كفايانا سكات
كُتب : [ 01-03-2011
- 06:04 PM
]
سكات سكات سكات
كل سنة هدية والرد سكات
خلاص كفاية كاتمين ليه الاهات
حد ينطق ياخد حق اخويا اللى مات
كفايانا بقى جبن وخوف وكتم للاحزان
حد يحس بالنار اللى بتسرى جوانا
كفايانا بقى كلام فارغ وشعارات كدابة
مين فينا بعد اللى شافه يقدر يسكت
مين فينا بعد النار اللى جواه يقدر يقفل بقه ولا يصرخ
ياناس حرام حسوا بينا وبقلبنا اللى بينزف
الكل واقف ساكت حتى امنك يامصر بيضرب
المظلوم فيكى بقى هو الظالم
يتضرب ويتهان على انه الجانى وهو المظلوم اللى حقه ضايع
كفايانى بقى كده كلام مبقاش منه فايدة
اخدوا مننا ع السكات وبقوا هما الاقوى
بس وحياة دم شهدائك يا اسكندرية هانفضل احنا الاقوى
هاناخد بحقكم والكل هايرجع نادم
ده ربنا مش بيسيب حق ولاده يضيع ده فى حضنه ليهم ضامم
صبرنا يارب وقوينا على الاستشهاد
صبرنا وادينا القوة نغلب الاحزان
صبرنا يارب بنصرخ ليك من قلوب محروقة
اخويا واختى وابويا دمهم سال واجساد محروقة
صبرنا يارب
التعديل الأخير تم بواسطة nermos1982 ; 01-03-2011 الساعة 08:26 PM
|
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري