تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة



المنتدى العام المنتدى العام خاص بالمواضيع التى ليست لها تصنيف

مش هارجع مصر تاااااااانى

مش هرجع تانى مصر حتى لو هعيش فى قصر انا خلاص بعت القضية هرجع تانى ليه! عشان البنت اللى مش عايزة غير الشقة و العربية ولا الأكل منتهى الصلاحية و

اعلانات

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية Nana_English
Nana_English
ارثوذكسي بارع
Nana_English غير متواجد حالياً
 
رقم العضوية : 33606
تاريخ التسجيل : Jul 2008
مكان الإقامة : Egypt_Gizah
عدد المشاركات : 2,162
عدد النقاط : 12
قوة التقييم : Nana_English is on a distinguished road
افتراضي مش هارجع مصر تاااااااانى

كُتب : [ 03-23-2009 - 09:22 PM ]


مش هرجع تانى مصر حتى لو هعيش فى قصر انا خلاص بعت القضية هرجع تانى ليه! عشان البنت اللى مش عايزة غير الشقة و العربية ولا الأكل منتهى الصلاحية و لا رغيف العيش اللى قرب يوصل لـ 5 جنيه

مش هرجع تانى مصر حتى لو هعيش فى فيلا العالم وصل للقمر و احنا لسة بنشرب فى قلا و الموظف اللى سمّوه محدود الدخل مرتبه فى الشهر 300 و مصاريف حرمه و ولاده الأربعة بالاقل 1100 و عشان مايبقاش حرامى ياخد الرشوة ويسميها اكرامية

مش هرجع تانى مصر حتى لو بقيت لعيب مشهور فى الأهلى او نجم سينمائى و الناس عايزة تتصور جنبى انا مش عايز اكون فى الثلاثين من عمرى ولسة باخد مصروفى من ابويا و امى

مش هرجع تانى مصر حتى لو بقيت رئيسها كفاية فيها واحد "مباركها" هعمل بــ الرئاسة ايه؟ بقينا فى الألفية التالتة و لسة محتفظين بـ لقبين :"ياباشا" ،يابيه"

مش هرجع تانى مصر حتى لو هعيش فى شقة ع النيل مش عايز واحد يوقفنى فى كمين و يطنطط عليا كانه لواء وهو يدوبك امين

مش عايز ارجع مصر و اسمع نشرة الأخبار او اقرا حظك اليوم فى جريدة الأهرام يعنى حظى هيكون ايه اكتر من البطالة اللى مستنيّا القوة العاملة واللى فكر صح ساب البلد و هاجِر و التانى اشتغل فى العملة

وهقول ايوة هقول... ايه رأيكوا فى تصريحات السيد المسؤول اللى مابيعملش حاجة غير انه يصرح ويقول و مين المظلوم؟ الغلبان اللى بياكل على عربية الفول طب فينه سيادة المسؤول؟ فى فندق 5 نجوم بياكل زى الغول

مش هرجع تانى مصر حتى لو غيّروا التاكسى اللى من الثلاثينات و الشوارع اللى مليانة مطبّات وشافوا حل للمعاكسات و التحرشات كان الشاب عمره ما شاف قبل كدة بنات

مش هرجع تانى مصر حتى لو عملوا ازالة للمناطق العشوائية او بقت لها قيمة الشهادة الجامعية
الشهادة اللى ملهاش لزوم المهندس و الدكتور اللى سافروا برة دلوقتى اترقّوا و بيغسلوا صحون

مش هرجع تانى مصر حتى لو عملولى تمثال فى ميدان كل تمثال و له اوان و كمان كام سنة هينقلونى من مكانى اكيد يعنى مش هكون اغلى من تمثال رمسيس التانى


منقوووووول
بس هو بأمانة كل اللى انا عاوزه اقوله جوايا



la ihv[u lwv jhhhhhhhhkn


رد مع إقتباس
Sponsored Links
بياناتي
 رقم المشاركة : ( 2 )
وردة حزينة
ارثوذكسي ذهبي
رقم العضوية : 8670
تاريخ التسجيل : Dec 2007
مكان الإقامة :
عدد المشاركات : 10,781
عدد النقاط : 28

وردة حزينة غير متواجد حالياً

افتراضي رد: مش هارجع مصر تاااااااانى

كُتب : [ 03-23-2009 - 10:35 PM ]


عندك حق بامانه كل حاجه غلط فى مصر
موضوعك معبر بجد عن حال مصر والمصريين للى يصعبوا على الكافر
الف شكر ليكى يانانا واكيد الكل نفسه يقول كده

رد مع إقتباس
بياناتي
 رقم المشاركة : ( 3 )
M@@@NOOOO
ارثوذكسي ذهبي
رقم العضوية : 13010
تاريخ التسجيل : Jan 2008
مكان الإقامة :
عدد المشاركات : 8,790
عدد النقاط : 10

M@@@NOOOO غير متواجد حالياً

افتراضي رد: مش هارجع مصر تاااااااانى

كُتب : [ 03-23-2009 - 10:42 PM ]


ياجمااااعه اى دوله ف العالم فيها الحلو وفيها الوحش
هو اه احنا الحاجات الوحشه عندنا كتير اووووى
بس برضو احسن من غيرنا
احسن من دول فقيره ودول مليانه حروب واستعمارات
ودو فيها ذل وحقد ومجاعات
والموضوع فيه قضايا كتير اوى ومهمه ولازم فعلا نحاول علشان نتخلص منها
وميرسى عل الموضوع الشيق ده
فعلا بيحكى حقيقه مره
بس برضو بقولها تانى
احسن من غيرنا مليون مره

رد مع إقتباس
بياناتي
 رقم المشاركة : ( 4 )
Nana_English
ارثوذكسي بارع
رقم العضوية : 33606
تاريخ التسجيل : Jul 2008
مكان الإقامة : Egypt_Gizah
عدد المشاركات : 2,162
عدد النقاط : 12

Nana_English غير متواجد حالياً

افتراضي رد: مش هارجع مصر تاااااااانى

كُتب : [ 03-23-2009 - 10:45 PM ]


يبقى انت اكيد اكيد اكيد يعنى فى مصر
شكرآ يا سكرة على رأيك الجميييييل


رد مع إقتباس
بياناتي
 رقم المشاركة : ( 5 )
Nana_English
ارثوذكسي بارع
رقم العضوية : 33606
تاريخ التسجيل : Jul 2008
مكان الإقامة : Egypt_Gizah
عدد المشاركات : 2,162
عدد النقاط : 12

Nana_English غير متواجد حالياً

افتراضي رد: مش هارجع مصر تاااااااانى

كُتب : [ 03-23-2009 - 10:53 PM ]


احسن من غيرنا؟
مين غيرنا دول يا مانو
اكيد الصومال زامبيا و انجولا وكل الدول اللى بنروح
نلعب معاهم فى البطولات الافريقية
بس على فكرة هما معندهمش 1/10 من الامكانيات والموارد اللى عندنا
وهى دى المشكلة اننا ممكن نبقى احسن من كده 100 مرة بالموارد البشرية والمادية
بس للأسف عقولنا فى هانتغدى ايه بكرة بسسسسسس
وكل موارد بلدنا فى جيب .,.........
يبقى مش احسن بمقارنة ظروفنا وظروف اللى انت تقصدهم
شكرآ على رأيك ده
بس للأسف هى دى مصر يا عبلة


رد مع إقتباس
بياناتي
 رقم المشاركة : ( 6 )
SAMOOOOO
ارثوذكسي فضى
رقم العضوية : 12115
تاريخ التسجيل : Jan 2008
مكان الإقامة :
عدد المشاركات : 4,299
عدد النقاط : 10

SAMOOOOO غير متواجد حالياً

افتراضي رد: مش هارجع مصر تاااااااانى

كُتب : [ 03-24-2009 - 10:38 AM ]


سورى يعنى اسمحولى اقولكم الكلام ده من بره قلبكم

مصر دى امنا فعلا ومش هتعرفوا قيمتها الا لو بعدتوا عنها فتره

هنا مثلا فى الخليج امن وامان جدا وكل حاجه حلوه ومتطوره

بس كله ده مالوش اى لازمه بجد

تراب مصر ده غالى جدا كفايه اوى انها محتويه اجساد كل القديسين والشهداء

وغير كده طبيعه مصر نفسها مفيش زيها

بجد مصر ليها اشتياق اوووووووووووووووووووووى

ده رايى بصراحه وعن تجربه

ملحوظه: وعلى رأى هانى رمزى ( ده الميه فيها تلات الوان)
ههههههههههههههههه


رد مع إقتباس
بياناتي
 رقم المشاركة : ( 7 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,872
عدد النقاط : 58

aymonded غير متواجد حالياً

افتراضي رد: مش هارجع مصر تاااااااانى

كُتب : [ 03-24-2009 - 11:16 AM ]


هو اللي يتذوق الغربة ويشوف ذلها يعرف ما فاته
كان هناك إنسان فقير يعيش يكسب قوت يومه بيومه وسمع عن بلد التجارة فيها بالدهب ، فقال في نفسه لو ذهبت هاكسب دهب واغتني ويكون لي كنز وفير أقدر على اني اعيش في حالة رخاء ، فذهب إلى تلك البلد ، ومع العيشة بها وجد كل شيء أغلى مما يتوقع وأكبر من مكسبه فأصبح فيها أفقر مما كان في بلده ، وتعذرت معيشته فيها جداً ، وعاش مديوناً فيها !!!

هكذا أحياناً أحلامنا تقودنا إلى ما هو فوق طاقتنا عن دون خبرة أو تجربة ، فلا نحكم على الأمور من جهة ما نحيا فيه ، إلا بعد خبرة وتجربة ، لأننا في ظروف صعبة ف بلدنا وهذه حقيقة ، ولكن ليس الهروب هو الحل ، لأن من الممكن أن يكون هناك حلول أخرى بعيدة عنا تماماً لأننا نرى ونقارن بما هو أفضل من وجهة نظرنا الخارجية !!!


رد مع إقتباس
بياناتي
 رقم المشاركة : ( 8 )
Nana_English
ارثوذكسي بارع
رقم العضوية : 33606
تاريخ التسجيل : Jul 2008
مكان الإقامة : Egypt_Gizah
عدد المشاركات : 2,162
عدد النقاط : 12

Nana_English غير متواجد حالياً

افتراضي رد: مش هارجع مصر تاااااااانى

كُتب : [ 03-24-2009 - 02:29 PM ]


اقتباس
المشاركة الأصلية كتبت بواسطة samooooo مشاهدة المشاركة
سورى يعنى اسمحولى اقولكم الكلام ده من بره قلبكم

مصر دى امنا فعلا ومش هتعرفوا قيمتها الا لو بعدتوا عنها فتره

هنا مثلا فى الخليج امن وامان جدا وكل حاجه حلوه ومتطوره

بس كله ده مالوش اى لازمه بجد

تراب مصر ده غالى جدا كفايه اوى انها محتويه اجساد كل القديسين والشهداء

وغير كده طبيعه مصر نفسها مفيش زيها

بجد مصر ليها اشتياق اوووووووووووووووووووووى

ده رايى بصراحه وعن تجربه

ملحوظه: وعلى رأى هانى رمزى ( ده الميه فيها تلات الوان)
ههههههههههههههههه
شكرآ سامو على رأيك
بس على فكرة الخليج دول اوحش مننا
احنا يمكن بنتعب عنهم
هما عايشين على الذهب الاسود اللى بيقولوا عليه
يعنى تقدم وهمى
ومش بيتقدموا غير فى الماديات لكن العقووول بتتخم مع الاجسام
انا عاوزه نظام الحضارة والنظافة وكل واحد يبقى فى حاله ولا مضايقات ولا اضطهاد
ولا تخلف ولا سرقة مال عام ولا زياده سكان
اعتقد اننا البلد الوحيده فى العالم اللى عندها نسبة الاراضى الصحراوية اكتر من السكنية
وعايشين فوق بعض وعشوائيات وفصل فيه 65 تلميذ
انا نفسى فى تعليم محترم مش نظامنا اللى يشل
ااااااه انا بحب مصر وعلشان كده حزينة عليها بأمانة وهى دى القضية
لو سكتنا وقلنا كله فله وشمعة منورة يبقى هنفضل بينا وبينهم الفجوة الكبييييييييرة زى ماهى
احنا بينا وبين دول العالم الاول من 30 ل 40 سنة
يعنى احنا لسه فى السبعينيات عندهم
وعلى رأى احمد فؤاد نجم



ممنوع من الكلام وممنوع من السكات
وكل يوم فى حبك بتزيد الممنوعات


رد مع إقتباس
بياناتي
 رقم المشاركة : ( 9 )
Nana_English
ارثوذكسي بارع
رقم العضوية : 33606
تاريخ التسجيل : Jul 2008
مكان الإقامة : Egypt_Gizah
عدد المشاركات : 2,162
عدد النقاط : 12

Nana_English غير متواجد حالياً

افتراضي رد: مش هارجع مصر تاااااااانى

كُتب : [ 03-24-2009 - 02:37 PM ]


شكرآ يا استاذ ايمن على رأيك والمثال اللى اديتهولنا
بس مش ده الهدف اننا نهرب ده مجرد نقد بس ساخر
يعنى انا لو لىٌ ابن فاشل واولاد جيرانى كويسين
هسيب ابنى واروح اتبنى واحد شاطر
مهما كان مش هييجى زى ابنى الى بحبه
يبقى اكيد هاعالجه واصلحه
والاصلاح مش عاوز طبطبه وبس عاوز شد ونقد بناء
الى جانب الحب والتوعيه
يعنى مش ها ادفن رأسى فى الرمال واقول للكل انى احسن منهم وانى
عندى ابن ممتااااااااااااز
مرة تانية شكرآ على رأيك وبأذن يسوع بكرة احسن


رد مع إقتباس
بياناتي
 رقم المشاركة : ( 10 )
MICKEY
ملك الكوميديا
رقم العضوية : 314
تاريخ التسجيل : May 2007
مكان الإقامة :
عدد المشاركات : 8,150
عدد النقاط : 19

MICKEY غير متواجد حالياً

افتراضي رد: مش هارجع مصر تاااااااانى

كُتب : [ 03-24-2009 - 02:44 PM ]


انا مصري ابن مصري
ومصر هي امي
وتحيا مصر

رد مع إقتباس

اضافة رد

مواقع النشر (المفضلة)

اعلانات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:20 PM.