذه الكلمات بدموعى
كيرو رافت
04-24-2008, 03:36 PM
فى فجر يوم الاحد قام المسيح منتصرا على الموت وان شاء الله ستقوم سما منتصرة على ضعفها ومرضها وسوف تهزم المرض بقوة ربنا يسوع المسيح ببركة الايام المقدسة وببركة صلوات وطلبات اخوتى الاعضاء الذين يتالمون وانا معهم من اجل الملاك البرئ سما
ربنا ان شاء الله هايتمجد معاها يارب يارب يارب يارب يارب لا نملك الا اننصلى وندعوا الرب من كل قلوبنا
جورج أنور جورجي
04-24-2008, 03:53 PM
آمين يا كيرو هى ملهاش حل فعلا غير الصلاة
المخلص
04-24-2008, 04:08 PM
يا ربى ادعو لك ان تشفى حبيبتك سما ارجو الشفاء
صلى من اجلها
جورج أنور جورجي
04-25-2008, 02:41 PM
إلهي
سمـــــــا شاركــــتك الآلام
شاركها القيامة من الموت
+ أنت حمـــلت عذاب الصــليب .. وهى حمتتلت صتتتليب المـــرض
+أنت وضع إكليل الشوك على رأسك .. وهى وضع شوك الأورام على رأسها
+ دقوا على ايديك ورجليك المسامير .. وهى غرسوا فى ايديها ورجليها "إبر الكانيولات" ما يقرب من 1000 شكة كانيولا
+ ضُربت بالحربة فى جنبك .. وهى ضُربت بأورام فى كبدها
إلهى بحق هذه الجمعة العظيمة التى تألمت فيها كفارة عنا وغلبت الموت
أقم ملاكك الصغير من الموت
وإجعلها تحيا تقول: لا أموت بل أحيا وأحدث بأعمال الرب
سوف تكون توبة عظيمة لنا ونتحدث باسمك طول العمر
سمـــــــا شاركــــتك الآلام
شاركها القيامة من الموت
جورج أنور جورجي
04-25-2008, 03:20 PM
من أجل شفائتا صار المحب من أسفل القدم إلى الرأس ليس فيه صحة، بل جرح وإحباط وضربة طرية لم تعصر ولم تعصب ولم تلين بالزيت (أش 1 : 6 )
+ هو مجروح لأجل معاصينا، مسحوق لأجل آثامنا، تأديب سلامنا عليه وبحبره شفينا ( أش 53 : 5 )
+ من أجلنا نحن الذين قد تعرينا بسبب الخطية، تعرى رب المجد يسوع من الجنود، وربط فى العمود، وصار يضرب بالسياط والحبال ذات الأشواك الحديدية والتى بها عقد من العظام .. حتى يترضض ذلك الجسد البار ويتناثر لحمه عوضا، ليسيل دمه ليستر جراحاتنا ويشفيها. فلنسبحه، فهو الذى أمات الموت بموته! بإكليل شوكه ! ( القديس إفرام السريانى )
+ من أجلي صار خطية ولعنة! ومن أجلي قد إتضع وخضع ... لقد بكى حتى لا تبكي كثيرا أيها الإنسان ... هوذا دمه يغسلنا وبكاؤه ينظفنا
+ ما أبخس ثمن الخطية ! .. فالعدو يعرضنا للبيع كعبيد وأسرى، ويقدرنا بثمن بخس .. أما الرب فقد اشترانا بثمن غال .. لا يقدر بفضة، بل بالدم لأن المسيح مات لأجلنا وحررنا بدمه الثمين .. وهو ثمين لأنه لجسد بلا دنس . " القديس أمبروسيوس"
الجمعة العظيمة 25/4/08
كيرو رافت
04-25-2008, 04:51 PM
لكل شئ تحت السماء وقت
اله السماء قادر ان يقيمها من جسد المرض مثل ما قام من جسد الموت ثق فى ذلك
ربنا يحقق لك كل ما تتمناه
جورج أنور جورجي
04-25-2008, 08:28 PM
يستطيع كل شئ ولا يعثر عليه أمر
لا يخزي منتظروه
شكرا يا كيرو لمتابعتك وصلاتك لسما دايما
MICKEY
04-25-2008, 09:33 PM
طمني يااستاذ جورج
اخبار سما ايه
سامحني علي التقصير الفترة اللي فاتت
جورج أنور جورجي
04-25-2008, 10:13 PM
واحشنى يا ميكى عامل ايه كل سنة وإنت طيب وكل أعضاء المنتدى الجميل وخاصة اللى شاركوا فى موضوع سما بالصلاة وتعب محبة إللى وضعوا اسمها على المذبح واللى كلموا كهنة ورهبان مشهود لهم بالبركة
سما دخلت شبه غيبوبة فأكيد الألم خف شوية والدكاترة سايبـينا خالص لدرجة رحنا المستشفى قعدنا 4 ساعات وروحنا من غير ما يفيدونا بحاجة وقالولنا بتعبيرات الوجه إن معندهمش حلول وإحنا معندناش أى حيلة غير اللجوء لربنا " ده وقته خالص ومستنينه "
البابا شنودة ليه مقوله جميلة
" حينما لا توجد حلول بشرية ، تبصر يد الله تعمل "
الجديد إن فى سلام جوانا كلنا حاليا معرفش ده معناه ايه ؟؟؟؟؟؟؟؟؟؟؟؟؟؟؟؟؟؟؟؟
لكن نشكر ربنا عليه ده نتيجة صلواتكم أكيد ربنا هايعمل حاجة حلوة ده إحساسى حاليا يارب يكون الإحساس ده من عنده
MICKEY
04-26-2008, 02:29 PM
http://img247.imageshack.us/img247/8999/39cu7.gif
المسيح : سما حبيبتي عامله ايه الوقتي
سما : تعبانه يارب
المسيح : متخفيش هتخفي قريب اوي اوي ياحبيبتي وتجري وتلعبي مع العيال كمان
بس قولي لبابا يخف عليا شوية لحسن فضحني علي المنتدي
سما : اصله يأس يارب لأنه مش شايف ايدك لحد الوقتي في الموضوع
المسيح : طيب هو فين ادخل اقوله كلمتين
سما : جوه يارب في غرفته
http://img294.imageshack.us/img294/2782/56180068ft3.gif
المسيح : انا جاي اقولك كل سنة وانت طيب ياجورج ومتخفش انا مش هسيبك
جورج : وانت طيب يارب وانا واثق في وعودك ليا
هو ده الكلام وهو ده الايمان
والشفاء قريب
وكل سنة وانتي طيبة يااحلي سما عرفتها
وكل سنة وانت طيب ياجورج انت والمدام
اخوك مايكل
كيرو رافت
04-26-2008, 02:48 PM
الله عليك يا ميكى
بجد انت انسان جميل ورائع
استاذى الغالى جورج
حبيبتى الغاليه جدا جدا على قلبى وروحى سما ملاكى الصغير
كل سنة وانتم بخير وسلام وان شاء الله يا سما ربنا هايخفف عنك صليبك اللى حملتيه بشجاعة ولم تتذمرى
كل سنة وانتى بخير يا اغلى من روحى بجد يا سما انا بقيت متعلق بيكى بطريقه موش عاديه وبطلب من ربنا دايما يشفيكى وترجعى تنورى الدنيا كلها بلعبك وشقاوتك
يا رب دا موش كتير عليك يا رب زى ما قمت من بين الاموات قادر انك تقومها من مرضها
بحبك قوى قوى يا ملاكى الصغير سما
جورج أنور جورجي
04-26-2008, 02:49 PM
بأمانة بتقطع مصارينى يا ميكى
حرام عليك اللى بتعمله فىَّ ده
بتجيب الكلام ده منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
كل سنة وإنت طيب
جورج أنور جورجي
04-26-2008, 02:51 PM
وهىَّ لو عرفتك يا كيرو هتحبك أوى أوى
MICKEY
04-26-2008, 02:52 PM
بأمانة بتقطع مصارينى يا ميكى
حرام عليك اللى بتعمله فىَّ ده
بتجيب الكلام ده منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
كل سنة وإنت طيب
انا اسف لو كلامي بيضايقك او بيجرحك
حقيقي اسف بجد
جورج أنور جورجي
04-26-2008, 02:56 PM
"بس قولي لبابا يخف عليا شوية لحسن فضحني علي المنتدي"
على فكرة يا ميكى دايما أكلم ربنا وأقوله أنا مش علشان سما .. أنا على سمعتك اللى الناس كلها عارفاها خايف عليك !!!!!!!!
جورج أنور جورجي
04-26-2008, 02:59 PM
لا بالعكس أنا باستمتع بموهبتك جدا وإنك فيك روح ربنا جامد
وأنا عارف كويس إن التراجيديا فيك أكتر من الكوميدى بكتير
كيرو رافت
04-26-2008, 03:00 PM
ميكى انت انسان حساس ومشاعرك غاليه وما اعتقدش انك بتزعل استاذ جورج لان انت عارف هو قد ايه بيعزك ويحبك هو بس من تاثره بكلامك بيقول كداااااااااااااااااااااا
كل ده بسبب المحبه الشديدة اللى بينكم ربنا يديم المحبه
جورج أنور جورجي
04-26-2008, 03:10 PM
أنا عارف كويس يا كيرو .. أنا ميكى دخل قلبى من غير ما أشوفه وبيبهرنى كلامه وبيدخل جوه فى العمق على طول من غير ما يخبط على الباب .. فبلاقى واحد دخل جوايا من غير استئذان ..
فبيخضنى بس .. ده اللى عايز أقوله وإنت يا كيرو ليك معزة جامدة بصلواتك الجميلة وإحساسك العالى بجد أنا نفسى أشوفكم ومعاكم كمان كريم دايما يتصل بالتليفون على طول وبنت الراعى وتعبها مع سما بصراحة الكل أنا حاسس إنهم متعاطفين مع ألمنا جامد معنديش حاجة أقولهالكم غير ربنا يعوضكم بنعمة وسلام فى كل حياتكم
MICKEY
04-26-2008, 03:20 PM
ربنا يخليك ليا ياجورج علي كلامك ليا اللي بيديني بجد اكتر من حقي
واشكرك جدا ياكيرو حقيقي انت كمان اروع مني
انت انسان طيب وجميل
ربنا يباركم كلكم بجد
وطالما كده وانك مش زعلان خد عندك دي كمان
http://img514.imageshack.us/img514/6687/40hx3.gif
المسيح : هتفضلي واقفه كتير كده يامدام .. مفيش حاجه نشربها حتي
المدام : لا يارب ازاي .. بس انا فرحانه اوي انك وسطينا وشايل سما بنفسك
المسيح : سما دي شايلها في عيني .. دي بنتي ومش هتخافوا عليها اكتر مني
المدام : انا واثقه يارب .. تعالوا اليا ياجميع المتعبين وثقيلي الأحمال وأنا اريحكم
سما : احكيلي حدوته يارب
المسيح : ده انتي اللي هتحكي حدوتك للناس كلها
كيرو رافت
04-27-2008, 04:04 PM
ملاكى الصغير حبيبع عمرى الغاليه على قلبى سمسمة عامله ايه النهاردة يا استاذ جورج فعلا بجد بقت بتوحشنى جدا وبتمنى اشوفها قدام عينى كل يوم
صدقنى ربنا زرع فى قلبى محبه سمأ بطريقة عجيبة لانى اول مرة احب انسان واتعلق بيه جدا من غير ما اشوفه
من فضلك طمنى عليها دايما لو موش هاتسبب فى قلق او تعب ليك
كل سنة وانتم جميعا بخير وبصحه جيدة
كل سنة يا سمسمه يا حبيبتى وانت بخير وسعادة
باااااااااااااااااى يا اغلى سما فى حياتى ربنا يحفظك
roselove
04-27-2008, 10:17 PM
انشا الله البابا كيرلس هيشفى سما
جورج أنور جورجي
04-28-2008, 01:20 AM
سما بتقولك يا كيرو أنا عارفة إنى دخلت فى غيبوبة كاملة دلوقتى وفى المستشفى لكن حاسة بحبك لي وبتقولك أنا فى الغيبوبة بشوف يسوع والعدرا والملايكة والقديسين وبتقولك أنا قضيت ليلة العيد والعيد فى المستشفى يمكن مش بشوف ومش بتكلم ومش بتحرك لكن شايفة حاجات حلوة كتير وكمان حبك لى يا كيرو انا حاسة بيه ويسوع قاللى عليه وانا فى الغيبوبة وانا لسة تعبانة وبيجيلى تشنجات جامدة وأنا فى الغيبوبة دى أنا نفسى أخف وأبقى كويسة مش عشانى لكن علشان بابا وماما زعلانين على أوى والدكاترة بيهيئولهم إنى قدامى أيام قليلة ، فصليلهم يا كيرو علشان هما عشمانين فى ربنا إنه يتدخل فى أفراح القيامة علشان كانت كل الناس فى الكنايس فرحانة بالقيامة والعيد وهما كانوا معاى فى المستشفى ومحسوش بالعيد، صليلهم إن ربنا يمسح كل دمعة فى عيونهم ويعظم الصنيع معهم فيصيروا فرحين والناس اللى صلتلى كلهم يعلوا إسم المسيح ويتمجد الله
يالا باى يا كيرو علشان بيركبولى محاليل وأدوية كتير دلوقتى
متنساش تصليلى ولبابا وماما
جورج أنور جورجي
04-28-2008, 01:25 AM
شكرا يا روز على كلماتك القليلة لكن فيها ثقة وإيمان فى ربنا كتير ،إحنا منتظرين ربنا رغم إن الحالة طبيا سيئة جدا لكن نحن لا ننظر بالعيان لكن بعين الإيمان
جورج أنور جورجي
04-28-2008, 02:14 PM
سما إنتقلت اليوم
28/4/2008 الساعة 12 ظهرا
صلولنا
ashraf ss
04-28-2008, 02:23 PM
الرب أعطى الرب اخذ ليكن أسم الرب مبارك ليكن ذكروها مؤبدآ وربنا يصبر أهلها
rozy lover
04-28-2008, 02:36 PM
صلاة القديسين تكون معاكم وتصبركم بس متزعلوش هى هناك عند اطيب واحن قلب قلب الرب يسوع هو احن عليها من اى حد
سمااا يا اجمل بنوتة غالية
يا نجمة فى السما عالية
من يومين كنتى معانا
ودلوقتى فى السما يا هنانا
فى السما بين احضان القدسين
ونجوم السما بيكى فرحانين
عارفة الام الدنيا هزتك
لكن انتى مع يسوع هتشوفى فرحتك
انتى اللى كنتى غالية للكل
مش ممكن هننساكى
دا انتى فى السما بقيتى ملاك
عارفين الرب يسوع اختارك
كان اجمل اختيار ليكى يا سمااا
صورتك الغالية علينا
مش ممكن هتنساها عنينا
انتى فى قلوبنا محفورة
مش ممكن هتهزنا القبور
دا انتى هناك مع ام النور
وداعا والعين تادمي بالبكاء وقلوبنا مملؤة ديما بالرجاء قد تركت وادي الشقاء فصلي عنااا في ديار البقااااء عزاؤنا الوحيد انك في حضن القديسين++سماااا++
rozy lover
04-28-2008, 02:44 PM
http://www.orsozox.com/forums/customavatars/avatar4018_1.gif (http://www.orsozox.com/forums/members/4018.html)
تـــــــــــــــبسم !
فإن هناك من يحبك يعتنى بك يحميك ينصرك يسمعك يراك
هــــــــــــــــــو : ( اللــــــــــه )
ما أشقاك إلا ليسعدك ...
وما أخذ منك إلا ليعطيك ...
وما أبكاك إلا ليضحكك ...
وما حرمك إلا ليتفضل عليك ...
فكن مع الله .. يكن معك .
ربنا ينيح روحك يا اجمل وردة فى بستان بابا يسوع
كيرو رافت
04-28-2008, 02:55 PM
سما
فعلا انا عاجز عن الكتابه وموش عارف اقول ايه كان نفسى فى حاجات كتير
ولكن المر الذى يختاره لنا الله خير من الشهد الذى نختاره لانفسنا
بجد قلبى حزين جداا ودموعى موش بتفارق عينى لكن عزايا الوحيد انها فى حضن الرب يسوع
حبيبى واخى استاذ جورج ربنا يديلك العزاء والصبرانت والمدام
جاسيكا
04-28-2008, 03:19 PM
وعد الله بنهاية للحزن والدموع والموت والبكاء والألــم . ففي رؤيا 21: 4 يقول الوحي:" وسيمسح الله كل دمعة من عيونهم والموت لا يكون فيما بعد ولا يكون حزن ولا صراخ ولا وجع فيما بعد لان الأمور الأولى قد مضت.".
ستكون السماء مكانا للفرح الأبديّ. ففي أشعياء 35: 10 يقول الوحي:" ومفديو الرب يرجعون ويأتون الى صهيون ( اسم آخر للكنيسة) بترنم وفرح ابدي على رؤوسهم.ابتهاج وفرح يدركانهم.ويهرب الحزن والتنهد".
سيشفي الله كافة أحزانك. ففي مزمور 147: 3 يقول الوحي:" يشفي المنكسري القلوب ويجبر كسرهم. ".
وعد يسوع بإرسال المعزي . ففي يوحنا 14: 16 يقول الوحي:" وأنا اطلب من الآب فيعطيكم معزيا آخر ليمكث معكم الى الأبد.".
وجوب قبول الوعد بمنح السلام . ففي يوحنا 14: 27 يقول الوحي:" سلاما اترك لكم.سلامي اعطيكم.ليس كما يعطي العالم اعطيكم انا.لا تضطرب قلوبكم ولا ترهب.".
ستحيا الأموات ثانيــة . ففي يوحنا 5 : 28-29 يقول الوحي:" لا تتعجبوا من هذا.فانه تأتي ساعة فيها يسمع جميع الذين في القبور صوته. يخرج الذين فعلوا الصالحات الى قيامة الحياة والذين عملوا السيّآت الى قيامة الدينونة.".
ربناا يصبركم وعزائنا الوحيد انها فى حضن الرب يسوع
هو احن عليها من اى انسان على وجة الارض وتاكد انها سعيدة لان هناك مفيش الم ومفيش اتعاب ومفيش احزان فية افراح وسعادة مع الرب يسوع وام النور
susanabashaa
04-28-2008, 07:11 PM
تعالت صيحات القلوب على فراقك يا حبيبتى سما...,
ولكننى اعلم اليقين انك فى موضع النعيم فى حضن بابا يسوع حبيبك
و أبائك القديسين إبراهيم واسحق ويعقوب ....,
فنرتل مع المرتل قائلين (وضعت يدى على فمى ولا اتكلم لانك أنت يارب فعلت ) فلتكن ارادتك ومشيئتك
امين
كاترينا
04-28-2008, 07:28 PM
ربنا يشفيها ببركه وشفاعه مصاف قديسيه
كاترينا
04-28-2008, 07:37 PM
ربنا يصبرك استاذ جورج ويصبر المدام
ربنا معاكوا ويقويكوا
بجد مش عارفه اقول ايه لسانى عاجز من شده الالم بس اكيد دلوقتى مع الملايكه والقديسين
كيرو رافت
04-28-2008, 09:51 PM
حقيقى انا احببت سما اكثر من اى طفله اخرى احببتها دون ان اراها وتالمت كثيرا جدا لفراقها واحسست انى فقدت اغلى شئ عندى فى حياتى ولكن كلما اتذكر كم الالم الذى كانت تعانيه الم لا يستطيع الاصحاء ان يتحملوه اشعر بالتعزيه لان الله اراد ان يريحهامن اتعابها ويضمها الى صدره الحانى حيث تتمتع هناك بالوجود فحضرة الله وملائكته
لقد احببت سما ولكن حب الرب يسوع كان لها اقوى بكثير فاراحها من الامها
ربنا يعزيك ويصبرك يا استاذ جورج فهى الان تصلى عنا هناك مع الاب بعد ان كنا نحن نصلى عنها هنا
تعزياتنا انها زهبت الى المكان الذى نتمنى ان نذهب اليه والبعض منا لا يستطيع ولكنها هناك تصلى لنا
انا فعلا مش عارفه اقول ايه
ربنا يصبركم ويعزيكم
جاسيكا
04-28-2008, 10:28 PM
يا جماعة افرحولها دى راحت لأفضل مكان
وفى حضن اجمل واعز انسان حضن المسيح
الى معاة مفيش دموع ولا جروح ولا الام
معاة فرح وتهليل
مبروك عليكى اكليلك يا سمااااا
صليلنا عند الرب يسوع
اشرف ابراهيم
04-28-2008, 11:02 PM
اخى العزيز جورج الرب يعزيك وافرح لان سما الان شفيعه لك فى السماء
ربنا يقويك
MICKEY
04-29-2008, 01:30 AM
عيوني مليئة بالبكاء
علي هذه الملاك
واللهي مش عارف اكتب
انا حاسس اني فقدت حد اعرفه كويس
وحاسس اني بحلم
ربنا يصبرك ياجورج انت والمدام
مش عارف اقول ايه
انا دموعي علي خدي بأمانه
وعاوز اقول ليه يارب ؟؟؟
بس هقول فلتكن ارادتك
عماد حسنى
04-29-2008, 01:44 AM
(وضعت يدى على فمى ولا اتكلم لانك أنت يارب فعلت )
فلتكن مشيئتك
ربنا يعزى حضرتك يا استاذ جورج ويعزى المدام
على انتقال الغاليه سما
(سما ملاك جميل وطلعت للسما)
المكان اللى تستحقه
المكان اللى فيه كل العوض عن اى ألم على ارض الشقاء
سما عند نبع الحنان
يبقى ازاى ممكن نحزن عليها
وهى عند يسوع
عند يسوع
يا استاذ جورج
ده املنا كلنا اننا نكون معاها فى نفس المكان
تحت اقدام يسوع
------
ربنا يعزيك ويعزى الاسره كلها
susanabashaa
04-29-2008, 03:13 AM
انا مقدرة كمية الحزن عليك يااستاذ جورج انت والمدام ربنا يعزيكم ويصبركم على فراقكم لملاك السما سما
بس انت مش ملاحظ حاجه انها تنيحت بعد قيامة المسيح يعنى قام واستقبلها فى السما مع تهليل وترتيل الملائكة متزعلش ولا اى حد يزعل احنا نقول يا بختها ياريت نكون زيها فى مكان جميل زيها يابختك ياهناكى يا سما باللى فداكى .
عايزة اقولك قصة صغيرة معلش استحملنى وانتم كلكم استحملونى
كان فى اسرة مكونة من اب وام وطفله عندها3 سنوات
الاب والام كانوا خدام للفقراء والمحتاجين والمرضى كانوا دائما بيسبوها مع حد من افراد عائلتهم
ولكن فى يوم مش لاقين حد يكون مع الطفلة فى البيت وهى كان اسمها مريم
قال الاب والام احنا بنخدم يسوع هو يجى يقعد معها ويخالى باله منها ........,كانوا بيعلموها كل حاجه جميله وكانوا يشغلوا ليها الفيديو لحد ما يجوا وعلموها ازاى تشغل الجهاز وتطفيه ..., المفروض اللى فى سن مريم تشغل كرتون او العاب او ماشبه , ولكن مريم كانت بتحب اكتر حاجه فى ده كله شريط بابا يسوع
ولما الاب والام عرفوا مده حبها للشريط ده كانوا بيشغلوا من بدايته وعند الصلب كانوا يطفوا , لان ما ينفعش الاطفال تتفرج على اى عذاب او الالم ... وفى يوم نسيوا يرجعوا الشريط من اوله كالعادة ., وراحت مريم شغلت الشريط زى ما اتعودت ولكن الشريط اتغير مش زى ما كل مرة تتفرج عليه وشافت بابا يسوع حبيبها بيضربوه وبيعزبوه وصلبوه ......... اااااااااااه يا حبيبى يايسوع وصرخت مريم وبكيت بكاء شديد ازاى يعملوا فى حبيبها كده وهى بتتفرج ظهرلها الرب يسوع ومسح دموعها ولا تخف منه وقالها متخفيش انا دلوقت كويس خالص وطلعت السما تحبى تيجى معاية, بدون تردد وافقت مريم قالها يسوع خلاص الساعه 12 بليل هاجى اخدك ... كانت مريم بتبكى وفرحانة فى نفس الوقت وفى نفس اللحظة دخلوا الاب والام عليها وجدوها انها فى حاله غريبه ازدواج بين الضحك والبكاء فى نفس الوقت وشافوا الفيديو وعرفوا انها شافت الالم يسوع , سألوها مالك وايه اللى حصل حاكت لهم على اللى شافتوا , الاب والام استغربوا جدا وصالوا وبكوا بكاء مريررررر ومن كتر خفهم عليها اخدوها تنام فى وسطهم وفضلوا سهرانين لحد ما الليل جاء ومن كتر التعب ناموا ونامت مريم معهم ,ولكن مريم صحيت بدرى وجريت على اوضتها تصلى وتقول لبابا يسوع انت نسيت الميعاد اللى بنا ولا ايه ولا انت مش هتيجى تاخدنى اعيش معاك فى السما وفى اللحظة ظهر لها رب المجد وقالها لا يامريم انا مش ناسيكى انا جيت فى ميعادى وسالها مش عايزة تعدى مع بابا وماما قالت له لا انا عاوزة اجى معاك قالها تعالى يا حبيبتى ... وفى نفس الوقت صحيوا الاب والام ولم يجدوا مريم فى واسطهم جريوا على الاوضه بتاعتها وجدوها نايمة على السرير ولكن روحها كانت ماسكه فى ايد يسوع وهى باصه له وبتنطط من الفرح وهو ماسك ايدها وباصص ليها ببتسامة رائعه والاب والام شايفين المنظر العجيب ده ودموعهم فى عيونهم ولكن السلام كان ملئ قلبهم
انا اسفة انى طولت عليكم
بس اللى عايزة اوصلوا ليكم ان سما تعبت وتالمت كثيرا بس ده حجز لها مكان رائع فى السما وتاج منور على راسها مليان الصلبان والفصوص الالماظ المنورة بالالوان
الرب يعزيكم ويقويكم
مينا موحد القطرين
04-29-2008, 06:53 AM
يارب لتكن أرادتك لاأرادتنا ولتكن مشيئتك لا مشيئتنا ماأجمل اليوم الذى رحلت فية سما عن عالمناويابختك ياسما فعلا لقد فزت بالسما لاتحزن يا أستاذ جورج فياليتنا مع سما الآن الرب يعزيك أنت والمدام الرب معكم كل حين آمين
ELMAGEK
04-29-2008, 02:07 PM
بجد يا استاذ جورج بعد لما قريت الموضوع
كلة من اول حرف لاخرة حسيت ان كل المشاكل
الى انا فيها دى حاجات ملهاش اى لزمة
وبجد انا اسف انى عزيتك متاخر بس هقولك
ان ربنا كان عايزها معاة وجنبة
وباذن المسيح هنباركلك قريب جدا
على المولود الجديد
وربنا يعزيك ويفرح قلبك
ويهديك الصبر يا ابو القديسة
اللة يرعانى
04-29-2008, 07:36 PM
مش عارفة اقول اية لكن انا حزينة جدااااااالبقاء للةسما بقت ملاك فى السماء
reda200
04-30-2008, 11:19 AM
ربنا يسوع المسيح يمد يديه الى اجمل بنوت سما وى شفيه بشفعه امى السيدة http://tbn0.google.com/images?q=tbn:qj7yTkVTYbx9nM:http://www.ayletmarcharbel.org/images/ourlady001.jpgالعزراءمريم
REDEMPTION
04-30-2008, 02:58 PM
+
ربنا يعزيكم ..
سما كانت فعلا سبب قوي فى اعادة النظر فى حياتي كلها
يا ريت يا استاذ جورج تفرح .. انا عارف انه طلب مش منطقى ابدا لاننا بشر
لكن صدقني .. هى استريحت .. اكيد انت مش هتكون مبسوط لو فضلت بالمرض و الالم
هى استريحت
يا بختك صدقني .. بقى ليك ملاك و شفيعة فى السما
المسيح له كل المجد يملأ حياتك بالسلام و الطمأنينة
و يعزيك
صلواتك يا سما امام عرش النعمة
rossaa
04-30-2008, 06:54 PM
ربنا يعزيك ياستاز جورج ويعزى المدام
وبجد ربنا بيحبها علشان كده ريحها من الامها
وهى صدقنى دلوقتى مع القديسين والشهداء
ويابختها ربنا رجع وديعته فى وقت قيامته
ورجعت مع تهليل القديسين
وعلى اد ما انا حزينه عليها بس بجد هى راحت
لمكان جميل
وربنا يعطينا ونكون زيها ونكون معاها فى
فردوس النعيم
ربنا يعزيك ويصبرك على فراقها
وانا بصلى من كل قلبى لاسرتك علشان ربنا
يصبرهم
M@@@NOOOO
04-30-2008, 07:01 PM
ياااااااااااااااااااااااا ااااااااااااااااااااااااا ااااااااااااااااااااااااا ه
بجد بجد مش عارف اوصفلك مدى حزنى لما دخلت وشوفت الموضوع من تانى
ولقيت ان سما انتقلت للسما
بس مش هقولك غير ربنا يعزيك
وحضرتك مكنتش ترضى ابدا انك تشوفها بتتعذب وانت مش فى ايدك حاجه تعملها
ربنا ريحها من عذاب الدنيا
ربنا يعزيك ويعزى الاسره
صلواتك لينا ياسما امام عرش النعمه
جورج أنور جورجي
05-02-2008, 07:01 PM
دموع العالم كله لن تكفيكى يا سما
وألم فراقك يصعب إحتماله ..
لكن عزائنا الوحيد إنه كانت مسيرتك فى الفترة الأخيرة صورة مصغرة لألام المسيح عننا
أربعون يوما آلام غير عادية وحتى الغيبوبة كانت 3 أيام فى توقيت الصلب والموت تماما كما للمسيح يسوع وقيامتك كانت معه تماما كما كنا نصلى أنه يقيمك معه .. يمكن كنا عايزينك على الأرض لكن هو إختارلك قيامة أفضل ومكان أفضل بكثير مما كنا نتوقع
حبيبة عمرى الغالية يا أغلى من كيانى وحياتى .. كنت مملؤة نعمة ومواهب من ربنا شهد بيها الناس كلها اللى شافوكى وحتى اللى لم يروكى حسوا بده .. وصلتى رسالة غريبة للحب والوحدة فى الصلاة ولتحمل الألم بشكر ، لما كنت بسألك عامله ايه يا سما تقوليلى الحمد لله يابابا نشكر ربنا .. عمرك ما شكيتى إنك مش شايفة أو مش بتتحركى لكن كانت جواكى إبتسامة حتى فى ألمك .. شافوكى وشفتى قديسين وملايكة شرفتى والدك ووالدتك بأبوتهم الجسدية . صليلنا قدام عرش النعمة وقولى لربنا يغفر خطايانا
انا مش عارف أقول ايه لكل أعضاء المنتدى
لكن من جوه قلبى شكرا ليكم كتييييييييييييييييييييييي ر جدا أنا ماستحقكش الإهتمام والصلوات الى اترفعت بإسم سما .. ربنا يبارك كل عضو بإسمه ويديله نعمة وسلام وفرح
أذكرونا فى صلواتكم وما تنسوناش زى ما أنا عمرى ما هانساكم
ايهاب وجيه
05-02-2008, 09:36 PM
حبيب قلبى جورج
انت عارف اد ايه انا بحب سما ودلوقتى انا بأطلب
شفاعتها على طول وهى ساكنة فى قلبى ومش بعيد عنى ربنا يعزيك ويفرح قلبك المؤمن ،
اللى مشفتش ايمان وصبر زى مشفت عندكم ربنا قادر يعوض بكل خير زى ما عوض ايوب زمان
karim
05-02-2008, 10:05 PM
يا جورج يا حبيبي - سامحني انا لسة عارف حالاً - و مش لاقيكلام اقولة اكتر من القيل في المنتدي -
المسيح يعزي قلبك أنت و المدام - سما دخلت قلوبنا كلنا و دة مش صدفه - هي ملاك و قديسة و الي كانت عيه دة اكيد نولها اكاليل - و هي دلوقتي جنب المسيح - ربنا يعزيك يا حبيبي -
جورج أنور جورجي
05-03-2008, 12:02 PM
شكرا يا إيهاب ، شكرا يا كريم .. صلولنا
مرموره
05-05-2008, 01:17 PM
انا أسفة جدا انا لسة عارفة حالا
بجد انا مش عارفة اقول ايه
بس هى بجد بقت شفعتى الصغيره لانها ملاك وراحت تعيش احلى حياة مع بابا يسوع
هو احن عليها من كل الناس
انا مش عرفة اقولك ايه بجد يا استاذ جورج
بس ربنا يعزيك و هو اكيد من كتر محبها كان عايزها معاه
ربنا يصبركوا و أفرح انها فى مكان احسن من اى مكان تانى
ياريت سما تذكرنا قدامه
ربنا يعزى قلبك يا أستاذ جورج
جورج أنور جورجي
05-05-2008, 01:42 PM
شكرا مرمورة ربنا معاكى وذاكرى كويس يسوع والعدرا والقديسين معاكى وسما كمان
mena naeem
05-07-2008, 11:47 PM
يارب يشفيها وتشفها احسن عروسه فى الدنيا كلها ان شاء الله
mena naeem
05-07-2008, 11:50 PM
انا اسف يا استاذ جورج بجد ربنا معاك ويصبرك ويديك صبر اكتر من اللى انت فيه اخوك مينا
Powered by vBulletin
Copyright ©2000 - 2024, Jelsoft Enterprises Ltd