طبعا مافيش شرط وﻻ حاجة
بس هو مجرد عنوان جذاب ...
الحب مش عيب صح ... اكيد صح لو كان فى اطار صحيح ومش هيضر وهيخل باى مبدأ من مبادئنا الشرقية
والحب عندنا فى بلادنا الشرقية لية نهاية واحدة بس " الزواج "
الكل متهيالى يتفق معايا على كدة ..؟؟؟
اكيد ...
مشكلتى باختصار ..
انى بحب وهى كمان بتحبنى
لكن هى اكبر منى بسنين كتيرة حوالى 9
ونفسى اتجوزها وهى كمان
بس المجتمع ممكن يرفض
احنا لسة ماعرفناش حد
فية لغة تواصل بينا عالية جدا
لدرجة انى بعرف هى عايزة اية من قبل ماتقول او حتى تبين
وهى كمان
فاهمين بعض بدرجة كبيرة
عارف هى بتحب اية وعارفة انا بحب اية
رفضت ناس اتقدمولها كتير مش بسببى بس بسبب انها مش بتفهمهم ومش مسريحهالهم
عايز رايكم

المصدر: †† ارثوذكس †† - من قسم: حوار من الاعماق

[elshbah]

السلام والنعمة

ثانيا اخى العزيز فرق السن مشكلة ايضا وهى بتحتضر بعد الزواج
مش قبل اما المرحلة اللى بتتكلم فيها دى مرحلة مرهقة طيش الحب واخدك بس انت كدا بتظلم نفسك معاها سيبها وشوف ربنا هيخترلك اية يمكن ربنا شيفلك انسانة تليق بسنك وبيك وسيبها هيا كمان
متعلقهاش بيك اكتر من كدا علشان متظلمهاش معاك مش كل حاجة
التوافق فى المعملات لاكن لازم تطلب ربنا فى امر زى دة
بس من رأى عموما تبعد عنها

ربنا يبركك ويعوضك خير

[new.marina]

ممممممممممممممممم

هو لو كان العكس كان يبقى ممكن بس الاول انت كام سنه وهى كام



وكمان البنت عقلها بيكون اكبر من الولد بستنين شوف الفرق كام سنه




وكمان اكيد اهلك واهلها مش هيوافقه رائى قول لاب اعترافك وشوفه هيقولك ايه

[samerco75]

حبيب قلب يسوع الغاااالى
فيه حاجات كتير مش واضحة فى رسالتك...
انت بشتغل ايه وهى بشتغل ايه؟
عندك شقة؟اهلك موافقين؟اب اعترافك عارف؟ وانت بتصلى عرضت الموضوع دة على ربنا؟ انت بتقابلها فين وتعرفها ازاى.........................
حبيب قلب يسوع بيحبك ومجهز ليك انسانة حلوة خالص على قدك تفهمك وتقدرك وتحبك فلا تتعجل لان موضوعك أشتم فيه رائحة التسرع الشديد
البنت يا اخى بتكبر بسرعة الراجل بيدور على واحدة اقل منه فى السن قدر الامكان!!
يعنى حضرتك لما توصل 30 سنة هى يبقى عندها 40 انت تدخل دونيا وهى تخرج منها!!!!!! انا اسف طبعا كل شىء بيد ربنا لكن لازم نفهم العقل.
فى الوقت المناسب يبعت لك ربنا الانسان المناسب
واحذر جدا انك تعرقل باى شكل من الاشكال ارتباط اختك هذة بالانسان الذى يرسله لها ربنا
توب يا اخى دة الى مابيتوبش خااالص اليومين دول بتوع التوبة...
يا رب ارحمنى
اعطنى يا رب ان احبك واسلم لك حياتى واطمئن تماما انك تدبر حياتى باحسن حال
ولا تتركنى اعبث بحياتى بجهل فاخسر ما تعده لى
يا رب ساعدنى
امين

[فرح®]

المشاركة الأصلية كتبت بواسطة غير مسجل الحب مش عيب صح ... اكيد صح لو كان فى اطار صحيح ومش هيضر وهيخل باى مبدأ من مبادئنا الشرقية والحب عندنا فى بلادنا الشرقية لية نهاية واحدة بس " الزواج " الكل متهيالى يتفق معايا على كدة ..؟؟؟ اكيد ... مشكلتى باختصار .. انى بحب وهى كمان بتحبنى لكن هى اكبر منى بسنين كتيرة حوالى 9 ونفسى اتجوزها وهى كمان بس المجتمع ممكن يرفض احنا لسة ماعرفناش حد آسفة ما فهمت معنى العبارة دي أرجو التوضيح فية لغة تواصل بينا عالية جدا لدرجة انى بعرف هى عايزة اية من قبل ماتقول او حتى تبين وهى كمان فاهمين بعض بدرجة كبيرة عارف هى بتحب اية وعارفة انا بحب اية رفضت ناس اتقدمولها كتير مش بسببى بس بسبب انها مش بتفهمهم ومش مسريحهالهم عايز رايكم

أخي الغالي ..
أكيد الحب موش عيب أبدا فهو هبة ربانية لكن الحكمة تقول الحب عاطفة وعقل
أنا مع حبكما مش ضده ...
1- بس المنطق يقول أن المرأة فيزيولوجيا تختلف عن الرجل يعني هي أكبر من حضرتك

اسمع ..المرأة يظهر عليها علامات الكبر في السن قبل الرجل لانها تواجه تغيرات جسدية مختلفة ..الإنجاب و غيرهااا ..

2-أخي بالنسبة الى موضوع التفاهم ..التفاهم لا يكفي فقط لبناء علاقة صحية ..انا أنثى وبخبرك شي كتير مهم ..لا يمكن للرجل ابدا ان يفهم ما تريده المرأة و العكس صحيح ..الموضوع ممكن أن يكون موضوع تقارب أفكار بينكما
3-حضرتك ذكرت أنها ترفض الزواج فقط لأنها لا ترى في المتقدمين إليها الإنسان الذي يفهمها
بس سؤال لو أتى عريس يفهمها هي من الممكن أن تتركك ...؟؟!!! ما موقفك حينهااا

أخي الغالي ..أنا مقدرة مشاعرك الغالية و أحترمهاا جدااا ..بس الواقع مختلف صدقني ..
سامحني العلاقة بينكما غير متكافئة ولك حرية الاختيار ..
خاصة أن العبارة التالية من كلامك أقلقتني

رفضت ناس اتقدمولها كتير مش بسببى بس بسبب انها مش بتفهمهم ومش مسريحهالهم

ربنا يعمل الصالح

[هشام المهندس]

..........بس المجتمع ممكن يرفض .........

لا اعتقد ان المجتمع ممكن يرفض الارتباط لكنه ممكن يرفض استمرار علاقه بدون ارتباط واضح

الحكم للحياة يا اخي ولتجاربها وانت لاتخاف المجتمع بل خوفك الحقيقي من الفشل في حال الارتباط ومستقبله
وليس عندي شك انك متاكد من ذلك وتعرف الاجابه واكيد لن ينصحك احد بالاستمرار