ازاي يتعاملوا مع بعض

[بنت الراعي]

سلام لكم اخوتي في المنتدي
انا في موضوع كنت عايزه اعرف رايكم فيه وهو
ازاي اي اتنين مخطوبين المفروض تكون معاملتهم تحت ظل المسيح وايه هي اقصي شئ ممكن توصل له العلاقه وازاي كل واحد يسعد التاني من غير ما يغضب ربنا
يعني هل كلام الحب والرومانسيه وكده يعني تغضب ربنا ولا لا و
شكرا ليكم وربنا يبارككم

[ظريف]

يعني هل كلام الحب والرومانسيه وكده يعني تغضب ربنا ولا لا

هذا الكلام مش حيغضب ربنا بل حيغضبنا أحنا 0 بمعنى
عندما تكون فيه مشكله زوجيه ووصلت لأشد الخلاف
ولارجعه فيها وتصل المشكله لقداسة البابا أول سؤال
بيسأله قداسته للزوجين أنتم كنتم فين أيام الخطوبه
ياريت كل أتنين مخطوبين يدرسوا بعض كويس حتى
تستمر الحياه الزوجيه فيما بعد بدون خلاف
أما حكايه أسعده ويسعدنى أثناء الخطوبه كلام فارغ
وبيكلل بالفشل أثناء الزواج بعد خلع الأقنعه للزوجين
شكرا بنت الراعى على هذا السؤال الهام

[بنت الراعي]

شكرا استاذ ظريف علي مرورك
وبصراحه عندك حق في ردك ده احنا كتير بنهمل المشاكل ونلبس اقنعه حتي نفاجئ بالمشكله مالهاش حل
ربنا يعوضك ويباركك

[كراكيب]

احب اشارك برايي
انا عن نفسي مبعرفش اعمل حاجة انا مش حاسس بيها
يعني طالما انا اخترت بنت معينة تتوافر فيها بعض المواصفات وهي برده اختارتني واتخطبنا اعتقد مافيش داعي اني اخبي عنها مشاعري لكن انا بترجم مشاعري لكلمات لائقة طبعا باولاد المسيح وده نوع من الصراحة اللي هي اهم شيء في العلاقة بين اتنين مخطوبين
لكن سؤالك هل ده يزعل ربنا اعتقد
بل الصح هو انه لا ايه اللي هيزعل ربنا الصراحة اكيد لا

[بنت الراعي]

ميرسي يا كراكيب علي مشاركتك الحلوه
ونورت المنتدي من تاني
لكن ممكن في ناس مش بتكتفي بالكلام وعلي راي الانبا بولا في جوه البيوت
احيانا كتير المشاكل والحاجات اللي الاتنين مايقدروش يتعايشوا معها بتكون في فترة الخطوبه
لكن بتغطيها رومانسية العلاقه وعلي كل حال
ميرسي كراكيب ربنا يعوضك ويباركك

[كراكيب]

اولا العفو ومعلش مشاغل الدراسة هي الي بتاخرني
لكن انا لي وجهة نظر في الرومانسية الزايدة لانها احيانا بتخلي الطرفين ميكتشفوش مساويء بعض وده طبعا مرفوض اللي انا بعنيه هو الرومانسية المقبولة في حدود المعقول وتكون عن طريق العقل ثم القلب عشان الطرف يدي فرصة لنفسه انه يكتشف الطرف الاخر

[مينا 332211]

الحابية والمخطبين هما الاتنين بكونوا حاسين الكلام اة الى هيقولوا اى خدمة

[per]

موضوع جميل بس اتمنى انكم تسمعو رايى
اولا: لابد من اعطاء ما لقيصر لقيصر وما لله لله .
ثانيا:ان احنا ندقق فى كل حاجة بمعنى منزودش ولا ننقص عن المطلوب سواء فى كلام الحب او فى واجبنا نحو الله .
ثالثا:نكون واضحين مش منساقين وراء الكلام والرومانسية الزائدة.
http://www.mrb3.com/original/Mrb3-com_FF566.JPG

[بنت الراعي]

ميرسي يا مينا وميرسي يا per
علي مروركم وربنا يعوضك ويبارككم

[ماروجيرافك]

انا من رائي ان كلام الحب بيخرج من القلب يعني بيعبر عن المشاعر الداخيليه وده مش غلط الغلط انهم يكتموها

نطلب لمسه الروح القدس في هذه المرحله

[بنت الراعي]

عندك حق يا ماروجيرافيك
والمهم ان يكون ربنا موجود وحاضر معانا في كل مرحله في حياتنا
ميرسي يا قمر علي مرورك الجميل
ربنا معاكي يعوضك ويفرح قلبك

[كيرو رافت]

سلام ونعمه
موش عارف ابدأ ازاى بس كل اللى اقدر اقوله ليكى ان ربنا لما بيكون موجود فى اى موضوع اكيد كل التصرفات والكلام بيكونوا من خلال ربنا هو اللى بيزرع لكلمات الجميله وهو اللى بيزيد علاقه الحب بين الطرفين
وانا شخصيا موش لاقى فى التعبير عن الحب اللى بيكون داخل الانسان للطرف الاخر انه جريمه او خطيئه المهم انه لا يتعدى حدود اللياقه والادب فى الكلام ولا يتحث فى اشياء تثير الغرائز بين الطرفين
لكن اكيد الكلام لو كان خارج من قلب محب فكره نقى اكيد ها يعبر بصدق عن مشاعره وهاتصدق مشاعره وكلامه ويا ريت بجد كل انسان يراعى ضميره وربنا من خلال تعاملاته مع خطيبته حتى تكتمل العلاقه ويربط بينهما بالرباط المقدس
اسف للاطاله

[بنت الراعي]

كيرو بجد ميرسي كتييييييييييير
علي ردك وكلامك بجد كلامك صح وفعلا لازم ربنا يكون موجود
ميرسي كتير ليك ربنا يعوضك
ويباركك ويفرح قلبك