ملامح
ملامح حزينه .. دى ملامح كل واحد فينا
اللى بيداريها بالضحك والهزار .. وهو من جواه قايد نار
واللى بيداريها بدموع عــينيـه .. مش قادر يخبى من اللى فيه
واللى بيدارى ملامحه بإديه .. بيهرب من سؤاله كل ده ليه
واللى ملامحه هاديه وبريئه .. لكن تعبان بيدور عالحقيقه
واللى ملامحه بتحكى أسرار .. كل ماتحكى كل ماينهار
وملامح بتقول حاجات كتير .. بس ساكته مش لاقيه تفسير
وملامح تحسها مبسوطه ومتهنيه .. لكنها مكسوره من الدنيا ديه
وملامح طيبه وكمان حنينه .. بس خايفه ومش مبينه
وملاح الحزن فاض وماليها .. تشوفها عاديه ومايبنش عليها
وملامح تلاقيها كلها كلمات .. تقرب منها تسمع فى آهات
وملامح بترسم فى أبتسامات .. ومرسوم عليها ياما حكايات
وملامح ثابته وعايشه جوانا .. مش ممكن ننساها ولا بتنسانا
دى ملامحنا وبندارى بيها .. بندارى اسرارنا وبتكشفها عنينا
ماهى دى العيون مابتعرفش تخبى .. عكس الملامح بتحن علينا
ياللى ملامحك مش كشفاك .. بدارى وراها ألم جواك
تعبك حزنك همك وأساك ..أطمن فى عيون زيك حسك
أصل ملامحنا فى الاخر واحدة .. بتقربنا كلنا من قصة واحدة
قصة أنسان محتاج لأنسان .. محتاج لحب محتاج الأمان
م
ن
ق
و
ل