تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة



حوار من الاعماق

منتدى مفتوح للحوار مع الزوار والاعضاء فى كل شيء دون تسجيل بالموقع حتى لا يكون به اى احراج لاى شخص ودون التعرف على شخصيته اتكلم من القلب وخرج كل ما بداخلك † من غير ما تقول انت مين هاكون معاك امين †


عاوزه حل

سلام انا محتاجه اتكلم مع حد لانى بصراحه دايما حاسه انى وحيده ومالياش حد اتكلم معاه مع انى عندى اصحاب بس مش بعرف اتكلم معاهم لانهم عنده مشاكل كتير وانا

اعلانات

موضوع مغلق

 
أدوات الموضوع تقييم الموضوع انواع عرض الموضوع

رقم المشاركة : ( 1 )
غير مسجل
Guest
 
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :
قوة التقييم :
In Love عاوزه حل

كُتب : [ 12-19-2008 - 02:09 AM ]


سلام
انا محتاجه اتكلم مع حد لانى بصراحه دايما حاسه انى وحيده ومالياش حد اتكلم معاه مع انى عندى اصحاب بس مش بعرف اتكلم معاهم لانهم عنده مشاكل كتير وانا مش بحب ادوش حد بمشاكلى بس انا بجد اتخنقت جدا وخلاص مش قادره . انا حاسه انى وحيده جدا وعندى مشاكل كتير زى عدم الثقه فى النفس وضياع الهدف اللى انا عايشه ليه حاسه انى عايزه اعقد فى مكان بعيد لوحدى لا حد يشوفنى ولا انا اشوف حد لانى الناس اذونى كتير واتاذيت كتير حتى من اصحابى يعنى انا مليانه جروح مفتكرش ان انا عندى ذكريات حلوه فى حياتى الا قليل جدا وانا فى مشكله كبيره ومش عارفه اتكلم مع اى حد حتى مع اب اعترافى كل ما اروحله يبقى عايزنى اخلص بسرعه لان عنده ناس كتير جدا جدا غيرى ومابيقوليش غير كلمه واحده صلى انا مسيطره عليا خطيه معينه ومش عارفه ابطلها مع انى مش بحس باى متعه فيها وبكرها جدا وبندم جدا لما اعملها وبزعل من نفسى جدا بس لانى قاعده طول الوقت لوحدى وماعنديش حد اكلمه او شغل اعمله فبحاول انى اشغل وقتى باى حاجه وخلاص . على فكره انا ساعات كتير جدا باحس انى بكره نفسى جدا جدا جدا وانى عايزه اعمل اى حاجه تضرها وتوجعها واقولكم على حاجه سر كبير من اسرارى اللى مسببالى كل اللى انا فيه ده انا كنت غلط زمان مع حد معين وتوبت واعترفت بالخطيه دى وربنا سامحنى عليها بس دايما حاسسه انى مش قادره انساها وانى بعذب نفسى كتير عليها وخصوصا لما باشوف الشخص ده صدفه بفتكر كل حاجه حصلت عايزه انسى ومش عارفه اتصرف ازاى وكل يوم بيعدى عليا بكره نفسى اكتر لانى بفتكر انى مش ممكن انى اتجوز ابدا ولا حتى اعيش قصة حب زى اى بنت فى الدنيا وخصوصا انى مش جميله يعنى انا تخينه اوى ودى مسببالى مشكله جامده جدا ودى حاجه من الحاجاتالكتير اللى خنقانى وخصوصا انى ضعيفة الأراده جربت كتير الرجيم ولانى بزهق بسرعه ببطل الرجيم فياريت حد يقولى اعمل ايه انا خلاص حاسه انى قربت اتجنن وانى محتاجه لدكتور نفسانى علشان يعالجنى من الأكتئاب اللى عندى ده
وعلى العموم انا اسفه انى طولت عليكم ودوشتكم بمشاكلى وشكرا لانكم اديتونى فرصه انى اتكلم ......باى



uh,.i pg


Sponsored Links
بياناتي
 رقم المشاركة : ( 2 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,870
عدد النقاط : 58

aymonded غير متواجد حالياً

افتراضي رد: عاوزه حل

كُتب : [ 12-19-2008 - 02:39 AM ]


سلام ومحبة لشخصك الحلو من إلهنا ومخلصنا يسوع
مشكلتك تتلخص في الخصومة مع النفس ، فالله غفر لك كما تقولين ، أما أنتِ لم تغفري لنفسك وفي عداوة مع نفسك ، وهذه العداوة توقعك في صراع فكري ونفسي خطير يكاد أن يمزقك ، وتشعرين بالفراغ لأنك ضد ذاتك وتحاربيها بضراوه ...

فيا أختي الحلوة انت محتاجه تصالحي نفسك أولاً ، وتفحصيها عملياً وليس ظاهرياً ، لأن الخطية شيء عرضي في حياة الإنسان لأنها مش من طبعه الأصيل وهي غريبة عنه ، وواضح أن الصراع عندك وصل لأعلى درجة حيث أنك من الفراغ تهربين للخطية دون لذه أو رغبه منك ... وتعودين تنتقمي من نفسك لفعلها ، ده صراع خطير قد يؤدي إلى حالة نفسيه واكتآب فعلاً !!!

فيا محبوبة الله حاولي تتصالحي مع نفسك ، وافحصي وابحثي عن ما يميزك فأنت جوهرة الله الحلوة ، غطتها الأتربة ولكن الظاهر غير الباطن والأصل الحقيقي الذي لكِ غير ما تظنيه أو تريه في الظاهر ، فظواهر الأمور لا تعبر عن جوهرها الحلو ...

يقول الشيخ الروحاني :
لا يقدر إنسان أن ينظر الحسن الذي داخله قبل أن يهين ويرذل كل حُسن خارجه ... ( حياة الصلاة الأرثوذكسية ص 272 )

فيا محبوبة الله تعمقي في ذاتك وأدركي انك موضوع سرور الله وطلبه الدائم وفخر الكنيسة الحلو جداً ، الخطية غريبة عنك وليست موضوع مسرة لك ، والله هو تاج حياتك وفرحك الحلو

وإليك نصيحة القديس مقاريوس الكبير :
( من شاء أن يتقدم إلى الرب ويُحسب أهلاً للنجاة ووارثاً للحياة الأبدية ومسكناً للمسيح ، يجب أن يبتدئ بالإيمان ويثق بالرب ويُسلم نفسه بكليتها ليسوع ,,,, ) حياة الصلاة ص 375

فيا محبوبة يسوع أنسي شكلك الخارجي وشكل عاداتك وحاولي تتصالحي مع نفسك واعلمي انك جميله من الداخل ، والداخل اقوى من الخارج ، فالجمال الخارجي يزول أما زينة النفس لا تزول بل تبقى وتزداد جملاً على جمال ـ لأن عمل الله وحبة يكسيها ، لأن ملامح صورته فيكِ حسب الخلق ... وهذا ليس من عندي أو من فكري ولكن حسب الكتاب المقدس ، اننا مخلوقين على صورة الله ومثاله ...

فيا محبوبة يسوع والقديسين ، نتفق على أنك تتصالحي مع نفسك ولا تنتقمي منها لأن هذا عكس عمل الله ، وعمل الله في النفس يحتاج منا الصبر وأن نعرف أنفسنا على حقيقتها في نوره الحلو وسرّ خلقتنا ...

آسف للتطويل وبإذن يسوع لحديثنا بقية
بس أول خطوة لك أن تعرفي نفسك وتحبيها على أساسا أنها صورة الله ، وهي فيكِ جوهرة ثمينة لابد من الحفاظ عليها جداً ، لأن هيكلك هو هيكل حلول الله : أنتم هياكل الله هكذا قال القديس بولس الرسول ...

النعمة معك

بياناتي
 رقم المشاركة : ( 3 )
سحر الكلمات
ارثوذكسي جديد
رقم العضوية : 41908
تاريخ التسجيل : Dec 2008
مكان الإقامة :
عدد المشاركات : 9
عدد النقاط : 10

سحر الكلمات غير متواجد حالياً

افتراضي رد: عاوزه حل

كُتب : [ 12-19-2008 - 03:41 AM ]


انا صاحبة المشكله وعايزه اعرف ازاى احب نفسى وللعلم من ضمن الحاجات الللى تعبانى انى خادمه فى الكنيسه فى اكتر من خدمه ومنها انى ماسكه فريق تمثيل للأطفال وخايفه انى اكون سبب فى ضياع حد فيهم مع انى بحاول على قد ماقدر انى ادور على كل حاجه غلط فيا واخليهم يعملوا عكسها واعودهم على كده يعنى بهتم جدا بحضورهم القداس والصلاه والتناول والترانيم وكل حاجه بتقربهم من ربنا وبحاول انى اعمل كل الحاجات دى معاهم بس برضه خايفه انى اغلط فى اى حاجه قدامهم واكون قدوه سيئه ليهم اما بالنسبه لعدم الثقه فى النفس ف دى مشكله جامده جدا وبتسببلى مشاكل كتير فى حياتى عموما وخصوصا فى خدمتى ومش عارفه اتصرف ازاى فى المشكله دى يا ريت حد يدينى رد ويقولى اعمل ايه


بياناتي
 رقم المشاركة : ( 4 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,870
عدد النقاط : 58

aymonded غير متواجد حالياً

رد: عاوزه حل

كُتب : [ 12-20-2008 - 04:56 AM ]


اقتباس
المشاركة الأصلية كتبت بواسطة سحر الكلمات مشاهدة المشاركة
انا صاحبة المشكله وعايزه اعرف ازاى احب نفسى وللعلم من ضمن الحاجات الللى تعبانى انى خادمه فى الكنيسه فى اكتر من خدمه ومنها انى ماسكه فريق تمثيل للأطفال وخايفه انى اكون سبب فى ضياع حد فيهم مع انى بحاول على قد ماقدر انى ادور على كل حاجه غلط فيا واخليهم يعملوا عكسها واعودهم على كده يعنى بهتم جدا بحضورهم القداس والصلاه والتناول والترانيم وكل حاجه بتقربهم من ربنا وبحاول انى اعمل كل الحاجات دى معاهم بس برضه خايفه انى اغلط فى اى حاجه قدامهم واكون قدوه سيئه ليهم اما بالنسبه لعدم الثقه فى النفس ف دى مشكله جامده جدا وبتسببلى مشاكل كتير فى حياتى عموما وخصوصا فى خدمتى ومش عارفه اتصرف ازاى فى المشكله دى يا ريت حد يدينى رد ويقولى اعمل ايه
سلام ومحبة من ربنا يسوع لشخصك الحلو جداً
أولاً من جهة حب النفس السوي والثقة فيها ، أولاً لازم تبحثي في نفسك عن كل حاجة حلوة فيكِ وأي موهبة خاصة لديكِ ، أكيد في داخل نفسك جمال خاص ومواهب حلوة ، يا عارفاها يا اما إلى الآن لم تكتشفيها ...

والثقة في النفس لن تأتي في يوم وليلة ، إنما ستأتي مع الأيام والوقت بهدوء وواحدة واحدة ، ستستعيدين الثقة في نفسك ، ولكن حاولي تواجهي نفسك بهدوء ولا تقدمي على تعذيبها وأغفري لنفسك على ضوء غفران الله ، فالتوبة لها شقين ، سلبي وإيجابي ، السلبي هو البعد عن الشر وتجنبه ، والإيجابي الثقة في الله وترك مساحه لأن يعمل في النفس ويغيرها إليه ، وتقدمي له بالشكر على غفرانه وأن تغفري لنفسك ما قد غفره الله لكِ باعتراف قلبك وثقتك في محبته ...

فلن تستعديدي الثقة بالنفس إن لم تغفري أولاً لنفسك ولا تحاولي أن تؤنبيها فوق طاقتها وبذاتك ، لأن تأنيب الله ، ليس كمثل باقي البشر ، لأن الله بالروح القدس يبكت الإنسان على الخطية واضعاً أمامه نور التوبة الحلو في نفس ذات الوقت مشجعاً النفس على التوبة ...

أما لو التبكيت أتى بعنف وحزن ويدعو لليأس والأحباط فهو ليس من الله بل حالة نفسيه تحتاج علاج عند طبيب !!!


خايفه انى اكون سبب فى ضياع حد فيهم
الخوف عكس الإيمان والثقة في الله ، ومعنى كلامك أنك إلى الآن لا يوجد علاقة حقيقية مع الله وثقه فيه ، لأن من تخدمينهم ليسوا مسئوليتك المطلقة بل هم أولاً وأخيراً مسئولية الله وحده ، وأنت ليس إلا مجرد خادمة تسلم لهم حياة التقوى ومحبة الله !!! ولابد من ان تصلي أن يعطبكي الله قوة الخدمة ليس من ذاتك بل بقوة الروح القدس ، لأن نحن لو تسلمنا زمام الخدمة وكنا في منتهى الصلاح سنجعل المخدومين يتعلقوا بنا نفسياً دون الله الحي ...

خايفه انى اغلط فى اى حاجه قدامهم واكون قدوه سيئه ليهم
رجعنا مرة أخرى لعدم الثقة في النفس والخوف من الخطأ ، وعدم وضع رب المجد نفسه هو القدوة الحقيقية لأن كل إنسان معرض أن يسقط أو أن يقع ولا تخافي من كشف أخطائك بل اعترفي بخطأك أن استدعى الأمر وظهر أي عيب واكشفي لهم أن الله هو اقدوة العليا وليس البشر ، وأشكري الله على أخطائك وضعفاتك لكي يكون له المجد وحده ...

بحاول على قد ماقدر انى ادور على كل حاجه غلط فيا واخليهم يعملوا عكسها

هذا أكبر خطا ترتكيبينه في خدمة الأطفال ، هذا لا يليق على الإطلاق ، فخطأك ليس المبدأ لتصحيح مسير أطفال وتوجيههم ، أنت توجيهيهم نحو نفسك وتحاولي تعوضي ما ترينه من نقص فيهم ، وهذا خطير جداً وبعيد كل البعد عن عمل الله بل وضعتي ذاتك - عن دون دراية - مبدأ لحياتهم وإرشادهم !!!

مش ينفع أبداً هذا الكلام ، بل أنظري لوصية الله أن يتبعوها وليس ما هو خطأ من وجهة نظرك حتى لو كان صحيح 100 % ، بل ليكن المبدأ وصية الله وليس ما ترينه خطـأ فيكِ !!!

الخطوات العملية لتخطي الأزمة الشخصية :
1 - أشكري الله على أخطائك وضعفاتك التي ترينها في ذاتك كلها بكل أمانة
2 - أعطِ المجد لله في الخدمة حيث أنك ضعيفه وليس لديك ما تعطينه للأطفال سوى الحب ووصية الله فقط لا غير .
3 - ابحثي عن أي موهبه فيكِ ونميها .
4 - لا تخشي من كشف أخطائك لأنل الآخرين بل أفرحي أن كُشفت أمام أحد ، لأن المجد لله وحده وهو الوحيد الذي بلا عثرة أو خطية ، وأعلمي أننا كلنا بشر معرضين للضعف أو السقوط والله هو الحب والحضن المتسع لأنه جاء من أجل الخطاة بل والفجار ايضاً ، وقد رحم القتلة وعفى عنهم فكم يكون شخصك المحبوب فيه !!!
5 - ابتعدي عن كل شيء سلبي ولا تلومي نفسك إن لم يبكتك الله بالروح القدس ، وعلامة تبكيت الله الاشتياق للتوبة وحب الصلاة والتناول ...

هذه خطوات بسيطة اقلها لكِ إلى أن ىتي ببعض الخطوات العملية بأكثر دقة مرة أخرى باكثر توسع ...

أهم حاجة تركزي عليها الآن هي :
أشكري الله على أخطائك وضعفاتك التي ترينها في ذاتك كلها بكل أمانة

قديم 12-20-2008, 05:11 PM
Biko
هذه الرسالة حذفت بواسطة aymonded. سبب آخر: مكرر
بياناتي
 رقم المشاركة : ( 5 )
Biko
ارثوذكسي شغال
رقم العضوية : 3326
تاريخ التسجيل : Oct 2007
مكان الإقامة :
عدد المشاركات : 85
عدد النقاط : 10

Biko غير متواجد حالياً

افتراضي رد: عاوزه حل

كُتب : [ 12-20-2008 - 05:14 PM ]


اختنا العزيزة
دامت لك رعاية ربنا يسوع وحبه
اولا اهلا بيكى فى المنتدى وسط كل اخواتك والمنتديات مجال حلو للاصحاب
ثانيا اكيد كلام اخونا العزيز ايمن مش هاقدر اقول كلام جميل زيه
بس عاوزك تفتكرى لما معلمنا بولس الرسول قال
انه بيفعل الشر الذى لا يريده
يعنى الصراع مع الخطية مش سهل
والصح اننا نتوب مش نقعد نلوم نفسنا زيادة(القدر اللى يؤدى للتوبة بس )
لان زى ما انتى عارفة ربنا مش بينظر لمقدار الخطية او الصلاح لكن بينظر لمقدار التوبة
كمان مين قال مفكيش اى نقطة حلوة
انتى عندك حاجات عظيمة اهمها
انك كرهتى الخطية وديه بداية ونقطة مهمة ابنى عليها باقى الحاجات
مجال الخدمة برده كويس انك تقربى من ناس كتير
وبالنسبة للمخدومين
ثقى ان الله هو العامل فمهما كان ضعفك سيقويقى لاجلهم ولاجلك
وعن تجربة لا تندمى على ماضى لانه سيفيدك وستعرفى هذا فى الوقت المناسب
واكبر مثال بولس
اذا لم يكن مضطهدا وحماسيا لما كنا راينا بولس الذى يغير على الخدمة والذى تحمل كل الضيقات بصبر
وهذا هو عمل العجيب فى تحويل مسار الانسان
نعمة ربنا تسندك وتقويكى
صلى لاجلى


بياناتي
 رقم المشاركة : ( 6 )
bright
ارثوذكسي متألق
رقم العضوية : 4351
تاريخ التسجيل : Oct 2007
مكان الإقامة : غريبه عشت في الدنيا
عدد المشاركات : 1,206
عدد النقاط : 10

bright غير متواجد حالياً

RG6 رد: عاوزه حل

كُتب : [ 12-20-2008 - 07:31 PM ]


+
لا تيأسي طول ما انتي عايشه علي الارض سواء من ثقتك بنفسك او من خطيتك اومن فراغك او من ضعفك او من فكرك او افعالك
لا تيأسي لان الهك موجود
واليأس =عدم وجود ربنا
الهنا موجود وقادر يغير كل شي وكل انسان اياً كان
اعتبري حالتك دي هي صليبك وبما ان ربنا عادل اذن مش هيعطيكي صليب انتي مش هتقدري تشيليه
افتكري دايما انك احسن من ناس كتير اوي في ناس مش لاقيه مكان تنام فيه او لقمه تاكلها او هدوم تسترها او عندهم مرض ملهوش حل

في كتاب جميل جدا هيفيدك حقيقي اسمه (انطلق) للراهب كاراس المحرقي
اللينك :
4shared.com - document sharing - download ط§ظ†ط·ظ„ظ‚.doc



اقتباس
الخطوات العملية لتخطي الأزمة الشخصية :
1 - أشكري الله على أخطائك وضعفاتك التي ترينها في ذاتك كلها بكل أمانة
2 - أعطِ المجد لله في الخدمة حيث أنك ضعيفه وليس لديك ما تعطينه للأطفال سوى الحب ووصية الله فقط لا غير .
3 - ابحثي عن أي موهبه فيكِ ونميها .
4 - لا تخشي من كشف أخطائك لأنل الآخرين بل أفرحي أن كُشفت أمام أحد ، لأن المجد لله وحده وهو الوحيد الذي بلا عثرة أو خطية ، وأعلمي أننا كلنا بشر معرضين للضعف أو السقوط والله هو الحب والحضن المتسع لأنه جاء من أجل الخطاة بل والفجار ايضاً ، وقد رحم القتلة وعفى عنهم فكم يكون شخصك المحبوب فيه !!!
5 - ابتعدي عن كل شيء سلبي ولا تلومي نفسك إن لم يبكتك الله بالروح القدس ، وعلامة تبكيت الله الاشتياق للتوبة وحب الصلاة والتناول ...



الخطوات دي جميله جدااااااااااااااااااااااا ااا
انا بشكر صاحبه الموضوع جدا لانها افادتني كتير

بياناتي
 رقم المشاركة : ( 7 )
سحر الكلمات
ارثوذكسي جديد
رقم العضوية : 41908
تاريخ التسجيل : Dec 2008
مكان الإقامة :
عدد المشاركات : 9
عدد النقاط : 10

سحر الكلمات غير متواجد حالياً

افتراضي رد: عاوزه حل

كُتب : [ 12-21-2008 - 12:28 AM ]


انا بشكركم جدا كلكم وخصوصا الأستاذ ايمن لانى بجد استفدت جدا من ردودكم وانشاء الله هحاول اعمل باللى انتوا قولتهولى وشكرا جدا على تعب محبتكم باى


قديم 12-21-2008, 12:42 PM
rmio
هذه الرسالة حذفت بواسطة aymonded.

موضوع مغلق

مواقع النشر (المفضلة)

اعلانات

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
المـوضـوع المخصص لطلبات الترانيم من علي القنوات الفضائية ، دعوة مفتوحه للمشاركه ؛ @Sherif@ قسم طلبات الميديا 218 07-28-2011 06:32 PM


الساعة الآن 01:47 AM.