المساعد الشخصي الرقمي

مشاهدة النسخة كاملة : مشكلة الحب والنت


aymonded
06-04-2007, 06:34 PM
أولاً لابد من أن نتفق على مبدأ هام جداً وهو الآتي :
الحب في طبيعته ليس بالكلام ولا باللسان

الحب مكاشفة بين طرفين والزواج هو سرّ الحب كما قال القديس يوحنا ذهبي الفم
الحب بطبعة يهتم بموقف الآخر ، بمعنى ما ينفعش نكلم الآخر ونحط في داخلنا تصورات وأحلام عنه ونكتفي بأننا نعرفه في داخل شعورنا ...
وكأن لسان حالنا يقول :
أن سلوكك أنت لن يقدم ولن يُؤخر شيئاً ، فسأبقى على حبك مهما كان الأمر .

أن موقف مثل هذا هو على نقيض الحب الصحيح والسليم ، لأن صاحبة لا يبالي فعلاً بالآخر ، إنما هو منهمك بالمحافظة على الصورة الجميلة اللي يرسمها عن نفسه على أنه شخص مكتمل في الحب وحبه متسع وأنه على مقدرة بأنه يحتوي الآخر ، وأن قلبه متسع وعقله كبير وعلى مقدرة من التفاهم والمعاملة ، وله القدرة على تحمل الآخر واستيعابه ، وهو حب أناني ، أي شخصاني فيه اهتمام بنفسي فقط دون الآخر ، وهذا هو الموقف الذي يقفه الجميع وبالأخص على النت ...

مع انه هو فعلاً غارق في حالة من النرجسية أي عشقة اللاشعوري لذاته .

وعل ذلك ، فالشخصين الذين يحبون بعضهم ويقيمون هذه العلاقة المقدسة ، لا يستعلي أحدهم على الآخر متقوقعاً في ذاته ، مكتفياً أن يكون حبه هو فوق كل شائبة ، مرتاحاً لبراءته ومعتزاً بكماله .

الحب في أساسه هو أن يهتم قبل كل شيء باستمالة الآخر وكسب مودته ، ولا يكبت أحد مشاعره من جهة المواقف أي الغضب أو أي مشاعر داخلة ، ولابد من صراحة وكشف ووضوح مستمر ، ولابد من أن لا يتجاهل مشاعر أو سلوك الآخر ، بل يواجهها بصراحة ويتخطاها بالغفران من عمق قلبه من الداخل ، ويسعى للمصالحة ، والاعتذار أن كان ارتكب خطأ

عموما بدون تطويل ، الحب كشف النفس أمام الآخر ومعرفة جوانب الشخصية بحلوها ومرها ، بكل جوانبها ومشاكلها ، بكل عيوبها وميزاتها دون انحياز أو العمل على إصرار تاليه الآخر والعمل على عصمته من الأخطاء أو حتى تأليه الذات من جهة أنه عديم الأخطاء وحبه يفوق كل مشاعر الآخر فهو المحب الولهان المستعد أن يضحي للنفس الأخير ...

الحب والنت

ولكن التساؤل أزاي تتم مكاشفة بدون النظر للآخر وجهاً لوجه والتعرف به دون رؤيته على الإطلاق !!!
كيف نكتشف الآخر ونعرف جوانب حياته وملكات فكرة واتجاهاته ؟؟؟
وهل ينفع من خلال التعليقات والردود في موضوعات تتم المكاشفة ومعرفة الآخر ؟؟؟

عموما الموضوع متروك لحكمة من يحب على النت ،،،
وعلى الكل الحذر في انه لا يُفرّط في مشاعره ، أو يلقي بها لشخص غير موثوق فيه أو لا يعلم عنه شيئاً سوى مجرد كلمات سمعها منه أو قرأها له ...

كونوا حكماء ولا تلقوا قلوبكم لمن لا يستحق ...
النعمة مع جميعكم ، كونوا معافين باسم الثالوث

Team Work®
06-04-2007, 06:53 PM
بصراحة مش عارف ارد اتكلمنا كتير قوى فى الموضوع دة لكن مش عارف اقول اية تانى

شكرا ليك استاذنا الغالى

مرموره
06-04-2007, 07:04 PM
أستاذى أيمن
اولا نورت المنتدى تانى
ثانيا انا مقدرش اتكلم بعد الكلام ده
بس معلش عارفه انى عقلى صغير وكلامى مش هيفيد بس مجرد رأئى أقتنعت بيه من حد .... حضرتك قولت لازم يعتمد على الصراحه " طاب أذا وجدت الصراحه " و انه يعتمد انهم يروا بع وجها لوجه " طاب اذا توفر الشرط ده كمان " و اعتمد ان كل شئ يبقى فى النور " اذا توفر الشرط ده كمان "
استاذى المشكله الاساسيه ان نظره الناس للنت كأنه وسيله للتسليه فقط
بس لو بصنا كويس هنلاقى انه وسيله تعارف زى اى وسيله
من الممكن ان يرو شخصين بعضهم مره واحد فى مكان ما و يحدث اعجاب بين الطرفين كاشكل و تتم بقيت المحادثه منخلال النت و يكتشفوا ان مفيش اى ترابط بنهم
الن بيمنح فرصه تانيه انك بتكتشف شخصيه قبل الشكل بمعنى ان لا يعتمد ع لى الاعجاب بالشكل اولا و لاكن الشخصيه و التصرفات و كل ده يتوفر فى لو فى شئ واحدبين الطرفين الصراحه

أسفه للطويلى و رأى بسيط بأقتنع من ناس و من روأيه ناس ناجحين من خلال النت
أسفه مره تانيه للطويل
و نورت المنتدى تانى يا استاذ ايمن :)

aymonded
06-04-2007, 07:45 PM
بصراحة مش عارف ارد اتكلمنا كتير قوى فى الموضوع دة لكن مش عارف اقول اية تانى

شكرا ليك استاذنا الغالى

عموما يا حبيب قلبي الغالي جدا
الموضوع مش جديد واعتقد انه من أول ما الناس عرفت النت وهو منذ ذات الوقت مناقشة من الجميع وليهم كل الحق أكيد

عموماُ أنا فقط أحببت أن أبلور الموضوع في كلمتين مختصرين جداً
النعمة معك كل حين يا احلى غالي وشكراً على ردك

aymonded
06-04-2007, 07:56 PM
أستاذى أيمن
اولا نورت المنتدى تانى
ثانيا انا مقدرش اتكلم بعد الكلام ده
بس معلش عارفه انى عقلى صغير وكلامى مش هيفيد بس مجرد رأئى أقتنعت بيه من حد .... حضرتك قولت لازم يعتمد على الصراحه " طاب أذا وجدت الصراحه " و انه يعتمد انهم يروا بع وجها لوجه " طاب اذا توفر الشرط ده كمان " و اعتمد ان كل شئ يبقى فى النور " اذا توفر الشرط ده كمان "
استاذى المشكله الاساسيه ان نظره الناس للنت كأنه وسيله للتسليه فقط
بس لو بصنا كويس هنلاقى انه وسيله تعارف زى اى وسيله
من الممكن ان يرو شخصين بعضهم مره واحد فى مكان ما و يحدث اعجاب بين الطرفين كاشكل و تتم بقيت المحادثه منخلال النت و يكتشفوا ان مفيش اى ترابط بنهم
الن بيمنح فرصه تانيه انك بتكتشف شخصيه قبل الشكل بمعنى ان لا يعتمد ع لى الاعجاب بالشكل اولا و لاكن الشخصيه و التصرفات و كل ده يتوفر فى لو فى شئ واحدبين الطرفين الصراحه

أسفه للطويلى و رأى بسيط بأقتنع من ناس و من روأيه ناس ناجحين من خلال النت
أسفه مره تانيه للطويل
و نورت المنتدى تانى يا استاذ ايمن :)


عموما يا احلى أخت رائعة في جمال جوهرها الخاص
أنا مش قصدي أن لا حب عن طريق النت ولكن بأوضح الشروط اللي لازم تتوفر في اللي بيعجب بالآخر وأن راى حقيقي أن كل ما قلناه يتفق معه ما المانع أنه يرتبط أو يحب ، مع الحذر من أن لا يتسرع بأي حال من الأحوال بل كل شيء بالتأني والصبر ...

النعمة معك ومع الجميع كل حين ويفوقكم دائماً
كوني مع الجميع معافاة باسم الثالوث

nana222
06-04-2007, 09:20 PM
كلامك مقنع جدا جدا

Team Work®
06-05-2007, 01:16 AM
طبعا دة استاذ امين

شكرا ليك

aymonded
06-05-2007, 11:10 AM
كلامك مقنع جدا جدا

شكراً نانا
ولكن هذا الكلام من واقع خبرة
وطبعا قد يكون مفتقداً لنواحي اخرى عليكم معرفتها حسب فكر كل واحد فيكم وحياته الإجتماعية والنفسية وعلمه الخاص وخبراته في الحياة
النعمة معك كل حين آمين

aymonded
06-05-2007, 11:14 AM
طبعا دة استاذ امين

شكرا ليك

هو احنا فينا من إشاعات برضو
كده هاتخلي الناس تفهمني غلط

الله يخليك يا غالي
انت اللي الرائع ودائماً ما تتعب جداً من أجل نجاح المنتدى والعمل الجاد لكي يتمتع الجميع بجمال الحديث وتعُم الفايدة للجميع
النعمة معك ومع جميع من في المنتدى من أعضاء وزوار

Team Work®
06-05-2007, 11:17 AM
اهو دة الرد اللى يزعل اوعى تقول كدة لانى مش كدة محدش يصدق بس انا احب انك تتابع المواضيع الشبابية لانك اكبر مننا وتقدر تفيدنا من خبراتك فى الحياة

وشكرا

aymonded
06-05-2007, 11:30 AM
الله يخليك يا هيما دوة بس من محبتك يا احلى غالي
وبعدين معاك يا جدع انت بقى هو انا كل ما اقول حاجة ترد
أنا مش ملاحق ارد على كلامك

هو دوة هيما دقيق ولا يترك شاردة ولا واردة إلا ما يحللها ويرد عليه
عموماً أنا عارف انك ناوي تدبسني في المواضيع
ما انا عارف الحركات دية ، بلاش الحركات الهيماوية دية

هههههههههههههه
ماشي يا غالي سماح المرة دية

النعمة معك يا احلى صديق غالي في الرب يسوع

Team Work®
06-05-2007, 11:38 AM
حياة التدبيس فى المسيحية

aymonded
06-05-2007, 11:41 AM
ماشي تدبيس في تدبيس
بس برضو انا بافكر ادبسك قي حاجة برضو بس سيبني أمخمخ
هاندبسك مش تقلق خالص

Team Work®
06-05-2007, 12:06 PM
حياة التدبيس فى المسيحية اجمل بكتير من التمخيخ فى تدبيسة

ههههههههههههههههههه

aymonded
06-05-2007, 12:11 PM
طيب يا هيما يظهر مش هاتيجي إلا لما نجرب فيك أكلة تنيمك اسبوع بس هه

Team Work®
06-05-2007, 12:32 PM
هههههههههههههههههههه

لية كدة بس عاوز اعرف لية بس كدة

samehn
06-05-2007, 01:25 PM
احييك يا استاذ ايمن على هذا الموضوع الجميل
وفعلا رغم ان الموضوع يمكن يكون حد عرضه قبل كده
بس مهم برضه اعادة عرضه ومتابعته
لان لسه الشباب مش مقتنعين برضه
واسمحى لى بهذه الكلمات البسيطة
النت مجال جميل جدا لاكتساب المعلومات والتواصل بين الافراد والتقنيات
وايضا مجال جميل للترفيه وخاصة لو كان داخل كنائسنا المقامة على النت ( منتدياتنا المسيحية )
فى اقسام الفكاهة والالعاب والمسابقات
والتعارف المصحوب بالحذر وتكوين صداقات عامة ده شىء جميل برضه
ولكن لا يوجد حب على النت ولكن يوجد اعجاب وبداية تعارف
فالحب الحقيقى يكون على ارض الواقع نتيجة التعايش المباشر بين الاشخاص والتعرف على سلوكهم بصدق
وهو عطاء واخذ بدون حسابات أو مصالح
وانا اسف للاطالة
شكرا على موضوعك الرئع

aymonded
06-05-2007, 02:25 PM
حقيقي يا صديقنا الحلو جداً
ممكن يتم ويكون بداية التعارف على النت ولكن يكتمل بأرض الواقع ولا يظل قائم على النت ، وممكن يكون ناجح شرط أن يكون واقعي ويتحول لحب اصيل صادق
أقبل مني كل تقدير
غنى النعمة ووافر السلام لشخصك الحلو

m_marmora
06-05-2007, 08:34 PM
الحب كشف النفس أمام الآخر ومعرفة جوانب الشخصية بحلوها ومرها ، بكل جوانبها ومشاكلها ، بكل عيوبها وميزاتها دون انحياز أو العمل على إصرار تاليه الآخر والعمل على عصمته من الأخطاء أو حتى تأليه الذات من جهة أنه عديم الأخطاء وحبه يفوق كل مشاعر الآخر فهو المحب الولهان المستعد أن يضحي للنفس الأخير

طبعا انا معاك جدا في الموضوع دة لانه مشكله العصر وكمان كان في راهب قال ان الحب عطاء وغفران وتسامح وانا بقول زيك انه كشف التفس امام الاخر وانه مهما عمل انا بسامحه وبستحمل لاني بحبه
بس المشكله الكبري ان في كتير بيستلي فعلا بالنت دة وان كتير بيتعرف لمجرد انه او انها تصاحب واسهل طريقه ان الولد يقول للبنت انا هخطبك بس نتعرف كويس علي بع
عارف لو الناس اتعاملت صح مع النت دة صح واهم من الصح انه يكون في صدق من الناس لبعضهم البعض انا عايز صداقه اوك عايز ارتباط اوك بس يكون بصدق ونعرف بعض من الاول لكن للاسف في شباب كتير بيلعب بمشاعر البنات واكيد العكس ودة لعدم الصداقه والامانه
لكن انا اعرف ناس ارتبطو من النت وسعداء جدا وقريبين مني جدا وقدام عيني ولكن ليه الموضوع كمل لان كان في صدق من لاول في الموضوع الولد كان انسان جاد لمااتعرف علي البنت كان صادق وجاد
واسفه اني برمي اللوم علي الشباب اكتر في الموضوع دة انه ممكن قوي بعد ميتعرف وممكن قوي يقابل البنت وكمان اهلها ويجي بعد كدة يقولها معلش اصل انا ظروفي مش مناسبه انا شوفت دة طب ليه من الاول مانت عارف ظروفك وعارف البنت وحياتها ايه ليه يلعبوا بالبنات واكيد في بنات وحشه
هو لازم اننا ناخد بالنا وفعلا منسلمش مشاعرنا لحد بسهوله لان الله اعلم ايه الي هيحصل

وهل ينفع من خلال التعليقات والردود في موضوعات تتم المكاشفة ومعرفة الآخر ؟؟؟
اكيد مش دايما لان في ناس استاذة في الكذب والتمثيل يعني مش من السهل تكتشف الي قدامك ولكن ممكن تستشف بعض من جوانت الشخصيه
اسفه اني طولت عليك لو في تعقيب ياريت تقوله وميرسي ليك

اللة يرعانى
06-05-2007, 09:13 PM
انا بشكرك على الموضوع المهم اوى ىىىىى دى بس ممكن حب يعيش لو اتنين حبو بعض من نت وتعرف ازاى انو انسان صادق معاها مش مجرد تسلية ولو شفها فى كنيسة مثلا يبقى دى صح ولا غلط ياريت تقولى الصح ربنا يبارك حياتك

aymonded
06-05-2007, 10:55 PM
عموما مرمورة كلماتك وتعليقك حلو وصحيح جدا
واتمنى حقيقي ان الكل يبقى صادق مع أن ليس الجميع هكذا بكل تأكيد
لذلك على الكل أن يتأكد الف مرة قبل الإقدام على اي خطوة
النعمة معك كل حين آمين

aymonded
06-05-2007, 11:06 PM
انا بشكرك على الموضوع المهم اوى ىىىىى دى بس ممكن حب يعيش لو اتنين حبو بعض من نت وتعرف ازاى انو انسان صادق معاها مش مجرد تسلية ولو شفها فى كنيسة مثلا يبقى دى صح ولا غلط ياريت تقولى الصح ربنا يبارك حياتك

السلام لنفسك يا محبوبة ربنا يسوع
1- ممكن يبدأ أعجاب عن طريق النت ولكن مش حب بالمعنى الصحيح دوة مجرد أعجاب

2- الأعجاب يكتمل بكشف كل واحد للآخر والتأكد من شخصيته أولاً ، عن طريق كثرة المحادثات على النت مثلاً في موضوعات جادة والأخذ بالراي والأصغاء لراي كل شخص في طريقة عرض اسلوبة واتخاذه المشكلة بمحمل الجد ومعرفة رايه ، وذلك لمعرفة الشخصية وطريقة التفكير ولا يكن الكلام في إطار كلمات حلوة أو الحب دائماً وتبادل الأعجاب
3- السؤال المباشر عن لماذا أعجب بيكي ، أيه بالتحديد اللي عاجبة مع تجنب الكلام المبالغ فيه أو الحديث الأجوف أو أنه بيحيك وخلاص ، لو مش فيه سبب واضح أو محدد من جهة الأعجاب يبقى أكيد عمليه اسقاطية من جهة حلم به خاص يريد تحقيقه !!!

3- أول لقاء يستحسن يكون عن طريق رحلة أو اجتماع مثلاً في الكنيسة ووجود زمايل واصدقاء معروفين عندك مثلاً ودوة هام جداً لكي لا يقول قائل اي كلام او لو مش صادق معاكي لا يستغل الفرصة ويقول انه قابلك أو تخرج أشاعات ليس لها اي داعي

وأوعي تأخذي بحجة الثقة ، يقول انك مش واثقة في يعني والكلام دوة ، لأنك تثقي منين وعمرك ما قبلتية ولا تعرفية ، ,ان زعل يبقى إنسان عايز يلعب وغير جاد الأبتعاد عنه أفضل !!!!

ولكن أن وافق انكم تلتقوا للتعارف وسط الزمايل والصدقاء يبقى لازم تتحقيقي من تعاملة مع الآخرين ووسط الرحلة أو الكنيسة ...

وتأكدي ان معرفة الشخص والأعجاب بيه لا تكفي مرة أو مرتين لابد من التأكد الف مرة ومعرفة الشخص في حقيقتة ومعرفة المقربين منه ثم التصادق مع أخوته إن وجد وايضاً تتم استكمال المعرفة عن طريق أخوتك إن وجد

مهم جدا وجود الإخوة والأخوات في الموضوع وايضاً مصارحة ماما بالموضوع واستشارتها واستشارة الإخوة قبل ماما ووجودهم معك دوة هام جدا جدا جدا ...

ارجو أن أكون افدتك ولو بالقليل

النعمة معك كل حين آمين

اللة يرعانى
06-06-2007, 09:31 PM
انا بشكرك جدا جدا لردك عليا ربنا يحافظ علينا

aymonded
06-06-2007, 11:57 PM
انا بشكرك جدا جدا لردك عليا ربنا يحافظ علينا

لا شكر على واجب احنا حقيقي إخوات واتمنى أكون أفدتك فعلاً وأفيد كل من يسال نفس ذات السؤال وانا تحت امر الكل بكل تأكيد
النعمة معك كل حين آمين

Narmar
06-07-2007, 12:11 AM
كونوا حكماء ولا تلقوا قلوبكم لمن لا يستحق ...



بعد الكلمة دى ... لا تعليق ....... خلاصه الموضوع .

aymonded
06-07-2007, 12:26 AM
حبيب قلبي الغالي من أحبه بكل قلبي وبكل صدق
نارمر يامن أسمك صار محفوراً في قلبي بمداد أصالة صدق المحبة
أشكر وجودك الحلو معي هنا وفي كل مكان لأن وجودك يفرحني جداً يا احلى غالي
النعمة معك ومع الجميع وكل من في هذا المنتدى الذي أحب كل من فيه بلا استثناء
كن على الدوام معافاً باسم الثالوث القدوس
أخوك الذي يحبك صدقاً / أيمن

kiko
08-31-2007, 01:39 AM
موضوع مهم جداااااااااااااا
وكلامكم اجمل ياجماااعة بجد حلو اووووووى

بس النت عمتا وصيلة حلوة زى هاديلكم مثااال ومش عاطول
النت عامل زى السكينة ممكن تستخدمها فى القتل والشر وممكن تعمل بيها أكل وتاكل وتعمل خير بيها اهو النت كدة بردوة كل واحد وحسب استخدامة للنت
بس مش هااتكلم اكتر من كدة وااارب تكون فهمتونى طبعا شكرا ليك ياغاااااااااااااااااااااا ااااااالى غاااااالى

aymonded
08-31-2007, 01:43 AM
على ايه الشكر ده كلة يا اغلى صديق
انا مش عملت حاجة أنا يادوب عرضت رايي مش اكتر
النعمة معك كل حين آمين

Cheeeva
08-31-2007, 06:17 PM
مع أحترامي الشديد جدا لأراء الجميع لكن مفيش حاجة أسمها حب من خلال النت في رأيي بمعني لو أنا أتعرف علي بنت عن طريق النت يبقي أنام وافكر فيها طول الليل
ممكن يكون الحب عن طريق النت في حالة اني شوفت واحدة علي الطبيعة وحبيتها وبعدها لظروف ما كلمتها وعرفتها من خلال النت
أنما ولادة الحب عن طريق النت بيتهيألي ده مستحيل شوية عشان الحب أساسه الصراحة تقول لنصك التاني كل حاجة عنك بكل صراحة مش خايف منه عشان حاجة معينة أو مش مستني منه حاجة معينة
وكمان مفيش حد علي النت بيتكلم عن نفسه بصراحة
خخخخخخخخخخخخخخخخخخخخخخخخخ خخخخخخخخخخخخ

aymonded
09-01-2007, 12:29 AM
شكراً يا حبيب قلبي الغالي على رايك المستحق الأهتمام والتفكير
لأن الحب على النت نادر جداً
النعمة معك كل حين آمين

melanora
02-04-2008, 12:27 PM
متهيالي مفيش كلام بعد كلامك استاز ايمن وكل الاعضاء
وصلوا من اجلي

aymonded
02-04-2008, 12:50 PM
فلنصلي بعضنا من أجل بعض يا أحلى من كل غالي
غنى النعمة ووافر السلام لشخصك الحلو

جرجس رمزي
02-08-2008, 12:53 PM
شكرا كتيييييييييييييير أوي أوي على الموضوع الرائع يا أ / أيمن
ربنا يعوضك ويبارك خدمتك

aymonded
02-08-2008, 01:22 PM
العفو يا احلى غالي
والموضوع ليكم انتم يا صديقي الحلو
إذ أنكم أجدر مني على المناقشة فيه
أقبل مني مع الجميع كل تقدير بمحبة
النعمة معك

Stray sheep
02-11-2008, 10:43 AM
أولاً انا بشكرك جداً على الموضوع المهم والمتميز ده
فعلاً بقت ظاهرة غريبة حكاية التعارف عن طريق الإنترنت
وفى ناس كتير اوى فى الخدمة بيسألونى عنها
لكن بإختصار شديد
انا فى رأيي إن الإنسان وهو بيتكلم مع حد عن طريق النت
او التليفون
او عن طريق التعارف المباشر
لازم يكون بيظهر بالتصرفات الطبيعية ليه
دون اى تجميل
وللأسف
اللى بيحصل عند بعض الناس
عكس كدة خالص
وده لأن البعض بيتخذوا من الإنترنت دافع للتسلية
فلذلك
يكثُر الكذب والمُجاملات
وقد تنتهى بعض هذه العلاقات بالفشل أحياناً
لأن اساسها كان خاطئ من البداية
عموماً ربنا يوفق كل واحد فى حياتو
ويخلينا دايماً نتصرف بالشكل اللى يليق بينا
كأولاد للمسيح
صلى لأجل ضعفى

aymonded
02-11-2008, 11:47 AM
رأيك رائع يا احلى ماريان
لأن حقيقي أكثرية الناس لا تظهر من وراء الشاشة
فليعطنا الله حكمة حتى نكون قادرين على التمييز
أقبلي مني كل تقدير لشخصك الحلو
النعمة معك