المساعد الشخصي الرقمي

مشاهدة النسخة كاملة : انجدووووووووووووووووووووو نى hellllllllllllllllllllllllllllllllp

ابانوب وجدى
03-31-2008, 08:18 AM
انا عندى مشكلة غريبة فى الجهاز بتاعى

لما بافتحه احيانا كتير يشتغل ربع ساعة كده ويروح طافى لوحده خااااااااااااالص كانى انا اللى قفلته

وبابقى بشتغل عليه حاجات ويطفى منى

مش عارف ليه هو بقاله فترة على كده ومش عارف السبب ولا اعمل ايه

لو سمحتم حد يقولى ماله وايه السبب فى كده واعالجه ازاى

:em18::em18::10500::10500:
aymonded
03-31-2008, 09:28 AM
السلام لنفسك يا احلى غالي
ده غالباً فيرس يا جميل ؛ وهو ليه علاج ، وانشاء الله مينا يدخل أو نارمر أو هيما يبعتوا ليك حل المشكلة
النعمة معك
ابانوب وجدى
03-31-2008, 09:50 AM
شكرا استاذى الغالى على افادتك ليا

لانى خايف يكون حصل له حاجة

انا لسه مغير البوردة كلها بالكيسة صدقنى

ربنا يستر
aymonded
03-31-2008, 09:57 AM
مش تقلق يا جميل بإذن المسيح هاتجد حل وهيما لو انا شوفته أو نارمر أو مينا هاقولهم يبعتوا ليك الحل
النعمة معك
ابانوب وجدى
03-31-2008, 10:03 AM
شكرا يا احلى استاذ ايمن

ربنا يعوضك
Tamer_Barsoum
03-31-2008, 10:14 AM
السلام و النعمة ،
وممكن ايضاً أن يكون العيب هارد وير وأن مروحة البروسيسور لا تعمل بكفاءة أو تكون غير مركبة بطريقة غير سليمة فأذا أرتفعت حرارة المعالج ولا تستطيع مروحة البروسيسور تبريدها فتعمل اللوحة الأم على إيقاف الجهاز أتوماتيكياً .

فحاول عزيزي أن تذهب بالجهاز الى متخصص في صيانة الحاسب الالي .
وبالتوفيق عزيزي وربنا معاك
aymonded
03-31-2008, 10:26 AM
ورأي تامر سليم برضو يا صديقي الحلو
أفتح الكيسة ( إذا كنت أنت اللي مجمع الجهاز مش جايبة من شركة وتحت ضمان ) وشغل الجهاز وراقب المروحة وشوفها شغالة والا لأ !!! ، لربما تكون غير مركبة تركيب سليم !!!

أما لو كان الجهاز في الضمان أذهب به للشركة افضل
ابانوب وجدى
03-31-2008, 03:51 PM
شكرا تامر وشكرا استاذ ايمن

ربنا يستر
tito_t
03-31-2008, 05:48 PM
السلام والنعمه
انا عايز ااولك ان فى برامج بتظبط على وقت معين وبعد كدا تطفى الكمبيوترفا انا رايى انت الاول تحط انتى فيرس محترم زى Avg او الكا سبر وبعد ما تتاكد ان معندكش فيرس شوف وانت شغال على الجهاز بيعمل صوت ولا لا لو بيعمل صوت انو بيعلق حاول تشوف كل الكبلات الى فى الcpu وطبعن مروحت البروسيسر وكرت الشاشه وحط الكمبيوتر فى مكان فى تهويه مش مكتوم ولو كل ده تمام غير الويندوز ولو فضل يعمل كدا برضو حاول تودى عند سيبر كمبيوتر يجربلك كل جزى لوحده
ياراب اكون ادرت افيدك
Narmar
03-31-2008, 06:12 PM
ازيك يا بييو يا رب تكون كويس يا باشا
بص يا سيدى
لو الجهاز بيعمل ريستارت مش بيطفى يبقى 90% فيرس او سوفت وير عموما و لو
الجهاز بيفصل خالص مش بيشتغل غير اما انت تشغلة او لازم تستنى شوية علشان تشغلة برضة يبقى 90 % كده هارد وير مش سوفت
زى ما كل الناس قالتلك هو غالبا المروحة ودة ناتج عن سخونة فى البروسيسور لان ده يعتبر معدل امان منة لان البروسيسور مش بيستحمل السخونة اول اما بيسخن بيفصل الجهاز
يعنى باختصار
1 : البور سبلاي ورجاءا تشتري غيره ويكون له يستقبل وات اعلي من اللي عندك لان دة بيأثر طبعا
2: يكون مروحة البرسيسور مش مثبته كويس علي البرسيسور مما يؤدي الي علو درجة حرارة البرسيسور او مفيش تهوية كويسة للجهاز كمان
3: ممكن كارت الفيجا لو كانت خارجية وعند تشغيل الالعاب عالية الجرافيك عليها تعمل فصل في الجهاز كله وعند برودها يشتغل الجهاز تانى
ابانوب وجدى
03-31-2008, 06:49 PM
شكرا تيتو ونارمر لمساعدتكم ليا


صدقونى انا مغير كل الcpu بالكيسة ومن حوالى 4 شهور واتكلف مبلغ كبير اوى منى لانى حبيت اجيبه احسن حاجة وجديد كله

بعد ما حصل مشكلة فى الفيجا وضربت


وواحد بيشتغل فى الكمبيوتر عندنا فى مركز النت فى الكنيسة هو اللى جمعهولى وحطلى الويندوز

وكان حاطط لى ويندوز فاضى ومش عجبنى وجه غيره لويندوز تانى

ومن بعد الويندوز التانى ده لقيت الجهاز بيطفى خالص لوحده ومش بيفتح الا لما انا بافتحه

وكان الاول بعد 5 او 6 مرات شغل من غير ما يفصل يروح فاصل

دلوقت بيفصل كل مرة او مرتين بالكتير

انا تعبت وخايف يبوظ تانى منى

وهل لو المشكلة فى المروحة ممكن تحصل مشكلة فى الجهاز وتبوظ حاجة فيه

يعنى معنتش افتحه ولا اعمل ايه

بلييييييييييييييييييييييي ز سا عدونى

والاجر والثواب عند ربنا


اهىء اهىء

اه نسيت حاجة فيه مرة اخويا الصغير فتح الجهاز واشتغل عليه وبعدين طلعت فى دماغه يغير الكيبورد ويجيب القديمة ويحطها

فغيرها والجهاز مفتوح فعمله الويندوز running

وصفرله صفارة طويلة فخاف فشد الكهربا عن الجهاز ومن بعدها بقى بيطفى

ممكن يكون حصله حاجة من كده


وعلى فكرة كمان لما بافتح الكمبيوتر بياثر على اجهزة البيت من تليفزيونات او راديو بالذات الراديو

انا قلت كل حاجة علشان تقدرو تفهمو ايه اللى حصل
ابانوب وجدى
03-31-2008, 11:35 PM
يا جماعة معلش ردوا عليا بسرعة
tito_t
04-08-2008, 08:10 PM
بوص انت الت حجات كتير انا مش عارف انت غيرت الكمبيوتر ليه وهو كان بيطفى ابل ما تغيره ولا بعد وانت كان عندك الجهاز العادى وبعد كدا جبت اوريجنال ولا ايه انا مش فاهم بظبط بالنسبه لمساله الكيبورد مظنش انها ها تعمل حاجه
انت ممكن تبوص على الحجات ال هولك عليها دى
اولا بوص على الرامه وكرت الشاشه شوفهم ركبين صح فكهم وركبهم تانى لو تعرف وكرت الشاشه العندك بمروحه اديم ولا جديد من غير مرواحه عشان لو اديم ممكن يكون العيب منه
وبعدين يوص على المروحه ال فوق البروسيسور اخلعها وشفها السنان بتعاتها ممكن تكون متنيه او ممكن تكون ما بتبردش فا عايزا تتغير وحاول تعمل عمليه تهويه للكمبيوتر جيده
ابانوب وجدى
04-09-2008, 09:14 AM
لا انا غيرت الكمبيوتر بعد ما الفيجا ضربت يا تيتو

وجبت واحد جديد خاااااااااالص فى كل حاجة

بس بعد ما اشتغل اسبوع واحد

بقى بيقفل منى

انا بابص على مروحة البوسيسور اول ما افتح الجهاز بالاقيها مش بتشتغل

وبعد ربع ساعة كده تبدا فى الشغل

ولو مش مشتغلتش الجهاز بيقفل

مش برضه يا تيتو المروحة لازم تشتغل اول ما افتح الجهاز ولا عادى بعد شوية تشتغل
بصراحة انا هاتجنن مش عارف افتح الكمبيوتر خايف لا يبوظ تانى
وشكرا يا احلى تيتو لمساعدتك واهتمامك

ربنا يخليك ليا ياغالى
المتشفع بمارجرجس
04-09-2008, 10:52 AM
بص يا ابانوب حبيبي بجد لسه الموضوع ده حاصل مع اخي افتكر في الاول رام وده خطا طبعآ لان الرام تعمل ريستارت وليس اضفاء للكيسه وكانت المشكله هي البور سبلاي غيره ومبقاش فيه مشكله وشغال تمام التمام اذا استمرت المشكله اكيد لديك فيرس والله اعلم طبعآ المشكله عندك ايه لان كل كلامنا هذا مرسل فقط المشاهده العينيه افضل من الشرح وطبعآ موضوع المروحه ده اكيد من ضمن الاسباب
ابانوب وجدى
04-10-2008, 04:53 PM
شكرا يا المتشفع لردك

وياريت تكون المشكلة فى المروحة او فيروس سهلة دى مش فى حاجة تانية

وانا هاحاول اتابعها واشوف ايه مشكلتها فى الحياة

ربنا يطمنك
tito_t
04-15-2008, 06:10 PM
طبعن لازم تشتغل المروحه اول ماتفتح الجهاز ده شي بدبه
وانا اسف انى مرددش عليك من فترلانى كنت مشغول شويه وبعدان لو لسه جايبه جديد يعنى ليه ضمان وديه الضمان ولا ايه
ابانوب وجدى
04-16-2008, 08:36 AM
شكرا يا تيتو لمتابعتك واهتمامك

ربنا يخليك يارب

انا فتحت الجهاز وتابعت المروحة مش بتشتغل

وبعدين فكيت الكابل بتاعها وحطيته تانى بتشتغل شوية وشوية لا فبيقفل الجهاز

يعنى المشكلة من المروحة حالتها غريبة اوى شوية تشتغل وشوية لا

مع انها جديدة خالص

الجهاز واحد معرفتى هو اللى مجمعهولى بس جديد

انا شايف الحاجة جوه جديدة خالص
Narmar
05-04-2008, 07:20 AM
يا ببيبو مش قلنالك المروحة او الباور
و بعدين يا سيدى مفيش حاجة اسمها قديم و جديد
امال هما اخترعوا الضمان ضد عيوب الصناعة لية ؟
علشان الحالات اللى زى دى
احمد ربنا انها جات فى المروحة مش فى حاجة كبيرة
غيرها و كبر دماغك
ابانوب وجدى
05-14-2008, 01:52 PM
انا فتحت الجهاز والوقت باشغل المروحة بايدى

وهى تكمل وتشتغل لوحدها

واهو الجهاز كويس وشغال

لغاية ما اخده واوديه لحد يصلحه

شكرا نارمر لمتابعتك يا اغلى غالى
tito_t
05-19-2008, 08:51 PM
انت كل المحتاجه دلوات انك تغير المروحه بسي مش محتاج حد يصلحلك حاجه
tito_t
05-19-2008, 08:51 PM
انت كل المحتاجه دلوات انك تغير المروحه بسي مش محتاج حد يصلحلك حاجه
Narmar
05-25-2008, 06:55 PM
باشغل المروحة بايدى



هههههههه اية يا ابانوب دة :)
طيب اول اما توصل رمسيس قولى :) هههههه
يابنى وتوجع دماغك لية غرها و خلاص
beshoi_soft
05-25-2008, 10:55 PM
مساء الخير
انا عايزك تركز معايا كويس وتعمل الى هقوليك عليا اولا شيل الرامات من سلوت الرامات او بنك الرامات وحطها فى السلوت الى جنبوا وبعد ما تحطها حركها يمين شمال بس براحة وبعد كدة مش عايزك تسيب الجهاز بعد متقفل الجهاز اوبعد ما تزهق منوا تشيل ال فيشه الباور عشان الجهاز ما يخدش شحنة زيادة وعايز تغير الحجر الماذر كل سنة
انا عايز اعرف نوع الماذر بتعتك والرامات كام رامة ولا رامة واحدة عشان اقدر افيدك اكتر ولو المروحة شغالة معاك كويس يبقى كدة مفهش حاجة ودى مش فيرس واحلى حاجة انا شغال بـــــ نورتون 2003
تحياتى ليك
ابانوب وجدى
06-20-2008, 03:33 PM
شكرا جدا ليكم اوى ولردرودكم الحلوة

وربنا يخليك ليا يا بيشوى انا غيرت المروحة وارتحت خلاص

طلعت المشكلة هى المروحة والحمد لله شغال كويس

ربنا يعوضككم على متابعتكم ويعوضك يا بيشوى على مساعدتك واى حاجة هاقولكم عليها تانى
egyptian1
06-25-2008, 09:09 PM
انت كل المحتاجه دلوات انك تغير المروحه بسي مش محتاج حد يصلحلك حاجه


تحية تقدير للاستاذ تيتو فنان و واثق من نفسك
http://www.orsozox.com/forums/images/icons/IC17.gif