[عماد حسنى]

ياعظيم فى الباباوات

قدام صورتك أقول يا يسوع .. سامع صوتك لسة حواليا

مع كل كلمة أبكى بدموع .. وأقولك وحشنى وأقول اللى فيا

أقوم أصلى وكلى خشوع .. يدوب كلمتين وتدمع عينيا

قولى يا ابويا قاسية الوجوع .. فراقك بيصعب الدنيا عليا

شعبك كله لفراقك حزين .. اطفال كبار كنا محتاجين

تفضل معانا أيام وسنين .. لكن لأرادة يسوع خاضعين

واثقين وعارفين مكانك فين .. مكانك دلوقتى بقى مكانيين

عالارض فى قلوبنا طول ماعيشين .. وفى السما موجود مع القديسين

هاتفضل هناك رافع صلاتك .. عارفينك طالع بحمول ولادك

عارفين ان احنا غاليين عليك .. ده عمرنا كله شايلنا فعنيك

يابابا شنوده عمرنا ماهاننساك .. دا من يوم ما اتولدنا واحنا معاك

اب وراعى ودايماً ملاك .. حاسس بينا والكل جواك

حسينا باليتم وصرخنا بآهات .. لحظة ضعف وقولنا مات

لكن ردت علينا تعزيات .. تقول البابا عايش فالسموات

عايش بروحك بكل العظات .. بتعاليمك بكتبك بملايين المقولات

يامصدر تعزية يا كل البركات .. ياحنون فى الأبوة ياعظيم فى الباباوات

يازراع المحبة ياروح السلام .. يا أبلغ صمت وعذوبة الكلام

يا حكمة ألهية حروفها من نور .. ياقصيدة شعرية يانغمة مزمور

يامدرسة الفضايل ومعلم اجيال .. يامصدر أطمئنان فى كل الأحوال

ياشمعة قايدة عمرها ماتدوب .. يا باب العطايا وملهوش حدود

يا قلب الكنيسة يا رسالة سماوية .. يا صورة يسوع ياحنية مش عادية

اتشفع لشعبك واشفع ليا .. نكون معاك فى الأبدية



______________
كنت خلاص بطلت اكتب ..
سامحينى يا ابويا ماقدرتش
وسامحنى ماعرفتش اكتب اللى يوفيك
اذكرنا امام عرش النعمة

المصدر: †† ارثوذكس †† - من قسم: القسم الادبي

[كيرو رافت]

صدقنى يا عماااااااااااااد
طول الفتره اللى فاتت مستنى موضوعك لانى عارف انى هاتعزى بيه جدا
وبحثت وانتظرت كثيرا الى ان اتممت وعدك وكتبت اروع الكلام
هايل يا عماد بجد
صاحب هذه الكلمات العظيم فى القديسين يجازيك خير على كلماتك الرائعه
الخارجه من القلب
ما اعظمك يا ابى الحنون منذ ان ولدت انا فى هذه الدنيا لم اجد امامى الا انت
فانت كنت ابى وامى وحبيبى واخى وصديقى وكل مالى فى هذه الدنيا
وفراقك كان اصبع خبر ممكن اتخيل انى اسمعه فى حياتى
نعيما لك الفردوس وهنيئا لنا وجودك فى السماء شفيع لنا امام عرش النعمه
ربنا يعزينا جميعا

[اسامة ثروت]

بجد كلامات رئعة استاذ عماد والاجمل انها لقداسة البابا وكعادتك ديما متميز فى كلاماتك

[منيمو]

بجد بجد بجد يا عماد انا قريت كلام كتير اوى بس ملقتش كلام حلو فعلا يوصف ابونا الحبيب قداسة البابا شنودة بجد كلااااااااااااااام رائع اوى من احسن ما قرات عن قداستة ربنا يعوضك و يعزينا جميعا فى حبيبنا و ابينا و يذكرنا فى صلاتة امام عرش النعمة

[emmmy]

جميل يا عماد انا مش عارفة اقتبس حاجة
لان القصيدة كلها حلوة اوى تسلم ايدك
شكرا يا عماد شفاعة البابا تكون معاك

[عماد حسنى]

المشاركة الأصلية كتبت بواسطة كيرو رافت صدقنى يا عماااااااااااااد طول الفتره اللى فاتت مستنى موضوعك لانى عارف انى هاتعزى بيه جدا وبحثت وانتظرت كثيرا الى ان اتممت وعدك وكتبت اروع الكلام هايل يا عماد بجد صاحب هذه الكلمات العظيم فى القديسين يجازيك خير على كلماتك الرائعه الخارجه من القلب ما اعظمك يا ابى الحنون منذ ان ولدت انا فى هذه الدنيا لم اجد امامى الا انت فانت كنت ابى وامى وحبيبى واخى وصديقى وكل مالى فى هذه الدنيا وفراقك كان اصبع خبر ممكن اتخيل انى اسمعه فى حياتى نعيما لك الفردوس وهنيئا لنا وجودك فى السماء شفيع لنا امام عرش النعمه ربنا يعزينا جميعا

متشكر من قلبى يا رافت وصدقنى انا لو فضلت طول عمرى اكتب مستحيل هاعرف اكتب شىء يوصف قديسنا البابا شنوده
ربنا يعزيك ويعزى شعبه ويعزى الكنيسة ويرعاها ويدبر امورها بحكمته وايديه
متشكر جدا جدا جدا يا رافت

[عماد حسنى]

المشاركة الأصلية كتبت بواسطة اسامة ثروت بجد كلامات رئعة استاذ عماد والاجمل انها لقداسة البابا وكعادتك ديما متميز فى كلاماتك

متشكر جدا يا اسامه
اشكرك جدا وصدقنى لو الكلمات كانت حلوه فأساسها من كتبت من اجله وهو سيدنا قداسه البابا شنوده
متشكر ليك جدا
ربنا يكون معاك بصلواته

[عماد حسنى]

المشاركة الأصلية كتبت بواسطة منيمو بجد بجد بجد يا عماد انا قريت كلام كتير اوى بس ملقتش كلام حلو فعلا يوصف ابونا الحبيب قداسة البابا شنودة بجد كلااااااااااااااام رائع اوى من احسن ما قرات عن قداستة ربنا يعوضك و يعزينا جميعا فى حبيبنا و ابينا و يذكرنا فى صلاتة امام عرش النعمة

متشكر جدا جدا منيمو ربنا يعوضك وبجد من قلبى بشكرك
ربنا يكون معاكى بصلوات قديسنا العظيم البابا شنوده
شكرا جدا منيمو

[عماد حسنى]

المشاركة الأصلية كتبت بواسطة emmmy جميل يا عماد انا مش عارفة اقتبس حاجة لان القصيدة كلها حلوة اوى تسلم ايدك شكرا يا عماد شفاعة البابا تكون معاك

شكرا جدا جدا يا ايمى لردك ومتشكر كمان لمناقشتك مع استاذ ايمن وضحتى حاجات كتير
يمكن ماكنتش هاقولها متشكر ليكى وربنا يعوضك وصلوات ابينا القديس البابا شنوده تكون معاكى
الف شكر ليكى

[aymonded]

يا اجمل أخ حلو انا عارف اكتر من كل اللي هاتقوله بالتفصيل الممل كمان
وممكن ارد عليك بمراجع كنيسة ومن التقليد نفسه بس لا داعي للخوض في هذا الأمر
بس بعد أذنك يا جميل مضطر امسح كل التعليقات منذ بدايتها
لأن الموضوع اتشوه وابتعد تماماً عن قصد كتابته وانا عايز احافظ على الموضوع الأصلي
وخلي الكلام بيني وبينك لما نبقى نتقابل أفضل
ولو حبيت ترجع الكلام انا عنيا ليك
بس انا مسحته حفاظاً على الموضوع الأصلي
النعمة معك