أين ولماذا 3/6/2007

[aymonded]

أتسائل أين ولماذا ؟؟؟
ونتمنى أن جميع الأعضاء يشاركوا في هذه المشكلة التي أصبحت مصيبة عصرنا

أين القدوة ؟؟؟
أين المثال ؟؟؟
أين من يحيا بصدق قلبه ؟؟؟
أين الحكيم ؟؟؟
أين وأين وألف أين ؟؟؟؟؟؟؟؟؟؟؟؟؟؟؟؟؟؟؟؟

لماذا أصبح الشارع وكلماته تؤثر فينا ويصبح منهج منعكس في كلماتنا وتصرفاتنا ؟؟؟
لماذا كلمات الشارع أخذت الصدارة على كل المستويات ، حتى الأغنية والمسلسل والفيلم ؟؟؟
لماذا للكثيرين صورة وشكل التقوى وينكرون قوتها ؟؟؟
لماذا مخارج الناس حلوة ومن داخلهم أشرار يأكلون الآخر ، إما بالنميمة أو المناقشات الفارغة والسخيفة والخصومة والعداء الغير مباشر والمباشر ، وأصبح منهج حياتنا عبارة عن منازعات على كل المستويات وبخاصة الدين أو الطائفة أو المذهب وعدم تقبل الآخر واحترام رأيه مهما ما كان مخالف لنا ؟؟؟

(( الغريب أن معظم المتناقشين في الدين أو اختلاف العقائد أو الطوائف أو المناهج لا يلقوا بالاً للفضيلة أو حياة التقوى سواء من داخل بعضهم البعض أو في الخارج ، ولا يهتموا في التعمق في المعرفة حسب الأصول والحق ، بل يكتفوا بمجرد السماع أو قراءة كتاب ، وكأن جميع الناس يعرفون الحق في طياته وكلهم أصبحوا بارعين في المعرفة والفهم والإدراك ونسوا من يتحدثوا عنه ، أي شخص الله الحي ...
فمتى يا ترى نعبد الله بإخلاص وكل شخص بمنهجه الخاص ، ثم نجعل أعمالنا ومحبتنا ويذلنا وعطائنا وقبولنا الآخر واحترامه بل وتقديره ، تشهد لإيماننا ومحبتنا وعبادتنا لله الحي ))

لماذا تحول الناس عن الحب والعطاء بالكراهية والبغضه وعدم قبول الآخر ؟؟؟


والموضوع مطروح للمشاركة من الجميع ، علنا نهتدي لطريق الحق ونستيقظ ونيقظ المجتمع كله بجيل جديد واعي ومدرك للحق وحياة التقوى ، ونعلن الفضيلة وصدق قلوبنا ، ونتجه نحو بناء مجتمع أفضل على جميع الأصعدة والاتجاهات ، مجتمع مبني على العمل الجاد وصدق القلب وبإصرار النجاح ...

يعوزني الوقت لأتكلم ولا اسكت ، وللأسف الشديد الآن أصبح – عند بعض الناس – هذا الكلام موضع سخرية ، فحينما نأتي على ذكر الكلام الجاد وتطوير المجتمع واستيقاظ الشباب ، معظم الناس يأخذه على نحو من السخرية ، وكأننا نتكلم فيما لا يحق أو لا يليق ، فمن الغريب جداً حينما نقول كلاماً فارغاً أو نتناقش بلا هدف ليس له معنى نفرح ونتكلم ساعات وساعات دون ملل ، ونخلق النكات والألفاظ الجديدة والمستحدثة ، أما حينما نتكلم جادين تحلى السخرية ونترك الحديث للأسف الشديد ...

ملحوظة هامة جداً :
( لا يقول قائل أن كلامنا يعني إننا نتسامح مع المخطأ في الآخرين أو التعدي على حقوقهم ، أو سلب حق الآخر ، أو ترك المخطأ بلا توبيخ أعمال الظلمة التي فيه ودعوته للتوبة وللمحبة والهدوء ومسالمة الآخر ، أو عدم توقيع عقوبة عليه أو محاسبته بسبب خطأه وتكراره الدائم له ، هذا ليس المقصود بالكلام على الإطلاق ولا قصد الكتاب المقدس ، ولا ننسى موقف المسيح من البائعين في الهيكل وتوبيخه للفريسيين ، وتوبيخ بولس لبطرس ، وكلمات بولس عن توبيخ أعمال الظلمة ...
لأننا لابد من أن نتسامح مع من يخطأ في حقنا الشخصي فقط وليس الآخر أو التعليم المخالف بحسب الحق ، لأن كل آخر ندافع عنه ، هذا مقبول عند مخلصنا الصالح ، أما عن أنفسنا لابد من أن نسامح من يخطأ فينا على المستوى الشخصي أو ولو كان في حق ديننا وحق ربنا يسوع نفسه ، لأن الرب يدافع عنا ونحن صامتون ، ولكن على مستوى المجتمع لابد من أن توبخ أعمال الظلمة بكل حب وشجاعة وحتى على مستوى المنتدى أيضاً ، فمن يخطأ في حق الآخر أو يعمل ما لا يليق ، توبخ أعماله بالحب والدعوة للتوبة أما أن أصر فلابد من القطع حسب كلمات الكتاب المقدس وقوانين الكنيسة لأنه يسبب القلق والاضطراب للجميع ، ويبعد الكل عن الحق وحياة الهدوء ليجرنا لمزالق المناقشات الغبية والسخيفة التي تجلب خصومات ، وعبد الرب لا ينبغي أن يخاصم )

آسف جدا للتطويل ، ومنتظر تعليقاتكم ومناقشاتكم ...
ربنا مع الجميع ويوقظ قلوبنا جميعاً معاً
كونوا على الدوام معافين باسم الثالوث القدوس

[Team Work®]

انا قريت جزء من الموضوع مش كلوا دة بصراحة فا مش عارف ارد انا اسف معلش لان لسة راجع من الامتحان من شوية ومش عارف اركز فا انا اول ما افوق هارد على طول

شكرا ليك استاذنا الغالى

[aymonded]

ماشي يا احلى غالي
وأنا أنتظر ردك الحلو يا احلى من كل غالي
غنى النعمة ووافر السلام لشخصك الحلو الرائع في جماله الخاص

[Team Work®]

اشكرك جدا جدا جدا وبشدة

[aymonded]

وهبك الله غنى النعمة ووافر السلام
كن على الدوام معافاً باسم الثالوث القدوس

[Team Work®]

تعيش المهم مش تقطع تانى بس

[aymonded]

تعيش المهم مش تقطع تانى بس

لأ مش تخاف مش هاقطع تاني ولا حاجة هازوركم كل يوم يا احلى غالي
ربنا يقويك ويقوي الجميع كل حين آمين

[m_marmora]

اولا ازيك مستر ايمن انا مكنتش متوقعه الاقي حضرتك هنا بس بجد مبسوطه جدا واول مرة اشارك في منتدي تاني
اولا: احيك علي موضوعك بجد لانه هام ومشكله كبيرة لمجتمعنا الحالي
ثانيا: انا كنت عايزة اقتبس جزء من كلامك بس مش عرفت فهكتبه كدة

يعوزني الوقت لأتكلم ولا اسكت ، وللأسف الشديد الآن أصبح – عند بعض الناس – هذا الكلام موضع سخرية ، فحينما نأتي على ذكر الكلام الجاد وتطوير المجتمع واستيقاظ الشباب ، معظم الناس يأخذه على نحو من السخرية ، وكأننا نتكلم فيما لا يحق أو لا يليق ، فمن الغريب جداً حينما نقول كلاماً فارغاً أو نتناقش بلا هدف ليس له معنى نفرح ونتكلم ساعات وساعات دون ملل ، ونخلق النكات والألفاظ الجديدة والمستحدثة ، أما حينما نتكلم جادين تحلى السخرية ونترك الحديث للأسف الشديد ...
فعلا عندك حق في كل كلمه وانا شايفه ان الشباب وكلنا وانا واحدة منهم ساعات وكتير بنتاثر بالدنيا والشارع والتليفزيون بس كمان الجيل الجديد وكليات وثانوي واعدادي دلوقت بقي عندهم ازمه كبيرة من المجتمع الي حواليهم وساعات بحس انهم بيحاربو في جبهه صعبه وزي مانت بتقول ان كتير بياخد الموضوع بسخريه ولو حضرتك لاحظت في المنتديات ايه اكتر مواضيع رؤيه وتعليق هي المواضيع الفكاهيه الطريفه انا مش بقول انه غلط واة كلهم شباب لسه مش عايز يوجع دماغه بس للاسف بيتصدم بعد كدة بالواقع
فعلا زي مبتقول

أين القدوة ؟؟؟
أين المثال ؟؟؟
أين من يحيا بصدق قلبه ؟؟؟
أين الحكيم ؟؟؟
أين وأين وألف أين ؟؟؟؟؟؟؟؟؟؟؟؟؟؟؟؟؟؟؟؟

كل الحاجات دي مبقيتش موجودة الا قليل جدا لان كمان كتير من الابهات والامهات انشغلوا عن اولادهم وهما نفسهم بقيوا غلط ومش قادرين يكونو قدوة لاولادهم ولحياتهم فتخيل انت الابناءممكن يطلعوا ايه
لماذا تحول الناس عن الحب والعطاء بالكراهية والبغضه وعدم قبول الآخر ؟؟؟
فعلا سؤال صعب حد يرد عليه بس عارف ان الطفل خلاص من بدايه نشاته بقي بيلاقي ان دة هو السايد تخيل هيطلع ايه محب لمين مفيش غير السرة والكنيسه هي اليممكن تعمل دة وتبنيه ومش الكنيسه كمان الاساس الاسرة هي الاساس لازم نعمل وعي كامل للاسرة وبالاخص الاسر الي لسه مبتداةهي دي الي لازم ليها الوعي لان الام مشغوله والاب مشغول الاطفال بتتعلم القيم والمبادئ من التليفزيون او الخادمه في البيت وبعدها بيجي دور الاب والام الي هما المفروض في الاول
اسفه اذا كنت طولت ويمكن اكون خرجت برة الموضوع شويه واشكرك تاني لموضوعك بجد

[aymonded]

مرمورة حبيبة ربنا يسوع
أولاً أنت مش خرجتي برة الموضوع لأن كلامك في صميم الموضوع
واصبح الآن لا يوجد مثل يحتذى به وروح المحبة تكاد أن تنطفأ لولا أن رب الجنود أبقى لنا بقية صغيرة لصرنا مثل سدوم وشابهنا عامورة

حقيقي أن الأسرة الأساس ثم يأتي دور الكنيسة ثم العلم والمجتمع
ولكن للأسف ألدوار اتلخبطت واصبحت الكنيسة - طبعا لا اقصد الكنيسة ككل بل أقصد البعض وللأسف الغالبية - مختلطة بالعالم بل أصبح العالم فيها بصورة غريبة ، واصبحت روح التقوى ليست للخبرة بل مجرد نقاش وإثارة موضوعات !!!!!!!!!!

الغريب أن كل شاب وفتاه تبغى حياة القداسة والتوبة لا تجدها في مثال
وكل من يخرج للمجتمع ويدخل الكنيسة يجد صراع غريب محتد جداً ، صراع لا ينتهي بين بعض الخدام بل يمتد لرتب كهنوتية ، هذذا هو غريب الزمان الذي اصبح صدمة عند كثيرين قد سمعوا عن قداسة الآباء والقديسين
وأرى من اتصدم بشدة وعصفت به الصدمة حتى أنه لا يصق أنه يمكن ان يحيا الإنسان بالقداسة والعفة وروح التقوى والمحبة في هذا الزمان

ونعود انفس ذات السؤال لعلنا نجد إجابة شافية :
أين المثل اين المثال ؟؟؟
أين من يحب المسيح بالصدق والحق ؟؟؟
أين من يحيا روح التقوى والقداسة ويعلمنا اياها لا بنظريات بل كمثال حي وله قدرة على المحبةوقبول الآخر وكل آخر بل ويحب أعدائه ويبارك لاعنية كما أوصانا المسيح الكلمة المتجسد ؟؟؟؟

أين الأب الذي يحب أولادة ويضحي بنفسة حتى الموت من أجلهم ومن أجل وحدتهم ؟؟؟؟

النعمة معك ومع الجميع كل حين آمين

[m_marmora]

اعتقد ان الكل الي بيحاول انه يلاقي مثل قدامه مفيش غير يسوع هو الي يبص عليه ويقتدي بيه ويحاول ويكافح انه يكون زيه طبعا صعب لكن ممكن نحاول انا عارفه ان كتير ممكن يقول دي شعارات لكن لو ابسط حاجه الي حضرتك قلت عليا نحب اعدائنا او نحب بعضنا بصدق ولما نبتدي بالمحبه ممكن نوصل لاي شي واشكرك لردك

[aymonded]

بصراحة مرمورة
أن الرب يسوع هو حياتنا كلنا وأن كافحنا كي ما نصل اليه سنجده هو من يصل ألينا ويملئنا منه ويعطينا نعمة حياة التقوى بالروح القدس وملئ قيامته وقوتها وكما هو مكتوب :
لأعرفه وقوة قيامته وشركة آلامه متشبهاً بموته
مع المسيح صلبت فأحيا لا أنا بل المسيح يحيا فيَّ

الطبيعي جداً أن نحب الذين يحبوننا حسب أعظم قدرة للإنسان
أما الغير طبيعي أن نحب أعدائنا ، وهذا ما يملأ قلوبنا به الله بالروح القدس

آمين ايها الرب يسوع المسيح أملئنا منك ومن روحك القدوس حتى نتغير أليك أنت وحدك
وكما هو مكتوب :
إذن إن كان أحد في المسيح يسوع فهو خليقة جديدة
ناظرين الرب بوجه مكشوف كما في مرآة نتغير لتلك الصورة عينها من مجد إلى مجد كما من الرب الروح

أعطاك الله قوة حياة التوبة بكل تقوى وبملئ الروح القدس الذي يعمل فينا ويغيرنا إليه
النعمة معك ومع الجميع آمين

[m_marmora]

سلام مستر ايمن اشكرك لردك هو فعلا الطبيعي اننا نكون بنحب بعض ونتمني الخير لبعض بي برضو بقي قليل دلوقت للاسف في ناس مش بتعرف تعيش غير زعلانه من حد في ناس كتير معندهاش سلام داخلي علشان كدة قلتلك حتي الناس تحب بعضها ولما توصل لكدة تبقي تحب اعدائها بس احلي حاجه في الدنيا واريح حاجه ان الانسان اصلا ميكرهش حد ويحب كل الناس مهما حصل بس في ناس مش بتقدر لانها بتشيل جواها احنا ممكن نقول ان النسيان هو الاحسن لانك لما تنسي الغلط من حد زعلك هتفضل تحبه انا بقي كدة نسايه بشكل فظيع هههههههههه بس دي مشكله خايفه الا يقلب زهيمر بعد كدة ومعرفش اجيلكم تاني صليلي بقي وميرسي كتير لك

[aymonded]

شكراً مرمورة على تعليقك الحلو
وحقيقي نحتاج أن نسير في طريق الحب ونستلم المحبة من الرب يسوع ونمتلئ بروح المحبة الحقيقية الروح القدس الرب المحيي ، لأنه مكتوب :
محبة إلهنا انسكبت في قلوبنا بالروح القدس المعطى لنا

مش تخافي الزهايمر مش بيجي بدري قوي كده يعني
ربنا يحفظك ويديكي غنى النعمة ووافر السلام وملئ المحبة

[nana222]

شكرا ليك يا aymonded على الموضوع الممتاز ده
فعلا القدوه و المثال و الحكمه قلوا من حياتنا كثيرا و اصبح من يمتثل بهم قله قليله
لان دوامه الحياه واخده الناس معاها ونسيوا ربنا
وهنا ياتى الور على الكنيسه و الاسره علشان الحاجات الحلوه دى ترجع تانى
وربنا يرحمنا جميعا

[aymonded]

شكرا ليك يا aymonded على الموضوع الممتاز ده
فعلا القدوه و المثال و الحكمه قلوا من حياتنا كثيرا و اصبح من يمتثل بهم قله قليله
لان دوامه الحياه واخده الناس معاها ونسيوا ربنا
وهنا ياتى الور على الكنيسه و الاسره علشان الحاجات الحلوه دى ترجع تانى
وربنا يرحمنا جميعا

أضم صوتي لصوتك نانا واطلب من الله أن يجعلنا نستفيق وننتيه لحياتنا ونرضى الله بصدق المحبة وحياة التقوى فنكون جميعنا مثال حي لعمل الله ولا نكون فلاسفة في الكلمات بل في الأعمال ، أعمال ثمر الإيمان الحي والحقيقي ...
النعمة معك كل حين آمين

[maged]

سلام رب المجد يكون معكم
فعلا غاب القدوة وقل الناس اللى ممكن يكونوا قدوتنا
وأنا اعتقد إن ذلك بسبب
1) بحث الناس عن الأموال
2) الأعتماد على الوسايط وعدم الثقه فى رب المجد القادر على كل شئ
3) كثرة السراعات على الوظائف لقلة الوظائف و لعدم وجود المحبة
4) انشغال الوقت سواء فى العمل او فى التلفزيون او الكمبيوتر وعدم التفكير فى وقت لله
و بكده الولد مش شايف اى حد يقتدى بيه لان الحياه بقت كلها صراعات على كل حاجة وغاب رب المجد من حياة معظم الناس
ودى طبعا مش كل حاجة لكن ده على قد وجهة نظري البسيطة
شكرا ليك استاذ أيمن على الموضوع المهم
ربنا يباركك ويساعدك

[aymonded]

شكراً يا ماجد على رايك ووجهة نظرك لأنها مش وجهة نظراً بل صارت واقع نتعايش معه كل يوم
وطبعا مش دوة كل حاجة بكل تأكيد في عوامل تانية كتير وعلى الأخص اين المعلمين وخدام المسيح الذين يعلموا بحياة التقوى الذي يعيشونها ويطبقونها في حياتهم هم ليصيروا أنجيل الله المقروء من الجميع

كيف يصدق الناس الوعظ عن الله وحياة التقوى وقائلها وحافظها وملقنها وهي ليس لها دور في حياته وهو يعلن كذب حياة التقوى من خلال كلماتة التي لا تخرج بصدق حياته من فمه لأن يوجد فرق عظيم بين كلامه وبين اعمالة وكما هو مكتوب من ثمارهم تعرفونهم ، قيا ترى اين الثمااااااار !!!!!!!!!!!!!!!!!!!!!!!!!!!
فما اسوأ أن نكون فلاسفة في الكلمات التي ليس لها مدلول ولا أعمال !!!!!!!!!!

ربنا يرحمنا ويعطينا خوف اسمه العظيم لنحيا حياة التوبة بكل صدق القلب
النعمة معك ومع الجميع كل حين آمين

[kamel]

ان نعمل الآعمال الحسنة ليتمجد
اسم ألاهنا
ليروا اعمالكم الحسنة فيمجدوا اباكم السماوى
الرب يبااااااااااااااااااااااا ااااااااااركك

[aymonded]

أشكرك يا أغلى كامل منور المنتدى بمشاركاتك وتفاعلك الحلو معنا كاسرة تنتظر كل يوم أن ينضم لها إخوة أحباء حتى نكتمل في المحبة ونتفق في حياة التقوى
أقبل منا كل تقدير لشخصك الرائع
غنى النعمة ووافر السلام لك يا محبوب ربنا يسوع

[برباره]

كل الرد فى الفلاشه بتاعت اربع شمعات
ادخل وشاهد ورد على
http://www.talimmasihi.com/anshita_religionflash.htm

[aymonded]

كل الرد فى الفلاشه بتاعت اربع شمعات
ادخل وشاهد ورد على
http://www.talimmasihi.com/anshita_religionflash.htm

رائع جداااااااااااااااا
يا اغلى غالي بالصواب تكلمت وبالحق شهدت شهادة حسنة جدا
ملئ الله قلبك بغنى فيض السلام والمحبة والرجاء
النعمة معك كل حين آمين

[ghada_11]

هناك اية فى سفر النشيد عن القدوة بحبها جداً
ان لم تعرفى ايتها الجميلة بين النساء فأخرجى على آثار الغنم
تفسير الآية : ان الغنم هم القديسين الذين سبقونا للشرب من مياه الرب يسوع
وان لم نعرف كيف نصل لهذا الماء فلنتابع مسيرتهم واثارهم حتى نصل للينبوع

[aymonded]

هناك اية فى سفر النشيد عن القدوة بحبها جداً
ان لم تعرفى ايتها الجميلة بين النساء فأخرجى على آثار الغنم
تفسير الآية : ان الغنم هم القديسين الذين سبقونا للشرب من مياه الرب يسوع
وان لم نعرف كيف نصل لهذا الماء فلنتابع مسيرتهم واثارهم حتى نصل للينبوع

جميلة حقيقي إضافتك الحلوة للموضوع
أضافت بعد حلو ورائع جداً
أقبلي مني كل تقدير لشخصك الحلو
النعمة معك كل حين آمين

[jannis]

المهم ان نبدا بانفسنا وربنا موجود

[aymonded]

أكيد
أحنا اللي لازم نتوب ونتغير ونحيا حياة القداسة متمسكين بالله ونعيش فقط كما يحق لإنجيل ربنا يسوع
حقيقي ردك رائع وصادق ولازم نحيا به
أقبلي مني كل تقدير واحترام لشخصك الرائع

[emmmy]

انا هرد على كلامك بس دا راى شخصى وانا حاسة بية علشان كدة عايزة اقولة اوك
الشيطان فى العصور الاولى من المسيحية كان بيحارب اولاد اللة بالعنف القوة والعتذيب والاضطهاد والظلم والافترى وسلب الحقوق
ولما مالاقاش نتيجة ولا عرف يخوفهم ويهز من عزيمتهم او يغلب الكنيسة المبنية على الصخر بل بالعكس لاقاها بتزيد صلابة وقوة ومعونة وثبات وبيزيد عدد الشهداء والقديسين اللى ضحوا بحياتهم وفضلوا انهم يموتوا وهما رافعين قلوبهم للحبهم واتصلب من اجلهم ولا انهم يخضعوا لمحاربات الشيطان ملك هذا هذا العالم
الشيطان الماكر بقى قال لا استنى شوية وافكر انا لازم اغير طريقتى معاهم العنف مش جايب نتيجة انا هحاربهم بالكبرياء داخل الكنيسة واخطف منهم المبادئ والتعاليم السامية الروحية واقولهم اعملوا اللى انتوا عايزينة بس مش دلوقتى نعيش لينا يومين ربنا حنين مش هيعمل حاجة
وتبدا الافكار والالفاظ الغريبة تدخل حياتنا وكنيستنا شوية بشوية لحد مبقاش فى قدوة ولا مثال
لان الحرب بقت من نوع تانى خالص نوع اصعب واقوى واحقر --- زمان كانت الحرب شريفة ونظيفة وعلنا فى ساحات الاستشهاد بكل فخر وفرح ووضوح
وزى ما كل حاجة بتتغير طلريقة حرب الشيطان بتتغير بردوا علشان تبقى متفقة مع العصر والافكار

مش عارفة انا يظهر على اندمجت ولا اية بصراحة عجبنى الموضوع انا حسيت انى بفضفض
مش بتناقش معلش طولت عليك
مرسى ليك كتير الرب يباركك بالنعمة

[MOSHAOK]

أشكرك على تعبك وموضوعك
لكن أنا أسف بختلف معاك شوية لأن القدوة والمثال موجودين في وسطنا وفي حاجة كمان مش لازم يكون القدوة صورة بالكربون من السيد المسيح لأن طبيعتنا الطبيعة البشرية قابلة للخطأ
وأيضاً جملة أين من يحب المسيح بالصدق فإن لم نكن نحب المسيح بصدق فلماذا موقع أرثوذكس ولماذا الكنيسة ولماذا الأباء الكهنة ومن الناس الذين يذهبون يعترفون ولماذا يعترفون إن لم يكونوا يحبون السيد المسيح .... أنا أسف جداً جداً أنا مش معاك في هذا الموضوع ...

[aymonded]

انا هرد على كلامك بس دا راى شخصى وانا حاسة بية علشان كدة عايزة اقولة اوك
الشيطان فى العصور الاولى من المسيحية كان بيحارب اولاد اللة بالعنف القوة والعتذيب والاضطهاد والظلم والافترى وسلب الحقوق
ولما مالاقاش نتيجة ولا عرف يخوفهم ويهز من عزيمتهم او يغلب الكنيسة المبنية على الصخر بل بالعكس لاقاها بتزيد صلابة وقوة ومعونة وثبات وبيزيد عدد الشهداء والقديسين اللى ضحوا بحياتهم وفضلوا انهم يموتوا وهما رافعين قلوبهم للحبهم واتصلب من اجلهم ولا انهم يخضعوا لمحاربات الشيطان ملك هذا هذا العالم
الشيطان الماكر بقى قال لا استنى شوية وافكر انا لازم اغير طريقتى معاهم العنف مش جايب نتيجة انا هحاربهم بالكبرياء داخل الكنيسة واخطف منهم المبادئ والتعاليم السامية الروحية واقولهم اعملوا اللى انتوا عايزينة بس مش دلوقتى نعيش لينا يومين ربنا حنين مش هيعمل حاجة
وتبدا الافكار والالفاظ الغريبة تدخل حياتنا وكنيستنا شوية بشوية لحد مبقاش فى قدوة ولا مثال
لان الحرب بقت من نوع تانى خالص نوع اصعب واقوى واحقر --- زمان كانت الحرب شريفة ونظيفة وعلنا فى ساحات الاستشهاد بكل فخر وفرح ووضوح
وزى ما كل حاجة بتتغير طلريقة حرب الشيطان بتتغير بردوا علشان تبقى متفقة مع العصر والافكار

مش عارفة انا يظهر على اندمجت ولا اية بصراحة عجبنى الموضوع انا حسيت انى بفضفض
مش بتناقش معلش طولت عليك
مرسى ليك كتير الرب يباركك بالنعمة


شرحك وكلامك صادق يا محبوبة الله والقديسين
وعلمت بكل ما تودين أن تقوليه ، أقبلي مني كل تقدير المحبة يا محبوبة يسوع
النعمة معك كل حين

[aymonded]

أشكرك على تعبك وموضوعك
لكن أنا أسف بختلف معاك شوية لأن القدوة والمثال موجودين في وسطنا وفي حاجة كمان مش لازم يكون القدوة صورة بالكربون من السيد المسيح لأن طبيعتنا الطبيعة البشرية قابلة للخطأ ((( مع أني لم أذكر أن فيه احد يكون صورة بالكربون هذا كلام بعيد تماماً عن المقصود يا محبوب الله الحلو )))
وأيضاً جملة أين من يحب المسيح بالصدق ((( لا أقصد التعميم أو أنه لا يوجد أحد مطلقاً ولكني أتكلم عن الحال الغالب في هذه الأيام الصعبة ))) فإن لم نكن نحب المسيح بصدق فلماذا موقع أرثوذكس ولماذا الكنيسة ولماذا الأباء الكهنة ومن الناس الذين يذهبون يعترفون ولماذا يعترفون إن لم يكونوا يحبون السيد المسيح .... أنا أسف جداً جداً أنا مش معاك في هذا الموضوع ...




أشكرك يا محبوب الله على تعليقك
أقبل مني كل حب وتقدير ، النعمة معك