[good luck]

انا من وجهة نظري ان مفيش حاجة اسمها صداقة بين ولد وبنت
وحتي لو في صداقة او زمالة بتنهي لانها اساسا بتقوم علي اساس غلط
اما بالنسبة لسؤالك بيشوي.. احب اقولك ان مفيش شروط معينة ومعايير دقيقة لازم تتبع وتمشي عليها علشان تكون صداقة مع الطرف الاخر
اقصد ان ممكن البنت تكون تربيتها متفتحة شوية وعندها استعداد انها تتكلم مع ولد ويبقي في بينهم صداقة ok وفي بنت تاني مقفلة ومش عايزة حد يتكلم عليها وبتاخدها من قصيرها ومش بتتكلم مع ولاد خالص وبتتجنب الموضوع دة
بس في سؤال انا عايزة اسألهولك...انت عايز تكون علاقة صداقة ومش عارف؟؟؟
علي فكرة الصداقة اساسا انا مش مؤمنة بيها حتي بين ولد ولد او بنت وبنت
وفي اللي بيقول ان البنت والولد بتكون صداقتهم احسن..!!
عموما بردة عايزة اقول تاني مفيش حاجة اسمها 1 2 3 4 واية الخطوات والشروط اللي اعملها علشان اعمل صداقة...ربنا يبارك حياتك
++++++++++

[magdy totti]

الصديق هو اللى يننى صديقة مش يهدمه
مش مهم يقى ان كان ولد ولا بنت المهم يفدينا ويشجعناا ع الاحسن وبجد صدقته تخلينى اتغير

[aymonded]

سلام ومحبة ربنا يسوع تفيض داخلكم حكمة وسلام
بصراحة أنا قريت كل الكلمات المكتوبة وإلى الآن مش فاهم أيه معنى الصداقة الحقيقية في ذهن كل واحد ، لأن بناء عليها تتحدد مشكلة ازاي اختار صديق لي ، لأن هناك فرق عظيم ما بين الصداقة وبين الزمالة في العمل والا الكلية والا المدرسة ، لأنها تختلف من سن لسن ، ومن بيئة لأخرى ومن مكان لآخر !!!

مع الوضع في الاعتبار أن موضوع الصداقة بين الجنسين كلمة غير دقيقة ولا تصلح لا بسبب عقدة نفسيه أو أن مجتمعنا مغلق ، بل لأن لكل جنس طبيعة مختلفة تحتاج لفهم خاص وصداقة تشبع احتياجه الخاص ، ولكن صداقة بين جنسين مختلفين من الصعوبة التامة جداً أن يكون فيها كشف تام بين الطرفين !!! فاعتقد أنه من الوهم الكبير أن نظن أن هناك إمكانية صداقة بكل معايرها السليمة تحدث بين ولد وبنت ، إلا لو كانت في إطار أبوه وبنوه ، بمعنى أن البنت تلجأ لمن يحمل روح الأبوة ، مع أنها لا تقدر أن تقول له كل شيء مثلما ما تقترب من أم أو أخت أو صديقة ..... وهكذا بالنسبة للولد ايضاً ....

عموما قد تكلمتم في الموضوع كثيراً جداً وباستفاضة لا تحتاج لتعليق ، وبالنسبة لمجتمعنا المعاصر من الصعوبة التامة قبول الصداقة بين الجنسين تحت اي بند ، لأن كما قال أحد الأعضاء :
لو تم الارتباط فكيف يقبل الزوج أو تقبل الزوجة صداقة من ترتبط به ببنت أخرى أو العكس !!!!
وطالما بنرفض هذا على المستوى الشخصي مع من نرتبط به ، فكيف نعطي الحق لأنفسنا أن نعمل ما لا نحب أن يعمله من نرتبط به !!!!

آسف للتطويل ولكن فقط وضعت نقاط للحديث الذي أتركه لكم تماماً !!!

[رافع]

موضوع جمييييييييييييل جدا
بس عم نوقع بمشكلة
وهي انو بلجامعة بكون قاعد أنا ورفيقتي بقوم بيمر واحد بينظرلي من فوق لتحت نظرة سخرية لييييييييييش مابعرف
وكمان اذا أنا كنت واثق من حالي ومن حالتي الجنسية شلون بدي كون واثق من حالت رفيق اختي بركي كسرلها مشاعرها أو أفقدها شيئا يخصها وفهمكن كفاية
وكلكن ذوق وصحيح أنو أنا معلق عالموضوع متأخر جدا بس علأمانة بس لحد يقرأ هاد التعليق بس يرد علي لأنو أنا عن جد بمأزق من ورا هاد الموضوع
وشكككككككككككككككككككرا

[بيشوي تامر جيد]

المشاركة الأصلية كتبت بواسطة good luck انا من وجهة نظري ان مفيش حاجة اسمها صداقة بين ولد وبنت وحتي لو في صداقة او زمالة بتنهي لانها اساسا بتقوم علي اساس غلط اما بالنسبة لسؤالك بيشوي.. احب اقولك ان مفيش شروط معينة ومعايير دقيقة لازم تتبع وتمشي عليها علشان تكون صداقة مع الطرف الاخر اقصد ان ممكن البنت تكون تربيتها متفتحة شوية وعندها استعداد انها تتكلم مع ولد ويبقي في بينهم صداقة ok وفي بنت تاني مقفلة ومش عايزة حد يتكلم عليها وبتاخدها من قصيرها ومش بتتكلم مع ولاد خالص وبتتجنب الموضوع دة بس في سؤال انا عايزة اسألهولك...انت عايز تكون علاقة صداقة ومش عارف؟؟؟ علي فكرة الصداقة اساسا انا مش مؤمنة بيها حتي بين ولد ولد او بنت وبنت وفي اللي بيقول ان البنت والولد بتكون صداقتهم احسن..!! عموما بردة عايزة اقول تاني مفيش حاجة اسمها 1 2 3 4 واية الخطوات والشروط اللي اعملها علشان اعمل صداقة...ربنا يبارك حياتك ++++++++++

شكرا لردك وشكرا لتثبيت الموضوع وشكرا لعمالقة المنتدي اللي ردوا علي موضوعي وانا ماستاهلش كتابتهم في الموضوع بتاعي اما بالنسبة للسؤال اللي سألتيه انا كان نفسي حد يسألهوني من أول ما عملت الموضوع انا بإختصار شاب خجول لدرجة كبيرة جدا اشوف زمايلي في الكنيسة الشباب في المسابقات والحفلات والنشاطات قاعدين مع بعض شباب وبنات بيتكلموا مأقدرش ادخل اتكلم في وسطيهم وبالزات مع البنات اول ما اجي اكلم بنت تدور في زهني اسئله كتير اعتقد اني اللي هكلمها هتسألني الأسئله دي اول سؤال هو انت تعرفني
وأرجع اقول طبعا انا مأعرفهاش
وايه المناسبة اللي تخليني اروح أسلم عليها
وبعدين بتاجيني تخيلات كتير إن انا إذا سلمت علي بنت احس انها ممكن تفتكرني بعاكسها او اي حاجه من الكلام ده وفي بعض الناس بتعتقد اني متكبر علشان مش بتكلم مع حد لكن في الحقيقة اني مش بعرف اتكلم وحاولت كتير لكن فشات بسبب الخجل وده خلاني بقيت مدايق من أي نشاط في الكنيسة إذا كان الكشافة أو مهرجان الكرازة أو المسابقة الصيفية ونشاطات كتير جدا لأن بلاقي كل اصحابي قاعدين بيتكلموا مع بعض شباب وبنات وأنا الوحيد في الكنيسة كلها اللي بكون قاعد علي كرسي مش بتكلم ولا بعمل اي حاجة بدايق من نفسي جدا وبزهق من القعدة وناس كتيرة قالتلي انك لازم تشيل الخجل ده من جواك حاولت لكن فشلت وانا مش عارف اعمل ايه
ايه الحل ؟ ؟ ؟ ؟ ؟ ؟ ؟ ؟ ؟

[بنت اباسخيرون القلينى]

اولا الموضوع جميل جدا ورايى انه ايه المانع ان يكون فى صداقة بين الولد والبنت بس لازم تكون فى حدود مثلا يكون فى الجامعة يعنى فى حدود الدراسة وبس اوفى حدود العمل لو فى الشغل
وانا بالنسبة لى انا معايا اصدقاء كتير لكن فى حدود الكلية
شكرا ع هدا الموضوع لان الاراء افادتنى خالص

[sharsharl]

الصداقة فى مجموعات هى افضل واضمن الحلول لايمز شخص اوانسان مع انسانة كصديقة الا بعد الكلية او فى اخر سنة وربنا يستر لان الاهتمام قد يزيد فيفقد الانسان اهتمامه بدراسته او تركيزه وربنا نشركه معنا فى كل قراراتنا ولوتميزت العلاقة بشخصين فالندخل اب الاعتراف وبعد ذلك الاب والام وتكون كل علاقاتنا فى النور حتى لايخدعنا عدو الخير

[وردة المحبة]

سلام ونعمةلكم كل سنة وانتم طيبين
اولا<احنا مش بنسميها صداقة لكن زمالة لان الصديق اللى بتحكي له كل حاجة فالولدميقدرش يحكى كل حاجة للبنت ولا العكس ولازم كمان الزمالة تكون ليها حدود يعنى فى حدود الادب والاخوة والكنيسة ودايما وانت بتعمل اى شئ تبص له من تلات زوايا1.الكنيسةو.القانون ,3.المجتمع

[elshbah]

انا بقول ان فى الزمان دة مفيش حاجة اسمها صداقة بين ولد وبنت ولو فى هتتحول الى اى طرف من الاتنين الى حب وساعتها فى طرف كدا وقع فى مشكلة (اسئل مجرب ومتسئلش طبيب)

[agab]

انا من رايي ان الموضوع ده ممكن يتم في حالتين
ـ ان يكونوا زي الاخوات ومفيش تفكير شهواني بين اي منهما وبذلك تنجح العلاقه بس لمده شهر او 2 وبعد كده يطلب ايدها من ابوها
ـ لو في شله او مجموعه بتكون فيها الصداقه مش ثنائيه بل علاقه موده للكل علي حد سواء يعني كلهم بيحبوا بعض ذي الاخوات وبيتشاركوا الاراء فده هيكون كويس