تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة



حوار من الاعماق

منتدى مفتوح للحوار مع الزوار والاعضاء فى كل شيء دون تسجيل بالموقع حتى لا يكون به اى احراج لاى شخص ودون التعرف على شخصيته اتكلم من القلب وخرج كل ما بداخلك † من غير ما تقول انت مين هاكون معاك امين †


حروب الشك بتدمرنى

إزيكم يا جماعة، انا معرفتش أقول الكلام ده لمين وحاسس إنى محتاج مساعدة، انا حاسس إنى بضيع ومعلش استحملونى. مشكلتى إنى بفكر كتير، شخصيتى ناقده شكاكة بطبعها، دايماً بقول ليه

اعلانات

موضوع مغلق

 
أدوات الموضوع التقييم: تقييم الموضوع: 1 تصويتات, المعدل 5.00. انواع عرض الموضوع

رقم المشاركة : ( 1 )
KareemT19
ارثوذكسي جديد
KareemT19 غير متواجد حالياً
 
رقم العضوية : 103201
تاريخ التسجيل : Apr 2010
مكان الإقامة :
عدد المشاركات : 2
عدد النقاط : 10
قوة التقييم : KareemT19 is on a distinguished road
افتراضي حروب الشك بتدمرنى

كُتب : [ 05-05-2010 - 08:32 PM ]


إزيكم يا جماعة، انا معرفتش أقول الكلام ده لمين وحاسس إنى محتاج مساعدة، انا حاسس إنى بضيع ومعلش استحملونى.

مشكلتى إنى بفكر كتير، شخصيتى ناقده شكاكة بطبعها، دايماً بقول ليه وإشمعنى وإزاى.

كل الناس دايماً بيبقى عندهم جزء جواهم مقفول عليه، بيحتفظوا جواه بقيمهم الثابتة اللى مش بتتغير ولا عمرهم بيقربوا ناحيتها، من الآخر بيحتفظوا جوه الخزنة دى بالدين، انا بقى معرفتش أعزل الجزء ده بداخلى، وبالتالى الدين جوايا مسلمش من الشك، دايماً وانا بقرأ الإنجيل بقول ليه وإشمعنى ولية ربنا عمل كذا والمسيح عمل كذا وفى كل حاجة، لية قصة آدم والشجرة؟؟ عشان الإنسان يبقى مخيّر يعنى؟؟ طب ماهو مش مخيّر بدليل إنه بيتعرض فى حياته لحاجات كتير ربنا بيرتبهاله عشان شايف إنها أحسن له وبتبقى عكس إرادة الإنسان، يعنى الإنسان مش مخيّر ولا مسيّر؟؟!! مش فاهم؟؟ طب ليه المسيح غلّط تفكير التلاميذ فى موضوع سكب الطيب ماهو فعلاً كان أحسن إنه يتباع وتمنة يتوزع على الفقراء وده شىء مفروغ منه!!

ده مثال بسيط للى بيحصل لى كل ما اقرأ الإنجيل أو أى كتاب روحى، شك شك شك، وعدم إقتناع بكتب التفسيرات اللى بقرأها، لكن كل ده برضة ومكنتش وصلت لمرحلة الخطر اللى انا فيها دلوقتى، ساعتها كنت بشك بعدين أرجع أقول لنفسى لأ لأ أكيد فيه تفسير وانا مش فاهمه أصل ربنا ده حاجة كبيرة قوى وانا تفكيرى ييجى ايه جنب تدبير الله؟

لكن مشاكلى بدأت تتفاقم مع الوقت، كجزء من بحثى عن الحقيقة إتعودت القراءة فى جميع الأديان ومنها على سبيل المثال الإسلام، وبدون إهانة لأى شخص مسلم مقدرتش أحترم هذا الدين نهائياً، الكثير من الكراهية والعنف والعنصرية، فعدت أتمسك بدينى دين المحبة فقط لأكتشف آيات أخرى مليئة بالعنصرية والتمييز أيضاً، أكتر استفزازاً لى هى أجزاء من الرسائل خصوصاً الحاجات اللى بتتضهد المرأة (مش فاكر النص بس فيه حاجات بتاعة ان الست تصمت تماماً فى الكنيسة ولو عايزة تسأل فى حاجة تسأل زوجها بعد الصلاة إلخ إلخ...)، وفيه الآية لا تكونوا تحت نير مع غير المؤمنين ، وآية لا تقاوموا السلطات اللى بتناقد أى محاولة إصلاح فى أى بلد، وغيرها وغيرها وغيرها، قلت طيب فرقت اية المسيحية عن غيرها كده بقى؟؟

كنت دايماً بسأل نفسى سؤال، معقول ربنا مش هيدخّل زميلى المسلم فى الكلية ده السما عشان هو ولد مسلم؟ رغم أخلاقه العالية جداً ووقوفه معايا فى كل حاجة بدون مصلحة؟ يعنى ده هيتساوى مع مسيحى قاتل وزانى مثلاً؟؟ يعنى الإيمان بالمسيح هو المفتاح بغض النظر عن كل الإعتبارات الأخرى؟؟ هيفرق فى ايه لو كان سمع عن المسيح وآمن، أو مسمعش بس عاش المسيح فى كل تصرفاته من غير ما يعرفه؟؟

طبعاً كل اللى بقوله ده بينافى العقيدة المسيحية بتاعتنا اللى بتقول إن محدش هيدخل السما غير لما يؤمن ويعتمد، وهنا بدأ الشك يدمرنى، الفكرة اللى مسيطرة على رأسى هى إستحالة ده يكون ربنا، ربنا مش معقول يهمل أعمال الشخص وينظر فقط لكونه آمن بكذا ولا كذا ولا غصب عنه مسمعش عن العقيدة الفلانية، بالذمة فيه حاجة إسمها شعب الله المختار والباقى فى الزبالة؟؟ يعنى هو ربنا ده ايه يعنى عشان يخلق ناس بعدين يختار حبه ياخدهم ويحبهم والباقيين دول يرميهم يعنى ده كلام منطقى؟؟!!

التفكير ده بقى بدأ يتطور عندى، لقيت إن كل الأديان بتقول إنها هى الصح وهى طريق الخلاص، وإن من غيرها الإنسان هيتعذب وهيتبهدل إلخ إلخ إلخ، إذا كان عندك 1000000 دين كلهم بيقولوا إنهم الدين الصح يبقى أنهى فيهم الصح؟؟ المنطق بيقول ولا واحد بقى !!

وغير كده بدأت أبص للقصص اللى فى الإنجيل بعين أخرى، بالعين اللى ممكن أى حد فينا يبص بيها للأساطير الإغريقية بتاعة زيوس والناس دى، قصة عن واحد قعد فى بطن الحوت 3 أيام، وعن طوفان وغضب إلهى، وعن حروب مقدسة وشعب مختار...وأخيراً عن شخص المفروض إنه الإلة اللى إتجسد عشان يفدى خليقته!

كتير قعدت أصلى، انا على فكرة اليومين دول كل يوم أروح الكنيسة وأقعد لوحدى وأشرد كده وأقعد أقول يارب لو اللى انا فيه ده الصح عرفنى، إدينى إشارة، رجّع لى إيمانى، ولو الصح حاجة تانى عرفنى برضة، إدينى إشارة حتى إنك موجود أصلاً!!

أرجوكم ساعدونى، حتى لو بالصلاة -لو كان لها فايدة- عشان انا خلاص بتدمر، وكلام الكهنة خلاص مبقاش ينفع، كلهم كلامهم واحد وشبه بعضه ولا يخاطب شكوكى أبداً.

أرجوكم ساعدونى انا مش لاقى حد يفهمنى خلاص وحاسس إنى بتدمر، انا مش عايز أبقى فى يوم لادينى ولا ملحد، نفسى أرجع لإيمانى البسيط بالمسيح بتاع زمان لما كنت كل مشكلة أقع فيها أقول يارب إتصرف إنت، لازم يكون عندى نقطة ثابتة، أرض ثابتة أقف عليها، مينفعش أبقى ريشة فى مهب الريح كده وكل شىء يبقى خاضع للعقل والشكوك، إنقذونى أرجوكم!



pv,f hga; fj]lvkn



التعديل الأخير تم بواسطة ماروجيرافك ; 05-06-2010 الساعة 08:34 AM
Sponsored Links
بياناتي
 رقم المشاركة : ( 2 )
marian magde
Game over
رقم العضوية : 86188
تاريخ التسجيل : Nov 2009
مكان الإقامة : قلب المسيح
عدد المشاركات : 575
عدد النقاط : 10

marian magde غير متواجد حالياً

Icon101 رد: حروب الشك بتدمرنى

كُتب : [ 05-05-2010 - 11:52 PM ]


اولا انا مبسوطة انك بقيت معانا ثانيا وهية الاهم هية ماتعتبرها مشكلتك بص اكثر اسلوب ممكن يكسب بية الشيطان او يستخدموا فى حروبوا هو الشك دة الوحيد انك لو سبتلوا العنان يقتلك فى كل حاجة مش فى دين بس فتخيل بقى لو فى دينك !!! بيسمى الدين عقيدة لانها اكبر من مستوى العقل دة اولا بلاش دى سيبك من الايمان مع انوا كان المسيح قبل ما يعالج او يساعد محتاج كان بيسألوا ان ايمانك يشفيك وليس قوتى كالاة, ومع كدة كمان لو عايز براهين بسيطة ادخل اى كنيسة وشوف قوت دينك فى شفاء امراض اخراج شياطين بلاش روح كنيسة فى بورسعيد هتلاقى صورة تعجز الكلام عن وصفها بتنزل زيت لو حدها وسبب نزلها الزيت هو توبة واحدة خاطية وشفائها من مرض موتها صدقنى بجد بلاش انك تنتظر شئ او قوة الاهية تظهرلك الحق عشان ببساطة ربنا بيقول لاتجرب الرب الهك اتحداك لو لقيت اثبات ربع الحقيقة زى الى عندنا فى اى دين وسورى طولت عليك بس حاول انك تقاوم تبقى فريسة سهلة ولعبة سهلة فى ايد عدوا الخير وانا مقدرة قوتك وقت ربنا فى انوا يخرجك من ضيقك وسورى طولت عليك وربنا معانا


بياناتي
 رقم المشاركة : ( 3 )
Abanob Maher
Bebo Christian
رقم العضوية : 89475
تاريخ التسجيل : Dec 2009
مكان الإقامة :
عدد المشاركات : 25
عدد النقاط : 10

Abanob Maher غير متواجد حالياً

Rose انا حاسس بيك لانى كنت زايك

كُتب : [ 05-11-2010 - 03:04 PM ]


يا كريم انا مبسوط فعلا انك بتتكلم وبتقول وبتعبر عن اللى جواك
انا كنت زايك او يعتبر لحد دلوقتى زايك علشان كده انا حاسس بيك حاسيس بالشك اللى جواك لانى بفكر بنفس اسلوبك وفعلا بقيت ببص لقصص الكتاب المقدس بالنظره بتعتك لكنى دلوقتى مش بشك فى عقيدتى وفى دينى وفى ايمانى لانى خرجت المسئلة ديه مش شعورى خرجتها من قلبى وحاطيتها فى عقلى انا مسئلتش حد لا كاهن ولا حتى الخادم اللى بحكيله على كل حاجة ... انا بحثت بنفسى وكان اول حاجة انا شكيت فيها هى الوهية السيد المسيح فى ناس كتير بتقول انه مش الله بس انا دورت وروحت وجيت ونصوص فى الكتاب وشواهد ومعجزات موقفتش متهددت مسبتش شكى يدمرنى وانا قاعد ساكت لا لا يا كريم قوم ودور بنفسك اعرف الحق من الغلط اعرفه انت بنفسك ولوحدك بدون مشاركة حد من غير ما تسال حد انا عديت بالمرحلة ديه او ممكن يكون فيا شئ صغير منها علشان كده انا حاسيس بيك تماما بص يا كريم اللى انت محتاجه هو دليل على صحة ايمانك دور وهتلاقى انا بعد لما اتاكدت بنسبة 70% من عقيدتى عملت مدونه وسمتها الطريق الحقيقى وحطيت فيها كل الابحاث اللى سندتنى فى مرحلة شكى علشان غيرى يستفيد بيها انا حاطيتها فى التوقيع بتاعى

فكر يا كريم ازاى تلاقى الطريق واهلا بيك فى ارثوذكس

ولو عندك اى سؤال فى الايمان انا هاقدر اجاوبك على طول ان شاء الله

بياناتي
 رقم المشاركة : ( 4 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: حروب الشك بتدمرنى

كُتب : [ 05-12-2010 - 10:50 PM ]


بالاضافة لكلام بوبا يا كريم رجاء رجاء رجاء بلاش تقرا عن الاديان الاخرى على الاقل دلوقتى مع احترامى الشديد ليك ودة مش بقلل من شانك بية مش اى حد يقدر يعمل مقارنة اديان ومش اى حد يقدر يفهم الفرق بينهم ويرد على التساؤلات
بص
انت ركز فى مشكلتك وخليك زى ما انت اطلب معونة ربنا دايما واقرى ودور واسمع بروح الايمان مش بالعقل بس ايمانك وعقيدتك بلاش مكابرة وعناد وفى حاجات مينفعشى نقبلها بالعقل ابدا قبلناها يالايمان لان العقل ميقدرشى يستوعب عمل اللة كلة ابدا ومقاصد اللة كلها ابدا
حاول تهدى وتعرف وتفهم ان دى حروب من عدو الخير اوعى تستسلم ليها او تياس او تكابر ولو ربنا شافك بتدور علية اكيد هينور طريقك ويعرفك ويفهمك كل حاجة وخلى بالك الشك بداية السقوط والضياع لانة بيولد العناد والكبرياء وعدم التفاهم
وربنا معاك

بياناتي
 رقم المشاركة : ( 5 )
sharsharl
ارثوذكسي شغال
رقم العضوية : 104047
تاريخ التسجيل : Apr 2010
مكان الإقامة :
عدد المشاركات : 84
عدد النقاط : 10

sharsharl غير متواجد حالياً

افتراضي رد: حروب الشك بتدمرنى

كُتب : [ 05-14-2010 - 06:06 PM ]


اقول لك ياوديعة المسيح اعرف كم الله احبك وبذل من اجلك فان عرفت الحب عرفت الله ولايوجد شك بعد ذلك لآن محبة الله وعنايته بنا هى سبب اننا مسيحيين لولم يحبنا الله لصارت الديانة المسيحية مجرد كتب وبس ولاكن محبة السيدالمسيح كلمة الله هى روح وحياة كلام اللة ومحبته هى المسيحية كلها ارجع لمسيحك واب اعترافك لآن الله ترك من اجلك 99 نفس ليرجعك الىحظيرة الخراف لو لم يحبنا المسيح لكنا الان ندهس تحت بنود الناموس عبيد خطائون نقلنا الى ملكوت ابن محبته واضعنا داخل وصية جديدة وصية المحبة له ولكل البشر طريقا اسسه بدمه على الصليب ليجمع اولاده تحت حناحيه على عودالصليب محبة ابدية منه الى الابد اعلم ان يوحنا الحبيب هوالوحيد الذى كان يستطيع ان يضع راسه على صدر السيدالمسيح ويطلب منه اى شىء يعجز التلاميذعن طلبهوهو الذى ائتمنه السيد المسيح على العذراء مريم وقال له هذه امك وهى امنا كلنا وقال لها هذا ابنكونحن اولادها كلنا


بياناتي
 رقم المشاركة : ( 6 )
samerco75
ارثوذكسي متألق
رقم العضوية : 27192
تاريخ التسجيل : Apr 2008
مكان الإقامة : mansoura
عدد المشاركات : 1,107
عدد النقاط : 12

samerco75 غير متواجد حالياً

افتراضي رد: حروب الشك بتدمرنى

كُتب : [ 05-16-2010 - 07:28 PM ]


الله قادر ان يفرح قلبك ويفتح مغاليق عقلك كى تراه
صلى اليشع الى الله وقال افتح يا رب عينى الغلام ليرى
ايها العبقرى فى تفكيرك الله اعطاك موهبة التدقيق لتمجد اسمه لا لكى تشك فيه
الله قادر ان يستخدمك يا محبوبه الحلو ويبارك حياتك


بياناتي
 رقم المشاركة : ( 7 )
FinalRule
ارثوذكسي جديد
رقم العضوية : 106085
تاريخ التسجيل : May 2010
مكان الإقامة :
عدد المشاركات : 1
عدد النقاط : 10

FinalRule غير متواجد حالياً

افتراضي رد: حروب الشك بتدمرنى

كُتب : [ 05-18-2010 - 05:19 AM ]


عارف يا كريم أجمل حاجة في اللي بتقوله ايه؟
هو الشك في المسلمات ... كل واحد فينا لازم يكون عنده مسلمات غير قابلة للشك أو الانتقاد...
أغلبنا لا يفكر المساس بالمسلمات داخله... المساس بيها بيمثل بالنسبة ليه خطر على عقله نفسه... ودي حكمة من خالقنا لأن ليس كل الناس على درجة واحدة أو عالية من القدرة على التفكير الموضوعي والمنطقي...
بس لازم كلنا نمر بمرحلة الشك دي ... لازم بصورة أو بأخرى ... وبدرجة أو بأخرى ... بمعنى أن فيه ناس بتمر عليها مرور الكرام سريعًا وبدون تدقيق وترجع تضع المسلمات في مكانها المحفوظ المغلق ...
وناس مش بتقدر زيك كده...
هقولك على حاجة ... خلينا موضوعين في تحليلنا للأمور ...
أي دين لازم يقول أنه هو الدين الصح والباقي غلط ... ده شيء منطقي بالنسبة لمفهوم الدين ...
بمعنى لو ان فيه دين قالك انا صح وبرضه غيري صح من الأديان وكله هيدخل السما وميه ميه ... طيب يبقى ايه اللي يخليني اعتنق الدين ده مش اي دين آخر صحيح برضه...
وده مش معناه أن يبقى كل الأديان غلط ... لأنه منطقيًا الحق واحد لا يتكرر أو يتعدد
فهم الحق هو المتعدد ... لكن أصل الحق واحد
الدين هو ايه؟ الدين هو الأسلوب الذي يريدك الخالق أن تتقرب به إليه...
كل الأديان وكل الناس بتحب خالقها ... لكن مين اللي بيعبده زي ما هو عايز مش زي ما أنت عايز
لازم تتقرب وتعبده زي ما هو طلب مش زي ما أنت عايز
ممكن يكون من دين آخر وخلقه جميل وتعامله أجمل ... تفتكر ليه ربنا جعل الإنسان ده كده ... علشان يقولنا أنك متكرهش الإنسان لذاته ... إنما تكره تصرفه
وأنك أولى بالخلق الطيب منه...
مش هقولك أن حكمة ربنا أعلى مننا ومش هنقدر نفهمها - مع أنها بالفعل كده - بس هقولك لو طلبت بصدق انك تفهمها ... لو أنك حاولت تفهم ما أراده ربنا منا هتعرف أيه الحكمة وتريح عقلك وقلبك...
وعلى فكرة أنا فعلا معاك انه مفيش حاجة اسمها شعب الله المختار .... الباب مفتوح للكل يدخله مش نوع دون نوع أو جنس دون آخر ...
لكن فعلا لازم تعرف هو عايز منك ايه علشان تعمله على مراده هو مش مرادك انت...


بياناتي
 رقم المشاركة : ( 8 )
MaryShawky
ارثوذكسي جديد
رقم العضوية : 61446
تاريخ التسجيل : May 2009
مكان الإقامة :
عدد المشاركات : 4
عدد النقاط : 10

MaryShawky غير متواجد حالياً

افتراضي رد: حروب الشك بتدمرنى

كُتب : [ 06-07-2010 - 03:31 PM ]


هاقوللك نصيحه و صدقني مش هاتندم.. اقعد مع حد متنصر وخش جوه تفكيره.. اساله ازاي عرف طريق يسوع و ليه اتمسك بيه قوي كدده و حط حياته في خطر ليه؟ و عشان مين؟ هاتلاقي في الاخر ان فعلا شكوكك ملهاش معني..ربنا ينور طريقك يا حبيب يسوع.


بياناتي
 رقم المشاركة : ( 9 )
mno-z
ارثوذكسي للعضم
رقم العضوية : 98810
تاريخ التسجيل : Mar 2010
مكان الإقامة :
عدد المشاركات : 1,062
عدد النقاط : 10

mno-z غير متواجد حالياً

Heart رد: حروب الشك بتدمرنى

كُتب : [ 06-15-2010 - 05:35 PM ]


اقتباس
المشاركة الأصلية كتبت بواسطة KareemT19 مشاهدة المشاركة
إزيكم يا جماعة، انا معرفتش أقول الكلام ده لمين وحاسس إنى محتاج مساعدة، انا حاسس إنى بضيع ومعلش استحملونى.

مشكلتى إنى بفكر كتير، شخصيتى ناقده شكاكة بطبعها، دايماً بقول ليه وإشمعنى وإزاى.
دي تسائلات الشباب الدائمة هي مش خطيئة ولا يهمك
كل الناس دايماً بيبقى عندهم جزء جواهم مقفول عليه، بيحتفظوا جواه بقيمهم الثابتة اللى مش بتتغير ولا عمرهم بيقربوا ناحيتها، من الآخر بيحتفظوا جوه الخزنة دى بالدين، انا بقى معرفتش أعزل الجزء ده بداخلى، وبالتالى الدين جوايا مسلمش من الشك، دايماً وانا بقرأ الإنجيل بقول ليه وإشمعنى ولية ربنا عمل كذا والمسيح عمل كذا وفى كل حاجة، لية قصة آدم والشجرة؟؟ عشان الإنسان يبقى مخيّر يعنى؟؟
عشان يتعلم الطاعة يا معلم
طب ماهو مش مخيّر بدليل إنه بيتعرض فى حياته لحاجات كتير ربنا بيرتبهاله عشان شايف إنها أحسن له وبتبقى عكس إرادة الإنسان،
طيب وفي احلى من اللي بيرتبو ربنا
يعنى الإنسان مش مخيّر ولا مسيّر؟؟!! مش فاهم؟؟
اكيد حتفهم اصبر شوية
طب ليه المسيح غلّط تفكير التلاميذ فى موضوع سكب الطيب ماهو فعلاً كان أحسن إنه يتباع وتمنة يتوزع على الفقراء وده شىء مفروغ منه!!
دي حكمة اكيد ولو يبئى ربنا بينا وع القليلة منكرموش بالطيب دحنا نكرمو بالاغنياء والفقراء وبكل حاجة
يعني لاحئين على موضوع الفقراء مش حيهربو

ده مثال بسيط للى بيحصل لى كل ما اقرأ الإنجيل أو أى كتاب روحى، شك شك شك، وعدم إقتناع بكتب التفسيرات اللى بقرأها،
انا بسمعك كمل
لكن كل ده برضة ومكنتش وصلت لمرحلة الخطر اللى انا فيها دلوقتى، ساعتها كنت بشك بعدين أرجع أقول لنفسى لأ لأ أكيد فيه تفسير وانا مش فاهمه
عليك نور اهو انت بتجاوب نفسك كمل كمل
أصل ربنا ده حاجة كبيرة قوى وانا تفكيرى ييجى ايه جنب تدبير الله؟
حلو الكلام

لكن مشاكلى بدأت تتفاقم مع الوقت، كجزء من بحثى عن الحقيقة إتعودت القراءة فى جميع الأديان ومنها على سبيل المثال الإسلام، وبدون إهانة لأى شخص مسلم مقدرتش أحترم هذا الدين نهائياً، الكثير من الكراهية والعنف والعنصرية،
مش موضوعنا كمل
فعدت أتمسك بدينى دين المحبة فقط لأكتشف آيات أخرى مليئة بالعنصرية والتمييز أيضاً، أكتر استفزازاً لى هى أجزاء من الرسائل خصوصاً الحاجات اللى بتتضهد المرأة (مش فاكر النص بس فيه حاجات بتاعة ان الست تصمت تماماً فى الكنيسة ولو عايزة تسأل فى حاجة تسأل زوجها بعد الصلاة إلخ إلخ...)، وفيه الآية لا تكونوا تحت نير مع غير المؤمنين ،
يعني انت فاكر الآية وفاكر المعنى طيب احفظ الآية واسأل احد الخوارنة او القساوسة عليها اكيد حيروي عطشك
وآية لا تقاوموا السلطات اللى بتناقد أى محاولة إصلاح فى أى بلد، وغيرها وغيرها وغيرها، قلت طيب فرقت اية المسيحية عن غيرها كده بقى؟؟
في دي فرقت اكيد لان المسيحية دين تسامح ومع دائما وليست ضد

كنت دايماً بسأل نفسى سؤال، معقول ربنا مش هيدخّل زميلى المسلم فى الكلية ده السما عشان هو ولد مسلم؟ رغم أخلاقه العالية جداً ووقوفه معايا فى كل حاجة بدون مصلحة؟
الاخلاق ليس لها علاقة بالعقيدة بكل المجتمعات يوجد المنيح والقبيح
يعنى ده هيتساوى مع مسيحى قاتل وزانى مثلاً؟؟ يعنى الإيمان بالمسيح هو المفتاح بغض النظر عن كل الإعتبارات الأخرى؟؟ هيفرق فى ايه لو كان سمع عن المسيح وآمن، أو مسمعش بس عاش المسيح فى كل تصرفاته من غير ما يعرفه؟؟
شوف مفيش دين بيقلك ازني دا حلال او اقتل دا نص نص او اسرق معلش .... مفيش

طبعاً كل اللى بقوله ده بينافى العقيدة المسيحية بتاعتنا اللى بتقول إن محدش هيدخل السما غير لما يؤمن ويعتمد، وهنا بدأ الشك يدمرنى، الفكرة اللى مسيطرة على رأسى هى إستحالة ده يكون ربنا، ربنا مش معقول يهمل أعمال الشخص وينظر فقط لكونه آمن بكذا ولا كذا ولا غصب عنه مسمعش عن العقيدة الفلانية، بالذمة فيه حاجة إسمها شعب الله المختار والباقى فى الزبالة؟؟ يعنى هو ربنا ده ايه يعنى عشان يخلق ناس بعدين يختار حبه ياخدهم ويحبهم والباقيين دول يرميهم يعنى ده كلام منطقى؟؟!!


التفكير ده بقى بدأ يتطور عندى، لقيت إن كل الأديان بتقول إنها هى الصح وهى طريق الخلاص، وإن من غيرها الإنسان هيتعذب وهيتبهدل إلخ إلخ إلخ، إذا كان عندك 1000000 دين كلهم بيقولوا إنهم الدين الصح يبقى أنهى فيهم الصح؟؟ المنطق بيقول ولا واحد بقى !!
يا اخي في الزمان سألو نفس سؤالك مين اللي حيحاسبو ربنا يا ترا المسيحية هي اللي تتحاسب بس او غيرها من الاديان فقلهم الحكيم ... هناك شجرة اوراقها واغصانا هي ملكوت الله وجذع الشجرة هو الطريق اما الجزور الكثيرة هي الاديان والملل كلها بس بشرط يتحاسب اللي يمشي على إيمانو صح مش اللي يمشي نص نص
احنا علينا تطبيق تعاليم كنيستنا وخلينا بحالنا

وغير كده بدأت أبص للقصص اللى فى الإنجيل بعين أخرى، بالعين اللى ممكن أى حد فينا يبص بيها للأساطير الإغريقية بتاعة زيوس والناس دى، قصة عن واحد قعد فى بطن الحوت 3 أيام، وعن طوفان وغضب إلهى، وعن حروب مقدسة وشعب مختار...وأخيراً عن شخص المفروض إنه الإلة اللى إتجسد عشان يفدى خليقته!
يا صديقي هناك كتير من المسلمات في الدنيا متل واحد وواحد يبئو تنين .....
و الله واحد وابن هو الله كمان والروح القدس يعني لازم تسلم بيها

كتير قعدت أصلى، انا على فكرة اليومين دول كل يوم أروح الكنيسة وأقعد لوحدى وأشرد كده وأقعد أقول يارب لو اللى انا فيه ده الصح عرفنى، إدينى إشارة، رجّع لى إيمانى، ولو الصح حاجة تانى عرفنى برضة، إدينى إشارة حتى إنك موجود أصلاً!!
اااااااه توقعت منك كدا انا حريحك .. سألو حكيم بالزمان
من هو الله فأجاب الله هو ابعد من ابعد نقطة يصل اليها العقل البشري ..

أرجوكم ساعدونى، حتى لو بالصلاة -لو كان لها فايدة- عشان انا خلاص بتدمر، وكلام الكهنة خلاص مبقاش ينفع، كلهم كلامهم واحد وشبه بعضه ولا يخاطب شكوكى أبداً.
طيب ساعدنا انت بالصلاة كمان واحنا منصلي كمان لخير كل العباد

أرجوكم ساعدونى انا مش لاقى حد يفهمنى خلاص وحاسس إنى بتدمر، انا مش عايز أبقى فى يوم لادينى ولا ملحد، نفسى أرجع لإيمانى البسيط بالمسيح بتاع زمان لما كنت كل مشكلة أقع فيها أقول يارب إتصرف إنت، لازم يكون عندى نقطة ثابتة، أرض ثابتة أقف عليها، مينفعش أبقى ريشة فى مهب الريح كده وكل شىء يبقى خاضع للعقل والشكوك، إنقذونى أرجوكم!
متاكلش هم يعني الموضوع شغلة وقت وتفكير بسيط جدا حتلاقي حالك عايش بسلام وانت اللي بتنصح غيرك
ودلوقت ازيك ؟؟ اخوك :mno-z

بياناتي
 رقم المشاركة : ( 10 )
غير مسجل
Guest
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :

افتراضي رد: حروب الشك بتدمرنى

كُتب : [ 06-20-2010 - 05:11 PM ]


يا صديقي هناك كتير من المسلمات في الدنيا متل واحد وواحد يبئو تنين .....
و الله واحد وابن هو الله كمان والروح القدس يعني لازم تسلم بيها


ليه لازم ناخد مسلمات منفكرش فيها.... موش ده يعتبر ايقاف لعقلنا و ممكن كمان نكون فريسه لاي حد او اي فكر غريب بمروور الزمن ....


موش عارف بس انا زيك يا كريم بفكر و افكر وافكر لحد ما اشوف تفكيري حيوديني لفين

خاصة اني انا و بافكر بادعي ربنا ايا كان مين هوه ربنا يهديني للصواب و يقيني انو موش راح يخذلني مخليني افكر اكتر و اكتر ....


لانو اكيد في صح و في غلط في الدنيا و في النهايه راح يكون دين واحد بس هوه الصحيح

ازاي اعرفو دي بقي مهمه صعبه ولازم افكر فيها كتير و استخدم فيها عقلي كتير

و ربنا يهدينا جميعا ً .



موضوع مغلق

مواقع النشر (المفضلة)

الكلمات الدلالية (Tags)
بتدمرنى, حروب, الشك

اعلانات

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محاضرة يوم 14-7-2010 لقداسة البابا شنوده عن خطية الشك فيديو مع اسئلة Team Work® فيديو هات لقداسة البابا شنودة الثالث 1 05-20-2011 12:35 AM
الـشــــك & الـيــــــأس menovich المرشد الروحى (كلمة الله التى تؤثر فيك) 5 11-20-2010 03:55 PM
نبزة بسيطة عن الشك اشرف وليم التأملات الروحية والخواطر الفكرية 6 10-02-2010 02:12 AM
شوفوا الشك بيعمل ايه.... nermein المنتدى العام 15 08-13-2007 10:16 PM


الساعة الآن 08:49 PM.