[انغام الملك داود]

انا عايزة حد يساعدني في تعليم الشعر الموهبة موجودة عندي منذ 5 سنوات بدات تاليف الشعر وكبرت فيه وبدات تاليف اشعار كبيرة ولكن اريد تعلم اصل الشعر لاكبر فيه لايوجد في قرانا البسيطة كتب للشعر ولا مدربين ولا شي وانا اجاهد وحدي واشعر اني ابتديت افقد موهبتي حد يساعدني ويعلمني اي حد يكتبلي اي حاجة عن الشعر ارجوكم

انا سارسل اشعاري ومؤلفاتي لتقيموها

وسلام المسيح لكم

المصدر: †† ارثوذكس †† - من قسم: القسم الادبي

[emmmy]

بصى يا انغام اولا طبعا اهلا بيكى معانا فى المنتدى حقيقى منورة وخصوصا القسم الادبى
بس عايزة اقولك مجرد راى الشعر مش بنتعلمة الشعر احساس اكتر منة كلمات منسقة ومرتبة يعنى انتى ممكن تكتبى كلام جميل بس مفهوش احساس بمعنى اكتبى اللى جواكى اكتبى اللى انتى حاسة بية صرف النظر عن القواعد والاصول اللى بتتكلمى عنها بردوا بيكون جميل مدام بيوصل حاجة ومدام حسيتى بية صديقنى انا حاولت اكتب ولقيت نفسى بكتب لمجرد انى لقيت التشجيع من اللى حواليا
ومع ذلك انا بحترم رغبتك فى تعليم اصول الشعر وقواعدة طبعا واستنى لما يجى كير رافت مسئول القسم هيجاوبك احسن منى
متنسيش تنقلى لنا كل الشعر اللى كتبتية
ومتنسيش وعدك تصلى من اجلى العمر كلة
ربنا معاكى

[bisho03]

الموضوع جميل
بس محتاج تعب شوية
بصى
أولا الشعر بحور وان واشكال وانواع
فيه العربى الفصيح
وفيه العامى اللى ليه بحور وموازين
وفيه الشعر الحديث
اللى بيتكون من فقرات متتاليه بس برضه بنسق ونظام
الاحساس عامل اساسى فى الموضوع
لكن البحر والميزان لما بينسجموا مع الاحساس
بيدى شعور بالنشوة للمستمع
بيحسسه بأنه نفسه يقول .... الللله بيجيبو الكلام ده منين

عموما
الموضوع ده ممكن يسهل عليكى
واتمنى لو فيه اى استفسارات
أقدر أساعد بيها
l
l
/\

عند ارثوذوكسى وبس تعالى نتعلم سوا ازاى نكتب ترانيم

[maiky1010]

ربنا معاكى ا انغام

[kamel]

أولاً أهلا بكِ منورة القسم الأدبى

إذا كنت تريد أن تكون شاعرا:
يجب أن تتأكد من توافر صفات معينة فيك:
* الموهبة:
وهي كما يعرف الجميع شيء لا يشترى ولا يباع ولا يستبدل ! تعرف إنه عندك عندما يتحرك لسانك أو قلمك بالشعر دون سابق نية لذلك، لا بأن تجلس عامدا أمام الأوراق بغرض الكتابة.. قد تجلس عامدا فيما بعد، لكن خطوة "اللا إرادية" الأولى يجب أن تأت أولا، وبها تتأكد أن لديك موهبة تصلح فيما بعد أن تكتب بها عن سبق نية.

* الذوق الأدبي:
وهو ببساطة أن تعرف الشعر الجيد من الرديء حين تقرأه، وأن تشعر أن هذه القصيدة التي تقرأها قد أضافت لك شيئا ما -أي شيء سواء كان متصلا بقدرتك على الكتابة أو بحياتك أو معان جديدة.. إلخ- عندما قرأتها.. هو شيء نصفه فطري ونصفه يعتمد على قراءاتك لكل ما تستطيع قراءته من أشكال الشعر، وعندما تعرف الجيد من الرديء

إذا فعلت كل هذا -فيما أرى- فيصح إذن أن نسميك "شاعرا".. أما "شاعرا جيدا" أو "متوسطا" أو غير ذلك فهذا يحدده حجم موهبتك واستفادتك مما درست أو قرأت.
------------

* اقرأ شعرك بصوت عال:
وهذا تفعله سواء كنت دارسا للعروض أم لا.. إذا كنت دارسا لها فقطع القصيدة وزنها ثم أقرأ بصوت عال وإن لم تكن فأقرأ بصوت عال مباشرة، وفي الحالتين إن شعرت أن لسانك يقف أو يتثاقل وأنت تقرأ فاعرف أن هناك موضعا للخلل، فاصلحه ثم أعد القراءة، فليس عيبا أن تعدل في القصيدة لأي سبب.. تذكر أن "زهير بن أبي سلمى" كان يكتب القصيدة فيعمل فيها تعديلا وتصحيحا لمدة عام كامل ثم يخرجها إلى الناس !

* أعد قراءة القصيدة كأنها لغيرك:
هنا يأتي دور "الذوق الأدبي" الذي يلزمك كما قلت لتصبح شاعرا، فضع القصيدة أمامك كأنك لم تقرأها من قبل، واقرأها كما تقرأ قصائد غيرك وحكم فيها ذوقك.

* مع تمنياتى بالتوفيق

[كيرو رافت]

بصى يا قمر انا خبراتى محدوده فى كيفيه كتابه الشعر بالاوزان والقافيه
وكمان بحور الشعر
لكن انا جيبت لك بعض اللينكات اللى تخص الموضوع ده
وبتمنى انهم يفيدوكى

https://www.orsozox.com/forums/f34/t24209/

https://www.orsozox.com/forums/f34/t24315/

https://www.orsozox.com/forums/f34/t24314/

https://www.orsozox.com/forums/f91/t23926/

https://www.orsozox.com/forums/f34/t24215/

[انغام الملك داود]

شكرا لكم جدا ربنا معاكم ويوفقكم وانا هاصلليلكم ذي ماوعدت

[مينا اوحنا]

سلام ونعمة ومحبة ربنا يسوع المسيح للجميع
اختى انغام بصى لازم نفرق بين الخواطر الشعرية والتى اذا اضفنا لها النظم والتنسيق وبعض الامور اصبحت شعرا
بمعنى ان الشعر هو تجربة قد نعيشها او نراها او نتخيلها فكلها تحرك مشاعرنا ليمسك القلم ويكتب ويعبر عما بداخله
الشعر سواء عامى او فصحى له اورزان وقافية بمعنى نهاية البيت بنفس الوزن كمثال نقول الشجرة والخضرة والصحرا البقرة العبرة الظفرا بمعنى النصر وهكذا يا انغام وكذلك مساواة الشطرة لبعضها اى عدد كلمات الشطر الواحد
كمان يا انغام متكونشى الكلمة مكررة المعنى فى الشطر مجرد الوزن دا بيسموه ضعف وركاكة وكمان المفردات تكون جميلة وقوية والخيال او التشبيهات الجمالية هو اللى بيفرق شاعر عن اخر يعنى لما نجيب تشبيه جديد ونبتكر بدالة احاسيسنا ولا عيب فى اننا نطلع ونكون تشبيهات جديدة وناخد تشبيهات من الأشعار بس ليست نسخة كربونية
كمان ممكن القصيدة تحتوى على اكثر من قافية بس مش بيتين تلاتة ونغير القافية لا طبعا ولكن بعد عدد من الأبيات يكون مناسب لطول القصيدة
كمان يا انغام مينفعش نكرر كلمة انهينا بيها البيت إلا بعد سبعة ابيات اى يجوز تكرارها بعد سبعة ابيات من استخدامها عشان القصيدة متكونشى ضعيفة
بعدين فى الاستهلال ودا من مقومات القصيدة اللى ممكن تشد القارىء او السامع
فى بناء القصيدة نفسها اة تكون صحيحة البناء فى المعنى ككل حيث مراد اى قصيدة ان توصل صورة حسية معينة
فى بقى انواع الشعر نفسه غزل ومنه صريح وعفيف وفى رثاء وفى مدح وفى وفى ووووووو الى اخره
وفى الشعر ذات البحور المفتوحة وهو دا الحديث الذى لا يتقيد كثيرا بالوزن والقافية
وبعدين لو حابة شعر يا انغام اقرى وخلى عينك دقيقة يعنى تعرفى تقولى حلو او ردىء تعرفى تطلعى اركان القوة واركان الضعف فى القصيدة
اخيرا هقولك حبى اللغة العربية اقرى فى الأنجيل كثير وخاصة المزامير والنشيد وامثال وانتى هتحسى بالشعر الجميل والتشبيهات الرائعة
واسف للإطالة بس دى قشور القشور الشعر بحوره غويطة وبالإضافة الى انه موهبة فهو صنعة وحرفة ممكن نوظفها
يعنى فيما بعد ممكن يطلب منك قصيدة فى شىء معين اذا كنتى تمتلكين الموهبة تستطيعين ان تكتبى عن اى شىء
وكمان خدى بالك من ان الفكرة هى التى تصنع القصيدة
يعنى اقول عايز اكتب عن
يووووووووه يا انغام كدا مش هنخلص كلام وانا طولت على الناس
سلام
اخوكم مينا حنا

[the daughter of the king]

طب ينفع تصلىلى اوىىىىىىىى
من غير ماقلك حاجه عن الشعر بس حقيقى
انا معرفش عنه اى حاجه ومش بكتب
بس ممكن اقلك رائى فى اشعارك وكتابتك لانى بحبه وبقرأ اشعار وكتابات كتير بس مش عندى الموهبه
بس محتاجه صلاتك اوىىىىى وصلاه كل حد هنا
ممكن ؟؟؟؟؟؟؟؟؟؟