الحب والصداقه
تعالوا نتكلم مع بعض شويه .. نضحك ونقول فى اى كلام
نتكلم عن الصداقه اللى هى .. نتكلم عن الحب والاحلام
مش هما دول اللى شاغلين بالنا .. مش هما دول اللى فيهم حالنا
حد يقولى الحب ايه .. وايه اسمى معانيه
شويه كلام يتقال والسلام .. ولا شعارات واحلام فى المنام
حد يقولى الحب ايه .. امتى ممكن يتحس بيه
لما تلاقى حبيبك بيبعد .. ولا لما المصالح بتغلب
حد يقولى مين مرتاح .. ماشفش م الحب اى جراح
حد يقولى ليه الألم .. لما الحب كله أفراح
الحب يمكن يكون موجود .. بس اللى ماتت هى القلوب
مابقتش تفرق لا حب ولا محبوب .. ادينا عايشين وكله بيفوت
تعالوا نشوف بقى الصداقه .. نشوف اخر حكايات اللباقه
كل صديق يتغزل فى صديقه .. كأنه حبيبته ولا عشيقه
بس تعالى اتعرض لضيقه .. واحتاج منه حتى دقيقه
تلاقيه بيهرب بالف طريقه .. ويقولك بحبك ودى الحقيقه
تعالى شوف هايبيعك بأيه .. بواحده تانيه ولا بجنيه
وتقول صداقه وتطلع سذاجه .. وادى الدنيا عايشينها ليه
ممكن تكون صداقه كبيره .. بقالها زمان حاجه خطيره
ولما تقع وتبان مش ناجح .. تبقى اخرتها شويه مصالح
-------------------------
انا عارف ان الكلام ممكن يكون مش كويس خالص كمان
بس انا عمرى ما قصدت انى اقلل من الحب او الصداقه بشىء
بس شويه كلام عندى وكتبتهم