[MICKEY]

اهلا ومرحبا بيكم في ثاني حلقات برنامجكم من انا

انتظروا كل هؤلاء النجوم وأكثر

في برنامجكم

who i'm

برنامج من انا هو برنامج شخصي يخص الشخص وكل مايتعلق به

نود انا نعرف وندخل بداخل قلوب الجميع

فنتجه الي غواصة من انا اللي تدخل الي شريان ارثوزكس ومنها الي قلوب الاعضاء



ضيفه حلقتنا اليوم في حلقة من انا

هو عضو فعال
اثار اعجاب الجميع بسبب ردوده المتحرره من المجاملات والنفاق
واثارني انا شخصيا وكنت مهتم ان اتعرف عليه واخذ ايميله

حاولت ان اتحدث اليه اكثر من مرة الي ان تمكنت من الحصول علي ايميله ورقم هاتفه
بسبب شخصيته الجميله التي جعتلني سعيد بمعرفته


غاب فترة كبيرة عن المنتدي ورجع تاني
وبقي وجوده قليل ومتقطع
واتمني ان يعود ويواظب معانا من جديد

من انا هو الكشاف الذي سنري به بطاقة العضو كاملة

ضيف حلقتنا هو

ظريـــف



برنامجنا يستضيف من يريد البقاء بعيدا
برنامجنا هو المغناطيس الذي يجزب العضو للجسد



اهلا بيك ياظريف معانا في حلقتنا
ونبدا الحلقة

ميكي : اسمك ايه

ظريف : أسمى ظريف رزق الله توفيق



ميكي : منين

ظريف : تقصد مولود فين ؟ أنا مولود فى إسكندريه فى مستشفى الشاطبى على البحر مباشرتا

ميكي : مواليد سنة كام

ظريف :1966

ميكي : يوم شهر سنة

ظريف :1966/5/25

ميكي : عندك اولاد

ظريف : عندى ولد 14 سنه

ميكي : اسمه ايه

ظريف : أسمه أبانوب

ميكي : ليك اخوات غيرك

ظريف : 4

ميكي : اسمائهم ايه

ظريف : نبيل ـ سعد ـ يسرى ـ فرج

ميكي : انت رقم كام وسطيهم

ظريف : الثامن قبل الأخير

ماتستغربش الباقى بنات وإحنا صعايده مايصحش نكتب أسامى بناتنا واصل

ميكي : والدك كان شغال ايه

ظريف : ضابط بالقوات المسلحه

ميكي : احكي لنا موقف كوميدي حصل لك وانت صغير في بيت العيله

ظريف : وأنا صغير بابا مسكنى من إيدى وقالى تعالى أحلقلك شعرك عند الحلاق وعند باب الحلاق كانت المفجأه

صرخت وصممت ما أحلقش ورفصت فى الأرض بابا رجعنى البيت وسألنى ليه ياحبيبى خفت ؟

قلتله أصل الحلاق لابس طربوش بتاع الميتين

ههههههههههههههههههههههههه هههههههههههههههههه

فى العاده قديما كان الميت لو كان رجل يوضع على النعش طربوش

وكان فى هذا الوقت قليل اللى عندهم طربوش فكانوا بستلفوا طربوش الحلاق



ميكي : احكي لنا موقف كوميدي حصل معاك فترة الزواج

ظريف : كتيييييييييييييييييييير

نبدأ بأجمل ليه فى العمر

ونحن ذاهبان للكنيسه لأتمام الأكليل كعب الحزاء بتاع العروسه أنكسر ودخلنا محل لتصليح الأحذيه وكان منظرنا بيئه الصراحه

وعشان ندارى الموقف كان فيه محل عصير قصب بجوار محل الأحذيه عزمنا كل الناس اللى فى الشارع على عصير

ومره تانيه بعد مرور ثلاث أعوام من زواجنا كنت فى الحمام بحلق زقنى وزوجتى فى المطبخ سمعنا صوت مفزع جدا بوووووووووووووووووووووم

أنا جريت على المطبخ أشوف زوجتى لقيتها على سلم العماره وقالتلى بفتكر أنبوبة البوتجاز فرقعت وأتضح أن ترانس الكهرباء اللى فى الشارع فرقع

وده كان أكبر دليل على محبة زوجتى لى هههههههههههههههههه

ميكي : هههههههههه انت متجوز عن حب ولا جواز تقليدي

ظريف : للأسف زواج تقليدى وأنا أنصح الشباب إن الزواج التقليدى بيبقى روتينى وممل ومافيش أحسن من المغامرات

ميكي : احكي لنا اتعث موقف في حياتك

ظريف : تقصد أتعس

كنت ماشى بالتاكسى وخرجت بين سيارتين قطه ودخلت تحت العجله ببص فى المرايا لقيتها بتتنطط

بس والله القطه اللى غلطانه أنا أتفاجئت بيها

ورجعت من شارع تانى وبصيت عليها لقيتها إهئ إهئ إهئ ماتت والله عنيا دمعت وكرهت السواقه

ميكي : كلمنا عن المدام

ظريف : هى فى حضن المسيح

وأنا فى الأرض بأقوم بدورها



ميكي : ظريف احكي لنا عن المدام وكيف رحلت عن عالمنا وماذا كان عمر ابانوب في هذه اللحظة

ظريف : زوجة خالى تبقى عمه المدام من القاهره وكانت فى زياره إلى إسكندريه عندنا وشافتنى ولد جنتل وقالتلى عروستك عندى وأنا مربياها وأبقى تعالى شفها حددنا ميعاد وفعلافى الميعاد خرجت من الشغل على القطار بملابس العمل المبهدله وطبعا القطار بهدلنى أكثر ودخلت أشوف العروسه وأنا مثل عربة البطاطا والد زوجتى شافنى كده قالى إنتا جاى من الشغل علينا جاوبته بكل ثقه بالنفس ههههههههه آآآآآآآآآآه

أتغاط وزعق بصوت عالى تعالى ياعروسه من غير زواق وفعلا دخلت العروسه من غير زواق بس بصراحه كانت زى القمر هههههههههههه والد زوجتى قال لى عجباك العروسه ؟ قلتله العروسه عجبانى بس أسلوبك مش عاجبنى وخرجت من الباب جرى ورايا وصالحنى وقالى إنت أول واحد فى زوج بناتى تقول كده وتزوجنا وخلفنا وكانت إرادة الله وليس إرادتى عن زواج تم حوالى أربع سنوات



ميكي : انت خريج كليه ايه

ظريف : معهد فنى صناعى تخصص الهندسه الميكانيكيه

ميكي : فصيلة دمك ايه

ظريف : الفصيله الكريمهo

ميكي : شغال ايه

ظريف : لا فخر سائق تاكسى

ميكي : احكي لنا مغامراتك داخل التاكسي

ظريف : مره سمعت صوت جرس موبيل فى التاكسى فتحت عليه قالى التليفون ده بتاعى

قلتله المطلوب فيه 500 جنيه ههههههههههههههه

قالى حقك كان التليفون أبوقلم وثمنه 4500 جنيه

وأتفقنا على مكان وميعاد وعند اللقاء فوجئت

إن صاحب الموبيل نقيب شرطه قلتله سماح يابيه أنا بهزر قالى لأ أنا وعدتك خذ ال500 حلالك

ميكي : ههههههههههه ماذا يمثل ابانوب بالنسبة لك

ظريف : من ريحة الحبيبه



ميكي : هل فكرت تتجوز وليه ؟؟

ظريف : مافكرتش فى الزواج

والسبب إننى كنت مشغول جدا بمراعاة أبنى اللى كان عمره سنه وثمان شهور

ميكي : ايه كان شعورك لما قابلتني انا وتوني في موقف اليكس لأول مرة

ظريف : كنت سعيد جدا لأنى قابلت ناس فى قمة الأحترام والذوق الرفيع والثقافه العاليه

ميكي : لو ركبت كل الاعضاء معاك التاكسي وفي واحد بس انت بتحبه ومش هتدفعه الاجرة ياتري هيكون مين ؟؟

ظريف : فى الولاد بيتر بوب 18 وفى البنات جاسيكا

ميكي : اسأل نفسك سؤال وجاوب عليه

ظريف : س ـ لماذ يعيش الأنسان فترة على الأرض ؟

ج ـ عشان يترك أثر إيجابى لمن بعده ويمهد لهم طريق غير ممهد

ميكي : قول كلمة لأرثوزكس

ظريف : دايما فى المقدمه يا منتدى أرثوذكسى ببركة جميع القائمين على الأداره والأعضاء

شكرا ياظريف علي الحلقة وكل سنة وانت طيب

وانتظروني في حلقة اخري قريبا في برنامجكم

who i'm

الأنسان قبل دخوله البرنامج يكون انسان لم نعرفه وبعد خروجه نجد انفسنا نعرفه من زماااااااااااااان







من انا

برنامج خفيف خفيف يتاكل أكل









انتظرونا الحلقة القادمة ونجم جديد في برنامجكم

who i'm

?

لقرائة من انا ( 1 ) اضغط هنا

لقرائة من انا ( 2 ) اضغط هنا

لقرائة من انا ( 3 ) اضغط هنا

لقرائة من انا ( 4 ) اضغط هنا

لقرائة من انا ( 5 ) اضغط هنا

لقرائة من انا ( 6 ) اضغط هنا

لقرائة من انا ( 7 ) اضغط هنا


لقرائة من انا ( 8 ) اضغط هنا


لقرائة من انا ( 9 ) اضغط هنا


لقرائة من انا ( 10 ) اضغط هنا

لقرائة من انا ( 11 ) اضغط هنا

لقرائة من انا ( 12 ) اضغط هنا

المصدر: †† ارثوذكس †† - من قسم: البرامج والخروجات الخاصة بالاعضاء

[وردة حزينة]

ههههههههههههههههههه
بامانه حتته حلقه زى العسل واستاذ ظريف دمه زى الشربات والمواقف عسل اوى خصوصا ليله الفرح ولما الماد طلعت تجرى وسايبتك
ههههههههههههههههههه
ميرسى خالص يااستاذ ظريف على الحلقه الحلوه ده
وميرسى ليك ياميكى على اسئلتك السكر ده

[KOKO SPA]

مرسى ميكى على الحلقه الروعه ديه وانا شرفنى جدا جدا انى اتعرفت على شخص جميل زى استاذ ظريف

بجد نورت الحلقه وطبعا اكيد ميكى منور الحلقات كلها

[nermos1982]

حلقة بجد زى العسل علشان فيها استاذ ظريف اللى زى السكر . ميرسى بجد يا ميكى على الحلقة الجميلة دى والضيف اللذيذ .ومستنيين بقية ضيوفك يا ميكى

[zaza2006]

إن صاحب الموبيل نقيب شرطه قلتله سماح يابيه أنا بهزر قالى لأ أنا وعدتك خذ ال500 حلالك

ههههههههههههههه بجد حلقة زى العسل واستاذ ظريف دمه خفيف اوى
ميرسى ليك يا ميكى بجد برنامجك ممتع جدا

[kottah_sh]

بجد حلقه تحفه جدااااااااااا

واستاذ ظريف انسان مخلص اوى ودمه خفيف جدا

ربنا يديك الصحه يارب
ويخليلك ابانوب

وكان نفسنا نشوفك النهارده معانا فى الخروجه



ميرسى يا مكمك على الحلقه الجميله اوى دى
والضيف اللذيذ ده

[الناى الحزين]

المشاركة الأصلية كتبت بواسطة mickey ماتستغربش الباقى بنات وإحنا صعايده مايصحش نكتب أسامى بناتنا واصل قلتله أصل الحلاق لابس طربوش بتاع الميتين ههههههههههههههههههههههههه هههههههههههههههههه وده كان أكبر دليل على محبة زوجتى لى هههههههههههههههههه ظريف : للأسف زواج تقليدى وأنا أنصح الشباب إن الزواج التقليدى بيبقى روتينى وممل ومافيش أحسن من المغامرات وشافتنى ولد جنتل وقالتلى عروستك عندى وأنا مربياها أشوف العروسه وأنا مثل عربة البطاطا بس أسلوبك مش عاجبنى وخرجت من الباب جرى

حلقه جميله جدا جدا
وبجد عم ظريف امتعنا جدا ببساطته ردوده التلقائيه
انا مبسوط جدا انى عرفت عنك الكثير يا عم ظريف
ربنا يفرحك
اما مكمك فاحب اقوله
من نجاح لنجاح ياسطى
ومتشكرين على الحلقه الحلوه دى يا معلم 100 شيكاره يا فله

[كيرو رافت]

ومره تانيه بعد مرور ثلاث أعوام من زواجنا كنت فى الحمام بحلق زقنى وزوجتى فى المطبخ سمعنا صوت مفزع جدا بوووووووووووووووووووووم

أنا جريت على المطبخ أشوف زوجتى لقيتها على سلم العماره وقالتلى بفتكر أنبوبة البوتجاز فرقعت وأتضح أن ترانس الكهرباء اللى فى الشارع فرقع

وده كان أكبر دليل على محبة زوجتى لى هههههههههههههههههه
بجد الموقف ده موتنى من الضحك تحفه موووووووووووت
اذا جالك الطوفان حط جوزك تحت رجليك
يا عينى عليك
ظريف : وأنا صغير بابا مسكنى من إيدى وقالى تعالى أحلقلك شعرك عند الحلاق وعند باب الحلاق كانت المفجأه
جينا بقا للكلااااااااااااااااام اللى يدايق منين جالك الشعر اللى هاتحلقه ده
انت اصلا كل الشعرايات اللى فى راسك 5 او 6

بجد حلقه جامده مووووووووووت يا استاذ ظريف
صراحتك وخفه دمك تحفه بجد

ميرسى يا ميكى يا مبدع يا متجدد دايما فى حواراتك

[peter_pop18]

ميكي : لو ركبت كل الاعضاء معاك التاكسي وفي واحد بس انت بتحبه ومش هتدفعه الاجرة ياتري هيكون مين ؟؟

ظريف : فى الولاد بيتر بوب 18 وفى البنات جاسيكا


شكراً ليك يا استاذي ده بس من ذوقك وروحك الحلوة


+حلقة جميلة جداً بجد انت شخصية رائعة يا استاذ ظريف ، و روحك حلوة اوي وديماً علي طبيعتك وانا بحب فيك الروح دي+

[elphilasouf]

ههههههههههههههههههههههه
عثل يا عم ظريف
بس انا نفسي تلغى حكايه استاذ واستاذه دي
وتقول الاسم ع طول
ازيك بقى ؟
ههههههههههههه
ميرسي ميكى ع الحلقه