هو فعلا مجرد كسر لحاجز نفسى مش أكتر و أنا مكررتش الصلاه بالطريقه دى تانى و مش ناوى أكررها مع أنى كررت تجربة التعرى دى مرة تانيه و عجبنى الأحساس بالحريه و أنى بقيت مرتاح و متقبل جسمى أكتر و مبقاش الجسم العارى بالنسبه لى مجرد مثير جنسي زى ما كان قبل كده لما كنت بمارس العاده السريه بأدمان مجنون بس ربنا حررنى مع أنى أحيانا برجعلها بس أنا واثق أنه ربنا هيكمل تحريره و عمله فيا للنهايه.بالنسبه لى الموضوع كان كأنه صدمه نفسيه بس أيجابيه زى ما دكاتره علم النفس فى علاجهم للخوف المرضى بيخلوا المريض يواجه الشىء اللى بيخاف منه عشان يتغلب على مخاوفه.أكيد السنين اللى قضيتها فى ادمان العاده عملتلى تشوهات نفسيه محتاجه وقت عشان تتعالج بس انا متأكد أن الله في محبته يقبلنا ويُعالج كل ما فينا من تقلبات لا ندركها لأن كل واحد فينا يوجد في نفسيته الكثير والكثير الذي لا نعرفه أو ندركه ونحتاج معونة الله لكي يعيننا ويفهمنا ويوعينا ويشفي كل أوجاعنا الداخلية ويعيننا في كل حين ... زى ما أنت قولت.بس أنا عاوز أعرف هو ليه نفس و الأنسان و نفسيته معقده أوى كده لدرجه أنه محدش تقريبا يقدر يفهمها غير ربنا بس طبعا لأنه هو اللى خالقها؟و سؤالى التانى أستمتاعى بتجربة التعرى و أحساسى أنا وصفته بالتفصيل قبل كده دى حاجه غلط و لا صح؟قصدى يعنى حتى لو من غير صلاه مجرد أنى أكون عريان فى أوضتى ده برضه غلط؟عموما أنا بطبعى متمرد على القيود و بحب أكسر الحواجز يمكن ده يكون برضه سبب من أسباب أنى بتصرف كده.هو أنا أب أعترافى بحبه جدا و مش بخبى عنه حاجه بس الموضوع ده مش عارف أقوله عليه و لا لأ؟منتظر ردودكم مع انى عارف انى قلبت الموضوع عياده نفسيه بس أنا بعبر عن اللى أنا بحسه بصراحه و بحب المنتدى ده جدا و بحترم أرائه و أسف مره تانيه على الأستمرار فى الصدمات