تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة


  †† ارثوذكس †† > أتكلم من قلبك † مفتوح للزوار † > حوار من الاعماق

حوار من الاعماق

منتدى مفتوح للحوار مع الزوار والاعضاء فى كل شيء دون تسجيل بالموقع حتى لا يكون به اى احراج لاى شخص ودون التعرف على شخصيته اتكلم من القلب وخرج كل ما بداخلك † من غير ما تقول انت مين هاكون معاك امين †


جيد ان تكون غائبا حاضرا علي ان تكون حاضر غائب

جيد ان تكون غائبا حاضرا علي ان تكون حاضر غائب مقوله مشهوره لكن للاسف هي دي مشكلتي اني حاضر غائب انا شخص انطوائي تقريبا معنديش اصحاب او معظمهم معرفه

اعلانات

اضافة رد

 
أدوات الموضوع تقييم الموضوع انواع عرض الموضوع

رقم المشاركة : ( 1 )
غير مسجل
Guest
 
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :
قوة التقييم :
افتراضي جيد ان تكون غائبا حاضرا علي ان تكون حاضر غائب

كُتب : [ 10-19-2011 - 10:44 AM ]


جيد ان تكون غائبا حاضرا علي ان تكون حاضر غائب
مقوله مشهوره لكن للاسف هي دي مشكلتي اني حاضر غائب
انا شخص انطوائي تقريبا معنديش اصحاب او معظمهم معرفه يعني صباح الخير عامل ايه وخلاص مش اكتر ( مفيش خروجات مع بعض مفيش مكالمات مع بعض يعني علي قد المقابلات في الكنيسه بعد القداس وخلاص ....الخ)
يمكن بسبب قله كلامي لاني عندي مشكله في الكلام (بتهته في الكلام) او غير ذلك مش عارف
السؤال ازاي اكون غائبا حاضرا



[d] hk j;,k yhzfh phqvh ugd phqv yhzf >


رد مع إقتباس
Sponsored Links
بياناتي
 رقم المشاركة : ( 2 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,872
عدد النقاط : 58

aymonded غير متواجد حالياً

افتراضي رد: جيد ان تكون غائبا حاضرا علي ان تكون حاضر غائب

كُتب : [ 10-19-2011 - 11:11 PM ]


سلام لشخصك المحبوب في الرب
أولاً يا صديقي الحلو العلاقة بين الأصدقاء تنبع من الثقة في النفس أولاً، فلا تلقي بالاً في موضوع التهتهه في الكلام ، وواضح أنك أنطوائي بسبب هذه المشكلة التي ليست بمشكلة في الأساس، لأن الإنسان دائماً ما يشعر بالآخرين حسب حالته النفسية فربما الناس لا تهتم بهذا ولكن كعادة الإنسان أنه يرى المشكلة أكبر مما يراها الآخرين، فربما يوجد الكثيرين الذين لا يهتمون أو يلقون بالاً لمشكلتك التي تراها أنت في عيون الآخرين ضخمة وعائق بينك وبينهم ، وهذا يُسمى في علم النفس [ الأسقاط ] وهو أني بألقي مشاعري وأحاسيس التي أشعرها على الآخرين موهماً لنفسي أنهم يرون ما أراه أنا، فيجب يا صديقي الحلو تُظهر جانبك الإنساني ومحبتك للآخرين بتفاعلك معهم وأن تحاول أن تربي صداقة مع أحد، لأنه لا يوجد إنسان على وجه الأرض ليس عنده ميزات وعيوب، ولكن الميزات عادة بتبقى أعظم من أي عيب أو مشكلة في حياتنا، ولكن طبيعة الإنسان أنه عادة بيبص على مشاكله ويضخمها جداً أكثر مما يهتم بميزاته ويُنميها !!!

فحاول يا أروع أخ حلو أن تنظر لميزاتك ومواهبك وتُنميها وتصنع صداقة مع الآخرين وتسمح للناس أن تقترب منك لأن أكيد في ناس تحب أن تصادقك ولكنك لا تسمح بأي حوار، فحاول أن تكون البادئ (مع أني أعلم صعوبة هذا جداً) ولكن حاول أن تكسر الحاجز الذي يحجزك عن الناس، لأنك بكل تأكيد شخص مميز ولك مواهب وميزات كثيرة (ربما تعرف بعضها أو لا تعرفها ) فابحث عنها ونميها وأنشأ صداقات مع الآخرين ، وحاول حتى أن تتفاعل مع الناس في أي مكان ولو في المنتدى كبداية وخطوة في التقدم لكي تتفاعل مع الآخرين في واقع الحياة اليومي، فلا تكون لك علاقة مع الآخرين في مجرد تحيات بل علاقة صداقة وزمالة أيضاً ...

أقبل مني كل الاحترام والتقدير لشخصك المحبوب في الرب؛ النعمة معك كل حين

رد مع إقتباس
بياناتي
 رقم المشاركة : ( 3 )
غير مسجل
Guest
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :

افتراضي رد: جيد ان تكون غائبا حاضرا علي ان تكون حاضر غائب

كُتب : [ 10-21-2011 - 11:52 PM ]


تنبع من الثقة في النفس أولاً،
برده دي احدي مشاكلي اني ممكن اكون مش وائق في نفسي وكذلك الاخرون ايضا مش واثقين في
مثلا في الكنيسه لا احد يسند لي القيام بخدمه حتي لو كانت سهله واقدر أعملها وكذلك في البيت
ولذا لجئت الي عمل اشياء صعبه مثلا دخول كليه العلوم احد الاقسام الصعبه فيه وذلك ليس حبا في القسم ولكن محاوله اني ابين للناس اني اقدر اعمل حاجه او اشيل مسؤليه ولكن الحمدلله عديت فيه هو صحيح بصعوبه بس عديت ومن غير اعاده اي سنه لكن الهدف لم اصل اليه بعد ( محاوله اني ابين للناس اني اقدر اعمل حاجه او اشيل مسؤليه ) وظل الحال علي ما هو عليه في عدم ثقه الناس في
والان لجئت الي الجيش فانا مثلا عندي شكوي طبيه (مشكله الكلام مثلا ) ممكن تطلعني من الجيش بس مقلتهاش لاني عاوز ادخل الجيش وذلك برده ليس حبا في الجيش لكن لنفس السبب السابق ( محاوله اني ابين للناس اني اقدر اعمل حاجه.....)
ازاي اخلي الناس تثق في او بالاولي ازاي اثق في نفسي الاول؟؟

وأن تحاول أن تربي صداقة مع أحد

ازااااااااااااااي؟؟؟

بكل تأكيد شخص مميز ولك مواهب
ازاي اعرف مواهبي ؟؟؟

اسف للاطاله


رد مع إقتباس
بياناتي
 رقم المشاركة : ( 4 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,872
عدد النقاط : 58

aymonded غير متواجد حالياً

افتراضي رد: جيد ان تكون غائبا حاضرا علي ان تكون حاضر غائب

كُتب : [ 10-22-2011 - 03:40 AM ]


سلام لشخصك الحلو يا أجمل أخ حلو
دعنا نتفق الأول على حاجة مهمة للغاية، وهي أن لا تسعى أن تسير في اصعب الطرق لتثبت لأحد قدرتك على عمل الأشياء لأنك قادر أن تفعل أي شيء وكل شيء، وأنت تحتاج أن تثبت لنفسك أنت أنك مميز ولك قدرات خاصة عظيمة تقدر بها أن تفعل اي شيئ، فاختار ما تحبه لنفسك وليس لكي تثبت للآخرين شيئ قط، لأن هذا سيجعلك تعمل طيله حياتك كلها على العمل الصعب لتثبت للآخرين أنك قادر، وهذا لن يفيد أحد وقد يضرك ويتلف مواهبك، لأنك لا تبحث عن إسعاد ذاته والبحث عن ما تحبه أنت لشخصك وليس للناس !!!

صدقني يا صديقي الحلو لو أنت بحثت عن ما تحبه أنت وتظهر شخصيتك في اختيارك وعملك هاتبقى شخص آخر والكل هايحترمك وينتبه ليك، لأنك اثبت نفسك وحققت ما ترجوه أنت وليس ما للناس !!!

فلا تحاول أن تثبت لأحد شيء خليك بطبيعتك، لأن أول طريق التفات الناس إليك وثقتهم فيك هو تكون كما أنت وتظهر شخصيتك أنت وليس ما تحاول أن تثبته للناس، لا تثبت لأحد شيئ قط، بل كن كما أنت وسير وفق ما تريده انت وحسب ميولك الشخصية !!!

عموماً الموهاب تكتشف حينما تلاحظ نفسك، ماذا تحب أن تفعل وما تحلم أن تحققه، فهل مثلاً تحب الميل للرسم ام العزف أو غيرها من الميول التي تشعرها في نفسك، فمثلاُ هل تميل للتجارة أم الإدارة أو أي شيء تشعر أنك تميل إليه، وحينما تكتشف ماذا تريد وإلى ماذا تميل حاول ان تسعى ان تنميه فيك وتظهره لأن من خلال مواهبك هاتقدم شيء حلو للناس يعجبهم ويشدهم إليك وتفوز بثقتهم، وكمان خلي ليك تعلق بالله الحي واعرفه كشخص حي وحضور مُحيي وامسك فيه بقوة لأنه هو حبيبك الخاص وقوة خلاصك البدي ، وسيقودك حتماً لمعرفة إخوة وأصدقاء مخلصين يحبونك في الرب ويقدمون لك المحبة الحقيقية بصداقة حلوة تسندك وتقويك وتشجعك...

وممكن تبدأ حديثك مع الناس ومعرفتهم من خلال النت أو منتدى تشترك فيه وتحاول تقرب من الناس شوية وتعرض لهم معرفتك ومواهبك ... دية طريقه بسيطة جداً حاول تجربها لكسر الحاجز بينك وبين الناس واللي بتستمر بتنبنيه معتقداً أنك باختيار الصعب هايخلي الناس تلتفت إليك، مع أنك لو صرت كما أنت واثق في نفسك وتحاول أسعادها وتحقيق ما تريده أنت ستجد الناس اقتربوا منك تلقائياً ووثقوا فيك بلا جهد، جرب بس ومش هاتخسر بل هاتكسب نفسك قبل الناس كلها ...

أقبل مني كل احترام وتقدير لشخصك المحبوب
يا أروع أخ حلو، النعمة معك

رد مع إقتباس
بياناتي
 رقم المشاركة : ( 5 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: جيد ان تكون غائبا حاضرا علي ان تكون حاضر غائب

كُتب : [ 11-23-2011 - 11:36 AM ]


عزيزى صاحب السؤال
انا عاوزة اقولك حاجة بس الاول عاوزاك تعرف حاجة مهمة جدا
انى مش بكلمك كلام نظرى اد ما هو احساس معاك بمشكلتك
الثقة بالنفس اول طريقك
عارف انت فكرتنى بحاجة حلوة - كنا صغيرين فى اجتماع اعدادى - وكان عندنا خادم نفسة يعلمنا الثقة بالنفس فكان يقولنا قول لنفسك قبل بدء اى عمل انا شاطر انا مبدع - كنا بنقولها باللسان بس بعدم ثقة - لكن مع مرور الوقت تحولت لحقيقة ملومسة وطلع مننا مواهب عجيبة صدقنى
عزيزى واخى الغالى
النقص دة ربنا بيعوضة بحاجات تانية كتير - انا واثقة ومتأكدة ان ربنا مديك مواهب تانية انا معرفهاش بس عارفة انها موجودة دى حكمة ربنا - ولعلمك بقى اصحاب المشاكل الجسمانية دى بكل انواعها ودرجاتها - هما اللى بيبقى ليهم بصمات جميلة فى قلوب الناس لانهم بيحسوا من مواهبهم وعملهم ومحبتهم والخير اللى بيقدموة للناس ان دة عمل اللة فيهم ومن خلالهم
عارف فى مرة سالنا أب - مين اكثر ابن فى ولادك بتحبة
رد وقال : اكثر واحد بحبة فى ولادى المريض لحد ما يشفى والغايب لحد ما يرجع والجعان لحد ما يشبع والبردان لحد ما يدفئ
فمبالك من الاب السماوى بقى - هيرد يقول اية ؟؟
مشاعرك دى انا عارفاها ومجرباها ومقدراها - وبقولك انها طبيعى بس اوعى تخليها تتغلب عليك او تأخدك لدايرة احزان - الحزن هيأخدك لبعيد اوى
الحزن عامل زى الجراد بيأكل كل حاجة حلوة فى حياتنا
بص لو انت بتسمع اى سخرية من احد بتجرحك بسبب مشكلتك ولو ان اعتقد ان دة احتمال بعيد جدا جدا بس لو فرضنا - حاول تخجلة انت بالمحبة
بالحب تقدر تكسب كل القلوب صدقنى متزعلش ومتأخدش ركن وتبقى انطوائى - لان انطوائك دة هيخلى الناس تتعامل معاك بشفقة ودة هيضايقك اكثر واكثر
حاول تكتشف مواهبك زى ما قالك استاذ ايمن واثتمرها لمجد اسم الرب يسوع
ومتحطش فى دماغك ان الناس واخدة بالها من مشكلتك - علشان تعرف تنساها وتقبلها - اقبل نفسك زى ما هى وحبها زى ما هى علشان تعرف تحب الناس اللى حواليك - ابدأ بالراحة واحدة واحدة مع اقرب الناس ليك
ولو فرضنا مثلا على اسؤ فرض حد طلب منك اعادة الكلام ابتسم الاول وقولهم حاضر بكل رضى وابتسامة علشان لو اللى قدامك حس انك متضايق - هيكون فى رد فعل هيضايقك بردوا
لكن ابتسامتك هتريحك انت وفى نفس الوقت هتخلى اللى قدامك يركز اوى علشان يفهم كلامك

متزعلش من مشكلتك واؤكد لك صدقنى مفيش حد معندوش مشكلة تعباة الى حد الما ابدا ابدا
مفيش حد كامل غير ربنا بس - ومفيش حد ربنا بيديلة صليب اكبر من طاقتة ومقدروتة - يعنى انت حقيقى عاوز تتغير هتتغير - الارادة والعزيمة تعمل منك معجزات


رد مع إقتباس
بياناتي
 رقم المشاركة : ( 6 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,320
عدد النقاط : 81

elphilasouf غير متواجد حالياً

افتراضي رد: جيد ان تكون غائبا حاضرا علي ان تكون حاضر غائب

كُتب : [ 11-23-2011 - 06:16 PM ]


يابني المثل بيقولك أسأل مجرب ولا تسألش طبيب
ههههههههههههههه

أنا تقريبا كان عندي نفس مشكلتك
يعني تهتهه في الكلام - إحساس بالعزله أو الإنطوائيه - عدم إدراك مواهبي - وسبحان الله أنا في الجيش دلوقتي :d

بس أنا كمان عاوز اضيف أسباب تانيه يمكن تكون صح
مثلا : ممكن تكون مش ليك أنشطه بتمارسها داخل الكنيسه فمش ليك علاقه مع الناس بشكل أكبر شويه
مع إنك بتقول إنك بتخدم .... لكن ملكش تفاعل ونقاشات مع الناس أو حتي تسأل عليهم ومعاك تليفوناتهم وهكذا ....

أرجع بقي واقولك عن مشكلتي أنا كمان ======
أنا كمان في فتره كده وانا لسا مش كبرت أوي
كنت بحس إني وحيد ومنطوي و كنت مشكله التهتهه دي بتدعم الحكايه دي
لكن بالمشاركه في إنشطه في الكنيسه أو حتي تبع الكليه أو الشغل و في تحدي لنفسي
بقيت خادم متكلم وبقف قدام الناس واتكلم واشرح درس ما و في ناس بتقولي شرح كويس برافو عليك ....... ربنا اللي بيدي النعمه دي وبيساعدك لو أنت صبور وبتتدرب كويس
وانت بتقول إنك بتعمل حاجات غصب عنك صعبه عشان تثبت للناس إنك موهوب
حاول تستغل الطاقه دي في إكتشاف مواهبك وميولك
شوف انت بتحب ايه ؟ و شاطر في ايه و كتر منه :d

وصدقني يمكن في الاول كنت بتضايق وبكتأب لما حد يعلق عليا بهزار
بس دلوقتي أنا اللي بهزر وبتريق علي نفسي وبنموت ضحك عليا
ههههههههههههههه

ومن خلال المنتدي هنا ، حاول تسجل معانا وتشارك هتلاقي جو دافئ وكويس و مخصوص لو ليك مواهب في الكتابه مثلا أو حاجه مشابهه


رد مع إقتباس
بياناتي
 رقم المشاركة : ( 7 )
غير مسجل
Guest
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :

افتراضي رد: جيد ان تكون غائبا حاضرا علي ان تكون حاضر غائب

كُتب : [ 08-11-2012 - 12:22 PM ]


اهلا بيكم من تاني .........اسف للتاخير مده طويله لكن ده بسبب ان حظي في الجيش ان اجازتي تقريبا شبه معدومه لكن ربنا يهون وقربت اخلص ............
نرجع تاني للمشكله .......نفس القصه بتحصل معايا في الجيش ...القائد بتاعي مبيثقش بيا في اي حاجه خالص او اني اقدر اعمل حاجه

ثانيا بانسبه لمواهبي اكتشفها ازاي ......انا مثلا بحب بعشق القراءه في مختلف المجالات وعندي كتب كتير لكن مش بحب الكتابه
............برده بحب الموسيقي لكن مش بحب العزف
حتي لما بقعد علي الكمبيوتر بيكون غرضي الترفيه مثلا اسمع افلام ...العب جيمز لكن معنديش خلق اتعلم برامج او استفيد منه او ما شابه .......؟؟؟؟؟؟؟؟؟؟
معلش الحوار بيطول لكن فعلا عاوز اتغير واحس اني شخص طبيعي زي بقيه الناس


رد مع إقتباس

اضافة رد

مواقع النشر (المفضلة)

الكلمات الدلالية (Tags)
.

اعلانات

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
السنكسار اليومي ماروجيرافك سير القديسين 473 03-13-2013 07:01 PM
تاريخ البطاركة في الكنيسة القبطية(ارجو التثبيت) mina emad ghali سير القديسين 2 04-15-2010 02:59 PM


الساعة الآن 01:14 PM.